Hii ni tovuti ya maandishi pekee ambayo inatumia data kidogo. Tazama toleo kuu la tovuti likijumuisha picha na video zote.
Pata maelezo zaidi kuhusu toleo hili la linalotumia kiasi kidogo cha data
Wanamgambo hao walianzisha mashambulizi yao ya hivi punde huku idadi ya vifo vya Israel ikifikia 1,000 na mashambulizi yake ya kulipiza kisasi dhidi ya Gaza yakiendelea.
Ambia Hirsi and Yusuf Jumah
Jeshi la Israel limebadilisha ushauri wake kwa Wapalestina wanaotaka kuondoka Gaza.
Hapo awali ilisema watu wanapaswa kuondoka kwa kutumia kivuko kimoja kinachodhibitiwa na Misri.
Sasa inasema kwamba kuvuka kumefungwa.
Jeshi la Israel linasema miili 1,500 ya wanamgambo wa Hamas imepatikana nchini Israel na karibu na Ukanda wa Gaza.
Msemaji wa kimataifa wa jeshi la Israel Kanali Richard Hecht aliongeza kuwa uhamishaji wa jumuiya zote za Israel karibu na Ukanda wa Gaza ulikuwa karibu kukamilika.
Wagombea 19 wanatumai kuchukua nafasi ya aliyemaliza muda wake, nyota wa zamani wa soka George Weah, ambaye anawania muhula wa pili.
Wapinzani wakuu wawili ni makamu wa rais wa zamani Joseph Boakai na mfanyabiashara Alexander Cummings.
Wote walikuwa katika muungano wa vyama vya upinzani lakini muungano huo ulivunjika baada ya kutofautiana kuhusu nani anayefaa kugombea urais.
Licha ya maendeleo kadhaa katika suala la elimu na usambazaji wa umeme, wakosoaji wanasema kumekuwa na ufisadi mkubwa wakati wa Bw Weah mamlakani.
Anaahidi kujenga barabara mpya, suala muhimu linalokuja wakati unaofaa wakati wa uchaguzi katika msimu wa mvua wakati sehemu kubwa ya barabara za kuelekea mji mkuu Monrovia zikiwa hazipitiki.
Bw,Weah aliingia mamlakani mwaka wa 2017 alipoungwa mkono na watu wengi baada ya majaribio mawili ya hapo ya awali yakuwania kiti cha urais bila mafanikio.
Unaweza pia kusoma:
Algeria imetangaza kusitisha juhudi zake za kupatanisha mgogoro wa kisiasa nchini Niger kufuatia mapinduzi ya mwezi Julai.
Wizara yake ya mambo ya nje ilisema katika taarifa yake Jumatatu kwamba matamko kutoka kwa mamlaka ya Niger yameibua "maswali halali kuhusu nia yao ya kweli ya kufuata kukubali kwao upatanishi wa Algeria".
Sasa imesimamisha mchakato huo ikisubiri kujitolea kutoka kwa junta kuendelea na upatanishi.
Mwezi uliopita, Niger ilikubali pendekezo la Algeria la kuwa mpatanishi katika mgogoro wake wa kisiasa unaolenga kuirejesha nchi hiyo katika utawala wa kikatiba.
Mwezi Agosti, Algeria ilipendekeza kipindi cha mpito cha miezi sita kikiongozwa na mamlaka ya kiraia.
Lakini mkuu wa junta, Jenerali Abdourahamane Tchiani, ambaye alichukua mamlaka mwezi Julai, alitaka kipindi cha mpito cha miaka mitatu.
Algeria pia ilipinga suluhu la kijeshi kwa mzozo wa Niger kufuatia vitisho vya Ecowas kuhusu uwezekano wa kuingilia kijeshi kurejesha demokrasia.
Rais wa Nigeria Bola Tinubu, ambaye pia ni mwenyekiti wa shirikisho hilo la kikanda alikafiki mchakato wa upatanishi, lakini uamuzi huu wa Algeria utavuruga zaidi juhudi za kutatua mzozo wa kisiasa nchini Niger.
Siku ya Jumamosi wanamgambo wa Kipalestina walivamia tamasha la muziki la Supernova nchini Israel na kufyatua risasi kama sehemu ya shambulio kubwa la kushtukiza dhidi ya Israel.
Picha za video zilizorekodiwa kutoka eneo hilo siku iliyofuata zinaonyesha ukubwa wa shambulio hilo, huku mabaki ya gari yakizunguka barabara, baadhi yakipinduka na mengine kuungua kabisa...Soma zaidi kuhusu shambulio la tamasha la muziki Israel
Katika dakika chache zilizopita, tumesikia kutoka kwa msemaji wa Baraza la Usalama la Kitaifa la White House, John Kirby.
Kirby anasema serikali ya Marekani haina nia ya kupeleka wanajeshi Israel, lakini italinda maslahi ya Marekani katika eneo hilo.
Anasema maombi zaidi ya usalama yanatarajiwa kutoka Israel, ambayo Marekani itajaribu kutimiza haraka iwezekanavyo.
Kirby pia anasema "hakuna swali kwamba kuna kiwango fulani cha ushirikiano" na Iran katika kuunga mkono Hamas, Marekani haijaona ushahidi kwamba Iran ilihusika moja kwa moja.
Ripoti katika gazeti la Wall Street Journal inadai kuwa Iran ilishiriki katika kusaidia Hamas kujiandaa kwa shambulio hilo la kushtukiza.
BBC imezungumza na Doron Kempel, naibu mkuu wa zamani wa Sayeret Matkal - kitengo cha makomando wasomi wa Israeli.
Bw Kempel, amesema: "Changamoto ni jinsi ya kujua vya kutosha kuhusu mateka walipo na jinsi ya kuratibu shambulio hilo ili kwamba wakati mmoja unaweza kuingia popote wanapozuiliwa na kuokoa wengi wao iwezekanavyo," ameiambia BBC.
Ameongeza kusema kuwa kuwa kinachochanganya hali hiyo ni mateka hawako ndani ya maeneo ya udhibiti wa Israel.
Shirika la Habari la Reuters linaripoti kuwa juhudi zinaendelea kwa Rais wa Palestina Mahmoud Abbas kuzuru Moscow, likinukuu chombo cha habari cha RBC cha Urusi.
Uongozi wa Palestina umegawanyika kati ya Mamlaka ya Palestina ya Bw Abbas (PA), ambayo inadhibiti sehemu za Ukingo wa Magharibi, na kundi la wanamgambo, Hamas, ambalo linatawala Gaza.
"Makubaliano yamefikiwa kwamba Bw Abbas atakuja hapa Moscow," Abdel Hafiz, mjumbe wa Palestina mjini Moscow anaripotiwa kusema.
"Tunasubiri taarifa rasmi kutoka Kremlin... kuhusu ni lini ziara hiyo itafanyika," anaongeza.
Unaweza pia kusoma:
Marekani imeanza kutuma silaha na zana za kijeshi kwa Israel na inahamisha meli za kivita za jeshi la wanamaji na ndege za kivita katika eneo hilo ili kuonyesha uungaji mkono.
Meli hizo tayari zilikuwa katika Bahari ya Mediterania, kwa hiyo hazikuwa na safari ndefu ya Kwenda Israel. Na sio kawaida kwa Amerika kupeleka meli za wanamaji katika eneo hilo wakati kuna milipuko.
Haijafanya hivyo wakati wa vita vya awali kati ya Hamas na Israel, ambayo yamekuwa ya kujitegemea. Lakini hii sio kuhusu Hamas. Pentagon ina wasiwasi kwamba mzozo unaweza kuenea.
Afisa mkuu wa ulinzi alisema meli hizo za kivita na ndege zimekusudiwa kuonyesha dhamira thabiti kwa ulinzi wa Israel, na kuizuia nchi yoyote au kundi la wanamgambo kujiunga na vita.
Kauli hiyo inailenga hasa Iran, ambayo inaunga mkono vuguvugu lenye nguvu la Hizbollah la Lebanon, pamoja na Hamas.
Marekani itakuwa sehemu ya jibu la muda mrefu na lla kuiadhibu la Israel, ingawa msemaji wa Baraza la Usalama la Taifa John Kirby alisema hakuna nia ya kuweka jeshi la Marekani nkatika ardhi ya Israel.
Unaweza pia kusoma:
Msemaji wa wapiganaji wa Hamas amesema wataanza kuwaua mateka wanaowashikilia katika Ukanda wa Gaza iwapo Israel itaendelea kulipua makazi ya raia.
Waziri wa mambo ya nje wa Israel amethibitisha zaidi ya watu mia moja walichukuliwa mateka.
Kundi hilo la wapiganaji wa Kiislamu ya lilitishia kumuua mateka wa Israel kila mara Israel inaposhambulia kwa mabomu nyumba ya Wapalestina bila ya onyo, huku Israel ikiwaita askari wa akiba 300,000 ambao hawakuwahi kushuhudiwa na kuweka vizuizi katika Ukanda wa Gaza, na kuzusha hofu ilipanga shambulio la ardhini.
Ghasia hizo, ambazo zimegharimu maisha ya zaidi ya watu 1,500, zimesababisha miito ya kimataifa ya kuiunga mkono Israel baada ya shambulio baya la mwishoni mwa juma lililofanywa na Hamas, na kuomba kukomeshwa kwa mapigano na ulinzi wa raia.
Taarifa kadhaa za televisheni za Israel zilisema idadi ya vifo kutokana na shambulio la Hamas imepanda hadi Waisraeli 900, huku takriban 2,600 wakijeruhiwa, na makumi kadhaa wakichukuliwa mateka.
Miongoni mwa waliouawa Israel ni 260 wengi wao wakiwa vijana waliopigwa risasi kwenye tamasha la muziki wa jangwani, ambapo baadhi ya mateka walitekwa nyara.
Waziri Mkuu wa Israel Benjamin Netanyahu aliapa kulipiza kisasi katika hotuba yake kali akiwashutumu Hamas kwa kuwanyonga watoto waliokuwa wamefungwa na ukatili mwingine. "Adui huyu mbaya alitaka vita na atapata vita," alisema.
Unaweza pia kusoma: