காணொளி: 'இரான் அச்சுறுத்தல்' - ரகசியமாக விமானம் மாறினாரா டிரம்ப்?

அமெரிக்க அதிபர் டொனால்ட் டிரம்ப் கடந்த மாதம் துருக்கியில் நடந்த நேட்டோ உச்சி மாநாட்டை முடித்துக்கொண்டு திரும்பும்போது, இரான் அச்சுறுத்தல் காரணமாக ரகசியமாக விமானத்தை மாற்றியதாக வாஷிங்டன் போஸ்ட் செய்தி வெளியிட்டுள்ளது.

அந்த செய்தியின்படி, அமெரிக்க அதிபர் முதலில் ஏர் ஃபோர்ஸ் ஒன் விமானத்தில் ஏறினார். பின்னர் ஒரு உணவு ஏற்றி செல்லும் வாகன உதவியுடன் அவர் ராணுவ விமானத்துக்கு மாற்றப்பட்டார்.

விமானத்தில் இருந்த செய்தியாளர்களுக்கும், சில வெள்ளை மாளிகை பணியாளர்களுக்கும் அவர் ரகசியமாக மாற்றப்பட்டது தெரியாது. விமானத்தின் மீது ஏவுகணை தாக்குதல் நடத்த இரான் திட்டமிட்டதை அமெரிக்கா கண்டறிந்ததாக அதிகாரிகள் பிபிசியின் அமெரிக்க கூட்டாளியான சிபிஎஸ் நியூஸிடம் தெரிவித்தனர்.

- இது, பிபிசிக்காக கலெக்டிவ் நியூஸ்ரூம் வெளியீடு