You’re viewing a text-only version of this website that uses less data. View the main version of the website including all images and videos.
ਪੂਰੀ ਦੁਨੀਆਂ ਵਿੱਚ ਮ੍ਰਿਤਕਾਂ ਦੀ ਗਿਣਤੀ 3.28 ਲੱਖ ਤੋਂ ਵੱਧ । ਸਭ ਤੋਂ ਵੱਧ ਅਮਰੀਕਾ ਪ੍ਰਭਾਵਿਤ
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਦਾਅਵਾ ਕੀਤਾ ਹੈ ਕਿ ਪੰਜਾਬ ਵਿੱਚ ਇਸ ਵੇਲੇ ਰਿਕਵਰੀ ਰੇਟ 89 ਫੀਸਦ ਹੈ ਜਦੋਂਕਿ 211 ਮਾਮਲੇ ਹੀ ਐਕਟਿਵ ਹਨ।
ਮੁੱਖ ਮੰਤਰੀ ਨੇ ਕਿਹਾ, "ਮਾਮਲੇ ਦੁਗਣੇ ਹੋਣ ਵਿੱਚ ਸੁਧਾਰ ਹੋਇਆ ਹੈ ਅਤੇ 100 ਦਿਨਾਂ ਵਿੱਚ ਦੁਗਣੇ ਹੋ ਰਹੇ ਹਨ। ਪਰ ਪੂਰੀ ਸਾਵਧਾਨੀ ਵਰਤੋ ਤਾਂਕਿ ਸਾਡੀ ਸਖ਼ਤ ਮਿਹਨਤ ਬਰਬਾਦ ਨਾ ਹੋਵੇ।"
ਭਾਰਤ ਵਿੱਚ ਕੋਰੋਨਾਵਾਇਰਸ ਨਾਲ ਪੀੜਤ ਹੋਣ ਵਾਲਿਆਂ ਦੀ ਸੰਖਿਆ ਅਤੇ ਮੌਤਾਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਰਾਜਧਾਨੀ ਦਿੱਲੀ ਅਤੇ ਮੁੰਬਈ ਵਿੱਚ ਹਾਲਾਤ ਸਭ ਤੋਂ ਜਿਆਦਾ ਖ਼ਰਾਬ ਹਨ।
ਇਨਫੈਕਸ਼ਨ ਦੇ ਮਾਮਲੇ ਵਧਦੇ ਦੇਖ ਕੋਰੋਨਾਵਾਇਰਸ ਦੇ ਮਰੀਜਾਂ ਦਾ ਜਲਦ ਤੋਂ ਜਲਦ ਪਤਾ ਲਗਾਉਣ ਲਈ ਸਰਕਾਰ ਨੇ ਪਹਿਲਾਂ ਦੇ ਮੁਕਾਬਲੇ ਟੈਸਟਿੰਗ ਵਧਾ ਦਿੱਤੀ ਹੈ।
ਹੁਣ ਸ਼ੱਕੀ ਇਲਾਕਿਆਂ ਵਿੱਚ ਪੂਲ ਟੈਸਟਿੰਗ ਅਤੇ ਰੈਪਿਡ ਟੈਸਟਿੰਗ ਜ਼ਰੀਏ ਕੋਰੋਨਾਵਾਇਰਸ ਪੀੜਤ ਲੋਕਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ।
ਪੂਰੀ ਖ਼ਬਰ ਪੜ੍ਹਣ ਲਈ ਇੱਥੇ ਕਲਿੱਕ ਕਰੋ।
ਮੁਹੰਮਦ ਹਨੀਫ਼ - “ਈਦ 'ਤੇ ਪਿੰਡ ਨਹੀਂ ਜਾਣਾ ਹੋਣਾ।
ਬਸ ਵੱਟਸਐਪ 'ਤੇ ਭੈਣਾ-ਭਰਾਵਾਂ 'ਤੇ ਸੱਜਣਾਂ ਨੂੰ ਜੱਫੀਆਂ ਪਾਵਾਂਗੇ 'ਤੇ ਵੱਡੀ ਈਦ ਦੇ ਕੱਚੇ-ਪੱਕੇ ਵਾਅਦੇ ਕਰਾਂਗੇ ਤੇ ਨਾਲ ਹੀ ਈਦ 'ਤੇ ਸੁਣੇ ਕੁੱਝ ਭੁੱਲ ਗਏ ਤੇ ਕੁੱਝ ਯਾਦ ਰਹਿ ਗਏ ਸੁਲਤਾਨ ਬਾਹੂ ਦੇ ਬੋਲ ਯਾਦ ਕਰਾਂਗੇ।”
ਚੰਡੀਗੜ੍ਹ ਵਿੱਚ ਬਸ ਸੇਵਾ ਮੁੜ ਸ਼ੁਰੂ ਹੋ ਗਈ ਹੈ।
ਬਸ ਡਰਾਈਵਰ ਨੇ ਖਬਰ ਏਜੰਸੀ ਏਐੱਨਆਈ ਨੂੰ ਦੱਸਿਆ ਕਿ 15 ਸਵਾਰੀਆਂ ਤੋਂ ਵੱਧ ਨਹੀਂ ਬਿਠਾਇਆ ਜਾ ਰਿਹਾ।
ਵੰਦੇ ਭਾਰਤ ਮਿਸ਼ਨ ਤਹਿਤ 20 ਮਈ ਰਾਤ ਨੂੰ 3090 ਭਾਰਤੀ ਵਾਪਸ ਲਿਆਂਦੇ ਗਏ।
ਹਵਾਬਾਜ਼ੀ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ 17 ਉਡਾਣਾਂ ਰਾਹੀਂ ਇਨ੍ਹਾਂ ਨਾਗਰਿਕਾਂ ਨੂੰ ਲੰਡਨ, ਦੁਬਈ, ਕੁਵੈਤ, ਮਸਕਟ, ਦੋਹਾ, ਸਾਲਾਹ, ਕਾਠਮਾਂਡੂ, ਜਕਾਰਤਾ, ਮਨੀਲਾ, ਬੈਂਕਾਕ ਅਤੇ ਰਿਆਧ ਤੋਂ ਲਿਆਂਦਾ ਹੈ।
ਬ੍ਰੀਟਨ ਅਤੇ ਓਕਸਫੋਰਡ ਵਿੱਚ ਦੋ ਐਂਟੀ-ਮਲੇਰੀਆ ਦਵਾਈਆਂ 'ਤੇ ਟਰਾਇਲ ਸ਼ੁਰੂ ਹੋ ਗਿਆ ਹੈ।
ਇਹ ਜਾਂਚ ਕੀਤੀ ਜਾਵੇਗੀ ਕਿ ਕੀ ਇਹ ਦਵਾਈਆਂ ਕੋਵਿਡ-19 ਦੇ ਇਲਾਜ ਵਿੱਚ ਕਾਰਗਰ ਹਨ।
ਹਾਈਡਰੋਕਸੀਕਲੋਰੋਕੁਈਨ ਜਾਂ ਪਲੈਸੇਬੋ ਯੂਰਪ, ਅਫ਼ਰੀਕਾ, ਏਸ਼ੀਆ ਅਤੇ ਦੱਖਣੀ ਅਮਰੀਕਾ ਵਿੱਚ 40,000 ਤੋਂ ਵੱਧ ਸਿਹਤ ਵਰਕਰਾਂ ਨੂੰ ਦਿੱਤੀ ਜਾਵੇਗੀ।
ਇਹ ਸਾਰੇ ਲੋਕ ਕੋਵਿਡ-19 ਮਰੀਜਾਂ ਦੇ ਸੰਪਰਕ ਵਿੱਚ ਰਹਿਣ ਵਾਲੇ ਸਟਾਫ਼ ਮੈਂਬਰ ਹਨ।
ਪ੍ਰੋ. ਨਿਕੋਲਸ ਵ੍ਹਾਈਟ ਨੇ ਕਿਹਾ, "ਸਾਨੂੰ ਨਹੀਂ ਪਤਾ ਕਿ ਹਾਈਡਰੋਕਸੀਕਲੋਰੋਕੁਈਨ ਕੋਵਿਡ-19 ਲਈ ਫਾਇਦੇਮੰਦ ਹੈ ਜਾਂ ਨੁਕਸਾਨਵਾਲੀ।"
ਲੌਕਡਾਊਨ ਦੌਰਾਨ ਪਾਰਲਰ ਅਤੇ ਸਲੂਨ ਬੰਦ ਹੋਣ ਕਾਰਨ ਸਭ ਪਰੇਸ਼ਾਨ ਨਜ਼ਰ ਆ ਰਹੇ ਹਨ।
ਇਸ ਵਿਚਾਲੇ ਮਾਸਟਰ ਬਲਾਸਟਰ ਸਚਿਨ ਤੇਂਦੂਲਕਰ ਆਪਣੇ ਪੁੱਤਰ ਦੇ ਖੁਦ ਵਾਲ ਕੱਟ ਰਹੇ ਹਨ।
ਉਨ੍ਹਾਂ ਨੇ ਇੰਸਟਾਗਰਾਮ 'ਤੇ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "ਇੱਕ ਪਿਤਾ ਹੋਣ ਦੇ ਨਾਤੇ ਤੁਹਾਨੂੰ ਸਭ ਕੁਝ ਖੁਦ ਹੀ ਕਰਨਾ ਪੈਂਦਾ ਹੈ। ਫਿਰ ਚਾਹੇ ਬੱਚਿਆਂ ਨਾਲ ਖੇਡਣਾ ਹੋਵੇ, ਜਿਮ ਜਾਂ ਫਿਰ ਵਾਲ ਕੱਟਣੇ ਹੋਣ।"
ਕੋਰੋਨਵਾਇਰਸ ਨਾਲ ਹੋਈਆਂ ਮੌਤਾਂ ਦੇ ਸਸਕਾਰ ਨੂੰ ਲੈ ਕੇ ਕਈ ਥਾਂ ਵਿਵਾਦ ਹੋਇਆ।
ਪੰਜਾਬ ਵਿਚ ਸ੍ਰੀ ਹਰਿਮੰਦਰ ਸਾਹਿਬ ਦੇ ਹਜੂਰੀ ਰਾਗੀ ਭਾਈ ਨਿਰਮਲ ਸਿੰਘ ਖਾਲਸਾ ਦਾ ਸਸਕਾਰ ਪਿੰਡ ਵਾਲਿਆਂ ਵਲੋਂ ਰੋਕੇ ਜਾਣ ਕਾਰਨ ਇਹ ਮਸਲਾ ਕਾਫ਼ੀ ਚਰਚਾ ਵਿਚ ਆਇਆ।
ਹੋਰ ਵੀ ਕਈ ਥਾਵਾਂ ਉੱਤੇ ਪਰਿਵਾਰ ਵਾਲੇ ਆਪਣੇ ਸਕੇ ਸਬੰਧੀਆਂ ਦੀਆਂ ਅੰਤਿਮ ਰਸਮਾਂ ਵਿਚ ਸ਼ਾਮਲ ਨਹੀਂ ਹੋਏ।
ਮਾਹਰਾਂ ਤੇ ਵਿਗਿਆਨੀਆਂ ਦੇ ਹਵਾਲੇ ਨਾਲ ਸਵਾਲ ਇਹ ਹੈ ਕਿ ਕੀ ਰੋਗੀ ਮੌਤ ਤੋਂ ਬਾਅਦ ਵੀ ਕੋਰੋਨਾ ਫੈਲਾ ਸਕਦਾ ਹੈ, ਕੀ ਲਾਸ਼ਾਂ ਤੋਂ ਕੋਰੋਨਾ ਦੀ ਲਾਗ ਦਾ ਖ਼ਤਰਾ ਬਣਿਆ ਰਹਿ ਸਕਦਾ ਹੈ।
ਪੂਰੀ ਖ਼ਬਰ ਪੜ੍ਹਣ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ।
ਮੁੰਬਈ ਦੇ ਇੱਕ ਹਸਪਤਾਲ ਵਿੱਚ ਕੋਰੋਨਵਾਇਰਸ ਤੋਂ ਸੰਕਰਮਿਤ ਮਾਵਾਂ ਨੇ 100 ਤੋਂ ਵੱਧ ਸਿਹਤਮੰਦ ਬੱਚਿਆਂ ਨੇ ਜਨਮ ਲਿਆ ਹੈ।
ਡਾਕਟਰਾਂ ਨੇ ਦੱਸਿਆ ਕਿ ਪਿਛਲੇ ਮਹੀਨੇ ਲੋਕਮਾਨਿਆ ਤਿਲਕ ਮਿਊਂਸੀਪਲ ਜਨਰਲ ਹਸਪਤਾਲ ਵਿੱਚ ਕੋਰੋਨਾਵਾਇਰਸ ਤੋਂ ਪੀੜਤ ਮਾਵਾਂ ਦੇ 115 ਬੱਚਿਆਂ ਵਿੱਚੋਂ ਤਿੰਨ ਬੱਚੇ ਸ਼ੁਰੂਆਤ ਵਿੱਚ ਕੋਵਿਡ -19 ਪੌਜ਼ਿਟਿਵ ਨਿਕਲੇ ਸਨ ਪਰ ਬਾਅਦ ਵਿੱਚ ਕੀਤੇ ਗਏ ਟੈਸਟਾਂ ਵਿੱਚ ਉਹ ਸਹੀ ਹੋ ਗਏ।
ਦੋ ਹੋਰ ਪੌਜ਼ਿਟਿਵ ਗਰਭਵਤੀ ਔਰਤਾਂ ਦੀ ਹਸਪਤਾਲ ਵਿੱਚ ਮੌਤ ਹੋ ਗਈ।ਇੱਕ ਔਰਤਾ ਤਾਂ ਬੱਚੇ ਦੇ ਜਨਮ ਤੋਂ ਪਹਿਲਾਂ ਹੀ ਮਰ ਗਈ ਸੀ।
65 ਡਾਕਟਰਾਂ ਅਤੇ ਦੋ ਦਰਜਨ ਨਰਸਾਂ ਦੀ ਇੱਕ ਟੀਮ 40 ਬੈੱਡ ਵਾਲੇ ਵਿਸ਼ੇਸ਼ ਵਾਰਡ ਵਿੱਚ ਇਨ੍ਹਾਂ ਕੋਵਿਡ-ਸੰਕਰਮਿਤ ਮਾਵਾਂ ਦਾ ਇਲਾਜ ਕਰ ਰਹੀ ਹੈ।
ਮਾਮਲੇ ਵਧਣ ਕਾਰਨਹਸਪਤਾਲ ਕੋਵਿਡ -19 ਗਰਭਵਤੀ ਮਰੀਜ਼ਾਂ ਲਈ 34 ਹੋਰ ਬੈੱਡ ਲਾਉਣ ਦੀ ਯੋਜਨਾ ਬਣਾ ਰਿਹਾ ਹੈ।
ਵਿਸ਼ਵ ਸਿਹਤ ਸੰਗਠਨ ਦੇ ਅਨੁਸਾਰ ਦੁਨੀਆਂ ਭਰ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ ਜੋ ਨਵੇਂ ਕੇਸ ਸਾਹਮਣੇ ਆਏ ਹਨ, ਉਨ੍ਹਾਂ ਵਿੱਚੋਂ ਦੋ ਤਿਹਾਈ ਸਿਰਫ਼ ਚਾਰ ਦੇਸਾਂ ਵਿੱਚ ਹਨ।
ਇਹ ਚਾਰੇ ਦੇਸ ਹਨ- ਅਮਰੀਕਾ, ਰੂਸ, ਬ੍ਰਾਜ਼ੀਲ ਅਤੇ ਭਾਰਤ।
ਵਿਸ਼ਵ ਸਿਹਤ ਸੰਗਠਨ ਨੇ ਬੁੱਧਵਾਰ ਨੂੰ ਚੇਤਾਵਨੀ ਦਿੱਤੀ ਸੀ ਕਿ 'ਇਹ ਨਾ ਸਮਝਿਆ ਜਾਵੇ ਕਿ ਕੋਰੋਨਾਵਾਇਰਸ ਦੀ ਮਹਾਂਮਾਰੀ ਖਾਤਮੇ ਵੱਲ ਹੈ।'
ਜਿਨੇਵਾ ਵਿੱਚ ਬੋਲਦਿਆਂ ਵਿਸ਼ਵ ਸਿਹਤ ਸੰਗਠਨ ਦੇ ਮੁਖੀ ਟੈਡਰੋਸ ਐਡਬੈਨੌਮ ਗੈਬਰੀਏਸੋਸ ਨੇ ਕਿਹਾ ਕਿ “ਜਿਵੇਂ-ਜਿਵੇਂ ਅਮੀਰ ਅਤੇ ਵਿਕਸਤ ਦੇਸ ਲੌਕਡਾਊਨ ਤੋਂ ਉੱਭਰ ਰਹੇ ਹਨ, ਕੋਰੋਨਾਵਾਇਰਸ ਦੀ ਲਾਗ ਗਰੀਬ ਦੇਸਾਂ ਵਿੱਚ ਫੈਲ ਰਹੀ ਹੈ।”
ਉਨ੍ਹਾਂ ਨੇ ਕਿਹਾ, “ਅਸੀਂ ਅਜੇ ਬਹੁਤ ਲੰਮਾ ਰਾਹ ਤੈਅ ਕਰਨਾ ਹੈ। ਅਸੀਂ ਚਿੰਤਤ ਹਾਂ ਕਿ ਇਹ ਮਹਾਂਮਾਰੀ ਹੁਣ ਘੱਟ ਅਤੇ ਦਰਮਿਆਨੀ ਆਮਦਨ ਵਾਲੇ ਦੇਸਾਂ ਵਿੱਚ ਵੱਧ ਰਹੀ ਹੈ।”
ਖ਼ਬਰ ਏਜੰਸੀ ਪੀਟੀਆਈ ਮੁਤਾਬਕ ਏਅਰਪੋਰਟ ਅਥਾਰਟੀ ਆਫ਼ ਇੰਡੀਆ ਨੇ ਘਰੇਲੂ ਹਵਾਈ ਯਾਤਰਾ ਲਈ ਕੁਝ ਨਵੇਂ ਨਿਯਮ ਜਾਰੀ ਕੀਤੇ ਹਨ।
14 ਸਾਲ ਤੋਂ ਘੱਟ ਉਮਰ ਵਾਲਿਆਂ ਨੂੰ ਛੱਡ ਕੇ ਅਰੋਗਿਆ ਸੇਤੂ ਐਪ ਨੂੰ ਸਾਰੇ ਯਾਤਰੀਆਂ ਲਈ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।
ਹਵਾਈ ਅੱਡੇ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਸਾਰੇ ਯਾਤਰੀਆਂ ਦੀ ਸਕ੍ਰੀਨਿੰਗ ਹੋਵੇਗੀ।
ਫਲਾਈਟ ਵਿੱਚ ਵਿਚਲੀ ਸੀਟ ਨੂੰ ਖਾਲੀ ਰੱਖਣ ਦੀ ਯੋਜਨਾ ਹੈ। ਇਸ ਕਾਰਨ ਕਿਰਾਇਆ ਜ਼ਿਆਦਾ ਹੋ ਸਕਦਾ ਹੈ।
ਏਅਰਪੋਰਟ ਅਥਾਰਟੀ ਨੇ ਇਹ ਵੀ ਕਿਹਾ ਹੈ ਕਿ ਸਾਰੇ ਯਾਤਰੀਆਂ ਨੂੰ ਪਹਿਲਾਂ ਸਕ੍ਰੀਨਿੰਗ ਜ਼ੋਨ ਵਿੱਚ ਆਉਣਾ ਹੋਵੇਗਾ ਅਤੇ ਜਾਂਚ ਤੋਂ ਬਾਅਦ ਹੀ ਹਵਾਈ ਅੱਡੇ ਵਿੱਚ ਦਾਖਲ ਹੋਣ ਦਿੱਤਾ ਜਾਵੇਗਾ।
ਕੋਰੋਨਾਵਾਇਰਸ ਮਹਾਂਮਾਰੀ ਦੌਰਾਨ ਕਈ ਲੁਭਾਵਣੇ ਗ੍ਰਾਫਿਕਸ ਜਾਂ ਨਕਸ਼ੇ ਸਾਨੂੰ ਵਟਸਐੱਪ ਆਦਿ ਉੱਪਰ ਮਿਲ ਜਾਂਦੇ ਹਨ ਜਿਨ੍ਹਾਂ ਨੂੰ ਸ਼ੇਅਰ ਕਰਨ ਦਾ ਸਾਡਾ ਬਹੁਤ ਮਨ ਕਰ ਜਾਂਦਾ ਹੈ।
ਪਰ ਸਾਵਧਾਨ ਰਹਿਣ ਦੀ ਲੋੜ ਹੈ। ਛਲਾਵੇ ਵਿੱਚ ਨਾ ਆਓ, ਸ਼ੱਕ ਕਰੋ।
ਭਾਰਤ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ ਕੋਰੋਨਾਵਾਇਰਸ ਦੇ 5,609 ਨਵੇਂ ਮਾਮਲੇ ਸਾਹਮਣੇ ਆਏ ਹਨ।
ਇਸ ਦੇ ਨਾਲ ਹੀ ਦੇਸ ਵਿੱਚ ਕੋਰੋਨਾਵਾਇਰਸ ਦੇ ਪੌਜਿਟਿਵ ਮਾਮਲਿਆਂ ਦੀ ਕੁੱਲ ਗਿਣਤੀ 1,12,359 ਤੱਕ ਪਹੁੰਚ ਗਈ ਹੈ।
ਸਿਹਤ ਮੰਤਰਾਲੇ ਅਨੁਸਾਰ ਹੁਣ ਤੱਕ 45,299 ਲੋਕ ਕੋਰੋਨਾ ਦੀ ਲਾਗ ਤੋਂ ਠੀਕ ਹੋ ਚੁੱਕੇ ਹਨ। ਉੱਥੇ ਹੀਕੋਰੋਨਾ ਕਾਰਨ ਦੇਸ ਵਿੱਚ ਕੁੱਲ 3435 ਮੌਤਾਂ ਹੋ ਚੁੱਕੀਆਂ ਹਨ।
ਦੇਸ ਵਿੱਚ ਸਭ ਤੋਂ ਜ਼ਿਆਦਾ ਕੋਰੋਨਾਵਾਇਰਸ ਦੇ ਮਾਮਲੇ ਸਾਹਮਣੇ ਆਏ ਹਨ, ਇਸ ਤੋਂ ਬਾਅਦ ਤਾਮਿਲਨਾਡੂ, ਗੁਜਰਾਤ ਅਤੇ ਦਿੱਲੀ ਸਭ ਤੋਂ ਅੱਗੇ ਹਨ।
ਹੁਣ ਤੱਕ ਮਹਾਰਾਸ਼ਟਰ ਵਿੱਚ ਕੋਰੋਨਾਵਾਇਰਸ ਕਾਰਨ 39,297 ਲੋਕ ਸੰਕਰਮਿਤ ਹੋਏ ਹਨਜਦੋਂ ਕਿ ਤਾਮਿਲਨਾਡੂ ਵਿੱਚ 13,191, ਗੁਜਰਾਤ ਵਿੱਚ 12,537 ਅਤੇ ਦਿੱਲੀ ਵਿੱਚ 11,088 ਕੋਰੋਨਾ ਸੰਕਰਮਿਤ ਹਨ।
ਇਸ ਦੇ ਨਾਲ ਹੀਕੋਰੋਨਾਵਾਇਰਸ ਕਾਰਨ ਸਭ ਤੋਂ ਵੱਧ 1,390 ਮੌਤਾਂ ਮਹਾਰਾਸ਼ਟਰ ਵਿੱਚ ਅਤੇ ਗੁਜਰਾਤ ਵਿੱਚ 749 ਮੌਤਾਂ ਹੋਈਆਂ ਹਨ।
ਕੋਰੋਨਾਵਾਇਰਸ ਨਾਲੋਂ ਤੇਜ਼ੀ ਨਾਲ ਫੈਲ ਰਹੀਆਂ ਹਨ ਇਸ ਬਾਰੇ ਅਫ਼ਵਾਹਾਂ।ਕੋਈ ਪਾਲਤੂ ਜਾਨਵਰਾਂ ਤੋਂ ਦੂਰ ਰਹਿਣ ਦੀ ਸਲਾਹ ਦੇ ਰਿਹਾ ਹੈ ਤਾਂ ਕੋਈ ਚਾਉਮਿਨ ਖਾਣੋਂ ਰੋਕ ਰਿਹਾ ਹੈ। ਕੋਈ ਕਹਿੰਦਾ ਹੈ ਬਸ ਲਸਣ ਦੀ ਗੰਢੀ ਖਾਓ, ਵਾਇਰਸ ਤੁਹਾਡਾ ਕੁਝ ਵਿਗਾੜ ਹੀ ਨਹੀਂ ਸਕਦਾ। ਬੀਬੀਸੀ ਨੇ ਅਜਿਹੀਆਂ ਕੁਝ ਸਲਾਹਾਂ ਦੀ ਸੱਚਾਈ ਜਾਣੀ, ਤੁਸੀਂ ਵੀ ਜਾਣੋ-
ਟੈਸਟ ਦੋ ਤਰ੍ਹਾਂ ਦੇ ਹੁੰਦੇ ਹਨ: ਪਹਿਲਾਂ ਨੱਕ ਰਾਹੀਂ ਟੈਸਟ ਹੁੰਦਾ ਹੈ ਇਹ ਪਤਾ ਕਰਨ ਲਈ ਕੀ ਤੁਹਾਨੂੰ ਇਸ ਵੇਲੇ ਲਾਗ ਹੈ। ਦੂਸਰਾ ਟੈਸਟ ਉਸ ਵੇਲੇ ਕੀਤਾ ਜਾਂਦਾ ਹੈ ਜੇਕਰ ਤੁਹਾਨੂੰ ਪਹਿਲਾਂ ਇਸ ਦੀ ਲਾਗ ਲੱਗੀ ਹੋਵੇ।
ਕੋਰੋਨਾਵਾਇਰਸ ਦੇ ਦੌਰ ਵਿੱਚ ਲੋਕ ਬਾਹਰ ਦੀਆਂ ਚੀਜਾਂ ਖਾਣਾ ਦਾ ਪਰਹੇਜ਼ ਹੀ ਕਰ ਰਹੇ ਹਨ।
ਬਹੁਤੇ ਲੋਕਾਂ ਦਾ ਮੰਨਣਾ ਹੈ ਕਿ ਅਜਿਹੇ ਵਿੱਚ ਬਾਹਰ ਦਾ ਖਾਣਾ ਉਨ੍ਹਾਂ ਲਈ ਨੁਕਸਾਨਦਾਇਕ ਸਾਬਿਤ ਹੋ ਸਕਦਾ ਹੈ।
ਪਰ ਮਾਹਰ ਇਸ ਬਾਰੇ ਕੀ ਕਹਿੰਦੇ ਹਨ, ਵੇਖੋ ਇਹ ਰਿਪੋਰਟ।
ਖ਼ਬਰ ਏਜੰਸੀ ਏਐੱਨਆਈ ਨੇ ਸਿਹਤ ਤੇ ਪਰਿਵਾਰ ਭਲਾਈ ਵਿਭਾਗ ਦੇ ਹਵਾਲੇ ਨਾਲ ਦੱਸਿਆ ਹੈ ਕਿ ਪਿਛਲੇ ਚੌਵੀ ਘੰਟਿਆਂ ਵਿੱਚ ਆਏ 5609 ਕੇਸਾਂ ਦੇ ਉਛਾਲ ਅਤੇ 132 ਮੌਤਾਂ ਤੋਂ ਬਾਅਦ ਭਾਰਤ ਵਿੱਚ ਕੋਰੋਨਾਵਾਇਰਸ ਦੇ ਕੁੱਲ ਮਮਲੇ 1,12,359 ਹੋ ਗਏ ਹਨ।
ਇਨ੍ਹਾਂ ਵਿੱਚੋਂ 63,624 ਐਕਟਿਵ ਕੇਸ ਹਨ ਜਦਕਿ 3,435 ਮੌਤਾਂ ਹੋ ਚੁਕੀਆਂ ਹਨ।
ਬ੍ਰਾਜ਼ੀਲ ਦੇ ਸਿਹਤ ਮੰਤਰਾਲਾ ਨੇ ਕੋਰੋਨਾਵਾਇਰਸ ਦੇ ਇਲਾਜ ਲਈ ਦੋ ਐਂਟੀ ਮਲੇਰੀਅਲ ਦਵਾਈਆਂ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ।
ਹਾਲਾਂਕਿ ਇਹ ਦਵਾਈਆਂ ਕਿੰਨੀਆਂ ਕੁ ਕਾਰਗਰ ਹਨ ਇਸ ਬਾਰੇ ਕੋਈ ਫੈਸਲਾਕੁੰਨ ਸਬੂਤ ਨਹੀਂ ਹਨ।
ਬ੍ਰਾਜ਼ੀਲ ਦੇ ਰਾਸ਼ਟਰਪਤੀ ਜੇਰ ਬੋਲਸੋਨਾਰੋ ਨੇ ਮਾਰਚ ਵਿੱਚ ਦਾਅਵਾ ਕੀਤਾ ਸੀ ਕਿ ਹਾਈਡਰੋਕਸੀ ਕਲੋਰੋਕੁਈਨ ਇਸ ਦੇ ਇਲਾਜ ਵਿੱਚ ਬਹੁਤ ਕਾਰਗਰ ਹੈ।
ਹਾਲਾਂਕਿ ਬਾਅਦ ਵਿੱਚ ਉਨ੍ਹਾਂ ਦੇ ਫੇਸਬੁੁੱਕ ਅਤੇ ਟਵਿੱਟਰ ਨੇ ਬਾਅਦ ਵਿੱਚ ਉਨ੍ਹਾਂ ਦੀਆਂ ਇਹ ਪੋਸਟਾਂ ਡਿਲੀਟ ਕਰ ਦਿੱਤੀਆਂ ਸਨ।
ਸੋਮਵਾਰ ਨੂੰ ਅਮਰੀਕੀ ਰਾਸ਼ਟਰਪਤੀ ਡੌਨਾਲਡ ਟਰੰਪ ਵੀ ਕਹਿ ਚੁੱਕੇ ਹਨ ਉਹ ਹਾਈਡਰੋਕਸੀ ਕਲੋਰੋਕੁਈਨ ਦੀ ਵਰਤੋਂ ਕਰ ਰਹੇ ਹਨ।
ਅਮਰੀਕਾ ਦੀ ਫੂਡ ਐਂਡ ਡਰੱਗ ਐਡਮਨਿਸਟਰੇਸ਼ਨ ਕਹਿ ਚੁੱਕੀ ਹੈ ਕਿ ਇਸ ਦਵਾਈ ਨੂੰ ਸੁਰੱਖਿਅਤ ਅਤੇ ਕਾਰਗਰ ਨਹੀਂ ਪਾਇਆ ਗਿਆ ਹੈ।
ਇਸ ਦਵਾਈ ਦੇ ਗੰਭੀਰ ਨਤੀਜੇ ਦੇਖੇ ਗਏ ਹਨ। ਇਹ ਅੱਖਾਂ ਅਤੇ ਦਿਲ ਸਮੇਤ ਦੂਜੇ ਅੰਗਾਂ ਉੱਪਰ ਅਸਰ ਪਾਉਂਦੀ ਹੈ।
ਕੋਲਕਾਤਾ ਦੇ ਹਸਪਤਾਲਾਂ ਵਿੱਚ ਨਰਸ ਵਜੋਂ ਕੰਮ ਕਰ ਰਹੀਆਂ ਮਨੀਪੁਰ ਦੀਆਂ 185 ਨਰਸਾਂ ਨੇ ਨੌਕਰੀ ਛੱਡ ਦਿੱਤੀ ਹੈ। ਜਿਸ ਤੋਂ ਬਾਅਦ ਇਹ ਮਨੀਪੁਰ ਦੀ ਰਾਜਧਾਨੀ ਇੰਫ਼ਾਲ ਆ ਗਈਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਉੱਥੇ ਉਨ੍ਹਾਂ ਨਾਲ ਨਸਲਵਾਦੀ ਵਿਤਕਰਾ ਹੁੰਦਾ ਸੀ। ਕਈ ਵਾਰ ਲੋਕ ਉਨ੍ਹਾਂ ਉੱਪਰ ਥੁੱਕ ਦਿੰਦੇ ਸਨ ਅਤੇ ਨਿੱਜੀ ਸੁਰੱਖਿਆ ਕਿੱਟਾਂ ਦੀ ਕਮੀ ਸੀ। ਉਹ ਜਿੱਥੇ ਵੀ ਜਾਂਦੀਆਂ ਲੋਕ ਉਨ੍ਹਾਂ ਨੂੰ ਸਵਾਲ ਕਰਦੇ ਸਨ।