Marinka biyoodka Hormuz, ayaa ah goob muhim u ah ganacsiga shidaalka ee adduunka.
Madaxweynaha Ruushka Vladimir Putin ayaa munaasabadda Nowruz ugu hambalyeeyay hoggaamiyayaasha Iran, taasoo ah sanadka cusub ee Faaris, wuxuuna sheegay in Moscow ay weli Tehran u tahay saaxiib daacad ah oo la isku hallayn karo, sida laga soo xigtay Kremlin
Xigashada Sawirka, EPA
Madaxweyne Trump waxaa soo food saartay dhibaato istaraatiijiyadeed oo ku saabsan marin biyoodka Hormuz. Tan ayaa noqon karta caqabadda ka hor istaagta inuu ku dhawaaqo guusha uu ka gaaray dagaalka Iran.
Trump hadda waxa uu caqabadda marin-biyoodkaas ku tilmaamay mid dhibaato ku ah adduunka intiisa kale, ee maaha Maraykanka oo keliya, inkasta oo uu hore ugu adkaystay in Maraykanku uu sugi doono ammaankiisa “si kasta oo loo baahdo,” isaga oo iska indho tiraya baahida taageero ee xulafada NATO iyo saaxiibbada muhiimka ah sida Japan iyo Kuuriyada Koonfureed.
Hadda, Trump waxa uu mar kale ugu baaqayaa dalalkaas inay soo farageliyaan, isagoo ku tilmaamay qaar ka mid ah kuwa “fulay an” oo ka labalabaynaya.
Dhab ahaantii, kor u kaca heerarka biyaha ee Strait of Hormuz waxay saameeyaan saldhigga shidaalka ee Washington si la mid ah sida ay u saameeyaan mid ka mid ah Tokyo.
Isbeddelkan ku yimid codka Madaxweyne Trump ayaa muujinaya sida uu uga niyad jabay in tani ay tahay dhibaato uu wajahayo, oo aysan ahayn mid uu keligiis xallin karo.
Warar dheeraad ah:
Warbaahinta dalka Iran ayaa soo bandhigtay sawirrada salaadda Ciidul Fitriga oo si weyn looga tukaday magaalooyinka kala duwan ee dalka Iran, iyadoo dadweyne aad u badan ay ka soo qeyb galeen.
Dalka Iran ayaa maanta looga dhawaaqay inay tahay munaasabadda Ciidul Fitriga, waxaana salaadda Ciidul Fidriga lagu tukaday masaajidka magaalada Tehran oo uu horkacayay Xaaji Cali Akbari.
Xigashada Sawirka, .
Gantaallada laga soo tuuray Iran kuna sii jeeday Israa'iil ayaa lagu sawiray hawada iyaga oo dul maray Hebron oo ku taal Daanta Galbeed ee la haysto, subaxnimadii Sabtida.
Israa’iil ayaa dhowr weerar habeen hore ka jawaabtay, kuwaas oo ay IDF sheegtay in laga soo qaaday Iran.
Xigashada Sawirka, .
Warar kale oo dheeraad ah:
Xigashada Sawirka, Reuters
Ra'iisul wasaaraha Australia Anthony Albanese ayaa lagu oriyay xilli uu ku guda jiray booqashadiisa masjidka ugu weyn dalkaas oo lagu tukanayay salaadda Ciidul Fidriga, iyadoo laga carooday mowqifkiisa ku aaddan weerarrada Israa'iil ee Gaza.
Qaar ka mid ah Muslimiinta Australiyaanka ah iyo Yuhuudda ayaa ka carooday mawqifka dawladda bidix dhexe tan iyo markii uu bilaabmay dagaalka Qaza, iyagoo walaac ka muujiyay Falastiiniyiinta oo marar badan ku baaqay xabbad-joojin, waxayna taageereen xaqa ay Israa’iil u leedahay inay is difaacdo.
Muuqaallo ayaa muujinayay dad mudaaharaadaya oo si caro leh u qaylinaya ka dib markii wasiirka arrimaha gudaha Albania Tony Burke uu ku biiray dadka ku cibaadaysanayay masaajidka Lakemba ee galbeedka Sydney si ay u xusaan dhammaadka bisha barakeysan ee Ramadaan.
Dadkan ayaa u sheegay Albanese iyo Burke inay "ka baxaan masjidka!".
“Walaalayaal, fadlan is dejiya” ayuu yiri mid ka mid ah dadkii soo qaban qaabiyay xafladda, isagoo dadka ugu baaqay inay fariistaan oo joojiyaan duubista.
Warar kale oo dheeraad ah:
Xigashada Sawirka, Reuters
Madaxweynaha Mareykanka Donald Trump ayaa xulafada Nato ku tilmaamay kuwo fulay ah, wuxuuna sheegay inay u fududaan doonto inay gacan ka geystaan furista marinka Hormuz ee maraakiibta.
Bartiisa Truth Social ayuu ku qoray:
"Maraykanka la'aantii, NATO waa daciif! ma aysan rabin inay ku biiraan dagaalka lagu joojinayo nukliyeerka Iran."
"Maaddaama aan ku guulaysannay dagaalka ciidan ahaan, annagga oo aan iyaga khatar weyn gelinayn, waxay ka cabanayaan sicir bararka shidaalka ee ay tahay inay bixiyaan, laakiin ma rabaan inay gacan ka geystaan furitaanka marin-biyoodka Hormuz, dhaqdhaqaaq ciidan oo fudud, waana sababta kaliya ee kor u kaca qiimaha shidaalka."
"Aad bay ugu sahlan tahay inay taas sameeyaan, iyada oo aan khatar badan lahayn. FULEY, waananu xasuusan doonnaa!"
Warar kale oo dheeraad ah:
Iran ayaa ku hanjabtay in ay ku garaaci doonto magaalada Ras Al Khaimah ee dalka Imaaraatka "si adag" taasoo qayb ka ah muranka laba jasiiradood oo ay Imaaraadku sheeganayeen in muddo ah.
Farriin ay warbaahinta dowladda ku faafisay Telegram, ayaa afhayeenka ciidamada qalabka sida ee Iran wuxuu ka digay in "gardarrada dheeraadka ah" ee jasiiradaha Abu Masa iyo Tunb-ta Weyn looga jawaabi doono weerarro lagu qaado magaalada Imaaraatka.
Ma cadda gardarrada waxa uu ula jeedo balse waxay daaran tahay asalka labada jasiiradood ee ay Iran qabsatay muddo tobnaan sano ah balse uu sheeganayo Imaaraadku.
Warar kale oo dheeraad ah:
Xigashada Sawirka, Getty Images
Waxaan hadda booqannay goobta uu burburka gantaallada ku soo dhacay ee cirifka Magaalada Qadiimiga ah ee Bariga Quddus.
Waaxay ahayd maalinta koowaad ee ciidda, sida caadiga ah waxaa la arki jiray dad aad u badan oo aadaya masjidka al-Aqsa.
Sannadkan, dadka ayaa laga diiday sababo ammaan dartood, laakiin goobta uu saameeyay burburka gantaallada ayaa kaliya 300 mitir u jirta masaajidka al-Aqsa, iyo sidoo kale darbiga Baroorta iyo Kaniisadda Quddus.
Waxaa loo maleynayaa in tani ay tahay hadaf u gaar ah Iran.
Dadka ku nool Bariga Jerusalem waxay dareemeen badbaado yar intii lagu jiray iskahorimaadkan, sababo la xiriira goobaha aadka u xurmada leh oo aad isugu dhow.
Waxaa loo malaynayay in Iran aysan khatar gelin doonin goobahaas.
Sidoo kale akhri:
Waxaan helnay warar kale oo ka yimid madaxweynaha Mareykanka Donald Trump kuwaasoo uu kusoo qorat bartiisa Truth Social.
"Waxaan aad ugu dhawaaneynaa inaan gaarno ujeeddooyinkeenna annagoo tixgelineynayna inaan hoos u dhigno dadaalladeenna Milatari ee weyn ee Bariga Dhexe ee la xiriira Nidaamka Argagaxisada ee Iran," ayuu yiri.
Isagoo u soo jeestay marin biyoodka Hormuz, Trump wuxuu markaa yiri "waa in la ilaaliyaa oo ay ilaaliyaan, sida loo baahdo, dalalka kale ee isticmaala - Maraykanku ma isticmaalo!"
"Haddii la codsado, waxaan ka caawin doonnaa dalalkan dadaalkooda Hormuz, laakiin ma ahan inay lagama maarmaan noqoto mar haddii la ciribtiro khatarta Iran.
"Muhiimad ahaan, waxay u noqon doontaa Hawl-gal Milatari oo fudud."
Warar kale oo dheeraad ah:
