ਭਾਰਤ-ਪਾਕ ਦਾ ਵਿਸ਼ਵ ਕੱਪ ਸਕੋਰ ਬਣਿਆ 7-0

ਲਾਈਵ ਕਵਰੇਜ

1. 16 ਜੂਨ 2019ਮੈਨਚੈਸਟਰ ਸਟੇਡੀਅਮ ਤੋਂ ਬਾਹਰ ਕੀ ਹੈ ਮਾਹੌਲ, ਕਿਵੇਂ ਦਾ ਹੈ ਜੋਸ਼, ਮੈਨਚੈਸਟਰ ਸਟੇਡੀਅਮ ਦੇ ਬਾਹਰ ਭਾਰਤੀ ਫੈਨਜ਼ ਨਾਲ ਗੱਲਬਾਤ ਕੀਤੀ ਬੀਬੀਸੀ ਪੱਤਰਕਾਰ ਵਿਨਾਇਕ ਗਾਇਕਵਾੜ ਨੇ

2. 16 ਜੂਨ 2019ਕੀ ਭਾਰਤ ਦੇ ਮਿੱਥੇ 337 ਦੌੜਾਂ ਦੇ ਟੀਚੇ ਨੂੰ ਪਾਕਿਸਤਾਨ ਹਾਸਿਲ ਕਰ ਸਕੇਗਾ?

3. 16 ਜੂਨ 2019ਭਾਰਤ ਨੇ ਬਣਾਈਆਂ 336 ਦੌੜਾਂ, ਰੋਹਿਤ ਨੇ ਜੜਿਆ ਸੈਂਕੜਾ

4. 16 ਜੂਨ 2019ਜੇ ਭਾਰਤ ਤੇ ਪਾਕਿਸਤਾਨ ਦੀ ਇੱਕੋ ਟੀਮ ਹੁੰਦੀ?

   ਇੰਗਲੈਂਡ ਦੇ ਸਾਬਕਾ ਕਪਤਾਨ ਮਾਈਕਲ ਵੌਨ ਨੇ ਟਵੀਟ ਕਰ ਕੇ ਦੱਸਿਆ ਸੀ ਕਿ ਜੇ ਭਾਰਤ ਤੇ ਪਾਕਿਸਤਾਨ ਦੀ ਇੱਕੋ ਟੀਮ ਹੁੰਦੀ ਤਾਂ ਉਹ ਇਤਿਹਾਸ ਤੇ ਵਰਤਮਾਨ ਦੇ ਖਿਡਾਰੀਆਂ ਨਾਲ ਸਜੀ ਇਹ ਟੀਮ ਬਣਾਉਂਦੇ:

   • ਸਚਿਨ ਤੇਂਦੁਲਕਰ
   • ਵੀਰੇਂਦਰ ਸਹਿਵਾਗ
   • ਵਿਰਾਟ ਕੋਹਲੀ
   • ਇੰਜ਼ਮਾਮ-ਉਲ-ਹੱਕ
   • ਜਾਵੇਦ ਮੀਆਂਦਾਦ
   • ਮਹਿੰਦਰ ਸਿੰਘ ਧੋਨੀ (ਕਪਤਾਨ)
   • ਇਮਰਾਨ ਖਾਨ
   • ਵਸੀਮ ਅਕਰਮ
   • ਅਨਿਲ ਕੁੰਬਲੇ
   • ਜਸਪ੍ਰੀਤ ਬੁਮਰਾਹ
   • ਵਕਾਰ ਯੂਨਿਸ

   ਤੁਹਾਨੂੰ ਕੀ ਲਗਦਾ ਹੈ?

5. 16 ਜੂਨ 2019ਸਰਫ਼ਰਾਜ਼ ਦੀਆਂ ਉਬਾਸੀਆਂ

   ਪਾਕਿਸਤਾਨੀ ਕਪਤਾਨ ਸਰਫਰਾਜ਼ ਅਹਿਮਦ ਨੇ ਮੈਚ ਸ਼ੁਰੂ ਹੋਣ ਤੋਂ ਬਾਅਦ ਦੋ ਉਬਾਸੀਆਂ ਲੈ ਲਈਆਂ ਹਨ, ਸ਼ਾਇਦ ਕੋਹਲੀ ਦੇ ਆਊਟ ਹੋਣ ਤੋਂ ਬਾਅਦ ਉਨ੍ਹਾਂ ਦੀ ਨੀਂਦ ਖੁੱਲ੍ਹ ਗਈ ਹੋਣੀ #JustSaying #ਐਵੇਂਹੀ

6. 16 ਜੂਨ 2019ਮੀਂਹ ਪਿਆ... ਭੱਜੀ ਦੀ ਭਵਿੱਖਵਾਣੀ ਚੱਲੇਗੀ?

   ਮੀਂਹ ਨੇ ਫ਼ਿਲਹਾਲ ਮੈਚ ਰੋਕ ਦਿੱਤਾ ਹੈ। ਭਾਰਤ ਦਾ ਸਕੋਰ ਹੈ: 305/4 (46.4 ਓਵਰ)। ਹੁਣ ਤੱਕ ਇਸ ਵਰਲਡ ਕੱਪ ਵਿੱਚ ਮੀਂਹ ਕਰਕੇ ਚਾਰ ਮੈਚ ਨਹੀਂ ਹੋ ਸਕੇ ਹਨ।

   ਉਂਝ ਸਾਬਕਾ ਖਿਡਾਰੀ ਹਰਭਜਨ ਸਿੰਘ ਨੇ ਮੈਦਾਨ ਵਿੱਚ ਖੜ੍ਹ ਕੇ ਉਮੀਦ ਜਤਾਈ ਸੀ ਕਿ ਪੂਰਾ ਮੈਚ ਹੋਵੇਗਾ, ਮੀਂਹ ਨਹੀਂ ਆਵੇਗਾ। ਉਨ੍ਹਾਂ ਨਾਲ ਬਾਲੀਵੁੱਡ ਐਕਟਰ ਰਣਵੀਰ ਸਿੰਘ ਵੀ ਸਨ।

7. 16 ਜੂਨ 2019ਵਿਰਾਟ ਨੇ ਤੋੜਿਆ ਸਚਿਨ ਦਾ ਰਿਕਾਰਡ

   ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਜਿਵੇਂ ਹੀ 57 ਰਨ ਪੂਰੇ ਕੀਤੇ, ਉਨ੍ਹਾਂ ਦੇ ਵਨਡੇ ਮੈਚਾਂ ਵਿੱਚ 11,000 ਰਨ ਪੂਰੇ ਹੋ ਗਏ। ਉਹ ਇਸ ਮੀਲ ਪੱਥਰ ਉੱਤੇ ਪਹੁੰਚਣ ਵਾਲੇ ਸਭ ਤੋਂ ਤੇਜ਼ ਬੱਲੇਬਾਜ਼ ਹਨ (222 ਪਾਰੀਆਂ ਖੇਡ ਕੇ)।

   ਅਜਿਹਾ ਕਰਨ ਵਾਲੇ ਉਹ ਭਾਰਤ ਦੇ ਤੀਜੇ ਅਤੇ ਦੁਨੀਆਂ ਦੇ 11ਵੇਂ ਬੱਲੇਬਾਜ਼ ਹਨ। ਉਨ੍ਹਾਂ ਨੇ ਸਚਿਨ ਤੇਂਦੁਲਕਰ ਦਾ ਰਿਕਾਰਡ ਤੋੜਿਆ। ਸਚਿਨ ਨੇ 276 ਪਾਰੀਆਂ ਵਿੱਚ ਇੰਨੇ ਰਨ ਬਣਾਏ ਸਨ।

   ਤੀਜੇ ਨੰਬਰ ਉੱਤੇ ਹੁਣ ਰਿਕੀ ਪਾਂਟਿੰਗ ਹਨ (286 ਪਾਰੀਆਂ)।

8. 16 ਜੂਨ 2019ਦੂਜੇ ਪਾਸੇ... ਹਾਕੀ ਵਿੱਚ ਭਾਰਤ ਨੇ ਮਾਰੀ ਬਾਜ਼ੀ

   ਜਪਾਨ ਵਿੱਚ ਚੱਲ ਰਹੇ ਐੱਫਆਈਐੱਚ ਹਾਕੀ ਸੀਰੀਜ਼ ਵਿੱਚ ਭਾਰਤੀ ਮਹਿਲਾ ਟੀਮ ਨੇ ਪੋਲੈਂਡ ਨੂੰ 5-0 ਨਾਲ ਹਰਾ ਦਿੱਤਾ ਹੈ।

   ਕੱਲ੍ਹ ਮਰਦਾਂ ਦੀ ਟੀਮ ਨੇ ਖਿਤਾਬ ਜਿੱਤ ਲਿਆ ਸੀ। ਇਸੇ ਨਾਲ ਟੋਕੀਓ ਓਲੰਪਿਕ 2020 ਪਹੁੰਚਣ ਦਾ ਰਾਹ ਸੌਖਾ ਹੋ ਗਿਆ ਹੈ।

   ਔਰਤਾਂ ਦੇ ਖਿਤਾਬ ਦੀ ਜੰਗ ਅਜੇ ਜਾਰੀ ਹੈ, ਅਗਲਾ ਮੈਚ 18 ਜੂਨ ਨੂੰ ਫੀਜੀ ਨਾਲ ਹੈ।

9. 16 ਜੂਨ 2019‘ਮੀਂਹ ਹੀ ਆ ਜਾਵੇ!’

   ਟਵਿੱਟਰ ਉੱਤੇ ਇੱਕ ਕ੍ਰਿਕਟ ਫ਼ੈਨ ਨੇ ਮਜ਼ਾਕ ਕੀਤਾ, ਕਿ ਪਾਕਿਸਤਾਨ ਹੁਣ ਦੁਆ ਕਰ ਰਿਹਾ ਹੋਵੇਗਾ ਕਿ ਮੀਂਹ ਹੀ ਆ ਜਾਵੇ।

   ਪੱਤਰਕਾਰ ਬਰਖਾ ਦੱਤ ਨੇ ਕਿਹਾ ਕਿ ਹੁਣ ਤਾਂ ਮੁਕਾਬਲਾ ਲੱਗ ਹੀ ਨਹੀਂ ਰਿਹਾ।

10. 16 ਜੂਨ 2019ਭਾਰਤ-ਪਾਕਿਸਤਾਨ ਮੈਚ ਮੌਕੇ ਪੰਜਾਬੀ ਰੰਗ

11. 16 ਜੂਨ 2019ਭਾਰਤ-ਪਾਕ ਮੈਚ ਦੌਰਾਨ Father's Day ਮਨਾਉਂਦੇ ਹੋਏ ਪਾਕਿਸਤਾਨੀ ਫੈਨਜ਼

12. 16 ਜੂਨ 2019ਰੋਹਿਤ ਨੇ ਲਾਈਆਂ ਪਾਕਿਸਤਾਨ ਖ਼ਿਲਾਫ਼ ਲਹਿਰਾਂ

13. 16 ਜੂਨ 2019ਦਰਸ਼ਕਾਂ ਦਾ ਢੇਰ!, ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਵਰਲਡ ਕੱਪ ਦਾ ਇਹ ਮੈਚ ਮੈਨਚੇਸਟਰ ਦੇ ਓਲਡ ਟ੍ਰੈਫਰਡ ਮੈਦਾਨ ਵਿੱਚ ਹੋ ਰਿਹਾ ਹੈ

    ਸਟੇਡੀਅਮ ਦੇ ਅੰਦਰ ਪਹੁੰਚੇ 26 ਹਜ਼ਾਰ ਲੋਕ ਪਰ ਟੀਵੀ ਉੱਤੇ 1 ਅਰਬ ਤੋਂ ਵੱਧ ਦੇਖ ਰਹੇ ਹਨ

14. 16 ਜੂਨ 2019ਸਟੇਡੀਅਮ ਅੰਦਰ ਐਕਸ਼ਨ, ਬਾਹਰ ਭੰਗੜਾ

15. 16 ਜੂਨ 201921 ਓਵਰਾਂ ਵਿੱਚ ਭਾਰਤ ਦਾ ਸਕੋਰ 110/0

16. 16 ਜੂਨ 2019ਮੀਂਹ ਤਾਂ ਨਹੀਂ ਆ ਜਾਵੇਗਾ?

    ਕਿਤੇ ਮੀਂਹ ਤਾਂ ਨਹੀਂ ਪੈ ਜਾਵੇਗਾ? ਮੈਚ ਮੈਨਚੇਸਟਰ ਵਿੱਚ ਹੋ ਰਿਹਾ ਹੈ ਅਤੇ ਉੱਥੇ ਦਾ ਮੌਸਮ ਵਿਭਾਗ ਕਹਿੰਦਾ ਹੈ ਕਿ (ਉੱਥੇ ਦੇ ਸਮੇਂ ਮੁਤਾਬਕ) 1-2 ਵਜੇ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਮੈਚ ਸ਼ੁਰੂ ਹੋਇਆ ਹੈ 11 ਵਜੇ।

    ਜੇ ਵਾਕਈ ਮੀਂਹ ਪੈ ਗਿਆ ਤਾਂ ਭਾਰਤ ਦੀ ਬੈਟਿੰਗ ਦੇ ਅਖੀਰਲੇ ਓਵਰਾਂ ਵਿੱਚ ਪਵੇਗਾ ਅਤੇ ਪਾਕਿਸਤਾਨ ਦੀ ਪਾਰੀ ਵਿੱਚ ਵੀ ਪਿੱਚ ਵਿੱਚ ਨਮੀ ਰਹੇਗੀ, ਜਿਸ ਦਾ ਫਾਇਦਾ ਭਾਰਤੀ ਗੇਂਦਬਾਜ਼ਾਂ ਨੂੰ ਮਿਲ ਸਕਦਾ ਹੈ। ਪਾਕਿਸਤਾਨ ਨੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਵੀ ਪਿੱਚ ਦੀ ਨਮੀ ਕਰਕੇ ਹੀ ਲਿਆ ਸੀ।

    ਹੋਰ ਜਾਣਕਾਰੀ ਲਈ ਕਲਿੱਕ ਕਰੋ

17. 16 ਜੂਨ 2019ਓਪਨਰਾਂ ਨੇ ਕੀਤੀ ਪੱਕੇ ਪੈਰੀਂ ਸ਼ੁਰੂਆਤ

    ਅੱਠ ਓਵਰਾਂ ਦੇ ਆਖਿਰ ਵਿੱਚ ਭਾਰਤ ਦਾ ਕੋਈ ਬੱਲੇਬਾਜ਼ ਆਊਟ ਨਹੀਂ ਹੋਇਆ ਹਾਲਾਂਕਿ ਦੋਵੇਂ ਓਪਨਰ, ਕੇ.ਐੱਲ. ਰਾਹੁਲ ਤੇ ਰੋਹਿਤ ਸ਼ਰਮਾ, ਬੜੇ ਆਰਾਮ ਨਾਲ ਖੇਡ ਰਹੇ ਹਨ। ਦੌੜਾਂ ਬਣੀਆਂ ਹਨ: 42

18. 16 ਜੂਨ 2019ਇਮਰਾਨ ਖ਼ਾਨ ਦੀਆਂ ਟੀਮ ਪਾਕਿਸਤਾਨ ਨੂੰ 5 ਸਲਾਹਾਂ

19. 16 ਜੂਨ 2019

    ਓਲਡ ਟ੍ਰੈਫਰਡ ਸਟੇਡੀਅਮ ਦੇ ਬਾਹਰ ਵੱਡੀ ਗਿਣਤੀ ਵਿੱਚ ਭਾਰਤ ਅਤੇ ਪਾਕਿਸਤਾਨ ਦੇ ਕ੍ਰਿਕਟ ਫੈਨ

20. 16 ਜੂਨ 2019ਰੋਹਿਤ ਦੇ ਨਾਲ ਉੱਤਰੇ ਰਾਹੁਲ

    ਸ਼ਿਖਰ ਧਵਨ ਨੂੰ ਸੱਟ ਲੱਗਣ ਕਾਰਨ ਉਨ੍ਹਾਂ ਦੀ ਥਾਂ ਰੋਹਿਤ ਸ਼ਰਮਾ ਦੇ ਨਾਲ ਜੋੜੀਦਾਰ ਦੇ ਰੂਪ ਵਿੱਚ ਓਪਨਿੰਗ ਲਈ ਕੇਐੱਲ ਰਾਹੁਲ ਨੂੰ ਮੌਕਾ ਦਿੱਤਾ ਗਿਆ ਹੈ