Facal Oirbh, BBC Radio nan Gàidheal, 01 Dùbhlachd 2009

Biadh: A' sailleadh

A' sailleadh bhradain

Tha a bhith a' sailleadh bhradain glè eadar-dhealaichte bho bhith a' sailleadh a' mhòr-chuid de dh'iasg eile, no fiù 's feòil.

Ma chleachdas tu salainn a-mhàin, gabhaidh am bradan uiread dhen t-salainn agus nach mòr gun urrainn do dhuine ithe. Ach, le bhith a' cleachdadh siùcar donn còmhla ris an t-salainn, gheibheadh tu blas agus tais as an iasg nach fhaigheadh tu le salainn a-mhàin.

Picil

Ma tha thu a' sailleadh tràth air a' bhliadhna gu cinnteach bu chòir picil a dhèanamh agus a ghoil agus leigeil leis fuarachadh mas tèid a dhòrtadh air an fheòil.

Bha neart a' phicil air a thomhais le buntàta. Nuair a sheòladh am buntàta as a' phicil, bha e làidir gu leòr.

A' sailleadh feòil

Mur a deigheadh cuideam a chuir air an fheòil le bòrd agus cuideam de sheòrsa a choireigin air uachdar, bhiodh an fheòil buailteach a bhith ag èirigh an-àird' agus a' seòladh as a' phicil.

Bha Ceit Anna NicIlliallain, Taigh a' Gheàrraidh, Uibhist a Tuath ag innse nuair a bhiodh iad a' cur an fheòil dhan a' phicil gum biodh iad a' cur crathadh eile de shalainn timcheall oirre mus deigheadh i dhan a' phicil.

A' sailleadh uighean

Chleachdas a bhith a' cur uighean leis an t-slige fhathast orra ann an stuth air an robh Water Glass, fùdar geal a bhathas a' measgachadh le uisge.

'S ann deireadh an fhoghair a bhiodh seo air a dhèanamh, gus am biodh uighean aca airson a' gheamhraidh.

Bha stuth eile ann air an robh Isinglass.