ਹਾਈਡ੍ਰੋਕਸੀਕਲੋਰੋਕੁਈਨ ਦਵਾਈ ਨਾਲ ਕੋਵਿਡ ਮਰੀਜ਼ਾਂ ਲਈ ਮੌਤ ਦਾ ਖ਼ਤਰਾ: ਅਧਿਐਨ
ਮੈਡੀਕਲ ਜਨਰਲ ਲਾਨਸੈਟ ਦੇ ਇੱਕ ਅਧਿਐਨ ਮੁਤਾਬਕ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਜਿਸ ਦਵਾਈ ਨੂੰ ਕੋਵਿਡ-19 ਦੇ ਮਰੀਜ਼ਾਂ ਨੂੰ ਦੇਣ ਲਈ ਕਹਿ ਰਹੇ ਸਨ ਉਹ ਅਸਲ ਵਿੱਚ ਮਰੀਜ਼ ਲਈ ਮੌਤ ਦਾ ਜੋਖ਼ਮ ਵਧਾ ਦਿੰਦੀ ਹੈ।
ਅਧਿਐਨ ਕਹਿੰਦਾ ਹੈ ਕਿ ਕੋਰੋਨਾਵਾਇਰਸ ਦੇ ਰੋਗੀਆਂ ਨੂੰ ਐਂਟੀ ਮਲੇਰੀਆ ਦਵਾਈ ਹਾਈਡ੍ਰੋਕਸੀਕਲੋਰੋਕੁਈਨ ਦੇਣ ਦਾ ਕੋਈ ਫਾਇਦਾ ਨਹੀਂ ਹੈ।
ਟਰੰਪ ਨੇ ਕਿਹਾ ਹੈ ਕਿ ਉਹ ਪਬਲਿਕ ਸਿਹਤ ਅਧਿਕਾਰੀਆਂ ਦੀ ਚਿਤਾਵਨੀ ਦੇ ਬਾਵਜੂਦ ਇਹ ਦਵਾਈ ਲੈ ਰਹੇ ਸਨ।
ਅਧਿਐਨ ਮੁਤਾਬਕ ਇਹ ਦਿਲ ਸਬੰਧੀ ਪਰੇਸ਼ਾਨੀਆਂ ਦਾ ਕਾਰਨ ਬਣ ਸਕਦੀ ਹੈ।
ਟਰੰਪ ਨੇ ਮੈਡੀਕਲ ਸਲਾਹ ਦੇ ਖ਼ਿਲਾਫ਼ ਜਾ ਕੇ ਲਗਾਤਾਰ ਇਸ ਦਵਾਈ ਦਾ ਗੁਣਗਾਣ ਕੀਤਾ।
ਇਹ ਦਵਾਈ ਮਲੇਰੀਆ ਗਠੀਆਂ ਵਰਗੇ ਰੋਗਾਂ ਲਈ ਤਾਂ ਠੀਕ ਹੈ ਪਰ ਇਸ ਦੀ ਕੋਰਨਾਵਾਇਰਸ ਲਈ ਕਿਸੇ ਤਰ੍ਹਾਂ ਦੇ ਕਲੀਨੀਕਲ ਟ੍ਰਾਇਲ ਲਈ ਸਿਫ਼ਾਰਿਸ਼ ਨਹੀਂ ਕੀਤੀ ਗਈ ਸੀ।
ਤਸਵੀਰ ਸਰੋਤ, Reuters
