බීබීසී සිංහල සේවය ගෙන එන 2019 ජනාධිපතිවරණ ඡන්ද විමසීම සම්බන්ධ සජීවී පුවත්.
නුවරඑලිය දිස්ත්රික්කයේ අද පෙරවරු කාලයේ ඡන්ද දායකයින්ගේ පැමිණීම ඉහළ මට්ටමක පැවතියත් පස්වරුවේ ඇද හැලුන වර්ෂාව හේතුවෙන් බාධා එල්ල විය.
වර්ෂාව නොතකා ඡන්ද දායකයන් ඡන්ද මධ්යස්ථාන වෙත පැමිණි බව ප්රාදේශීය වාර්තාකරු පැවසීය.
පස්වරු 4.00 වන විට ඡන්දය ප්රකාශ කිරිම 70 % ඉක්මවා ඇති බව නුවරඑලිය දිස්ත්රික්කයේ තේරිම් භාර නිලධාරි එම්.බි.ආර් පුෂ්ප කුමාර සඳහන් කළේය.
අද සවස 3 වනවිට සමස්ත ප්රකාශිත ඡන්ද ප්රතිශතය 65%ක් පමණ වන බව මැතිවරණ නිරීක්ෂණ සංවිධානයක් වන පැෆරල් පවසයි. ඡන්ද විමසීම අවසන් වන විට සමස්ත ප්රකාශිත ඡන්ද ප්රතිශතය 75%ක්-80%ක් අතර වනු ඇති බව පැෆරල් සංවිධානය සඳහන් කරයි.
නුවරඑලිය දිස්ත්රික්කයේ ඡන්ද දායකයන්ගෙන් 70% අධික සංඛ්යාවක් මේ වනවිට ඡන්දය ප්රකාශ කර ඇතැයි දිස්ත්රීක් තේරීම් භාර නිලධාරී එම්.බී.ආර් පුෂ්පකුමාර පවසයි.
ඇතැම් මධ්යස්ථානවල එම අගය 83% ත් 85% ත් අතර අගයක් ගන්නා බවත් ඔහු කියා සිටියේය.
ඡායාරූප මූලාශ්රය, Getty Images
මැතිවරණ නීති උල්ලංඝනය කිරීම් පිළිබඳව පැමිණිලි නිරාකරණය කර ගැනීම සඳහා විශේෂ ඒකකයක් ස්ථාපනය කර තිබේ.
ඡන්ද කාල සීමාව තුළ දී පක්ෂ/ කණ්ඩායම්/ අපේක්ෂක ප්රවර්ධනයට නැතහොත් අගතියට හේතුවන පරිදි හෝ නිදහස් හා සාධාරණ ඡන්ද විමසීමක් පැවැත්වීමේ කාර්යයට බාධාවන ආකාරයේ කටයුතු සම්බන්ධයෙන් පැමිණිලි ඉදිරිපත් කිරීම සඳහා මෙම ඒකකය පිහිටවූ බව මැතිවරණ කොමිෂන් සභාව නිවේදනය කළේය.
මෙය ස්ථාපනය කර ඇත්තේ මැතිවරණ කොමිෂන් සභා ගොඩනැගිල්ලේ දෙවන මහලේ ය.
ලිපිනය: මැතිවරණ කොමිෂන් සභාව, සරණ මාවත, රාජගිරිය.
පැමිණිලි වේ නම් දුරකතනයෙන්, ෆැක්ස් මගින්, Viber, WhatsApp, ඊමේල්, ෆේස්බුක් ඔස්සේ යොමු කළ හැක.
දුරකථන: 001 2868212 / 001 2868214 / 001 2868217
ෆැක්ස්:001 2868529 / 001 2868526
Viber/ WhatsApp: 071 9160000
ෆේස්බුක්:Election Commission of Sri Lanka
Tell Commission - Election Commission of Sri Lanka
මහනුවර දිස්ත්රික්කයේ ඡන්ද දායකයන්ගෙන් 70% කට ආසන්න ප්රමාණයක් ඡන්දය භාවිත කර ඇති බව මහනුවර දිස්ත්රික් තේරීම් භාර නිලධාරී තිස්ස කරුණාරත්න පවසයි.
මෙවර ජනාධිපතිවරණය සඳහා මහනුවර දිස්ත්රික්කයේ ඡන්දදායකයන් 1,111,860 ක් සඳහා ලියාපදිංචි වී ඇති අතර එහි ඡන්ද මධ්යස්ථාන 835 කි.
ජනාධිපතිවරණ ඡන්ද විමසීම මේ වන විට ඉතා සාමකාමීව පැවැත්වෙන අතර, මාර්ග කීපයක් වසා ඇති බවට පැතිරෙන ප්රචාර අසත්ය බව පොලිස් මාධ්ය ප්රකාශක පොලිස් අධිකාරී රුවන් ගුණසේකර නිවේදනයක් නිකුත් කරමින් පවසයි.
ඡන්ද විමසීම නිදහස් සහ සාධාරණව පැවැත්වීම සඳහා අවශ්ය උපරිම ආරක්ෂාව පොලිසිය ලබාදෙන බව එම නිවේදනයේ වැඩිදුරටත් දැක්වේ.
අද සවස සබරගමුව, මධ්යම, බස්නාහිර, වයඹ පළාත් වලට අයහපත් කාලගුණ තත්වයක් බලපෑ හැකි බවට කාලගුණ විද්යා දෙපාර්තමේන්තුව අනාවැකි පළකර තිබේ.
වර්ෂාවට පෙර ඡන්දය ප්රකාශ කරන ලෙස එම ප්රදේශවල ජනතාවට සමාජ මාධ්ය ඔස්සේ ඉල්ලීම් පළවී තිබේ.
පුත්තලම දිස්ත්රික්කයේ ඡන්ද දායකයන්ගෙන් 65%ක් ඡන්දය ප්රකාශ කර ඇති බව දිස්ත්රීක් තේරීම් භාර නිලධාරී එන්.එච්.එම් චිත්රානන්ද පවසයි.
පුත්තලම ශාන්ත මරියා දෙමළ විද්යාලයේ සහ හලාවත මාදම්පේ සුදු වැල්ල ප්රදේශයේ පිහිටි ඡන්ද මධ්යස්ථාන දෙකකදී වෙනත් පුද්ගලයන් දෙදෙනෙකු ඡන්දය භාවිත කර ඇතැයි පැෆරල් සංවිධානය පවසයි.
සිය ඡන්දය වෙනත් අයකු විසින් ප්රකාශ කරනු ලැබ තිබේ නම් ස්ථාන භාර නිලධාරියාට දන්වන ලෙස දිස්ත්රීක් තේරීම් භාර නිලධාරී එන්.එච්.එම් චිත්රානන්ද පවසයි.
පදවියෙන් සමුගන්නා ජනාධිපති මෛත්රීපාල සිරිසේන අද සවස පහෙන් පසු ජාතිය අමතා විශේෂ ප්රකාශයක් කිරීමට නියමිත බව ජනාධිපති මාධ්ය ඒකකය පවසයි.
ඡායාරූප මූලාශ්රය, Getty Images
ජනාධිපතිවරණ ඡන්ද විමසීම සාමකාමීව පැවැත්වෙන අතර, අගනුවර බොහෝ වීදි පාලුවට ගිය ස්වභාවයක් දිස් විය.
උදෑසන වන විට ඡන්ද දායකයන් පෝලිම් ගැසී සිටිය ද, කොළඹ වීදි කිහිපයක සංචාරය කළ අපට දැනගන්නට ලැබුණේ ඇතැම් ඡන්ද මධ්යස්ථාන පවා පාලුවට ගිය ස්වභාවයකි.
තැපැල් ඡන්ද ගණන් කිරීම සවස 5:15 ට පමණ ආරම්භ කිරීමට බලාපොරොත්තු වන බව කොළඹ දිස්ත්රික් තේරීම් භාර නිලධාරී සුනිල් කන්නන්ගර පවසයි.
අද උදෑසන 07:00 - 10:00 දක්වා මැතිවරණ ප්රචණ්ඩ ක්රියා 69 වාර්තා වී ඇති බව මැතිවරණ ප්රචණ්ඩ ක්රියා නිරීක්ෂණ මධ්යස්ථානය (CMEV) පවසයි.
ප්රචණ්ඩ ක්රියාවලට සම්බන්ධ වූ බවට චෝදනා එල්ල වන පක්ෂ සහ සිදුවීම් සංඛ්යාව ඔවුන් විසින් ප්රකාශයට පත් කරනු ලැබ ඇත.
තමන් ප්රකාශ කළ ඡන්ද පත්රිකාවේ ඡායාරූප ගැනීමට උත්සාහ කළ පුද්ගලයන් දෙදෙනෙකු පොලීසිය විසින් අත්අඩංගුවට ගනු ලැබ තිබේ. එම අත්අඩංගුවට ගැනීම් වාර්තා වන්නේ ගාල්ල සහ මුලතිව් ප්රදේශවලිනි.
අද දහවල් 12 වන විට බරපතල මැතිවරණ ප්රචණ්ඩ ක්රියා ලෙස සැළකෙන සිදුවීම් 2ක් ඇතුළුව මැතිවරණ නීති උල්ලංඝනය කිරීමේ සිදුවීම් 65ක් වාර්තා වී තිබෙන බව මැතිවරණ නිරීක්ෂණ සංවිධානයක් වන පැෆරල් සංවිධානය පවසයි. බරපතල මැතිවරණ ප්රචණ්ඩ ක්රියා ලෙස තන්තිරිමලේ ප්රදේශයේ සිදුවූ වෙඩි තැබීමද තවත් ප්රදේශයක සිදුවූ ඡන්දදායකයන් බියවැද්දවීමේ සිදුවීමක් ද වාර්තා වූ බව පැෆරල් සංවිධානය සඳහන් කරයි.
ජනාධිපති මෛත්රීපාල සිරිසේන පොළොන්නරුව, නව නගරයේ ශ්රී විද්යාලෝක විහාරස්ථානයේ දී සිය ඡන්දය භාවිත කළේය.
පොළොන්නරුව දිස්ත්රික්කයේ ග්රාම නිලධාරි වසම් 287 ක ඡන්ද දායකයින් 326,443 දෙනෙකු ඡන්ද මධ්යස්ථාන 288 කදි ඡන්දය ප්රකාශ කිරිමට නියමිතය.
මහජන ඡන්දයෙන් ධුරයට පත් වී එක් ධුර කාලයකින් ඉවත්ව යන ශ්රී ලංකාවේ පළමු ජනාධිපතිවරයා ලෙස මෛත්රිපාල සිරිසේන ඉතිහාසගත වේ.
ඡායාරූප මූලාශ්රය, PMD
සම්පූර්ණ මුහුණු ආවරණ ඉවත් කළ යුත්තේ ඡන්දය භාවිත කරන අවස්ථාවේ දී පමණක් බව මැතිවරණ ප්රචණ්ඩ ක්රියා නිරීක්ෂණ මධ්යස්ථානය ඡන්දදායකයින්ට සිහිපත් කරයි.
විශේෂයෙන්ම ඡන්ද මධ්යස්ථානයට ඇතුළුවීම සඳහා මුහුණු ආවරණ ඉවත්කිරීමේ අවශ්යතාවක් නැති බව එම මධ්යස්ථානය පෙන්වා දෙයි.
වවුනියාව දිස්ත්රික්කයේ ඡන්ද දායකයන්ගෙන් 47% මේ වනවිට ඡන්දය ප්රකාශ කර ඇතැයි දිස්ත්රීක් තේරීම් භාර නිලධාරීන් අයි එම් හනීෆා පවසයි.
උතුරේ ජනතාව දැඩි උනන්දුවකින් ඡන්දය ප්රකාශ කරන ආකාරයක් දක්නට ඇති බව ප්රාදේශීය වාර්තාකරුවෝ පවසති.
ලෝකයේ මැතිවරණවල "බෙල්වෙදර් ඡන්ද කොට්ඨාස" ලෙස එනම් යම් මැතිවරණයක් ජයගැනීමට පෙර එහි අතීත ප්රතිඵල අනුව ජයගැනීමට අත්යවශ්ය ලෙස සැලකෙන ප්රදේශ ගැන විශ්ලේෂණය කර ඇත.
තන්තිරිමලේ වෙඩි තැබීමේ ඡායාරූප සමාජ මාධ්ය ජාල ඔස්සේ පළ වී තිබුණි.
ඡායාරූප මූලාශ්රය, Twitter
