Hawa ni matajiri wanaokataa kuwapa watoto wao urithi

Ahadi ya hivi majuzi ya mwimbaji wa nyimbo za country nchini Marekani Marie Osmond kwamba watoto wake hawatapata  urithi imeibua mjadala kuhusu wanaoitwa "nepo babies".

Maneno ambayo kwa Kihispania yanaweza kutafsiriwa kama "watoto wa waliopendelewa" na ambayo inarejelea watoto wa watu mashuhuri ambao walikuwa na wakati rahisi katika tasnia tofauti (filamu, muziki, michezo na kadhalika).

Osmond, ambaye anakadiriwa kuwa na utajiri wa dola milioni 20, aliliambia gazeti moja kwamba kukataa kwake kugawa  utajiri wake sio uamuzi mbaya.

Badala yake, alisema, ilikuwa ni kuhakikisha watoto wake wanakuza ndoto zao wenyewe na kutafuta njia yao ya mafanikio.

Watoto wa waliopendelewa ni wale wanaotumia mali na umaarufu wa wazazi wao kujijengea taaluma zao.

"Sijui mtu yeyote ambaye anakuwa kitu kama watapewa pesa tu," Osmond aliliambia jarida la Us Weekly.

Mwimbaji  huyo wa I'm Leaving It (All) Up To You si yeye tu  anayetoa maoni haya ya malezi ya watu mashuhuri.

Watu wengine mahuhuri  pia wamesema wanapanga kutowaachia watoto  utajiri wao.

Ingawa katika visa fulani ukosefu wa urithi haujawazuia watoto wao kutumia  fursa ya mafanikio ya wazazi wao.

Hii hapa orodha ya baadhi ya watu hao mashuhuri, na jinsi baadhi ya watoto wao walivyoendelea:

Daniel Craig

Mwigizaji wa Uingereza Daniel Craig alisema wakati fulani kwamba anaona suala la urithi  kuwa la kuchukiza na kwamba wanawe wawili hawatapokea utajiri wake wa dola milioni 125.

"Falsafa yangu ni kuiondoa au kuitoa kabla sijafa," nyota huyo wa James Bond alisema mnamo 2020.

Lakini hata bila urithi, binti mkubwa wa Craig Ella, 31, tayari amejipatia jina .

Anawakilishwa na Ford Models, mojawapo ya mashirika makubwa zaidi ya uundaji wa njia ya kurukia ndege duniani, na alionyeshwa kwenye jalada la L'Officiel, jarida la mitindo la Ufaransa, mapema mwaka huu.

Pia alifuata nyayo za baba yake na kujaribu uigizaji, akiigiza katika michezo michache na Shakespeare & Company, pamoja na sinema chache.

Amezungumza hadharani kuhusu nia yake katika filamu, akisema kwamba hatimaye anatumai kuheshimiwa "kama mwigizaji mzuri na kufanya kazi nzuri sana."

Gordon Ramsey

Licha ya baba yake kuwa mmoja wa wapishi mashuhuri zaidi duniani, watoto watano wa Gordon Ramsay ni nadra sana kufurahia utajiri wa baba yao.

Watoto wake mara chache hula kwenye mikahawa yake, Ramsay alisema.

Pia hawaketi na wazazi wao eneo la starehe kwenye  ndege wanapoenda likizo.

"Hawajafanya bidii ya kutosha kulipia hilo," Ramsay aliiambia Telegraph mnamo 2017.

Utajiri wake unakadiriwa kuwa dola milioni 78.

Aliongeza kuwa hana nia ya kuwaachia watoto wake pesa zake pindi atakapoaga dunia kwa hoja kuwa anataka kuepuka kuwaharibu.

Kufikia sasa, inaonekana kwamba watoto wa Ramsay wamejitengezea njia zao wenyewe.

Binti yao mkubwa, Megan, 24, alisoma saikolojia katika chuo kikuu, wakati mtoto wao Jack, 23, alijiunga na Royal Marines.

Lakini binti yake mwenye umri wa miaka 21, Matilda, amekuwa mtu wa televisheni kama baba yake.

Aliandaa kipindi chake cha upishi, Matilda na Ramsay Bunch, kwenye CBBC, kituo cha televisheni cha watoto, na alionekana kwenye MasterChef Junior.

Sting

Gwiji mpya wa muziki wa rock wa Uingereza Sting ni mmoja wa wanamuziki waliofanikiwa zaidi duniani akiwa na wastani wa kuwa na utajiri wa dola milioni 400.

Lakini anasema watoto wake hawatapata chochote atakapoondoka.

"Tunachopata tunatumia, na hakuna mengi iliyobaki," baba huyo wa watoto sita aliambia Daily Mail mnamo 2014.

Aliongeza: "Kwa hakika sitaki kuwaacha wakiamini fedha ambazo zitakuwa kikwazo kwao. Lazima wafanye kazi."

Bila shaka, hiyo haijawazuia watoto wa Sting kuanza kazi nzuri katika biashara ya maonyesho.

Binti yake, Mickey Sumner, ni mwigizaji ambaye alionekana katika filamu ya 2012 Frances Ha na mkurugenzi Greta Gerwig.

Wakati wanawe wengine wawili, Eliot na Joe, ni wanamuziki.

Sting pia alimshirikisha Joe katika  ufunguzi wa ziara yake ya hivi majuzi ya My Songs world tour mnamo 2022.

Warren Buffett

Baadhi ya watu hawa mashuhuri wanaonekana kufuata maelekezo katika kitabu cha Warren Buffett.

Mfanyabiashara huyu  tajiri raia wa Marekani alisema anakusudia kutoa zaidi ya asilimia 99 ya utajiri wake na watoto wake hawatapata mengi.

Buffett aliandika mnamo 2021 kwamba "baada ya kutazama familia nyingi tajiri zaidi, hili ndilo pendekezo langu: Waache watoto kwa muda wa kutosha kwamba wanaweza kufanya chochote, lakini sio muda wa kutosha kwamba hawawezi kufanya chochote."

Watoto wake wote wazima wameanza kazi kutoka kwa hisani na muziki hadi siasa na uhifadhi wa mazingira.