ਖ਼ਬਰ ਏਜੰਸੀ
ਏਐੱਨਆਈ ਮੁਤਾਬਕ ਕਾਬੁਲ ਤੋਂ ਪਰਤੇ ਇੱਕ ਭਾਰਤੀ ਨਾਗਰਿਕ ਨੇ ਦੱਸਿਆ,“ਮੇਰੀ ਬੇਟੀ ਨੂੰ ਤੇਜ਼ ਬੁਖ਼ਾਰ
ਸੀ। ਕਾਬੁਲ ਵਿੱਚ ਰਾਤ ਅੱਠ ਤੋਂ ਸਵੇਰੇ ਛੇ ਵਜੇ ਤੱਕ ਕਰਫਿਊ ਰਹਿੰਦਾ ਸੀ। ਇਹ ਸਾਡੇ ਲਈ ਬਹੁਤ
ਮੁਸ਼ਕਲ ਸੀ ਕਿਉਂਕਿ ਸਾਨੂੰ ਨਹੀਂ ਪਤਾ ਚਲਦਾ ਸੀ ਕਿ ਬਾਹਰ ਕੀ ਹੋ ਰਿਹਾ ਸੀ। ਪਹਿਲਾਂ ਅਸੀਂ ਭਾਰਤੀ
ਅੰਬੈਸੀ ਅਤੇ ਹਵਾਈ ਅੱਡੇ ਪਹੁੰਚੇ।”
ਉਨ੍ਹਾਂ ਨੇ ਅੱਗੇ ਕਿਹਾ,“ਕਾਬੁਲ ਛੱਡਣ ਵਿੱਚ ਸਾਨੂੰ 12 ਘੰਟੇ ਲੱਗੇ। ਅਸੀਂ ਅੰਬੈਸੀ ਅਤੇ ਭਾਰਤ ਸਰਕਾਰ ਦੇ
ਸ਼ੁਕਰਗੁਜ਼ਾਰ ਹਾਂ। ਮੈਂ ਭਾਰਤੀ ਹਵਾਈ ਫ਼ੌਜ ਦਾ ਸਾਨੂੰ ਸਮੇਂ ਸਿਰ ਕੱਢ ਲਿਆਉਣ ਲਈ ਖ਼ਾਸ ਧੰਨਵਾਦ
ਕਰਨਾ ਚਾਹੁੰਦਾ ਹਾਂ। ਅਜੇ ਵੀ ਉੱਥੇ ਬਹੁਤ ਸਾਰੇ ਭਾਰਤੀ ਹਨ। ਮੈਂ ਸਰਕਾਰ ਨੂੰ ਅਪੀਲ ਕਰਦਾ ਹਾਂ
ਕਿ ਉਨ੍ਹਾਂ ਨੂੰ ਉੱਥੋਂ ਕੱਢਿਆ ਜਾਵੇ।
ਉਨ੍ਹਾਂ ਨੇ ਕਿਹਾ,“ਹਜ਼ਾਰਾਂ
ਲੋਕ ਜਿਨ੍ਹਾਂ ਵਿੱਚ ਬਜ਼ੁਰਗ, ਔਰਤਾਂ ਤੇ ਬੱਚੇ ਸਨ ਕਾਬੁਲ ਹਵਾਈ ਅੱਡੇ 'ਤੇ ਸ਼ਹਿਰ ਛੱਡਣ ਦੀ ਉਡੀਕ
ਕਰ ਰਹੇ ਸਨ... ਸਾਨੂੰ ਗੋਲੀਆਂ ਦੀਆਂ ਅਵਾਜ਼ਾਂ ਵੀ ਸੁਣਾਈ ਦਿੱਤੀਆਂ।”
ਏਜੰਸੀ ਮੁਤਾਬਕ ਕਾਬੁਲ ਹਵਾਈ ਅੱਡੇ ਉੱਪਰ yਹੁਤ ਇਕੱਠ ਜੁੜਿਆ
ਹੋਇਆ ਸੀ। ਇਸ ਦੇ ਚਲਦਿਆਂ ਭਾਰਤੀ ਹਵਾਈ ਫੌਜ ਦਾ ਸੀ-17 ਹਵਾਈ ਜਹਾਜ਼ ਤਜਾਕਿਸਤਾਨ ਦੇ ਭਾਰਤੀ
ਹਵਾਈ ਫ਼ੌਜ ਦੇ ਇਆਨੀ ਏਅਰਬੇਸ 'ਤੇ ਉਤਾਰਿਆ ਗਿਆ।
ਇਸ ਉਡਾਣ ਵਿੱਚ 120
ਭਾਰਤੀ ਨਾਗਰਿਕਾਂ ਨੂੰ ਵਤਨ ਵਾਪਸ ਲਿਆਂਦਾ ਗਿਆ।
ਵਾਪਸ ਲਿਆਂਦੇ ਗਏ ਭਾਰਤੀ ਨਾਗਰਿਕਾਂ ਵਿੱਚ ਭਾਰਤੀ ਅੰਬੈਸੀ ਦੇ ਕਰਮਚਾਰੀਆਂ ਸਮੇਤ ਇੰਡੋ ਤਿਬਤੀਅਨ ਬਾਰਡਰ ਪੁਲਿਸ ਦੇ ਜਵਾਨ ਅਤੇ ਤਿੰਨ ਖੋਜੀ ਕੁੱਤੇ ਸ਼ਾਮਲ ਸਨ।
ਭਾਰਤੀਆਂ ਦਾ ਇਹ ਦਲ ਗੁਜਰਾਤ ਦੇ ਜਾਮਨਗਰ ਵਿੱਚ ਉੱਤਰਿਆ ਜਿੱਥੋਂ ਇਨ੍ਹਾਂ ਨੂੰ ਦਿੱਲੀ ਲਿਜਾਇਆ ਗਿਆ।
Skip X postX ਸਮੱਗਰੀ ਦੀ ਇਜਾਜ਼ਤ?ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ। 
