එක්සත් අරාබි එමීර් රාජ්යයේ තෙල් පර්යන්තයේ ගින්නක්, ඩනිඑලේ පලුම්බෝ සහ පෝල් බ්රවුන්
එක්සත් අරාබි එමීර් රාජ්යයේ ඕමාන් බොක්ක වෙරළ තීරයේ පිහිටා ඇති ෆුජයිරා තෙල් පර්යන්තයේ ගින්නක් හටගෙන ඇති බව BBC Verify විසින් පරීක්ෂා කරන ලද වීඩියෝ දෙකකින් පෙන්නුම් කෙරෙනවා.
ගින්න සම්බන්ධ පළමු වීඩියෝව තෙල් ගබඩා ප්රදේශයක් අසල ප්රධාන මාර්ගයක රිය පදවන අයෙකු විසින් රූගත කරනු ලැබ තිබෙනවා. දෙවැන්න ඒ අසල පිහිටි ජනාකීර්ණ ප්රදේශයක සිට ලබාගෙන ඇති අතර එහි දැවැන්ත කළු දුමාරයක් අහසට නැගෙන ආකාරය පෙන්නුම් කරනවා.
"නවතම වර්ධනයන්වල ප්රතිඵලයක් ලෙස පූර්වාරක්ෂක පියවරක් වශයෙන්" මෙහෙයුම් අත්හිටුවා ඇති බවත්, "සුදුසු පරිදි හැකි ඉක්මනින්" එය නැවත විවෘත කරන බවත් පර්යන්තය පවත්වාගෙන යන බලශක්ති සමාගමක් වන VTTI බීබීසී පුවත් වෙත පැවසුවා.
අද උදෑසන Planet Labs PBC විසින් ලබා ගන්නා ලද චන්ද්රිකා ඡායාරූපවලින් පෙන්නුම් කළේ, අවම වශයෙන් එක් තෙල් ටැංකියකට හානි සිදුවී ඇති බවත් ඒ අසල පිළිස්සුම් සලකුණු දැකිය හැකි බවත්ය.
අඟහරුවාදා එරට වේලාවෙන් රාත්රී 9:00ට පසුව නාසා චන්ද්රිකා ද එම ස්ථානයේ ම තාප සලකුණු ඇති බව අනාවරණය කර ගත්තා.
ෆුජයිරා තෙල් පර්යන්තයේ ඝන මීටර් මිලියන 1.2ක් දක්වා තෙල් ගබඩා කළ හැකි අතර ඕමාන් බොක්ක ආසන්න වෙරළ තීරයේ පිහිටා තිබෙනවා.