Vita vya Ukraine: Kujengwa kwa ngome za ulinzi za Urusi kuna maana gani?

Katika mwezi wa tisa wa "operesheni maalum ya kijeshi" iliyotangazwa na Vladimir Putin nchini Ukraine, mamlaka ya Kirusi inajenga ngome za ulinzi iliyoimarishwa katika mikoa ya Kursk na Belgorod.

Ilifanyikaje na ni kwa matumizi gani ?

Gavana wa Kursk Roman Starovoit aliripoti kuhusu kuundwa kwa safu mbili za ngome za kijeshi katika eneo hilo ili kuzuia uwezekano wa uvamizi kutoka Ukraine.

"Wiki hii, kazi ilikamilishwa kuhusu wafanyakazi na kujenga safu mbili za ulinzi zilizoimarishwa za mkoa wa Kursk.

Kazi hiyo ilifanywa kwa pamoja na Wizara ya Ulinzi ya Urusi na idara ya mpaka wa mkoa wa Kursk. Mstari wa tatu utakuwa tayari mnamo Novemba 5.

"Tuko tayari kuzuia uvamizi wowote katika eneo letu," aliandika katika chaneli yake ya telegraph.

Mkuu wa Kamati ya Usalama ya Mkoa wa Kursk, Mikhail Gorbunov, alisema Jumatatu kuwa mkoa huo umeimarisha udhibiti wa kuingia katika maeneo ya mpaka na kwenye barabara kuu, na kazi kubwa inaendelea ya kusafisha makazi, pamoja na mahandaki

"Makazi katika eneo la Kursk yanaweza kubeba hadi watu milioni 1.5," afisa huyo alisema na kutoa wito wa ujenzi wa makazi na mitaro karibu na vituo vilivyojaa watu - benki, ofisi za posta, maduka.

Gavana wa mkoa wa Belgorod Vyacheslav Gladkov pia alitangaza ujenzi wa miundo ya kujihami iliyotengenezwa kwa vitalu vya zege.

Ngome hizo hizo katika mkoa uliojumuishwa wa Lugansk wa Ukraine sasa zinajengwa na Wagner PMC, ambaye safu yake ya mamluki inapigana.

Mwanzilishi wa kampuni ya kijeshi ya binafsi, mfanyabiashara na mtu wa karibu wa Vladimir Putin, Yevgeny Prigozhin, alisema mnamo Oktoba 19 kwamba ujenzi wa miundo mbinu ya kujihami katika Mkoa wa Belgorod uliongozwa na mfanyakazi wa PMC, shujaa wa Urusi Andrey Bogatov.

Kwa mujibu wa Prigozhin, watu watakaokuwa "wanamgambo " katika eneo hilo, watafunzwa na wakufunzi wa PMC.

Ilikuwaje?

Hadi Februari 24 mwaka huu, wakati wanajeshi wa Urusi walipovamia eneo la Ukraine kwa amri ya Putin, hakuna aliyejaribu kushambulia ama Kursk au mkoa wa Belgorod.

Mwanzoni mwa vita, mapambano yalikuwa ya "upande mmoja" - silaha za Kirusi zilizopigwa Kharkov na miji mingine ya Kiukreni, na eneo la mpaka wa Kirusi liliishi kwa utulivu na amani.

Na tangu Oktoba 10, wakati Urusi ilipoanza kufanya mashambulizi makubwa kwenye miundombinu ya nishati ya Ukraine, milipuko katika vituo mbalimbali katika mikoa ya mpaka wa Kirusi ilianza kutokea mara kwa mara.

Mnamo Oktoba 19, Vladimir Putin alitangaza tahadhari ya hali ya juu katika maeneo ya wilaya za Kati na Kusini, pamoja na mikoa ya Kursk na Belgorod.

Nini maana ya hatua ya kuweka ngome za ulinzi kwenye eneo la Urusi?

Ukraine, ambayo jumla ya rasilimali zake kwa kuzingatia idadi ya watu, ni takriban mara 3.5 chini ya ile ya Urusi, na ambayo jeshi lake linategemea sana usambazaji wa silaha za Magharibi, itakuwa haina mantiki sana kutawanya vikosi kwa kuvamia eneo la Urusi.

Kwa kuongezea, washirika hawawezi tena kuona kama hatua ya ulinzi, bali kama uchokozi ongezeko la hatari.

Je! ngome za zinaweza kulinda makazi ya Urusi kutokana na kupigwa makombora? Ikiwa mashambulizi ni ya silaha mbalimbali, basi jibu la wazi ni kwamba hawawezi.

Ikiwa mamlaka ya Kursk na Belgorod bado wanajali sana juu ya kujilinda dhidi ya uvamizi wa ardhi, basi mtu lazima aelewe kwamba ngome za kujihami hazina maana ikiwa hakuna askari na silaha za kutosha huko.

Jeshi ni mashine kubwa. Wanajeshi na maafisa walio katika eneo la vita ni sehemu ndogo tu ya eneo hilo. Kwa wastani, wengine watano (na bora zaidi ikiwa kumi) hufanya kazi kwa askari mmoja katika kitengo cha mapigano.

Haijalishi kama ni kanali au mtu binafsi - mahitaji ya mstari wa mbele ni takriban sawa. Makao makuu, uhandisi, matibabu, huduma za chakula. Ghala za silaha , mafuta na msaada wa nyenzo.

Ukarabati na matengenezo ya vifaa vya kijeshi na silaha, uhasibu, upakiaji na upakuaji, usalama, usafiri, huduma za umma, mawasiliano, barua, upishi, kuosha, kubadilisha kitani, usafi wa mazingira. Mafunzo, hifadhi na vitengo vilivyopangwa upya. Intelijensia, wanasheria, wafadhili, wanasaikolojia, wakufunzi, polisi wa trafiki wa kijeshi, kikosi cha zima moto. Wakaguzi mbalimbali.

Hii sio orodha kamili ya huduma zinazohusika na mapigano. Kwa hivyo, kwa wanajeshi 80-95,000 kwenye mstari wa mbele, angalau watu wengine 400-475,000 wanahitajika nyuma.

Hii ni karibu mara mbili ya vile, kulingana na takwimu rasmi, iliwekwa wakati wa uhamasishaji wa hivi karibuni.