ਭਾਰਤ ਸਰਕਾਰ ਵੱਲੋਂ ਯੂਕਰੇਨ ਵਿੱਚ ਫਸੇ ਭਾਰਤੀਆਂ ਨੂੰ ਇਸ ਰਸਤੇ ਤੋਂ ਕੱਢਿਆ ਜਾ ਰਿਹਾ ਹੈ

ਰੂਸ ਨੇ ਵੀਰਵਾਰ ਨੂੰ ਯੂਕਰੇਨ 'ਤੇ ਹਮਲਾ ਕਰ ਦਿੱਤਾ। ਯੂਕਰੇਨ ਦੇ ਰਾਸ਼ਟਰਪਤੀ ਮੁਤਾਬਕ ਹਮਲੇ ਦੇ ਪਹਿਲੇ ਦਿਨ ਯੂਕਰੇਨ ਦੇ 137 ਲੋਕਾਂ ਦੀ ਮੌਤ ਹੋ ਗਈ ਹੈ।

ਲਾਈਵ ਕਵਰੇਜ

  1. ਰੂਸ ਵਿੱਚ ਜੰਗ ਵਿਰੋਧੀ ਮੁਜ਼ਾਹਰੇ ਤੇ ਹਿਰਾਸਤਾਂ

    Russia Ukraine Crisis

    ਤਸਵੀਰ ਸਰੋਤ, Getty Images

    ਸਾਬਕਾ ਸੋਵੀਅਤ ਰੂਸ ਦੀ ਰਾਜਧਾਨੀ ਸੇਂਟ ਪੀਟਰਜ਼ਬਰਗ ਵਿੱਚ ਹਜ਼ਾਰਾਂ ਲੋਕਾਂ ਦੀ ਭੀੜ ਯੂਕਰੇਨ ਉੱਪਰ ਹਮਲੇ ਦਾ ਵਿਰੋਧ ਕਰਨ ਲਈ ਇੱਕਠੀ ਹੋਈ।

    ਖ਼ਬਰ ਏਜੰਸੀ ਏਐਫ਼ਪੀ ਮੁਤਾਬਕ 1000 ਦੇ ਕਰੀਬ ਲੋਕਾਂ ਨੂੰ ਨਕਾਬਪੋਸ਼ ਪੁਲਿਸ ਨੇ ਹਿਰਾਸਤ ਵਿੱਚ ਲਿਆ ਹੈ।

    Skip X post
    X ਸਮੱਗਰੀ ਦੀ ਇਜਾਜ਼ਤ?

    ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।

    ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।

    End of X post

  2. ਮੈਂਕਰੋਂ ਦੀ ਪੁਤਿਨ ਨਾਲ ਹੋਈ ਗੱਲ, ਯੂਰਪੀਅਨ ਸੰਘ ਵੱਲੋਂ ਰੂਸ ਵਿਰੁੱਧ ਨਵੀਆਂ ਤੇ ਸਖ਼ਤ ਪਾਬੰਦੀਆਂ ਦਾ ਐਲਾਨ

    ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੂਅਲ ਮੈਕਰੋਨ

    ਤਸਵੀਰ ਸਰੋਤ, Reuters

    ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੂਅਲ ਮੈਕਰੋਂ ਨੇ ਦੱਸਿਆ ਹੈ ਕਿ ਉਨ੍ਹਾਂ ਦੀ ਆਪਣੇ ਰੂਸੀ ਹਮਰੁਤਬਾ ਵਲਾਦੀਮੀਰ ਪੁਤਿਨ ਨਾਲ ਗੱਲ ਹੋਈ ਹੈ।

    ਉਨ੍ਹਾਂ ਨੇ ਕਿਹਾ ਕਿ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲਦੀਮੀਰ ਜ਼ੇਲੈਂਸਕੀ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਉਹ ਪੁਤਿਨ ਨੂੰ ਫ਼ੋਨ ਕਰ ਰਹੇ ਹਨ ਪਰ ਗੱਲ ਨਹੀਂ ਹੋ ਰਹੀ।

    ਇਸ ਲਈ ਉਨ੍ਹਾਂ ਦਾ ਸੁਨੇਹਾ ਦੇਣ ਲਈ ਪੁਤਿਨ ਨੂੰ ਫ਼ੋਨ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਪੁਤਿਨ ਨਾਲ ਉਨ੍ਹਾਂ ਦੀ ਗੱਲਬਾਤ ''ਸਪਸ਼ਟ, ਸਿੱਧੀ ਅਤੇ ਫ਼ੌਰੀ'' ਸੀ।

    ਇਹ ਜਾਣਕਾਰੀ ਉਨ੍ਹਾਂ ਨੇ ਯੂਰਪੀ ਯੂਨੀਅਨ ਦੇ ਬੇਲਾਰੂਸ ਵਿੱਚ ਇੱਕ ਸਮਿੱਟ ਤੋਂ ਬਾਅਦ ਪੱਤਰਕਾਰਾਂ ਨੂੰ ਦਿੱਤੀ।

    ਦੂਜੇ ਪਾਸੇ, ਯੂਰਪੀਅਨ ਸੰਘ ਨੇ ਰੂਸ ਵਿਰੁੱਧ ਨਵੀਆਂ ਅਤੇ ਬਹੁਤ ਸਖ਼ਤ ਪਾਬੰਦੀਆਂ ਦਾ ਐਲਾਨ ਕੀਤਾ ਹੈ।

    ਯੂਰਪੀਅਨ ਯੂਨੀਅਨ ਦੀ ਪ੍ਰਧਾਨ ਉਰਸੁਲਾ ਵੋਨ ਡੇਰ ਲੀਏਨ ਮੁਤਾਬਕ ਇਹ ਪਾਬੰਦੀਆਂ ਬਹੁਤ ਵਿਆਪਕ ਹਨ, ਜਿਨ੍ਹਾਂ ਵਿੱਚ ਵਿੱਤੀ ਖੇਤਰ, ਊਰਜਾ, ਟਰਾਂਸਪੋਰਟ ਅਤੇ ਰੂਸੀ ਸਰਕਾਰ ਨਾਲ ਜੁੜੇ ਕੁਲੀਨ ਵਰਗ ਦੇ ਵੀਜ਼ੇ 'ਤੇ ਵੀ ਰੋਕ ਲਗਾ ਦਿੱਤੀ ਗਈ ਹੈ।

    ਉਨ੍ਹਾਂ ਕਿਹਾ ਕਿ ਪਾਬੰਦੀਆਂ, ਰੂਸ ਦੀਆਂ ਤੇਲ ਰਿਫਾਇਨਰੀਆਂ ਲਈ ਤਕਨਾਲੋਜੀ ਅਤੇ ਜਹਾਜ਼ਾਂ ਲਈ ਸਪੇਅਰ ਪਾਰਟਸ ਖਰੀਦਣਾ ਅਸੰਭਵ ਬਣਾ ਦੇਣਗੀਆਂ।

  3. ਕੀਵ ਵਿੱਚ ਸੜਦੀਆਂ ਉੱਚੀਆਂ ਇਮਾਰਤਾਂ ਦੀਆਂ ਤਸਵੀਰਾਂ

    ਯੂਕਰੇਨ

    ਤਸਵੀਰ ਸਰੋਤ, UNIAN

    ਯੂਕਰੇਨ

    ਤਸਵੀਰ ਸਰੋਤ, UNIAN

    ਯੂਕਰੇਨ

    ਤਸਵੀਰ ਸਰੋਤ, UNIAN

    ਯੂਕਰੇਨ

    ਤਸਵੀਰ ਸਰੋਤ, UNIAN

    ਯੂਕਰੇਨ

    ਤਸਵੀਰ ਸਰੋਤ, UNIAN

  4. ਯੂਕਰੇਨ ਦੇ ਰਾਸ਼ਟਰਪਤੀ ਨੇ ਕਿਹਾ, 'ਸਾਡੇ ਲੋਕ ਯੂਕਰੇਨ ਅਤੇ ਯੂਰਪ ਦੀ ਅਜ਼ਾਦੀ ਲਈ ਮਰ ਰਹੇ ਹਨ'

    ਯੂਕਰੇਨ ਦੇ ਰਾਸ਼ਟਰਪਤੀ ਵੋਲਾਦੀਮੀਰ ਜ਼ੇਲੈਂਸਕੀ

    ਤਸਵੀਰ ਸਰੋਤ, OFFICE OF THE PRESIDENT

    ਤਸਵੀਰ ਕੈਪਸ਼ਨ, ਯੂਕਰੇਨ ਦੇ ਰਾਸ਼ਟਰਪਤੀ ਵੋਲਾਦੀਮੀਰ ਜ਼ੇਲੈਂਸਕੀ ਨੇ ਆਪਣੇ ਰਵਾਇਤੀ ਕਾਲੇ ਸੂਟ ਦੀ ਥਾਂ ਮਿਲਟਰੀ ਟੀ-ਸ਼ਰਟ ਪਾ ਲਈ ਹੈ

    ਯੂਕਰੇਨ ਦੇ ਰਾਸ਼ਟਰਪਤੀ ਵੋਲਾਦੀਮੀਰ ਜ਼ੇਲੈਂਸਕੀ ਨੇ ਯੂਰਪੀ ਯੂਨੀਅਨ ਦੇ ਯੂਰਪੀ ਕਾਊਂਸਲ ਦੀ ਹੰਗਾਮੀ ਬੈਠਕ ਵਿੱਚ ਸ਼ਾਮਲ ਹੋਣ ਆਗੂਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਯੂਕਰੇਨ ਦੀ ਰੂਸ ਦੇ ਖਿਲਾਫ਼ ਮਦਦ ਕਰਨ।

    ਉਨ੍ਹਾਂ ਨੇ ਪੱਛਮ ਤੋਂ ਮੰਗ ਕੀਤੀ ਹੈ ਕਿ ਰੂਸ ਖਿਲਾਫ਼ ਤੁਰੰਤ ਸਖਤ ਪਾਬੰਦੀਆਂ ਲਾਗੂ ਕੀਤੀਆਂ ਜਾਣ। ਰੂਸ ਨੂੰ SWIFT ਤੋਂ ਬਾਹਰ ਕੀਤਾ ਜਾਵੇ। ਤੇਲ ਅਤੇ ਕੁਦਰਤੀ ਗੈਸ ਦੇ ਕਾਰੋਬਾਰ ਉੱਪਰ ਆਰਜੀ ਰੋਕ ਲਗਾਈ ਜਾਵੇ। ਯੂਕਰੇਨੀ ਫ਼ੌਜ ਦੀ ਹਥਿਆਰਾਂ ਅਤੇ ਗੋਲਾ-ਬਾਰੂਦ ਨਾਲ ਮਦਦ ਕੀਤੀ ਜਾਵੇ। ਉਨ੍ਹਾਂ ਨੇ ਸੰਯੁਕਤ ਰਾਸ਼ਟਰ ਤੋਂ ਪੀਸ ਕੀਪਿੰਗ ਆਪਰੇਸ਼ਨ ਵਿੱਚ ਮਦਦ ਲਈ ਵੀ ਅਪੀਲ ਕੀਤੀ ਹੈ।

    ਉਨ੍ਹਾਂ ਨੇ ਗਿਲਾ ਕੀਤਾ, ''ਸਾਡੇ ਲੋਕ ਯੂਕਰੇਨ ਅਤੇ ਯੂਰਪ ਦੀ ਅਜ਼ਾਦੀ ਲਈ ਮਰ ਰਹੇ ਹਨ। ਅਸੀਂ ਲੰਬੇ ਸਮੇਂ ਤੋਂ ਬੂਹੇ ਖੁੱਲ੍ਹੇ ਰੱਖ ਕੇ ਉਡੀਕ ਕਰ ਰਹੇ ਸੀ। ਅਸੀਂ ਨਾਟੋ ਦੀ ਮੈਂਬਰੀ ਦੀ ਮੰਗ ਕੀਤੀ ਪਰ ਮੈਨੂੰ ਕੋਈ ਜਵਾਬ ਨਹੀਂ ਮਿਲਿਆ।''

  5. ਏਸ਼ੀਅਨ ਬਜ਼ਾਰ ਡੁਬਕੀ ਤੋਂ ਬਾਅਦ ਉੱਭਰੇ

    ਗਰਾਫਿਕਸ

    ਤਸਵੀਰ ਸਰੋਤ, Getty Images

    ਸ਼ੁੱਕਰਵਾਰ ਨੂੰ ਏਸ਼ੀਆ ਦੀਆਂ ਸ਼ੇਅਰ ਮਾਰਕਿਟਾਂ ਉੱਛਾਲ ਨਾਲ ਖੁੱਲ੍ਹੀਆਂ। ਇਸ ਨੂੰ ਅਮਰੀਕੀ ਬਜ਼ਾਰਾਂ ਵਿੱਚ ਰੂਸ ਉੱਪਰ ਲੱਗੀਆਂ ਕੌਮਾਂਤਰੀ ਪਾਬੰਦੀਆਂ ਦੇ ਦੌਰ ਤੋਂ ਬਾਅਦ ਆਏ ਉਛਾਲ ਦਾ ਨਤੀਜਾ ਕਿਹਾ ਜਾ ਰਿਹਾ ਹੈ।

    ਟੋਕੀਓ ਦੀ ਨਿੱਕਅਈ 255 ਸੂਚਕਆਂਕ ਸ਼ੁੱਕਰਵਾਰ ਸਵੇਰ 0.9% ਉੱਪਰ ਖੁੱਲ੍ਹਿਆ ਜਦਕਿ ਹੋਰ ਸੂਚਕਆਂਕ ਵਿੱਚ ਹਰਿਆਲੀ ਦੇਖੀ ਗਈ। ਦੱਖਣੀ ਕੋਰੀਆ ਕੋਸਪੀ ਮਾਰਕਿਟ 1.6% ਅਤੇ ਸਿਡਨੀ ਦੇ S&P/ASX 200 0.3% ਨਾਲ ਉੱਪਰ ਖੁੱਲ੍ਹੀ।

    ਵੀਰਵਾਰ ਨੂੰ ਯੂਕਰੇਨ ਉੱਪਰ ਰੂਸ ਦੇ ਹਮਲੇ ਕਾਰਨ ਵਿਸ਼ਵੀ ਬਾਜ਼ਾਰਾਂ ਨੇ ਇੱਕ ਵੱਡੀ ਡੁਬਕੀ ਲਗਾਈ ਸੀ। ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਵੀ ਉੱਛਾਲ ਆਇਆ ਤੇ ਇਹ 100 ਅਮਰੀਕੀ ਡਾਲਰ ਫੀ ਬੈਰਲ ਦੇ ਹਿਸਾਬ ਨਾਲ ਵਧੀਆਂ ਪਰ ਹੁਣ ਇਨ੍ਹਾਂ ਵਿੱਚ ਵੀ ਠਹਿਰਾਅ ਆ ਗਿਆ ਹੈ।

    ਕੱਚੇ ਤੇਲ ਅਤੇ ਕੁਦਰਤੀ ਗੈਸ ਦਾ ਰੂਸ ਦੁਨੀਆਂ ਦਾ ਵੱਡਾ ਨਿਰਿਆਤਕ ਹੈ। ਹਾਲਾਂਕਿ ਰੂਸ ਦੇ ਕੁੱਲ ਤੇਲ ਤੇ ਗੈਸ ਨਿਰਿਆਤ ਦਾ 14% ਇੱਕਲੇ ਚੀਨ ਨੂੰ ਹੀ ਜਾਂਦਾ ਹੈ।

  6. ਰੂਸ ਯੂਕਰੇਨ ਦਾ ਤਖ਼ਤਾ ਪਲਟ ਕਰਨ ਦੀ ਕੋਸ਼ਿਸ਼ ਕਰੇਗਾ - ਅਮਰੀਕਾ

    ਅਮਰੀਕੀ ਵਿਦੇਸ਼ ਮੰਤਰੀ ਐਂਟੋਨੀ ਬਲਿੰਕਨ

    ਤਸਵੀਰ ਸਰੋਤ, Getty Images

    ਤਸਵੀਰ ਕੈਪਸ਼ਨ, ਫਾਈਲ ਫ਼ੋਟੋ-ਅਮਰੀਕੀ ਵਿਦੇਸ਼ ਮੰਤਰੀ ਐਂਟੋਨੀ ਬਲਿੰਕਨ

    ਅਮਰੀਕੀ ਵਿਦੇਸ਼ ਮੰਤਰੀ ਐਂਟੋਨੀ ਬਲਿੰਕਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਯੂਕਰੇਨ ਸਰਕਾਰ ਦਾ ਤਖ਼ਤਾ ਪਲਟ ਕਰਨ ਦੀ ਕੋਸ਼ਿਸ਼ ਕਰਨਗੇ।

    ਅਮਰੀਕੀ ਬਰਾਡਕਾਸਟਰ ਏਬੀਸੀ ਨਾਲ ਗੱਲਬਾਤ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਦੇਸ ਉੱਪਰ ਉੱਤਰ, ਪੁੂਰਬ ਤੇ ਦੱਖਣੀ ਸਰਹੱਦਾਂ ਰਾਹੀਂ ਬਹੁ-ਦਿਸ਼ਾਈ ਹਮਲਾ ਕਰਨ ਦੇ ਨਾਲ ਹੀ ਕੀਵ ਅਤੇ ਯੂਕਰੇਨ ਵਿੱਚ ਹੋਰ ਪ੍ਰਮੁੱਖ ਸ਼ਹਿਰਾਂ ਉੱਪਰ ਹਮਲਾ ਕਰਨਾ ਰੂਸ ਦੀ ਯੋਜਨਾ ਦਾ ਹਿੱਸਾ ਸੀ।

    ਉਨ੍ਹਾਂ ਨੇ ਕਿਹਾ ਕਿ ਰੂਸ ਦੇ ਯੂਕਰੇਨ ਤੋਂ ਅੱਗੇ ਵੀ ਹਮਲਾ ਕਰਨ ਦੀ ਸੰਭਾਵਨਾ ਹੈ ਪਰ ਅਮਰੀਕਾ ਆਪਣੇ ਨਾਟੋ ਸਹਿਯੋਗੀਆਂ ਦੀ ਰਾਖੀ ਕਰਨ ਲਈ ਵਚਨਬੱਧ ਹੈ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ, ''ਨਾਟੋ ਦੇ ਕਿਸੇ ਇੱਕ ਵੀ ਮੈਂਬਰ ਉੱਪਰ ਹਮਲਾ ਨਾਟੋ ਦੇ ਸਾਰੇ ਮੈਂਬਰਾਂ ਉੱਪਰ ਹਮਲਾ ਹੋਵੇਗਾ।''

  7. ਯੂਕਰੇਨ ਵਿੱਚ ਰਹਿੰਦੇ ਪੰਜਾਬੀ ਨੇ ਦੱਸਿਆ ਹਾਲ

    ਵੀਡੀਓ ਕੈਪਸ਼ਨ, ਸਵੇਰੇ 5 ਵਜੇ ਹੀ ਬੰਬ ਚੱਲਣ ਦੀਆਂ ਆਵਾਜ਼ਾਂ ਆਉਣ ਲੱਗੀਆਂ - ਯੂਕਰੇਨ ਵਿੱਚ ਰਹਿੰਦੇ ਪੰਜਾਬੀ ਨੇ ਦੱਸਿਆ ਹਾਲ
  8. ਰੂਸ ਯੂਕਰੇਨ ਜੰਗ: ਸਿਲੋਵਿਕੀ ਗਰੁੱਪ ਕੀ ਹੈ, ਜਿਸ ਦੀ ਸਲਾਹ ਨਾਲ ਪੁਤਿਨ ਨੇ ਹਮਲਾ ਕੀਤਾ

    ਪੁਤਿਨ

    ਤਸਵੀਰ ਸਰੋਤ, Getty Images

    ਪਿਛਲੇ ਕੁਝ ਦਿਨਾਂ ਦੌਰਾਨ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਕੁਝ ਅਜਿਹੇ ਅਹਿਮ ਫ਼ੈਸਲੇ ਲਏ ਹਨ, ਜਿਨ੍ਹਾਂ ਦਾ ਅਸਰ ਨਾ ਸਿਰਫ਼ ਯੂਕਰੇਨ ਉੱਪਰ ਪਵੇਗਾ ਸਗੋਂ ਸਮੁੱਚੀ ਦੁਨੀਆਂ ਉੱਪਰ ਵੀ ਪੈਣਾ ਤੈਅ ਹੈ।

    ਆਖ਼ਰ ਉਨ੍ਹਾਂ ਨੇ ਇਹ ਫ਼ੈਸਲੇ ਕਿਸ ਦੀ ਸਲਾਹ 'ਤੇ ਲਏ? ਕੁਝ ਵਿਸ਼ਲੇਸ਼ਕਾਂ ਦੀ ਰਾਇ ਹੈ ਕਿ ਕਿਤੇ ਰੂਸ ਦੀਆਂ ਤਾਜ਼ਾ ਫ਼ੌਜੀ ਸਰਗਰਮੀਆਂ ਰੂਸ ਦੇ ਕੁਝ ਮੰਤਰੀਆਂ ਅਤੇ ਸੁਰੱਖਿਆ ਏਜੰਸੀਆਂ ਦੇ ਮੁਖੀਆਂ ਦੇ ਇੱਕ ਗਰੁੱਪ ਜਿਸ ਨੂੰ ''ਸਿਲੋਵਿਕੀ'' ਕਿਹਾ ਜਾਂਦਾ ਹੈ, ਦੇ ਪ੍ਰਭਾਵ ਦਾ ਨਤੀਜਾ ਤਾਂ ਨਹੀਂ ਹਨ?

    ਇਸ ਰਿਪੋਰਟ ਵਿੱਚ ਪੜ੍ਹੋ ਉਹ ਕੌਣ ਲੋਕ ਹਨ ਜਿਨ੍ਹਾਂ ਦੀ ਰਾਸ਼ਟਰਪਤੀ ਪੁਤਿਨ ਸੁਣਦੇ ਹਨ।

  9. ਰੂਸੀ ਫੌਜਾਂ ਨੇ ਚਰਨੋਬਲ ਪਰਮਾਣੂ ਪਾਵਰ ਪਲਾਂਟ 'ਤੇ ਕੀਤਾ ਕਬਜ਼ਾ

    ਰੂਸ - ਯੂਕਰੇਨ ਸੰਕਟ

    ਤਸਵੀਰ ਸਰੋਤ, Getty Images

    ਯੂਕਰੇਨ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਰੂਸੀ ਫੌਜੀ ਬਲਾਂ ਨੇ ਚਰਨੋਬਲ ਪਰਮਾਣੂ ਪਾਵਰ ਪਲਾਂਟ ਦਾ ਨਿਯੰਤਰਣ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ।

    ਰਾਸ਼ਟਰਪਤੀ ਦੇ ਸਲਾਹਕਾਰ ਮਾਈਖਾਈਲੋ ਪੋਡੋਲੀਕ ਨੇ ਕਿਹਾ ਕਿ ਵੀਰਵਾਰ ਨੂੰ ਹੋਇਆ "ਬਿਲਕੁਲ ਵਿਅਰਥ ਹਮਲਾ ਅੱਜ ਯੂਰਪ ਵਿੱਚ ਸਭ ਤੋਂ ਗੰਭੀਰ ਖ਼ਤਰਿਆਂ ਵਿੱਚੋਂ ਇੱਕ" ਹੈ।

    1986 ਵਿੱਚ ਚਰਨੋਬਲ ਵਿਖੇ ਹੋਇਆ ਇੱਕ ਪਰਮਾਣੂ ਧਮਾਕਾ ਮਨੁੱਖੀ ਇਤਿਹਾਸ ਵਿੱਚ ਸਭ ਤੋਂ ਭੈੜੀਆਂ ਤਬਾਹੀਆਂ 'ਚੋਂ ਇੱਕ ਸੀ, ਜਿਸ 'ਚ ਜਾਨ ਅਤੇ ਮਾਲ ਦੋਵਾਂ ਦਾ ਨੁਕਸਾਨ ਹੋਇਆ ਸੀ।

    ਯੂਕਰੇਨ ਦੇ ਰਾਸ਼ਟਰਪਤੀ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਰੂਸ ਨੇ ਆਪਣਾ ਹਮਲਾ ਜਾਰੀ ਰੱਖਿਆ ਤਾਂ ਅਜਿਹੀ ਤਬਾਹੀ ਦੁਬਾਰਾ ਹੋ ਸਕਦੀ ਹੈ।

    ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਟਵਿੱਟਰ 'ਤੇ ਵੀ ਲਿਖਿਆ ਸੀ, "ਸਾਡੀ ਰੱਖਿਆ ਕਰਨ ਵਾਲੇ ਆਪਣੀਆਂ ਜਾਨਾਂ ਦੇ ਰਹੇ ਹਨ ਤਾਂ ਜੋ 1986 ਦੀ ਤ੍ਰਾਸਦੀ ਨੂੰ ਦੁਹਰਾਇਆ ਨਾ ਜਾਵੇ।"

    Skip X post
    X ਸਮੱਗਰੀ ਦੀ ਇਜਾਜ਼ਤ?

    ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।

    ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।

    End of X post

  10. ਯੂਕਰੇਨ ਦੀ ਰਾਜਧਾਨੀ ਕੀਵ ਵਿੱਚ ਜ਼ੋਰਦਾਰ ਧਮਾਕਿਆਂ ਦੀ ਖ਼ਬਰ

    ਰੂਸ - ਯੂਕਰੇਨ ਸੰਕਟ

    ਤਸਵੀਰ ਸਰੋਤ, Reuters

    ਤਸਵੀਰ ਕੈਪਸ਼ਨ, ਰੂਸ - ਯੂਕਰੇਨ ਸੰਕਟ (ਸੰਕੇਤਕ ਤਸਵੀਰ)

    ਯੂਕਰੇਨ ਦੀ ਰਾਜਧਾਨੀ ਕੀਵ ਵਿੱਚ ਕਈ ਧਮਾਕਿਆਂ ਦੀਆਂ ਖਬਰਾਂ ਆ ਰਹੀਆਂ ਹਨ।

    ਸ਼ਹਿਰ ਵਿੱਚ ਮੌਜੂਦ ਸੀਐੱਨਐੱਨ ਦੀ ਇੱਕ ਟੀਮ ਨੇ ਜਾਣਕਾਰੀ ਦਿੱਤੀ ਕਿ ਸ਼ੁੱਕਰਵਾਰ ਨੂੰ ਤੜਕੇ ਮੱਧ ਕੀਵ ਵਿੱਚ ਦੋ ਵੱਡੇ ਧਮਾਕੇ ਅਤੇ ਦੂਰੀ 'ਤੇ ਤੀਜਾ ਜ਼ੋਰਦਾਰ ਧਮਾਕਾ ਸੁਣਾਈ ਦਿੱਤਾ।

    ਯੂਕਰੇਨ ਦੀ ਯੂਨਿਅਨ ਖ਼ਬਰ ਏਜੰਸੀ ਦੀ ਰਿਪੋਰਟ ਮੁਤਾਬਕ, ਸਾਬਕਾ ਉਪ ਗ੍ਰਹਿ ਮੰਤਰੀ ਐਂਟੋਨ ਹੇਰਾਸ਼ਚੇਂਕੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਦੋ ਧਮਾਕਿਆਂ ਦੀ ਆਵਾਜ਼ ਸੁਣੀ। ਉਨ੍ਹਾਂ ਅੱਗੇ ਕਿਹਾ ਕਿ ਕਰੂਜ਼ ਜਾਂ ਬੈਲਿਸਟਿਕ ਮਿਜ਼ਾਈਲਾਂ ਦੀ ਵਰਤੋਂ ਕੀਤੀ ਗਈ ਸੀ।

    ਹਾਲਾਂਕਿ ਯੂਕਰੇਨ ਦੀ ਫੌਜ ਨੇ ਅਜੇ ਤੱਕ ਇਸ ਬਾਰੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।

  11. ਯੂਕਰੇਨ ਰੂਸ ਸੰਕਟ ਦਾ ਪ੍ਰਮੁੱਖ ਘਟਨਾਕ੍ਰਮ

    Russia Ukraine Crisis

    ਤਸਵੀਰ ਸਰੋਤ, Getty Images

    • ਵੀਰਵਾਰ ਨੂੰ ਰੂਸ ਨੇ ਯੂਕਰੇਨ ਤੇ ਹਮਲਾ ਕਰ ਦਿੱਤਾ। ਯੂਕਰੇਨ ਦੇ ਰਾਸ਼ਟਰਪਤੀ ਮੁਤਾਬਕ ਹਮਲੇ ਦੇ ਪਹਿਲੇ ਦਿਨ 137 ਲੋਕਾਂ ਦੀ ਮੌਤ ਹੋ ਗਈ ਜਿਨ੍ਹਾਂ ਵਿੱਚ ਫੌਜੀ ਤੇ ਆਮ ਲੋਕ ਸ਼ਾਮਲ ਸਨ।
    • ਭਾਰਤ ਦੇ ਲਗਪਗ 15000 ਵਿਦਿਆਰਥੀ ਯੂਕਰੇਨ ਵਿੱਚ ਮੌਜੂਦ ਹਨ। ਭਾਰਤੀ ਦੂਤਾਵਾਸ ਨੇ ਇਨ੍ਹਾਂ ਦੀ ਸੁਰੱਖਿਆ ਸੁਨਿਸ਼ਚਿਤ ਕਰਨ ਦੀ ਅਪੀਲ ਯੂਕਰੇਨ ਸਰਕਾਰ ਨੂੰ ਕੀਤੀ ਹੈ।
    • ਯੂਕਰੇਨ ਤੋਂ ਆਉਣ ਅਤੇ ਜਾਣ ਵਾਲੀਆਂ ਨਾਗਰਿਕ ਉਡਾਨਾਂ ਫਿਲਹਾਲ ਰੱਦ ਹਨ।
    • ਭਾਰਤ ਵਿੱਚ ਯੂਕਰੇਨ ਦੇ ਰਾਜਦੂਤ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦਖ਼ਲ ਕਰਨ ਦੀ ਅਪੀਲ ਕੀਤੀ ਹੈ।
    • ਲੋਕ ਯੂਕਰੇਨੀ ਰਾਜਧਾਨੀ ਕੀਵ ਵਿੱਚੋਂ ਨਿਕਲਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
    • ਨਾਟੋ ਮੁਖੀ ਜੇਨਸ ਸਟੋਲਨਵਰਗ ਨੇ ਕਿਹਾ ਕਿ ਰੂਸ ਨੇ ਹਮਲੇ ਦੀ ਤਿਆਰੀ ਪਹਿਲਾਂ ਤੋਂ ਹੀ ਕੀਤੀ ਹੋਈ ਸੀ।
    • ਅਮਰੀਕਾ, ਯੂਕੇ ਅਤੇ ਹੋਰ ਪੱਛਮੀ ਦੇਸ਼ਾਂ ਵੱਲੋਂ ਰੂਸ ਉੱਪਰ ਸਖ਼ਤ ਪਾਬੰਦੀਆਂ ਲਗਾਉਣ ਦੀ ਗੱਲ ਆਖੀ ਹੈ। ਫਿਲਹਾਲ ਇਹ ਦੇਸ਼ ਆਪਣੀਆਂ ਫ਼ੌਜਾਂ ਯੂਕਰੇਨ ਨਹੀਂ ਭੇਜਣਗੇ।
    • ਉਧਰ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਆਖਿਆ ਹੈ ਕਿ ਜੇਕਰ ਕਿਸੇ ਨੇ ਰੂਸ 'ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਨੂੰ ਜਵਾਬ ਮਿਲੇਗਾ।
  12. ਬੀਬੀਸੀ ਪੰਜਾਬੀ ਦੇ ਲਾਈਵ ਪੇਜ 'ਤੇ ਤੁਹਾਡਾ ਸਵਾਗਤ ਹੈ। ਰੂਸ ਨੇ ਵੀਰਵਾਰ ਨੂੰ ਯੂਕਰੇਨ 'ਤੇ ਹਮਲਾ ਕਰ ਦਿੱਤਾ। ਇਸ ਪੇਜ ਰਾਹੀਂ ਅਸੀਂ ਇਸ ਸੰਕਟ ਨਾਲ ਜੁੜੀਆਂ ਅਹਿਮ ਗਤੀਵਿਧੀਆਂ ਸਾਂਝੀਆਂ ਕਰਾਂਗੇ। 25 ਫਰਵਰੀ ਦੇ ਲਾਈਵ ਪੇਜ ਲਈ ਇੱਥੇ ਕਲਿੱਕ ਕਰੋ