San Miguel de Allende: Kituo cha utalii duniani katika jimbo lenye mauaji mengi zaidi nchini Mexico

Miongoni mwa mitaa maridadi ya San Miguel de Allende, ndio mji ambao mtu anapaswa kukwepa pale mamia ya watalii wanapojipiga picha mbele ya kona nzuri za kikoloni za manispaa hii katikati mwa Mexico.

Njia zenye mawe, maghala yake ya sanaa, mikahawa ya kupendeza na nyumba za kupendeza zimefanya eneo hili kuwa paradiso kwa mtumiaji yeyote wa mtandao wa Instagram.

Pia ule wenye maelfu ya wageni, haswa wastaafu wa Marekani, ambao wamegeuza manispaa hii kuwa makazi yao ya pili au hata ya kwanza, wakivutiwa na hali ya hewa ya kupendeza na bei ya chini sana ya maisha kuliko ile ya nchi yao.

Kwa sababu umaarufu wa San Miguel umevuka mipaka.

Mwaka jana, lilisemekana kuwa jiji bora zaidi duniani na jarida la Travel + Leisure na wasomaji wa kituo cha utalii cha Condé Nast Traveler.

Hata hivyo, inashangaza kuwa si kilomita nyingi kutoka jimbo lile lile la Guanajuato, ni baadhi ya manispaa zinazochukuliwa kuwa zenye vurugu zaidi Mexico.

Hili, kwa kweli, ndilo eneo nchini ambako mauaji mengi zaidi yalisajiliwa mwaka jana.

Lakini je, paradiso hii ya utalii inafanikiwa vipi kuepuka wimbi la vurugu zinazokumba baadhi ya maeneo ya jirani?

Wageni na usalama

Akiwa ameketi katika mgahawa katika uwanja wa San Miguel de Allende, Malcolm Halliday wa Marekani anaonja kitu cha Kimexico kama supu ya Azteki.

Mbele yake, kuna kundi la watalii linapiga picha kanisa kuu la neo-Gothic ambalo limekuwa alama ya jiji hilo.

''Ni kama ngome ya Disney,'' mvulana mwenye pengo anasema.

Halliday aliwasili San Miguel karibu miaka mitano iliyopita akivutiwa na maisha ya kitamaduni.

''Ninapenda mji na mazingira. Marekani pia tuna vurugu katika baadhi ya miji, lakini ukweli ni kwamba hatuna tatizo kubwa hapa,'' anaiambia BBC Mundo kwa Kihispania sahihi.

Louise Gilliam, pia Mmarekani na mkazi wa San Miguel, anakubaliana na hilo.

"Kwa muda wote niliokuwa hapa, sijawahi kukumbana na vurugu zozote.

Niliishi Chicago, New York, Los Angeles… Na nilikuwa mwangalifu nisiende katika maeneo hatari.

''Popote unapoenda, utakutana na uhalifu usipokuwa mwangalifu'', anahakikishia kwa Kiingereza.

Wanakubali kwamba familia na marafiki zao walikuwa na wasiwasi walipopata habari kuhusu nia yao ya kuishi katikati mwa Mexico.

Wageni wengi wanashangaa, wanafikiri giza linapoingia hawawezi kutoka nje wakiwa hapa. Ni dhana wanaleta,

halafu wanaona ni ukweli. Ni kama kuwapa imani kwamba sisi ni sehemu ya Mexico, lakini sio hivyo.'' alimwambia.

Tania Castillo, Mkurugenzi wa Utalii wa San Miguel de Allende, anaiambia BBC Mundo.

Lakini manispaa hiyo, ambayo hapo awali ilikuwa moja ya hatua muhimu za Vita vya Uhuru wa Mexico na ambayo iliandaa baadhi ya mikutano ya njama katika mapambano dhidi ya Wahispania, imekuwa sio kivutio cha watalii kila wakati.

Mwanzoni mwa karne ya 20, kwa kweli, ilikuwa katika hatihati ya kuwa mji wa kishetani kutokana na migogoro mbalimbali ya silaha ambayo ilikumba eneo hilo.

Ilikuwa katika miaka ya 1930 na 1940 ambapo wasanii na wakuzaji walianza kuwasili, wakianzisha shule za sanaa na makumbusho ambayo polepole yaliwavutia wanafunzi wa Marekani na wahamiaji.

Kulingana na mtu anayesimamia utalii huko San Miguel, kinachoifanya kuwa moja ya mahali pazuri zaidi ulimwenguni leo ni usanifu wake na wingi wa mahekalu, matoleo yake ya kitamaduni, kisanii, shamba la mizabibu na hoteli ya kifahari, pamoja na mtindo wa maisha ambao ''unachanganya'' ulimwengu na maisha ya miji midogo ya Mexico,'' anasema.

''Katika Kisiwa huko Guanajuato''

Katika doria iliyofanywa na manispaa pamoja na polisi ili kujua hali ya usalama, wakala wa eneo hilo Esteban López anasema kwamba vitendo vingi ni ''ripoti ndogo ndoo tu'' kushughulikia kesi za watu wanaogombana au kunywa pombe mitaani.

''Hebu tufikirie kuwa sisi ni kama kisiwa. Kisha, kila kitu kibaya kinatokea karibu nasi,'' anasema huko BBC Mundo.

Hakika, kilomita 50 tu kutoka San Miguel, kuna mojawapo ya manispaa 50 yenye vurugu zaidi nchini Mexico, ambapo serikali iliweka mkakati wa kupunguza idadi ya mauaji, kama ilivyo kwa Celaya au León, na ambao takwimu za mauaji ni hadi mara 20 juu.

Lakini sababu kuu kwa nini San Miguel inaepuka vurugu huko Guanajuato ni kwa sababu haipo katika ukanda wa uchimbaji wa hidrokaboni unaovuka sehemu ya jimbo.

''Kukamuliwa kwa mabomba haya ndiko kunakozua vurugu za kudhibiti soko hili haramu. San Miguel iko karibu, lakini haipiti huko,'' anasema mtaalam wa usalama Víctor Sánchez.

Ingawa siku za nyuma walitawaliwa zaidi na genge la Santa Rosa de Lima, kukamatwa kwa kiongozi wao, ''Marro'', mnamo mwaka 2020 kulimfanya apoteze nguvu katika manispaa nyingi ambazo sasa zinazozaniwa na genge la Sinaloa, Jalisco New Generation (CJNG).

Ingawa, pamoja na eneo lake la kijiografia, kuna baadhi ya sura za kipekee za miundombinu ya San Miguel ambayo inaweza kuifanya isivutie zaidi kwa makundi ya wahalifu.

''Sifa zake za usanifu zinazuia kuwa jiji lenye mipango fulani ya maendeleo. Manispaa haina barabara kuu, haina kituo cha usambazaji na sio kituo cha kukusanya vifaa ambacho lazima kiwe cha kupokea malori, haina miundombinu muhimu kwa usambazaji wa vitu vilivyopigwa marufuku'', anasema meya wake, Mauricio Trejo.

Hakuna migogoro kati ya magenge ya wahalifu

Kulingana na Sánchez, sababu nyingine muhimu ya kueleza kutokuwepo kwa vurugu ni kwamba ''hakuna mzozo wa wazi kati ya mashirika mbalimbali ya uhalifu, kama tunavyoona katika manispaa nyingine. Eneo kutoka katikati hadi kaskazini (ya Guanajuato), ilipo San Miguel, ni eneo linalodhibitiwa kabisa na CJNG''

Kwanza: kama ilivyo katika maeneo mengi ya watalii, vikundi vya wahalifu huuza bidhaa haramu kama vile dawa kwa kiwango kidogo, wakichukua fursa ya uwepo wa watalii na wakaazi wa kigeni.

''Shirika la uhalifu lina nia ya kutowafukuza wanunuzi walio na uwezo mkubwa wa kununua. Ikianza kutokea vurugu katika eneo hilo, watalii wataacha kuja,'' anasisitiza.

Pia dhana ya pili, inayohusishwa na ile iliyotangulia, ni kwamba ''kwa kuwa kuna mtiririko mkubwa wa fedha, biashara kama hoteli au mikahawa yenye shughuli za pesa zinaweza kujikopesha kuwa sehemu za utakatishaji wa pesa kwa shirika linalodhibiti manispaa na kwa hivyo pia wanataka kuiweka kwa amani ili kutovuta hisia za wenye mamlaka''.

Meya, hata hivyo, anakanusha uwepo wa genge la CJNG au shirika lingine lolote huko San Miguel de Allende.

''Hatujagundua kuingiliwa na kundi lolote la uhalifu. Hatujashinikizwa au kutishiwa na kundi lolote,'' alisema kwa msisitizo.

"Hata hivyo, masuala ya biashara ya dawa za kulevya ambayo yanaweza kutokea katika manispaa hiyo yanashambuliwa na Polisi wa Manispaa na programu za utoaji malalamiko na kuzuia matumizi ya dawa za kulevya," anakiri.</b>

''Lakini wasifu wa watalii tulionao ni tofauti, wanakuja hapa kutafuta utamaduni.''

Baadhi ya watalii hao, kama vile Aarón González kutoka Mexico City, wanaamini kwamba kila kitu kinatokana na ''makubaliano kati ya mamlaka na vikundi, kwa sababu ni wazi kwamba hawawezi kuwa na udhibiti wote, na serikali haiwezi kuwadhibiti. Au labda inaweza.''

Lakini hapendezwi kwa sababu kuna masilahi na wanapendelea kuwa na mipango yao," anasema akiwa ameketi kwenye benchi katika bustani na kufurahia muziki wa mariachi na mkewe usiku unapoingia.

Majirani kadhaa ambao walitaka majina yao yasitajwe waliambia BBC Mundo kuhusu kuwepo kwa vitendo vya unyanganyi, shinikizo au ''ukusanyaji wa pesa'' kwa wafanyabiashara katika manispaa

''Nilikuwa na rafiki yangu mwenye biashara ndogo, lakini ilimtokea kwamba ni nilazima auze [dawa], na leo hana biashara tena. Walimwambia kwamba alipie mahali pake au asifanye biashara. Wanakupa pesa ukiingia kwenye biashara, lakini lazima uzilipe. Yeye hakulipa, na ndivyo walivyomfanyia,'' anasema Paula Colunga kutoka alipo mbele ya kanisa kuu.

Lakini meya anahakikishia kwamba hakuna mfanyabiashara aliyemjulisha kwamba kwa sasa wanateseka kutokana na unyanganyi.

''Inawezekana bado wanahisi kosa hilo tangu waliposhitakiwa, ingawa tulipoingia [serikali ya manispaa] tuligundua kwamba wengi hawakutokana na vikundi vya uhalifu, bali mamlaka za rushwa, ambazo tayari hazipo na wahusika wamefukuzwa kazi au kuna uchunguzi unaoendelea,'' anaiambia BBC Mundo.

Mkakati wa usalama

Kwa Meya Trejo, ni mkakati wake wa usalama wa manispaa ambao unaelezea kwa nini mji wa San Miguel de Allende huepuka vurugu zinazoenea sehemu kubwa ya Guanajuato.

Miongoni mwa mambo mengine, inaangazia kuwa na kituo cha juu cha uchunguzi cha C4, pamoja na mafunzo na fidia ya polisi wa eneo hilo, ''inayolipwa vizuri zaidi katika jimbo na mojawapo ya malipo bora zaidi katika nchi nzima,'' anasema.

Hata hivyo, kwa mchambuzi wa masuala ya usalama, Víctor Sánchez, ''itakuwa vigumu kuhusisha kesi ya mafanikio ya San Miguel na hatua ya mamlaka, kwa sababu kama ilitegemea, wangejaribu kuiga katika miji jirani ambako usalama hauko sawa.''