ਕੀ ਮਾਸਕ ਕੋਰੋਨਾਵਾਇਰਸ ਤੋਂ ਬਚਾਅ ਸਕਦਾ ਹੈ?
ਮਾਸਕ ਕਦੋਂ ਪਾਉਣਾ ਚਾਹੀਦਾ ਹੈ, ਕਦੋਂ ਨਹੀਂ? ਕਿਸਨੂੰ ਪਾਉਣਾ ਚਾਹੀਦਾ ਹੈ ਕਿਸਨੂੰ ਨਹੀਂ?
ਮਾਸਕ ਕੋਰੋਨਾਵਾਇਰਸ ਦੀ ਲਾਗ ਤੋਂ ਕਿੰਨਾ ਕੂ ਬਚਾਅ ਕਰ ਸਕਦਾ ਹੈ?
ਇਹ ਸਵਾਲਾਂ ਦੇ ਜਵਾਬਾਂ ਲਈ ਦੇਖੋ ਇਹ ਵੀਡੀਓ
ਕੋਰੋਨਾਵਾਇਰਸ: ਸੁਪਰੀਮ ਕੋਰਟ ਨੇ ਕਿਹਾ, ਕੋਰੋਨਾਵਾਇਰਸ ਦੇ ਟੈਸਟ ਮੁਫ਼ਤ ਹੋਣ, ਯੂਪੀ ਦੇ 15 ਜ਼ਿਲ੍ਹਿਆਂ ਦੇ ਅਤੇ ਦਿੱਲੀ ਦੇ 20 ਹੌਟਸਪੋਟ ਹੋਣਗੇ ਸੀਲ, ਪੰਜਾਬ 'ਚ ਲੌਕਡਾਊਨ ਬਾਰੇ ਕੈਪਟਨ ਦਾ ਸਪਸ਼ਟੀਕਰਨ
ਚੀਨ ਨੇ 11 ਹਫ਼ਤੇ ਦੇ ਲੌਕਡਾਊਨ ਤੋਂ ਬਾਅਦ ਲੋਕਾਂ ਨੂੰ ਵੁਹਾਨ ਛੱਡਣ ਦੀ ਇਜਾਜ਼ਤ ਦਿੱਤੀ। ਚੰਡੀਗੜ ਵਿੱਚ ਮਾਸਕ ਪਾਉਣਾ ਕੀਤਾ ਗਿਆ ਲਾਜ਼ਮੀ। ਯੂਕੇ ਦੇ ਪੀਐੱਮ ਦੀ ਹਾਲਤ ਸਥਿਰ ਹੈ।
ਲਾਈਵ ਕਵਰੇਜ
ਵੀਡੀਓ ਕੈਪਸ਼ਨ, ਕੋਰੋਨਾਵਾਇਰਸ: ਕੀ ਮਾਸਕ ਇਸ ਬਿਮਾਰੀ ਤੋਂ ਬਚਾ ਸਕਦੇ ਹਨ? ਪੰਜਾਬ ’ਚ ਇੱਕੋ ਦਿਨ 20 ਕੇਸ, ਕੀ ਹੈ ਗੁਆਂਢੀਆਂ ਦਾ ਹਾਲ
- ਪੰਜਾਬ ਵਿਚ ਮੰਗਲਵਾਰ ਨੂੰ 20 ਨਵੇਂ ਪੌਜ਼ਿਟਿਵ ਕੇਸ ਆਉਣ ਨਾਲ ਅੰਕੜਾ 99 ਉੱਤੇ ਪਹੁੰਚ ਗਿਆ ।
- 20 ਵਿੱਚੋਂ ਮੁਹਾਲੀ 07, ਪਠਾਨਕੋਟ 06, ਮੋਗਾ 04, ਮਾਨਸਾ 02 ਤੇ ਅੰਮ੍ਰਿਤਸਰ ਦਾ 01 ਨਵਾਂ ਮਾਮਲਾ ਹੈ।
- ਇਸ ਸਮੇਂ ਸਭ ਤੋਂ ਵੱਧ ਪੀੜ੍ਹਤ ਮੁਹਾਲੀ ਜ਼ਿਲ੍ਹਾ ਹੈ, ਇੱਥੇ 26 ਪੌਜ਼ਿਟਿਵ ਕੇਸ ਹਨ।
- ਹਰਿਆਣਾ ਦੇ ਨਵੇਂ 42 ਕੇਸਾਂ ਨਾਲ ਕੁੱਲ ਗਿਣਤੀ 142, ਹਿਮਾਚਲ ਵਿੱਚ 27 ਅਤੇ ਜੰਮੂ ਤੇ ਕਸ਼ਮੀਰ ਵਿੱਚ 125 ਤੇ ਚੰਡੀਗੜ੍ਹ ਵਿਚ 18 ਮਾਮਲੇ ਹਨ।
ਤਸਵੀਰ ਸਰੋਤ, PrabhuDyal/BBC
ਤਸਵੀਰ ਕੈਪਸ਼ਨ, ਸਭ ਤੋਂ ਭਿਆਨਕ ਰਿਹਾ ਪੰਜਾਬ ਤੇ ਹਰਿਆਣਾ ਲਈ ਮੰਗਲਵਾਰ ਕੋਰੋਨਾਵਾਇਰਸ: ਟਰੰਪ ਨੇ WHO ਦੀ ਫੰਡਿੰਗ ਰੋਕਣ ਦੀ ਦਿੱਤੀ ਧਮਕੀ
ਕੋਰੋਨਾਵਾਇਰਸ ਦੇ ਗੜ੍ਹ ਵੁਹਾਨ ਦੇ ਲੋਕਾਂ ਨੂੰ ਬਾਹਰ ਨਿਕਲਣ ਦੀ ਇਜਾਜ਼ਤ
ਚੀਨ ਦੇ ਜਿਸ ਸ਼ਹਿਰ ਵੁਹਾਨ ਤੋਂ ਕੋਰੋਨਾਵਾਇਰਸ ਫ਼ੈਲਣਾ ਸ਼ੁਰੂ ਹੋਇਆ ਸੀ, ਹੁਣ ਉੱਥੋਂ ਲੌਕਡਾਊਨ ਹਟਾ ਦਿੱਤਾ ਗਿਆ ਹੈ ਅਤੇ ਲੋਕਾਂ ਨੂੰ ਬਾਹਰ ਨਿਕਲਣ ਦੀ ਇਜਾਜ਼ਤ ਹੈ।
ਮਹੀਨਿਆਂ ਤੱਕ ਚੱਲੇ ਲੌਕਡਾਊਨ ਤੋਂ ਬਾਅਦ ਹੁਣ ਉਨ੍ਹਾਂ ਲੋਕਾਂ ਨੂੰ ਹੀ ਬਾਹਰ ਨਿਕਲਣ ਦੀ ਇਜਾਜ਼ਤ ਹੈ ਜੋ ਸਮਾਰਟਫ਼ੋਨ ਹੈਲਥ ਐਪ ਦੀ ਵਰਤੋਂ ਕਰਦੇ ਹਨ ਅਤੇ ਉਨ੍ਹਾਂ ਕੋਲ ‘ਹਰਾ’ ਕੋਡ ਹੈ।
ਵੁਹਾਨ ਵਿੱਚ 23 ਜਨਵਰੀ ਨੂੰ ਲੌਕਡਾਊਨ ਸ਼ੁਰੂ ਹੋਇਆ ਸੀ ਅਤੇ ਸਭ ਕੁਝ ਰੁੱਕ ਗਿਆ ਸੀ।
ਫ਼ਿਲਹਾਲ ਰੇਲਗੱਡੀਆਂ, ਸੜਕਾਂ ਅਤੇ ਰੇਲ ਨੈੱਟਵਰਕ ਨੂੰ ਬਹਾਲ ਕਰ ਦਿੱਤਾ ਗਿਆ ਹੈ।
ਇਹ ਲੌਕਡਾਊਨ ਉਦੋਂ ਹਟਾਇਆ ਗਿਆ ਜਦੋਂ ਮੰਗਲਵਾਰ ਨੂੰ ਚੀਨ ਵਿੱਚ ਕਿਸੇ ਮੌਤ ਦੀ ਖ਼ਬਰ ਨਹੀਂ ਆਈ।
ਤਸਵੀਰ ਸਰੋਤ, AFP
ਕੋਰੋਨਾਵਾਇਰਸ ਨਾਲ ਜੁੜੀਆਂ 7 ਅਪ੍ਰੈਲ ਦੀਆਂ ਮੁੱਖ ਖ਼ਬਰਾਂ
ਜੇ ਤੁਸੀਂ ਅੱਜ ਸਾਡੇ ਨਾਲ ਜੁੜ ਰਹੇ ਹੋ, ਤਾਂ ਆਓ ਇੱਕ ਨਜ਼ਰ ਪਾਈਏ ਹੁਣ ਤੱਕ ਦੀ ਕੋਰੋਨਾਵਾਇਰਸ ਦੀ ਸਥਿਤੀ 'ਤੇ
- ਅਮਰੀਕਾ ਦੇ ਨਿਊ ਯਾਰਕ ਵਿੱਚ ਕੋਰੋਨਾਵਾਇਰਸ ਕਾਰਨ ਸੋਮਵਾਰ ਨੂੰ 731 ਮੌਤਾਂ ਹੋਈਆਂ। ਇੱਕ ਦਿਨ ਵਿੱਚ ਅਮਰੀਕਾ ਵਿੱਚ ਇਹ ਸਭ ਤੋਂ ਵੱਧ ਮੌਤਾਂ ਹਨ।
- ਹੁਸ਼ਿਆਰਪੁਰ ਵਿੱਚ ਕਿਸਾਨਾਂ ਨੂੰ ਕਣਕ ਦੀ ਕਟਾਈ ਅਤੇ ਖੇਤੀ ਕਾਰਜਾਂ ਲਈ ਖੇਤ ਮਜ਼ਦੂਰਾਂ ਸਣੇ ਖੇਤਾਂ ਵਿੱਚ ਜਾਣ ਦੀ ਛੋਟ ਦਿੱਤੀ ਗਈ ਹੈ।
- ਇੰਡੀਅਨ ਇਨਫਰਮੇਸ਼ਨ ਬਿਊਰੋ ਅਨੁਸਾਰ ਚੀਨ ਨੇ ਭਾਰਤ ਨੂੰ ਇੱਕ ਲੱਖ 70 ਹਜ਼ਾਰ ਪੀਪੀਈ ਦਾਨ ਵਜੋਂ ਦਿੱਤੇ ਹਨ।
- ਪੰਜਾਬ ਵਿੱਚ ਕੋਰੋਨਾਵਾਇਰਸ ਦੇ ਹੁਣ ਤੱਕ 99 ਮਾਮਲਿਆਂ ਦੀ ਪੁਸ਼ਟੀ
- ਚੰਡੀਗੜ੍ਹ ਵਿੱਚ ਕੋਰੋਨਾਵਾਇਰਸ ਦੇ 18 ਮਾਮਲੇ ਪੌਜ਼ਿਟਿਵ ਹਨ।
- ਯੂਕੇ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਦੀ ਹਾਲਤ ਸਥਿਰ ਹੈ। ਇੱਕ ਬੁਲਾਰੇ ਨੇ ਦੱਸਿਆ ਕਿ ਕੋਰੋਨਵਾਇਰਸ ਦੇ ਇਲਾਜ਼ ਦੌਰਾਨ ਆਈਸੀਯੂ ਵਿੱਚ ਰਾਤ ਬਿਤਾਉਣ ਤੋਂ ਬਾਅਦ ਉਨ੍ਹਾਂ ਦੀ ਹਾਲਤ ਬਿਹਤਰ ਹੈ।
