IDF ඉරානයට නව ප්රහාර මාලාවක් එල්ල කරයි
"ටෙහෙරානයේ ඉරාන ත්රස්තවාදී පාලන යටිතල පහසුකම්" වෙත 15 වන ප්රහාර රැල්ල ආරම්භ කර ඇති බව ඊශ්රායල ආරක්ෂක හමුදා පවසනවා.
ඉරාන යුද්ධය හේතුවෙන් බොරතෙල් බැරලයක මිල ඩොලර් 110 ඉක්මවා යයි
ගෝලීය වෙළෙඳපොලේ බොරතෙල් බැරලයක මිල ඩොලර් 110 (පවුම් 82.74) ඉක්මවා ගොස් තිබේ. ඒ ඉරානය සමඟ එක්සත් ජනපද-ඊශ්රායල යුද්ධය උත්සන්න වීම නිසා හෝමූස් සමුද්ර සන්ධිය හරහා නැව්ගත කිරීම්වලට දිගුකාලීන බාධා ඇති වේ යැයි බියක් ඇති වී තිබීම හේතුවෙනි.
සාරාංශය
- ඊශ්රායල ප්රහාරවලින් ලෙබනනයේ මියගිය සංඛ්යාව 400කට ආසන්න වී ඇති බව රජයේ සෞඛ්ය අමාත්යවරයා පවසයි
- සිවිල් ප්රදේශවලසිට ප්රහාර එල්ල කරන බවට ටෙහෙරානයට චෝදනා: නිවෙස්වලට වී සිටින ලෙස එක්සත් ජනපද මධ්යම විධානය ඉරාන වැසියන්ගෙන් ඉල්ලයි
- මේ අතර, ඉරාන විශේෂඥයින්ගේ සභාව පවසන්නේ උත්තරීතර නායක අයතුල්ලා අලි කමේනි වෙනුවට පත් කරන්නේ කවුරුන් ද යන්න පිළිබඳව එකඟතාවකට පැමිණ ඇති නමුත් පත්වීම සිදු කිරීමට "බාධා පවතින" බවයි
- එවැනි පසුබිමක, ඊශ්රායල හමුදාව ඕනෑ ම අනුප්රාප්තිකයෙකු තම ඉලක්කය බවට පත්වන්නේ යැයි තර්ජනය කර තිබේ
- මැද පෙරදිග යුද්ධය දෙවන සතියට එළඹෙත් ම කුවේටයේ කුළුණක දැවැන්ත ගින්නක් හටගෙන ඇති අතර ගල්ෆ් කලාපය පුරා මිසයිල සහ ඩ්රෝන ප්රහාර සිදුවන බවට තවදුරටත් වාර්තා වෙයි
- මේ අතර, ජනාධිපති ට්රම්ප්, "අපි දැනටමත් ජයග්රහණය කළ පසු යුද්ධවලට සම්බන්ධ වීමට" උත්සහ කරන බවට බ්රිතාන්ය අග්රාමාත්යවරයාට චෝදනා කරයි. එක්සත් රාජධානියේ ගුවන් යානා ප්රවාහන නෞකා "අපට අවශ්ය නැහැ," යනුවෙන් ද ඔහු පැවසීය
- 'ගැටුම් උග්ර වීම අවම කර ගැනීමට තිබුණු අපේ සූදානම' ට්රම්ප් විනාශ කර දැමුවා - ඉරාන විදේශ ඇමති
සජීවී වාර්තාකරණය
"යුද්ධය පටන් ගත්තේ අපි නෙමෙයි. අපි අපිව ආරක්ෂා කර ගන්නවා විතරයි" - ඉරාන තානාපති
ඉරානයට පහර දීමට එරෙහිව මාර්තු 5 කොළඹ, දවටගහ ජුම්මා මුස්ලිම් දේවස්ථානය ඉදිරිපිට විරෝධතාවක් පැවැත්වුණා.
මෙය සංවිධානය කර තිබුණේ, නිදහස් පලස්තීනයක් සඳහා මිතුරෝ සංවිධානය විසින්.
ඊට ශ්රී ලංකාවේ ඉරාන තානාපති අලිරේසා ඩෙල්කොෂ් සහ ශ්රී ලංකාවේ දේශපාලනඥයින් ද සහභාගි වී සිටියා.
එහිදී මාධ්ය වෙත අදහස් දක්වමින් ඉරාන තානාපතිවරයා, "යුද්ධය පටන් ගත්තේ අපි නෙමෙයි. අපි අපිව ආරක්ෂා කර ගන්නවා විතරයි,"යනුවෙන් පැවසුවා.
වීඩියෝ ශීර්ෂ වැකිය, "යුද්ධය පටන් ගත්තේ අපි නෙමෙයි. අපි අපිවම ආරක්ෂා කරගන්නවා විතරයි." ඉරානයට ශ්රී ලංකාවේ සහය පළ කරමින් විරෝධතා
ඉරානයට ශ්රී ලංකාවේ සහය පළ කරමින් සිකුරාදා කොළඹදී විරෝධතා පැවැත්වුණා.
වීඩියෝ ශීර්ෂ වැකිය, ඉරානයට ලංකාවේ සහය පළ කරමින් පැවති විරෝධතා බේරූට් වෙත 'පුළුල් පරිමාණයේ ප්රහාර රැල්ලක්' සිදු කළ බව ඊශ්රායල ආරක්ෂක හමුදා පවසයි
බේරූට්හි දකුණු තදාසන්න ප්රදේශවල ප්රහාරවලින් පසු දුමාරයක් නැගුණා.
ඊශ්රායල ආරක්ෂක හමුදා (IDF) පවසන්නේ ඔවුන් එක රැයක් තුළ බේරූට් නගරයට එරෙහිව "පුළුල් පරිමාණයේ" ප්රහාර රැල්ලක් දියත් කළ බවයි.
ඡායාරූප මූලාශ්රය, Reuters
ඉරානයට ඇමරිකානු හමුදා ගොඩබිමින් යැවීම 'කාලය නාස්ති කිරීමක්' බව ට්රම්ප් පවසයි
ඉරානයට ඇමරිකානු හමුදා යැවීම දැනට "කාලය නාස්ති කිරීමක්" බවත්, ඒ ගැන ඔහු දැන් සිතමින් සිටින දෙයක් නොවන බවත් එක්සත් ජනපද ජනාධිපති ඩොනල්ඩ් ට්රම්ප් එන්බීසී ප්රවෘත්ති සේවයට පවසා තිබෙනවා.
"එය කාලය නාස්ති කිරීමක්. ඔවුන්ට සියල්ල අහිමි වී වෙලා. ඔවුන්ට ඔවුන්ගේ නාවික හමුදාව අහිමි වී වෙලා.
ඔවුන්ට අහිමි විය හැකි සියල්ල ඔවුන්ට අහිමි වී වෙලා," ට්රම්ප් බ්රහස්පතින්දා [මාර්තු 05] එන්බීසී වෙත පැවසුවා.
ඉරාන විදේශ අමාත්ය අබ්බාස් අගාචි එන්බීසී වෙත මීට පෙර කළ ප්රකාශය "වැඩකට නැති ප්රකාශයක්" බව ඔහු තවදුරටත් පැවසුවා.
වත්මන් ඉරාන නායකත්ව ව්යුහය "පිරිසිදු කිරීමට" අවශ්ය බව ට්රම්ප් පැවසුවා.
"අපිට ඔවුන්ට හොඳ නායකයෙක් අවශ්යයි. හොඳට වැඩ කරයි කියලා මම සිතන සමහර අය අපට ඉන්නවා," ඔහු කිසිවෙකු නම් නොකර පැවසුවා.
රුසියාවෙන් තෙල් මිල දී ගැනීමට ඉන්දියාවට ඇමෙරිකාවෙන් ඉඩ
ඉන්දියාවට රුසියානු තෙල් මිල දී ගැනීමට ඉඩ සැලසීම සඳහා ඇමෙරිකානු භාණ්ඩාගාර දෙපාර්තමේන්තුව තාවකාලිකව සම්බාධක ලිහිල් කර තිබෙනවා.
දින 30ක මෙම සහනය මගින් ගෝලීය වෙළෙඳපොළ තුළ තෙල් ගලා යාමට ඉඩ සැලසෙන අතර "ගෝලීය බලශක්ති ප්රාණ ඇපයට ගැනීමට ඉරානය දරන උත්සහය නිසා ඇතිවන පීඩනය සමනය වන" බව භාණ්ඩාගාර ලේකම් ස්කොට් බෙසන්ට් පැවසුවා.
මෙම පියවර "මනා අවබෝධයෙන් ගත් කෙටිකාලීන පියවරක්" වන අතර එය "රුසියානු රජයට මූල්ය ප්රතිලාභයක් ලබා නොදෙනු ඇත," මන්ද එය අදාළ වන්නේ මුහුදේ දැනටමත් සිරවී ඇති තෙල් නෞකාවලට පමණක් බව බෙසන්ට් Xහි සටහනක් තබමින් සඳහන් කළා.
රුසියාව යුක්රේනය ආක්රමණය කිරීමෙන් පසු එක්සත් ජනපද ජනාධිපති ඩොනල්ඩ් ට්රම්ප් රුසියානු තෙල් සඳහා සම්බාධක පැනවූ අතර, ඒ හේතුවෙන් ගැනුම්කරුවන්ට විකල්ප සෙවීමට වුණා.
රුසියානු බලශක්ති නිෂ්පාදනවල ප්රධාන ගැනුම්කරුවෙකු වන ඉන්දියාවට, යුක්රේන ආක්රමණයට ගලා එන මුදල් අඩු කිරීමේ උත්සහයක් ලෙස, එරට තෙල් මිල දී ගැනීම නතර කරන ලෙස වොෂින්ටනය විශේෂ පීඩනයක් එල්ල කර තිබෙනවා.
ඉරානය බහරේනයේ හෝටලයක් ඉලක්ක කළ බව එරට අභ්යන්තර කටයුතු අමාත්යංශය කියයි
ප්රහාරයකින් මනමා අගනුවර හෝටලයක් සහ නේවාසික ගොඩනැගිලි දෙකක් ඉලක්ක කර ගනිමින් ඉරානයෙන් ප්රහාරයක් එල්ල වූ බව බහරේන් අභ්යන්තර කටයුතු අමාත්යංශය පවසනවා.
මෙම නවතම ප්රහාරයෙන් "ගොඩනැගිලිවලට හානි සිදුවී ඇති නමුත් ජීවිත හානි සිදු වී නැතැයි" යනුවෙන් අභ්යන්තර කටයුතු අමාත්යංශය Xහි සටහනක් තබමින් සඳහන් කර තිබුණා.
මෙම සතිය මුලදී, බහරේනයේ පිහිටා ඇති ඇමෙරිකා එක්සත් ජනපද නාවික හමුදා කඳවුර ඉරාන මිසයිල මගින් ඉලක්ක කර ගත්තා.
ආයුබෝවන්!
බීබීසී සිංහල සජීවී පිටුවට ඔබ සාදරයෙන් පිළිගන්නවා.
බීබීසී සිංහල අප කණ්ඩායම විසින් අද උදෑසන 9 සිට පස්වරු 7 දක්වා ඉරානයට එරෙහි ඇමෙරිකා-ඊශ්රායල් යුද්ධය සහ ඉරානය විසින් මැදපෙරදිග රටවලට එල්ල කරන ප්රතිප්රහාර හේතුවෙන් වර්ධනය වන ආතතීන්ගේ ඔබට වැදගත් වන ප්රවෘත්ති මෙමගින් ගෙන එනවා.
ඊයේ දිනයේ අප ගෙනා ආ සජීවී පිටුව කියවීමට මෙම ලිනික් ක්ලික් කරන්න
මේ සම්බන්ධයෙන් අපගේ වෙබ් අඩවියේ පළවී ඇති තවත් වැදගත් ලිපි කියවන්න
මේ සම්බන්ධයෙන් ඔබට අපගේ සමාජ මාධ්ය ඔස්සේ නැරඹිය හැකි වීඩියෝ