BBC News, Swahili
Ruka hadi maelezo

Hii ni tovuti ya maandishi pekee ambayo inatumia data kidogo. Tazama toleo kuu la tovuti likijumuisha picha na video zote.

Bofya kuelekea tovuti kuu

Pata maelezo zaidi kuhusu toleo hili la linalotumia kiasi kidogo cha data

Ofisi ya Bobi Wine yavamiwa Uganda

Ofisi ya chama cha mgombea wa Urais nchini Robert Kyagulanyi, al maarufu Bobi imevamiwa na makumi ya wanajeshi wenye silaha pamoja na maafisa wa polisi.

Moja kwa moja

Dinah Gahamanyi

  1. Na mpaka hapo ndio tunafikia mwisho wa matangazo yetu ya moja kwa moja wa leo, tukutane tena hapo kesho.

  2. Je nini kilichomkera Kim Jong-un wakati wa hotuba?

    Kiongozi wa Korea Kaskazini Kim Jong-un alijawa na hisia chungu nzima wakati wa hotuba katika hafla ya gwaride la kijeshi wikendi iliopita.https://bbc.com.im/swahili/habari-54534724%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

    Wakuu wa shule Kenya watahadharishwa dhidi ya kuwanyunyizia 'dawa' wanafunzi

    Wizara ya afya nchini Kenya imewatahadharisha viongozi wa shule dhidi ya kuwanyungizia wanafunzi dawa za kuua vijidudu kama sehemu ya hatua za kukabiliana na virusi vya corona.

    Wanafunzi wanaojiandaa kwa mitihani ya kitaifa katika shule za msingi na upili(sekondari) walirejea shuleni Jumatatu kwa masomo baada ya kukatiza masomo miezi takriban saba kufuatia mlipuko wa Covid-19.

    Video inayoonesha wasichana wa shule waliojipanga msururu kwa ajili ya kunyunyiziwa dawa iliyotumwa kwenye mtandao wa kijamii wa Twitter wa gazeti nchini humo iliibua hasira.

    Afisa wa utawala katika wizara ya afya Rashid Aman, amesema kuwa kemikali iliyotumiwa haifai kwa binadamu. Amesema, wizara itaagiza shule kuacha kuwanyungizia dawa wanafunzi.

    Miongozo ya Shirika la afya duniani haishauri kuwanyunyizia watu dawa kwani unyunyiziaji huo unaweza kuwasababishia madhara ya kiafya.

    Hii ndio video iiyosambazwa mtandaoni:

  3. Ofisi ya Bobi Wine yavamiwa

    Ofisi ya chama cha mgombea wa Urais nchini Uganda Robert Kyagulanyi, al maarufu Bobi imevamiwa na makumi ya wanajeshi wenye silaha pamoja na maafisa wa polisi.

    Nyaraka zimeripotiwa kuchukuliwa kutoka kwenye ofisi pamoja na kofia yenye muundo wa kijeshi na magwanda vimechukuliwa. Kamera za CCTV pia zimechukuliwa.

    Mmoja wa washauri wa Bobi meiambia BBC kuwa maafisa hawakuwasilisha kibali walipokua wakiingia kukusanya nyaraka na mavazi.

    Msemaji wa polisi nchini Uganda Fred Enanga ameiambia BBC, ‘tunafanya operesheni juu ya utumiaji mbaya wa sare za kijeshi.

    Septemba mwaka jana, serikali iliidhinisha kofia nyekundu sawa na anayovaa Bobi Wine na wafuasi wake ni sare ya jeshi-ikimaanisha kuwa yeyote anayeonekana ameimiliki au kuivaa kinyume cha sheria anaweza kushitakiwa.

    Bwana Enanga amesema operesheni inaendelea na kwamba maafisa watasaka maeneo mengine pamoja na ofisi za National Unity.

    Bobi Wine amesema kuwa nguvu za dola zinamlenga na chama chake wakati akijiandaa kukabiliana na Rais Yoweri Museveni katika uchaguzi ujao wa mwaka 2021.

    Lakini msemaji wa polisi anasisitiza kuwa operesheni hiyo haijachochewa kisiasa.

  4. Moto uliowaka katika Mlima Kilimanjaro umedhibitiwa, asema Waziri Kigwangala

    Asilimia moja nukta sita ya eneo la hifadhi ndilo liloathiriwa na moto na hakuna madhara makubwa ya kiekolojia na bado mpaka sasa chanzo cha moto huo hakija bainika na bado wanaendela na uchunguzi na hivyo hawataki kumnyooshea yeyote kidole kwa sasa.

    Waziri wa mali asili na utalii nchini Tanzania Hamis Kigwangala amesema moto unaendelea kuwaka kwenye msitu wa mlima Kilimanjaro kwa siku ya nne sasa tayari umedhibitiwa kwa kiasi kikubwa na mvua iliyonyyesha usiku wa kuamkia hii leo imesaidia jitihada za kukabiliana na moto huo.

    Waziri Kigwangala amesema eneo lililoathiriwa na moto huo ni ngazi ya tatu ya msitu ambayo huwa ina vichaka na msitu mzito wa mlima haujaathiriwa kwa namna yoyote.

    Waziri Kigwangala anasema amesha ielekeza mamlaka ya hifadhi za mali asili nchini Tanzania (Tanapa) kununua vifaa vya kutoshha vya kuzima moto ikiwemo helkopta ili kujiweka tayari iwapo kutaibuka janga jingine kama hilo siku zijazo.

  5. , Facebook 'kukabiliana na taarifa za upotoshaji' kabla ya uchaguzi wa Tanzania

    Facebook imezindua programu kadhaa za kukabiliana na taarifa potofu na uingiliwaji wa uchaguzi nchini Tanzania kabla ya uchaguzi wa mkuu wa Oktoba 28 mwaka huu, limeripoti gazeti la Citizen.

    Mkuu wa sera wa kampuni hiyo kubwa ya mtandao wa habari wa kijamii katika eneo la Afrika Mashariki na upande wa Afrika, Mercy Ndegwa, ametangaza uzinduzi wa siku ya kumbukumbu ya uchaguzi katika Facebook na Instagram.

    Uzinduzi huo utahusisha utoaji wa taarifa rasmi za upigaji kura na kuwaruhusu Watanzania kushirikisha uzoefu wao wa kupiga kura.

    Bi Ndegwa anaripotiwa kusema kuwa Facebook itahakikisha matangazo ya kibiashara ya kampeni katika majukwaa yake yanathibitishwa kwa ajili ya uwazi.

    Vikwazo vya vyombo ya habari vimeongezeka tangu Rais Magufuli anayewania muhula wa pili aingie madarakani mwaka 2015.

  6. Wanasayansi waonya juu ya kutokea kwa ‘mkasa mwingine wa volkano’ DRC

    Wanasayansi wanaonya kuwa ziwa la lava linajaa kwa kiwango cha kutishajuu katika Mlima wa volcano wa Nyiragongo uliopo juu ya mji wa Goma Mashariki mwa Jamuhuri ya kidemokrasi ya Kongo.

    Mwezi Januari 2002, lava iliyomwagika kutoka Mlima Nyiragongo kwa kasi hadi katika mji wa Goma na kusababisha vifo vya watu 250 na kuharibu 20% ya mji wa Goma.

    Kikundi cha wanasayansi wanaochunguza matukio ya milima, wameonya kuwa “mwamba unaoyeyuka unaweza kulipuka tena kupitia kuta za ziwa la volkano”, imesema taarifa ya jarida la kisayansi.

    “ Sasa, hali inaonyesha dalili za mkasa mwingine” Dario Tedesco, mtaalamu wa volcano na milima aliliambia jarida la masuala ya kisayansi.

    Tathmini yao inaonesha kuwa hatari kubwa zaidi yam lima huo itatokea katika kipindi cha miaka 4, ingawa wanaamini tetemeko la ardhi linaweza kusababisha mlipuko huo mapema.

    “Hii ni volkano hatari zaidi duniani!” Profesa Tedesco aliongeza. Watu wapatao milioni moja wanaishi katika mji wa Goma.

  8. Kikosi kipya cha polisi chaundwa kuchukua nafasi ya kikosi 'katili' Nigeria

    Mkuu wa polisi nchini Nigeria amesema kikosi kipya kimeundwa ili kuchukua nafasi ya kikosi tata maalumu cha polisi cha kukabiliana na wizi kinachofahamika kama Sars, ambacho kilivunjwa kufuatia maandamano ya ukiukaji wa haki za binadamu dhidi yake.

    Kikosi kipya kitajulikana kama 'Swat' au kikosi maalumu cha cha silaha na mbinu – (Special Weapons and Tactics Team).

    Waandishi wa habari wanasema Wanigeria wengi hawana Imani na wanaendelea kuandamana wakitaka yafanyike mageuzi makubwa katika polisi ya nchi hiyo.

    Katika juhudi za kutatua kuondoa hofu miongoni mwa Wanigeria mkuu wa polisi amesema kuwa polisi wote kutoka katika kikosi kilichovunjwa watapitia uchunguzi wa kisaikolojia na kimatibabu kabla ya kupata mafunzo zaidi na kupelekwa tena katika sehemu za kazi.

    Pia aliagiza kuachiliwa huru bila masharti yoyote kwa watu wote waliokamatwa wakati wa maandamano.

  9. Rwanda yahalalisha mauzo ya nje ya bangi kwa matumizi ya dawa

    Rwanda imehalarisha kisheria ukulima na mauzo ya nje ya nchi ya mmea wa bangi kwa ajili ya matumizi ya tiba ili kupata fedha, wamesema maafisa wa nchi hiyo.

    Kikao cha baraza la mawaziri kilichokaa Jumatatu kiliidhinisha “miongozo juu ya ukulima, usindikaji na mauzo ya nje ya mimea ya matibabu ya thamani ya juu nchini Rwanda ”.

    Akizungumza na televisheni ya taifa hilo Jumatano waziri wa afya wa Rwanda Dkt. Daniel Ngamije alisema mimea hiyo inajumuisha bangi.

    Taifa hilo lililopo Afrika mashariki limehalalisha bangi baada ya nchi kama Malawi, Lesotho, Afrika Kusini, Zambia na Zimbabwe kuhalalisha kisheria mauzo ya bangiau matumizi ya mmea huo.

    Bwana Ngamije amesema Rwanda inataka “kutoa mchango wake kwa vituo vya utafiti na sekta ya madawa kwa kutoa raslimali ili tupate faida ya fedha…”

    Mwaka jana, soko la bangi la dunia lilidhaniwa kuwa na thamani ya dola bilioni 150 billion, kulingana na Benki ya Barclays.

    Ni wakulima waliopewa leseni ambao wataruhusiwa kuzalisha zao hilo “uvutaji wa bangi bado unazuiwa ”, kulingana na bodi ya maendeleo ya Rwanda imesema.

    Iwapo utapatikana unalima au kuuza bangi nchini Rwanda unaweza kuadhibiwa hadi kifungo cha maisha jela , huku mvutaji akikabiliwa na kifungo cha miaka miwili jela nchini Rwanda.