ਅਮਿਤ ਸ਼ਾਹ ਦੀ ਅਕਾਲ ਤਖ਼ਤ ਜਥੇਦਾਰ ਨਾਲ ਅਤੇ ਮੋਦੀ ਦੀ ਡੇਰਾ ਬਿਆਸ ਮੁਖੀ ਨਾਲ ਮੁਲਾਕਾਤ

ਪੰਜਾਬ ਵਿੱਚ 117 ਹਲਕਿਆਂ ਵਿੱਚ ਚੋਣਾਂ 20 ਫਰਵਰੀ ਨੂੰ ਹੋਣਗੀਆਂ ਤੇ ਨਤੀਜੇ 10 ਮਾਰਚ ਨੂੰ ਆਉਣਗੇ।

ਲਾਈਵ ਕਵਰੇਜ

13 ਫ਼ਰਵਰੀ 2022ਉੱਤਰਾਖੰਡ ਵਿਧਾਨ ਸਭਾ ਚੋਣਾਂ: ਗੰਭੀਰ ਮੌਸਮੀ ਹਾਲਾਤਾਂ 'ਚ ਇੰਝ ਵੋਟਿੰਗ ਲਈ ਹੋ ਰਹੀਆਂ ਤਿਆਰੀਆਂ
ਤਸਵੀਰ ਸਰੋਤ, Chief Electoral Officer, Uttarakhand/ANI
ਤਸਵੀਰ ਕੈਪਸ਼ਨ, ਆਪਣੇ ਨਿਰਧਾਰਤ ਪੋਲਿੰਗ ਸਟੇਸ਼ਨਾਂ 'ਤੇ ਪਹੁੰਚ ਰਹੀਆਂ ਪੋਲਿੰਗ ਪਾਰਟੀਆਂ
ਉੱਤਰਾਖੰਡ ਵਿੱਚ 14 ਫਰਵਰੀ ਨੂੰ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਪੋਲਿੰਗ ਪਾਰਟੀਆਂ ਤਿਆਰੀਆਂ ਵਿੱਚ ਰੁੱਝੀਆਂ ਹਨ।
ਗੰਭੀਰ ਮੌਸਮੀ ਹਾਲਾਤਾਂ ਦਾ ਸਾਹਮਣਾ ਕਰਦੇ ਹੋਏ ਇਹ ਪੋਲਿੰਗ ਪਾਰਟੀਆਂ ਆਪਣੇ ਨਿਰਧਾਰਤ ਪੋਲਿੰਗ ਸਟੇਸ਼ਨਾਂ 'ਤੇ ਪਹੁੰਚ ਰਹੀਆਂ ਹਨ।
ਤਸਵੀਰ ਸਰੋਤ, Chief Electoral Officer, Uttarakhand/ANI
ਤਸਵੀਰ ਕੈਪਸ਼ਨ, ਪੋਲਿੰਗ ਪਾਰਟੀ ਦੇ ਮੈਂਬਰ
ਤਸਵੀਰ ਸਰੋਤ, Chief Electoral Officer, Uttarakhand/ANI
ਤਸਵੀਰ ਕੈਪਸ਼ਨ, ਉੱਤਰਾਖੰਡ 'ਚ ਹੋਈ ਬਰਫਬਾਰੀ
ਤਸਵੀਰ ਸਰੋਤ, Chief Electoral Officer, Uttarakhand/ANI
ਤਸਵੀਰ ਕੈਪਸ਼ਨ, ਉੱਤਰਾਖੰਡ ਵਿੱਚ 14 ਫਰਵਰੀ ਨੂੰ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ
13 ਫ਼ਰਵਰੀ 2022ਪੰਜਾਬ ਚੋਣਾਂ 2022: ਟੀਵੀ ਦੇ ਫਰੇਮ ਤੋਂ ਲੈ ਕੇ ਮੰਜੇ ’ਤੇ ਸਵਾਰ ਹੋ ਕੇ ਉਮੀਦਵਾਰਾਂ ਦਾ ਅਨੋਖਾ ਪ੍ਰਚਾਰ
ਤਸਵੀਰ ਸਰੋਤ, Getty Images
ਤਸਵੀਰ ਕੈਪਸ਼ਨ, ਟੀਵੀ ਨਾਲ ਪ੍ਰਚਾਰ ਕਰਦੇ ਸ਼ਾਮ ਲਾਲ ਗਾਂਧੀ
"ਮੇਰਾ ਚੋਣ ਨਿਸ਼ਾਨ ਟੀਵੀ ਹੈ ਤੇ ਮੇਰੇ ਇੱਕ ਦੋਸਤ ਨੇ ਪੁਰਾਣਾ ਟੀਵੀ ਮੈਨੂੰ ਮੁਫ਼ਤ ਦਿੱਤਾ ਹੈ। ਹੁਣ ਮੈਂ ਉਸ ਨੂੰ ਸਾਈਕਲ 'ਤੇ ਰੱਖ ਕੇ ਘਰ-ਘਰ ਚੋਣ ਪ੍ਰਚਾਰ ਕਰਦਾ ਹਾਂ।"
ਹਲਫਨਾਮੇ ਮੁਤਾਬਕ ਮਜ਼ਦੂਰ ਅਤੇ ਸਬਜ਼ੀਆਂ ਵੇਚਣ ਵਾਲੇ ਸ਼ਾਮ ਲਾਲ ਗਾਂਧੀ ਅੰਮ੍ਰਿਤਸਰ ਪੱਛਮੀ ਤੋਂ ਆਜ਼ਾਦ ਉਮੀਦਵਾਰ ਹਨ।
ਸ਼ਾਮ ਲਾਲ ਗਾਂਧੀ ਸਮੇਤ ਬੀਬੀਸੀ ਕੁਝ ਅਜਿਹੇ ਉਮੀਦਵਾਰਾਂ ਬਾਰੇ ਦੱਸ ਰਿਹਾ ਹੈ ਜੋ ਨਿਵੇਕਲੀ ਢੰਗ ਨਾਲ ਚੋਣ ਪ੍ਰਚਾਰ ਕਰ ਰਹੇ ਹਨ ਅਤੇ ਆਪਣੇ ਚੋਣ ਨਿਸ਼ਾਨ ਨੂੰ ਚੋਣ ਪ੍ਰਚਾਰ ਦੌਰਾਨ ਵਰਤ ਰਹੇ ਹਨ।
ਪੜ੍ਹੋ ਇਹ ਖਾਸ ਰਿਪੋਰਟ
13 ਫ਼ਰਵਰੀ 2022ਪੰਜਾਬ ਵਿਧਾਨ ਸਭਾ ਚੋਣਾਂ 2022: ਪੇਂਟਿੰਗ ਰਾਹੀਂ ਲੋਕਾਂ ਨੂੰ ਵੋਟ ਪਾਉਣ ਲਈ ਪ੍ਰੇਰਿਤ ਕਰ ਰਿਹਾ ਇਹ ਸ਼ਖਸ
ਤਸਵੀਰ ਸਰੋਤ, ANI
ਤਸਵੀਰ ਕੈਪਸ਼ਨ, ਜਗਜੋਤ ਸਿੰਘ ਰੂਬਲ
ਅੰਮ੍ਰਿਤਸਰ ਦੇ ਜਗਜੋਤ ਸਿੰਘ ਰੂਬਲ ਆਪਣੀ ਪੇਂਟਿੰਗ ਰਾਹੀਂ ਲੋਕਾਂ ਨੂੰ ਵਿਧਾਨ ਸਭਾ ਚੋਣਾਂ ਵਿੱਚ ਵੋਟ ਪਾਉਣ ਲਈ ਪ੍ਰੇਰਿਤ ਕਰ ਰਹੇ ਹਨ।
ਖ਼ਬਰ ਏਜੰਸੀ ਏਐੱਨਈ ਨਾਲ ਗੱਲ ਕਰਦਿਆਂ ਉਨ੍ਹਾਂ ਕਿਹਾ, "ਪੰਜਾਬ ਵਿੱਚ 20 ਫਰਵਰੀ ਨੂੰ ਚੋਣਾਂ ਹਨ, ਲੋਕਾਂ ਨੂੰ ਵੋਟ ਜ਼ਰੂਰ ਪਾਉਣੀ ਚਾਹੀਦੀ ਹੈ ਕਿਉਂਕਿ ਇੱਕ ਵੋਟ ਨਾਲ ਜਿੱਤ-ਹਾਰ ਦਾ ਫੈਸਲਾ ਹੁੰਦਾ ਹੈ।''
ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਪੇਂਟਿੰਗ ਬਣਾਉਣ ਵਿੱਚ 25 ਦਿਨ ਲੱਗੇ।
ਤਸਵੀਰ ਸਰੋਤ, ANI
ਤਸਵੀਰ ਕੈਪਸ਼ਨ, ਆਪਣੀ ਪੇਂਟਿੰਗ ਰਾਹੀਂ ਰੂਬਲ ਵੋਟ ਪਾਉਣ ਤੇ ਸਹੀ ਉਮੀਦਵਾਰ ਚੁਣਨ ਦੀ ਅਪੀਲ ਕਰ ਰਹੇ ਹਨ।
ਤਸਵੀਰ ਸਰੋਤ, ANI
ਤਸਵੀਰ ਕੈਪਸ਼ਨ, ਜਗਜੋਤ ਸਿੰਘ ਰੂਬਲ ਦੁਆਰਾ ਬਣਾਈ ਗਈ ਪੇਂਟਿੰਗ
13 ਫ਼ਰਵਰੀ 2022ਕੇਜਰੀਵਾਲ ਨੇ ਵੀ ਚੋਣ ਪ੍ਰਚਾਰ ਲਈ ਖਿੱਚੀ ਤਿਆਰੀ
ਤਸਵੀਰ ਸਰੋਤ, Getty Images
ਦਿੱਲੀ ਦੇ ਮੁੱਖ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਪੰਜਾਬ ਵਿੱਚ ਚੋਣ ਪ੍ਰਚਾਰ ਲਈ ਕਮਰ ਕੱਸ ਲਈ ਹੈ।
ਹੁਣ ਕੇਜਰੀਵਾਲ ਸੱਤ ਦਿਨਾਂ ਤੱਕ ਆਪ ਦੇ ਉਮੀਦਵਾਰਾਂ ਲਈ ਚੋਣ ਪ੍ਰਚਾਰ ਵਿੱਚ ਲੱਗ ਗਏ ਹਨ।
ਕੇਜਰੀਵਾਲ ਆਪਣੇ ਸੱਤ ਦਿਨਾਂ ਦੇ ਚੋਣ ਪ੍ਰਚਾਰ ਦੀ ਸ਼ੁਰੂਆਤ ਅੰਮ੍ਰਿਤਸਰ ਤੋਂ ਕਰ ਰਹੇ ਹਨ।
13 ਫ਼ਰਵਰੀ 2022ਅਮਿਤ ਸ਼ਾਹ ਵੱਲੋਂ ਮਾਲਵਾ ਤੇ ਮਾਝੇ ’ਚ ਚੋਣ ਪ੍ਰਚਾਰ
ਤਸਵੀਰ ਸਰੋਤ, Getty Images
ਭਾਰਤ ਦੇ ਗ੍ਰਹਿ ਮੰਤਰੀ ਅਤੇ ਸੀਨੀਅਰ ਭਾਜਪਾ ਆਗੂ ਅਮਿਤ ਸ਼ਾਹ ਅੱਜ ਮਾਝੇ ਅਤੇ ਮਾਲਵੇ ਵਿੱਚ ਭਾਜਪਾ ਦਾ ਚੋਣ ਪ੍ਰਚਾਰ ਕਰਨਗੇ।
ਦੁਪਹਿਰ ਸਵਾ 12 ਵਜੇ ਅਮਿਤ ਸ਼ਾਹ ਦੀ ਸ਼ੁਰੂਆਤ ਲੁਧਿਆਣਾ ਸ਼ਹਿਰ ਤੋਂ ਹੋਵੇਗੀ ਅਤੇ ਇਸ ਤੋਂ ਬਾਅਦ ਪੌਣੇ 2 ਵਜੇ ਦੇ ਕਰੀਬ ਉਹ ਸ਼ਾਹੀ ਸ਼ਹਿਰ ਪਟਿਆਲਾ ਪਹੁੰਚਣਗੇ
ਅੱਜ ਦਾ ਉਨ੍ਹਾਂ ਦਾ ਆਖਰੀ ਪੁਆਇੰਟ ਅੰਮ੍ਰਿਤਸਰ ਉੱਤਰੀ ਹਲਕਾ ਹੋਵੇਗਾ, ਜਿੱਥੇ ਉਹ ਸ਼ਾਮ ਸਾਢੇ 5 ਵਜੇ ਰਣਜੀਤ ਐਵਿਨੀਊ ਵਿੱਚ ਪਹੁੰਚਣਗੇ।
13 ਫ਼ਰਵਰੀ 2022ਪ੍ਰਿਅੰਕਾ ਗਾਂਧੀ ਵੱਲੋਂ ਮਾਲਵਾ ’ਚ ਚੋਣ ਪ੍ਰਚਾਰ
ਤਸਵੀਰ ਸਰੋਤ, Getty Images
ਕਾਂਗਰਸ ਦੀ ਜਨਰਲ ਸਕੱਤਰ ਅਤੇ ਸੀਨੀਅਰ ਆਗੂ ਪ੍ਰਿਅੰਕਾ ਗਾਂਧੀ ਵਾਡਰਾ ਅੱਜ ਪੰਜਾਬ ਦੌਰੇ ਉੱਤੇ ਹਨ।
ਮਾਲਵਾ ਖ਼ੇਤਰ ਦੇ ਕੋਟਕਪੂਰਾ ਸ਼ਹਿਰ ਵਿੱਚ ਸਵੇਰੇ 11 ਵਜੇ ਦੇ ਕਰੀਬ ਉਹ ਇੱਕ ਚੋਣ ਰੈਲੀ ਨੂੰ ਸੰਬੋਧਨ ਕਰਨਗੇ ਅਤੇ ਕਾਂਗਰਸ ਉਮੀਦਵਾਰ ਅਜੈਪਾਲ ਸੰਧੂ ਦੇ ਹੱਕ ਵਿੱਚ ਸਮਰਥਨ ਮੰਗਣਗੇ।
ਇਸ ਤੋਂ ਬਾਅਦ ਦੁਪਹਿਰ ਵੇਲੇ ਕਰੀਬ ਇੱਕ ਵਜੇ ਧੂਰੀ ਵਿੱਚ ਔਰਤਾਂ ਨਾਲ ਗੱਲਬਾਤ ਕਰਨਗੇ।
ਅੱਜ ਦਾ ਉਨ੍ਹਾਂ ਦਾ ਆਖਰੀ ਪੁਆਇੰਟ ਡੇਰਾਬੱਸੀ ਹੋਵੇਗਾ, ਜਿੱਥੇ ਉਹ ਰੋਡ ਸ਼ੋਅ ਕਰਨਗੇ।
13 ਫ਼ਰਵਰੀ 2022
ਪੰਜਾਬ ਸਣੇ ਪੰਜ ਸੂਬਿਆਂ ਦੀਆਂ ਵਿਧਾਨ ਸਭਾ ਚੋਣਾਂ ਲਈ ਬੀਬੀਸੀ ਪੰਜਾਬੀ ਦੇ ਲਾਈਵ ਪੇਜ ’ਤੇ ਤੁਹਾਡਾ ਸਵਾਗਤ ਹੈ। ਤੁਸੀਂ ਚੋਣਾਂ ਨਾਲ ਜੁੜੇ ਅਪਡੇਟ ਇਸ ਪੇਜ ਰਾਹੀਂ ਜਾਣ ਸਕਦੇ ਹੋ। ਸ਼ਨੀਵਾਰ ਦੀ ਅਪਡੇਟ ਲਈ ਤੁਸੀਂ ਇੱਥੇ ਕਲਿੱਕ ਕਰੋ।