BBC News, Somali
U gudub qaybta macluumaadka

Midowga Afrika oo ka hadlay qabsashada ciidamada dowladda Soomaaliya ee Aadan Yabaal

Ku soo dhawaada tebinta tooska ee BBC Somali

Tebin toos ah

  1. Warbixin: Ingiriiska oo u gudbaya wereegga sideeda kooxaad ee rubuc-dhamaadka ciyaarta

    Koobka Adduunka ee ka soconaya waddanka Qatar, halkaas oo xalay guul wayn uu ka soo hooyay xulka kubadda cagta ee Ingiriiska, iyagoo 3-0 kaga adkaaday xulka Senegal.

    Kooxda tababare Gareth Southgate ayaa bilowgii hore ee ciyaarta la kulantay cadaadis kulul oo kaga imanayay Senegal, oo goolhaye Jordan Pickford ayaa goosha ka badbaadiyay gool uu soo laaday weeraryahan Boulaye Dia.

    Hasayeeshee laba gool oo isxigxigay ayey Ingiriisku ku dhaliyeen goolka Senegal inta aanay dhamaan qeybta hore ee ciyaarta, halka goolka saddexaadna ay sii raaciyeen daqiiqado kaddib markii la isugu soo laabtay qeybta labaad ee ciyaarta.

    Kulankan ayaa ahaa midkii ugu horreeyay ee ay labadan xul abid wadaciyaaraan. Xulka England ayaa wareegga xiga waxa uu la ciyaari doonaa xulka koobkan difaacanaya ee Faransiiska, kaas oo 3-1 xalay fiidkii uga badiyay xulka Poland.

  2. Dagaalka Ruushka iyo Ukraine ma sii socon doonaa xilliga qaboobaha ee haatan la galay

    Xayiraado badan oo lagu soo rogay shidaalka Ruushka ayaa maanta dhaqangalaya xilli dalalka reer galbeedka ay iskudayayaan inay xaddidaan awoodda Moscow ay ku sii wadi karto duullaanka ay ku hayso waddanka Ukraine.

    Haatan dagaaalka ka socda waddanka Ukraine ayaa u muuqanaya in sidii hore uu ka yara qaboobay, waxayna u eg tahay taaasi ay sii socon doonto bilaha xagaaga ee qaboobaha.

    Sirdoonka reer Galbeedka iyo Mareykanka ayaa sheegay in dagaalka oo haatan socda muddo sagaal bilood ah ay Ruushku ku waayeen in ka badan kala bar dhulkii ay qabsadeen.

  3. Ganacsatada Mehradaha kuleh wadada u dhaxeysa isgoysyada Sayidka iyo Dabka oo shaqo joojin sameeyay

      • Author, Ibrahim Aden
      • Role, BBC Africa, Mogadishu
    .

    Saaka waxa xiran mehradaha iyo dukaamada ku yaala wadada u dhaxeysa isgoysyada Sayidka iyo Dabka ee magaalada Muqdsho.

    Ganacsatada ayaa ka cabanaysa inay waayeen cid wax ka iibsata kadib markii ciidamada amaanku xireen isu socodka gaadiidka wadada hormarta xarumahooda ganacsi.

    Wadadan ayaa muddo ku dhaw bil, waxay ciidamada dawladdu ka celinayeen gaadiidka dadweynaha iyaga oo aan sheegin sababta sidaas loo sameeyay.

    Ganacsatada ayaa sheegay in mehradahooda ganacsi ay qarka u saaran yihiin inay xirmaan sababbo la xiriira xirnaashiyaha wadada, iyo iyagoo waayay cid wax ka iibsata maadaama meel loo soo maro aanay jirin.

    Mar kasta oo qaraxyo iyo weerarro ka dhacaan Muqdisho, ciidamada amaanku waxay xiraan wadooyin horleh, iyagoo sidaa u samaynaya amniga dartiis, laakiin taasi waxay saamaysaa ganacsatada mehradaha ku haysta wadooyinka la xiro.

    Ganacsiyo badan ayaa sidaa ku xirmay ama qarka u saaran inay xirmaan.

    .
    .

  4. Madaxweynaha Sengal oo ka hadlay guul darradii xalay ka soo gaartay ciyaartii Ingiriiska

    .

    Xigashada Sawirka, AFP

    Xulka qaranka Senegal ayaa niyad jab ah kala kulmay koobka aduunka ee Qatar kadib markii ay guuldaro 3-0 ah kala kulmeen xulka qaranka England.

    Qoraal uu soo dhigay bartiisa Twitter-ka ayuu madaxweynaha Senegal Macky Sall ku muujiyay sida uu ugu faraxsan yahay qaab ciyaareedka kooxda Senagal ay soo bandhigtay.

    Wuxuu yiri: "Libaaxyada qaaliga ah, ma aadan guuldareysan, waxaadna ciyaarteen Sadio [Mane], [Cheikhou] Kouyate iyo [Idrissa] Gana la aantood.

    Talisman Sadio Mane ayaa ku muujiyay dareen la mid ah Twitter-ka. "Shacabku aad bay ugu hanweyn yihiin safarkiina oo qalbiyada taageerayaasha ku diirsaday, si sharaf lehna u difaacday calanka qaranka." Wuxuu intaas ku daray: "Barashadu way sii socotaa, waxaan aadi doonaa raadinta koobab kale."

    Ka bood X boggan
    Oggolow X macluumaadka

    Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.

    Digniin: BBC macluumaadka ku qoran bog kale masuul kama ahan

    Dhammaadka X boggan

  5. Maxay ka dhigantahay in ciidammada TPLF ay ka soo baxeen deegaano ay isku hor fadhiyeen ciidamada dowladda?

    Ciidammada fallaagada ee TPLF ee ku sugan waqooyiga waddanka Itoobiya ayaa sheegay in ay ciidamadooda kala soo baxeen saddex goobood oo ka tirsanaa furimihii dagaalka, xilli muddo bil ah laga joogo heshiiskii xabbad joojinta ee ay gaareen iyaga iyo xukuumadda Addis Ababa.

    Hasayeeshee waxay sheegeen in ay sii haysan doonaan hubkooda inta ay ciidamada shisheeye ku sugan yihiin Tigray.

    Haddaba Cabdinuur Ibraahim Cabdalla, waxa uu ka faalooda arrimaha amniga iyo siyaasadda Afrika, waxa uu u warramay weriyaha BBCda Maxamed Shiil Xasan.

    Qoraalka Codka, .

  6. Assalaamu Calaykum

    Subax wanaagsan. Kusoo dhawaada tebinta tooska ah ee BBC Somali.

    Halkan kala soco wararkii ugu dambeeyay ee deegaanada Soomaalida, gobolka iyo calaamka intiisa kalaba.