ਭਾਰਤ ਨੂੰ ਪਹਿਲੀ ਸਫ਼ਲਤਾ ਦਿਵਾਉਣ ਵਾਲੀ ਦੀਪਤੀ ਬਾਰੇ ਦਿਲਚਸਪ ਗੱਲ
ਤਸਵੀਰ ਸਰੋਤ, Getty Images
ਟੀ-20 ਵਿਸ਼ਵ ਕੱਪ: ਭਾਰਤ ਨੇ ਪਾਕਿਸਤਾਨ 'ਤੇ ਸ਼ਾਨਦਾਰ ਜਿੱਤ ਤਾਂ ਹਾਸਲ ਕੀਤੀ ਪਰ ਇਹ ਸਬਕ ਸਿੱਖਣ ਦੀ ਲੋੜ ਹੈ
ਦੱਖਣੀ ਅਫ਼ਰੀਕਾ ਵਿੱਚ ਆਈਸੀਸੀ ਮਹਿਲਾ ਟੀ-20 ਵਿਸ਼ਵ ਕੱਪ ਹੋ ਰਿਹਾ ਹੈ ਜਿਸ ਵਿੱਚ ਦਸ ਟੀਮਾਂ ਹਿੱਸਾ ਲੈ ਰਹੀਆਂ ਹਨ।
ਲਾਈਵ ਕਵਰੇਜ
ਜਸਪਾਲ ਸਿੰਘ
ਭਾਰਤ ਨੂੰ ਮਿਲੀ ਪਹਿਲੀ ਸਫ਼ਲਤਾ, ਦੀਪਤੀ ਸ਼ਰਮਾ ਨੇ ਲਿਆ ਪਹਿਲਾ ਵਿਕਟ
ਤਸਵੀਰ ਸਰੋਤ, Getty Images
ਦੀਪਤੀ ਸ਼ਰਮਾ ਨੇ ਭਾਰਤ ਨੂੰ ਪਹਿਲੀ ਸਫ਼ਲਤਾ ਦਿਵਾਈ ਹੈ। ਦੀਪਤੀ ਨੇ ਪਾਕਿਸਤਾਨ ਦੀ ਸਲਾਮੀ ਬੱਲੇਬਾਜ਼ ਜਾਵੇਰੀਆ ਖ਼ਾਨ ਨੂੰ 8 ਦੌੜਾਂ ਦੇ ਸਕੋਰ ਉੱਤੇ ਆਉਟ ਕਰ ਦਿੱਤਾ। ਫਾਈਨ ਲੈਗ ਉੱਤੇ ਉਨ੍ਹਾਂ ਦਾ ਕੈਚ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਲਿਆ।
ਵਿਰਾਟ ਕੋਹਲੀ ਨੇ ਭਾਰਤੀ ਖਿਡਾਰਨਾਂ ਨੂੰ ਆਪਣੇ ਅੰਦਾਜ਼ ਵਿੱਚ ਦਿੱਤਾ ਗੁੱਡ ਲੱਕ
ਤਸਵੀਰ ਸਰੋਤ, Virat Kohli/Twitter
ਹਰਲੀਨ ਦਿਓਲ ਸਮ੍ਰਿਤੀ ਮੰਧਾਨਾ ਦੀ ਥਾਂ ਟੀਮ ਵਿੱਚ
ਤਸਵੀਰ ਸਰੋਤ, Getty Images
ਸੱਟ ਕਾਰਨ ਬਾਹਰ ਹੋਈ ਸਮ੍ਰਿਤੀ ਮੰਧਾਨਾ ਦੀ ਥਾਂ ਪੰਜਾਬਣ ਕੁੜੀ ਹਰਲੀਨ ਦਿਓਲ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਇਸ ਬਾਰੇ ਟਾਸ ਵੇਲੇ ਭਾਰਤੀ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਜਾਣਕਾਰੀ ਦਿੱਤੀ
ਪਾਕਿਸਤਾਨ ਨੇ ਜਿੱਤਿਆ ਟਾਸ, ਪਹਿਲਾਂ ਬੱਲੇਬਾਜ਼ੀ ਦਾ ਫੈਸਲਾ ਕੀਤਾ
ਤਸਵੀਰ ਸਰੋਤ, Getty Images
ਭਾਰਤ ਬਨਾਮ ਪਾਕਿਸਤਾਨ: ਸਮ੍ਰਿਤੀ ਮੰਧਾਨਾ ਤੋਂ ਬਗੈਰ ਖੇਡੇਗੀ ਭਾਰਤੀ ਟੀਮ
ਤਸਵੀਰ ਸਰੋਤ, Getty Images
ਭਾਰਤ ਦੀ ਟੀਮ ਇਸ ਵੇਲੇ ਉਨ੍ਹਾਂ ਦੇ ਉਪ ਕਪਤਾਨ ਸਮ੍ਰਿਤੀ ਮੰਧਾਨਾ ਤੋਂ ਬਗੈਰ ਪਾਕਿਸਤਾਨ ਦੇ ਖਿਲਾਫ਼ ਮੈਦਾਨ ’ਤੇ ਉਤਰੇਗੀ। ਸਮ੍ਰਿਤੀ ਮੰਧਾਨਾ ਨੂੰ ਵਾਰਮਅਪ ਮੈਚ ਵਿੱਚ ਉਂਗਲੀ ਦੀ ਸੱਟ ਲਗ ਗਈ ਸੀ।
ਈਐੱਸਪੀਐੱਨ ਕ੍ਰਿਕ ਇਨਫੋ ਅਨੁਸਾਰ ਟੀਮ ਮੈਨੇਜਮੈਂਟ ਵਲੋਂ ਕਿਹਾ ਗਿਆ ਹੈ ਕਿ ਸਮ੍ਰਿਤੀ ਵੈਸਟ ਇੰਡੀਜ਼ ਦੇ ਖਿਲਾਫ਼ ਦੂਜੇ ਮੈਚ ਲਈ ਫਿੱਟ ਹੋ ਜਾਣਗੇ।
ਭਾਰਤ ਬਨਾਮ ਪਾਕਿਸਤਾਨ: 'ਕੁੜੀਆਂ ਦੇ ਮੈਚ 'ਚ ਬਹੁਤ ਛੱਕੇ ਵੱਜਦੇ ਨੇ'
'ਹੁਣ ਤਾਂ ਮੁੰਡੇ ਵੀ ਕੁੜੀਆਂ ਦੀਆਂ ਤਰੀਫਾਂ ਕਰਦੇ ਹਨ, ਸ਼ਫ਼ਾਲੀ ਵਰਮਾ ਬਾਰੇ ਕਹਿੰਦੇ ਕਿੰਨਾ ਵਧੀਆ ਖੇਡਦੀ...' ਆਈਸੀਸੀ ਮਹਿਲਾ ਟੀ20 ਵਿਸ਼ਵ ਕੱਪ ਵਿੱਚ ਭਾਰਤ ਪਾਕਿਸਤਾਨ ਦੇ ਮੁਕਾਬਲੇ ਬਾਰੇ ਕੀ ਕਹਿੰਦੀਆਂ ਇਹ ਪੰਜਾਬਣ ਖਿਡਾਰਨਾਂ
ਰਿਪੋਰਟ- ਅਰਵਿੰਦ ਛਾਬੜਾ, ਸ਼ੂਟ- ਮਯੰਕ ਮੋਂਗੀਆ, ਐਡਿਟ- ਅਸਮਾ ਹਾਫ਼ਿਜ਼
ਵੀਡੀਓ ਕੈਪਸ਼ਨ, ਭਾਰਤ ਬਨਾਮ ਪਾਕਿਸਤਾਨ: 'ਕੁੜੀਆਂ ਦੇ ਮੈਚ 'ਚ ਬਹੁਤ ਛੱਕੇ ਵੱਜਦੇ ਨੇ' ਕ੍ਰਿਕਟ ਦੀ ਪਿੱਚ ਉੱਤੇ ਬਣੇ ਉਹ ਰਿਕਾਰਡ ਜੋ ਔਰਤਾਂ ਨੇ ਮਰਦਾਂ ਤੋਂ ਪਹਿਲਾਂ ਬਣਾਏ
ਤਸਵੀਰ ਸਰੋਤ, Getty Images
ਕ੍ਰਿਕਟ ਪ੍ਰੇਮੀਆਂ ਨੂੰ ਮਰਦਾਂ ਦੇ ਕ੍ਰਿਕਟ ਰਿਕਾਰਡ ਬਾਖੂਬੀ ਯਾਦ ਰਹਿੰਦੇ ਹਨ। ਸ਼ਾਇਦ ਅਜੇ ਉਹ ਟਾਈਮ ਦੂਰ ਹੈ ਜਦੋਂ ਔਰਤਾਂ ਦੇ ਖੇਡਾਂ ਬਾਰੇ ਵੀ ਖੂਬ ਚਰਚਾ ਹੋਵੇਗੀ।
ਤੁਹਾਨੂੰ ਸ਼ਾਇਦ ਯਾਦ ਹੋਣਾ ਕਿ ਕਿਹੜੇ ਮਰਦ ਕ੍ਰਿਕਟਰ ਨੇ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਈਆਂ ਹਨ, ਕਿਸ ਨੇ ਸਭ ਤੋਂ ਵੱਧ ਸੈਂਕੜੇ ਬਣਾਏ ਹਨ ਜਾਂ ਕਿਸ ਨੇ ਸਭ ਤੋਂ ਪਹਿਲਾਂ ਦੋਹਰਾ ਸੈਂਕੜਾ ਬਣਾਇਆ ਸੀ।
ਹੁਣ ਅਸੀਂ ਤੁਹਾਨੂੰ ਇੱਥੇ ਉਨ੍ਹਾਂ ਮੁਕਾਮਾਂ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਔਰਤਾਂ ਨੇ ਮਰਦਾਂ ਤੋਂ ਪਹਿਲਾਂ ਕ੍ਰਿਕਟ ਦੀ ਪਿੱਚ ਉੱਤੇ ਹਾਸਲ ਕੀਤੇ ਹਨ। ਉਨ੍ਹਾਂ ਬਾਰੇ ਜਾਣਨ ਲਈ ਇੱਥੇ ਪੜ੍ਹੋ ਪੂਰੀ ਰਿਪੋਰਟ
ਪਾਕਿਸਤਾਨ ਦੀ ਖਿਡਾਰਨ ਸਿਦਰਾ ਅਮੀਨ ਦੇ ਘਰ ਪਹੁੰਚੀ ਬੀਬੀਸੀ ਪੰਜਾਬੀ ਦੀ ਟੀਮ
ਕੀ ਤੁਹਾਨੂੰ ਔਰਤਾਂ ਦੇ ਕ੍ਰਿਕਟ ਬਾਰੇ ਇਹ ਗੱਲ ਪਤਾ ਹੈ?
ਤਸਵੀਰ ਸਰੋਤ, Getty Images
ਮਹਿਲਾ ਟੀ-20 ਵਿਸ਼ਵ ਕੱਪ ਬਾਰੇ ਕੁਝ ਖ਼ਾਸ ਗੱਲਾਂ
ਤਸਵੀਰ ਸਰੋਤ, Getty Images
- ਦੱਖਣੀ ਅਫ਼ਰੀਕਾ ਵਿੱਚ 10 ਫਰਵਰੀ ਤੋਂ ਟੀ-20 ਵਿਸ਼ਵ ਕੱਪ ਖੇਡਿਆ ਜਾ ਰਿਹਾ ਹੈ।
- ਵਿਸ਼ਵ ਕੱਪ ਦੇ ਜ਼ਿਆਦਾਤਰ ਮੈਚ, ਸੈਮੀ ਫਾਈਨਲ ਤੇ ਫਾਈਨਲ ਕੈਪਟਾਊਨ ਦੇ ਨਿਊਲੈਂਡਜ਼ ਕ੍ਰਿਕਟ ਗਰਾਊਂਡ ਵਿੱਚ ਖੇਡੇ ਜਾਣਗੇ। ਪਾਲ ਸ਼ਹਿਰ ਵਿੱਚ ਵੀ ਕੁਝ ਮੈਚ ਖੇਡੇ ਜਾਣਗੇ।
- ਇਸ ਦੇ ਨਾਲ ਹੀ ਪਹਿਲਾਂ ਪੋਰਟ ਆਫ ਐਲਿਜ਼ਾਬੈਥ ਦੇ ਨਾਂ ਨਾਲ ਜਾਣੇ ਜਾਂਦੇ ਗੇਅਬੇਹਾ ਵਿੱਚ ਵੀ ਮੈਚ ਹੋਣਗੇ।
- ਇਸ ਵਿਸ਼ਵ ਕੱਪ ਵਿੱਚ 10 ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਇਨ੍ਹਾਂ ਨੂੰ ਦੋ ਹਿੱਸਿਆਂ ਵਿੱਚ ਵੰਡਿਆ ਗਿਆ ਹੈ।
- ਦੋਵੇਂ ਗਰੁੱਪਾਂ ਤੋਂ ਦੋ-ਦੋ ਟਾਪ ਟੀਮਾਂ ਅੱਗੇ ਸੈਮੀਫਾਇਨਲ ਲਈ ਜਾਣਗੀਆਂ। ਸੈਮੀਫਾਈਨਲ ਮੈਚ 23 ਤੇ 24 ਫਰਵਰੀ ਨੂੰ ਖੇਡੇ ਜਾਣਗੇ। ਫਾਈਨਲ ਮੈਚ 26 ਫਰਵਰੀ ਨੂੰ ਖੇਡਿਆ ਜਾਵੇਗਾ।
- ਅੱਜ ਦੇ ਮੁਕਾਬਲੇ ਵਿੱਚ ਭਾਰਤ ਦੀ ਉਪ-ਕਪਤਾਨ ਸਮ੍ਰਿਤੀ ਮੰਧਾਨਾ ਸੱਟ ਕਾਰਨ ਨਹੀਂ ਖੇਡ ਰਹੇ ਹਨ।
ਬੀਬੀਸੀ ਪੰਜਾਬੀ ਦੇ ਲਾਈਵ ਪੇਜ ਉੱਤੇ ਤੁਹਾਡਾ ਸਵਾਗਤ ਹੈ। ਮਹਿਲਾ ਟੀ-20 ਵਿਸ਼ਵ ਕੱਪ ਦਾ ਆਗਾਜ਼ ਹੋ ਚੁੱਕਿਆ ਹੈ। ਅੱਜ ਭਾਰਤ-ਪਾਕਿਸਤਾਨ ਵਿਚਾਲੇ ਮੈਚ ਹੋਣ ਜਾ ਰਿਹਾ ਹੈ। ਇਸ ਪੇਜ ਰਾਹੀਂ ਤੁਹਾਨੂੰ ਅਸੀਂ ਇਸ ਮੈਚ ਨਾਲ ਜੁੜੀ ਹਰ ਅਹਿਮ ਅਪਡੇਟ ਦੇਵਾਂਗੇ।