You’re viewing a text-only version of this website that uses less data. View the main version of the website including all images and videos.
ਪੂਰੀ ਦੁਨੀਆਂ 'ਚ ਕੋਰੋਨਾਵਾਇਰਸ ਦੇ ਮਾਮਲੇ 40 ਲੱਖ ਟੱਪੇ। ਭਾਰਤ ਵਿੱਚ ਲਾਗ ਦੇ ਮਾਮਲੇ ਕਰੀਬ 63 ਹਜ਼ਾਰ ਅਤੇ 2109 ਮੌਤਾਂ ਹੋਈਆਂ ਹਨ।
ਕੋਰੋਨਾਵਾਇਰਸ ਦਾ ਇਲਾਜ ਲੱਭਣ ਲਈ ਵਿਸ਼ਵ ਭਰ ਵਿੱਚ ਕੋਸ਼ਿਸ਼ਾਂ ਜਾਰੀ ਹਨ। ਹੁਣ ਇਸਰਾਈਲ ਨੇ ਦਾਅਵਾ ਕੀਤਾ ਹੈ ਕਿ ਉਸਨੇ ਕੋਰੋਨਾਵਾਇਰਸ ਨੂੰ ਖ਼ਤਮ ਕਰਨ ਲਈ ਐਂਟੀਬਾਡੀਜ਼ ਵਿਕਸਿਤ ਕੀਤੀਆਂ ਹਨ।
ਇਸਰਾਈਲ ਦੇ ਰੱਖਿਆ ਮੰਤਰੀ ਨਫ਼ਤਾਲੀ ਬੇਨੇਟ ਨੇ ਦਾਅਵਾ ਕੀਤਾ ਹੈ ਕਿ ਦੇਸ਼ ਦੇ ਪ੍ਰਮੁੱਖ ਜੈਵਿਕ ਖੋਜ ਸੰਸਥਾ ਦੇ ਵਿਗਿਆਨੀਆਂ ਨੇ ਕੋਰੋਨਾਵਾਇਰਸ ਲਈ ਐਂਟੀਬਾਡੀ ਵਿਕਸਿਤ ਕਰਨ ਵਿਚ "ਮਹੱਤਵਪੂਰਨ ਸਫ਼ਲਤਾ" ਹਾਸਲ ਕੀਤੀ ਹੈ।
ਸਿੰਗਾਪੁਰ ਦੇ ਇੱਕ ਪਾਰਕ ਵਿਚ ਚਾਰ ਲੱਤਾਂ ਵਾਲਾ ਕੁੱਤੇ ਵਰਗਾ ਰੌਬਿਟ ਘੁੰਮ-ਘੰਮ ਕੇ ਲੋਕਾਂ ਨੂੰ ਕੋਵਿਡ ਦੇ ਖਤਰੇ ਤੋਂ ਜਾਗਰੂਕ ਕਰਦਾ ਹੋਇਆ।
ਇਸ ਰੌਬਿਟ ਉੱਤੇ ਕੈਮਰੇ ਤੇ ਸੈਂਸਰ ਲੱਗੇ ਹੋਏ ਹਨ ਅਤੇ ਇਹ ਲੋਕਾਂ ਤੋਂ ਸਰਕਾਰੀ ਦਿਸ਼ਾ ਨਿਰਦੇਸ਼ਾਂ ਦਾ ਪਾਲਣ ਕਰਵਾ ਰਿਹਾ ਹੈ।
ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਕਿਹਾ ਹੈ ਕਿ ਟਰੰਪ ਪ੍ਰਸਾਸ਼ਨ ਦੇ ਰਵੱਈਏ ਨੇ ਹਾਲਾਤ ਨੂੰ ਅਰਾਜਕੀ ਆਫ਼ਤ ਵਰਗੇ ਬਣਾ ਦਿੱਤੇ ਹਨ।
ਦੱਖਣੀ ਕੋਰੀਆ ਵਿਚ ਐਤਵਾਰ ਨੂੰ ਨਵੇਂ 34 ਮਾਮਲੇ ਆਉਣ ਨਾਲ ਸਿਊਲ ਵਿਚ ਪਾਬੰਦੀਆਂ ਮੁੜ ਲਗਾ ਦਿੱਤੀਆਂ ਗਈਆਂ ਹਨ।
ਕੋਰੋਨਾ ਦੇ ਵੂਹਾਨ ਤੋਂ ਪੈਦਾ ਹੋਣ ਦੀ ਟਰੰਪ ਥਿਊਰੀ ਦਾ ਸਮਰਥਨ ਕਰਨ ਵਾਲੇ ਆਸਟ੍ਰੇਲੀਆ ਤੋਂ ਚੀਨ ਨੇ ਜੌ ਦਰਾਮਦ ਕਰਨ ਉੱਤੇ ਭਾਰੀ ਟੈਕਸ ਥੋਪ ਦਿੱਤਾ ਹੈ।
ਯੂਕੇ ਪ੍ਰਧਾਨ ਮੰਤਰੀ ਬੌਰਿਸ ਜੌਨਸਨ ਐਤਵਾਰ ਸ਼ਾਮੀਂ ਲੌਕਡਾਊਨ ਹਟਾਉਣ ਲਈ ਰਣਨੀਤੀ ਦਾ ਐਲਾਨ ਕਰਨਗੇ।
ਫਰਾਂਸ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ 80 ਮੌਤਾਂ ਹੋਈਆਂ ਹਨ ਅਤੇ ਇਹ ਇਸ ਮਹੀਨੇ ਦਾ ਸਭ ਤੋਂ ਘੱਟ ਅੰਕੜਾ ਹੈ।
ਘਾਨਾ ਵਿਚ ਇੱਕੋ ਦਿਨ 500 ਫੈਕਟਰੀ ਕਾਮੇ ਪੌਜਿਟਿਵ ਪਾਏ ਗਏ ਹਨ, ਇਹ ਕੇਸਾਂ ਵਿਚ 30 ਫ਼ੀਸਦੀ ਦਾ ਉਛਾਲ ਹੈ।
ਕੋਰੋਨਾਵਾਇਰਸ ਪੀੜ੍ਹਤਾਂ ਦਾ ਗਲੋਬਲ ਅੰਕੜਾ 40 ਲੱਖ ਪਾਰ ਕਰ ਗਿਆ ਹੈ, ਜਦਕਿ 2,77000 ਤੋਂ ਵੱਧ ਲੋਕ ਮਾਰੇ ਜਾ ਚੁੱਕੇ ਹਨ
ਭਾਰਤ ਵਿਚ ਕੋਰੋਨਾ ਪੌਜ਼ਿਟਿਵ ਕੇਸਾਂ ਦਾ ਅੰਕੜਾ 60 ਨੂੰ ਪਹੁੰਚ ਗਿਆ ਹੈ ਜਦਕਿ ਮੌਤਾਂ ਦੀ ਗਿਣਤੀ ਵੀ ਲਗਭਗ 2000 ਹੋ ਚੁੱਕੀ ਹੈ।
ਪੰਜਾਬ ਵਿੱਚ ਮਾਮਲੇ 1600 ਤੋਂ ਪਾਰ ਹੋ ਚੁੱਕੇ ਹਨ ਜਦਕਿ 29 ਮੌਤਾਂ ਹੋ ਚੁੱਕੀਆਂ ਹਨ ।
ਆਸਟ੍ਰੇਲੀਆ ਨੇ ਚੀਨੀ ਸ਼ਹਿਰ ਵੁਹਾਨ ਵਿਚ ਪੈਦਾ ਹੋਣ ਵਾਲੇ ਕੋਰੋਨਾਵਾਇਰਸ ਦੀ ਜਾਂਚ ਦੀ ਮੰਗ ਕੀਤੀ ਸੀ। ਚੀਨ ਇਸ ‘ਤੇ ਇਤਰਾਜ਼ ਕਰਦਾ ਰਿਹਾ। ਹੁਣ ਚੀਨ ਨੇ ਆਪਣਾ ਸਖ਼ਤ ਰਵੱਈਆ ਦਿਖਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਆਸਟਰੇਲੀਆ ਨੇ ਕਿਹਾ ਹੈ ਕਿ ਚੀਨ ਜੌਂ ਦੀ ਦਰਾਮਦ ਉੱਤੇ ਭਾਰੀ ਕਰ ਲਗਾਉਣ‘ ਉਤੇ ਵਿਚਾਰ ਕਰ ਰਿਹਾ ਹੈ।
ਆਸਟ੍ਰੇਲੀਆ ਦੇ ਵਣਜ ਮੰਤਰੀ ਸਾਈਮਨ ਬਰਮਿੰਘਮ ਨੇ ਐਤਵਾਰ ਨੂੰ ਕਿਹਾ, “ਆਸਟ੍ਰੇਲੀਆਂ ਤੋਂ ਜੌਂ ਦਰਾਮਦ ਉੱਤੇ ਚੀਨ ਵਲੋਂ ਭਾਰੀ ਅਤੇ ਅਣਉਚਿਤ ਕਰ ਦਰਾਂ ਥੋਪਣ ਦੀ ਰਿਪੋਰਟ ਸਰਕਾਰ ਲਈ ਚਿੰਤਾ ਦਾ ਵਿਸ਼ਾ ਹੈ।”
ਆਸਟ੍ਰੇਲੀਆ, ਚੀਨ ਨੂੰ ਜੌਂ ਸਪਲਾਈ ਬਰਾਮਦ ਕਰਤਾ ਹੈ। ਆਸਟ੍ਰੇਲੀਆ ਇਕ ਸਾਲ ਵਿਚ 1.5 ਤੋਂ 2 ਅਰਬ ਆਸਟ੍ਰੇਲੀਆ ਡਾਲਰ ਦੇ ਜੌ ਬਰਾਮਦ ਕਰਦਾ ਹੈ। ਚੀਨ ਆਸਟ੍ਰੇਲੀਆ ਦੇ ਅੱਧ ਤੋਂ ਵੱਧ ਜੌਂ ਦੀ ਖਰੀਦ ਕਰਦਾ ਹੈ।
ਲੌਕਡਾਊਨ ਦੀਆਂ ਪਾਬੰਦੀਆਂ ਘਟਨ ਤੋਂ ਬਾਅਦ ਦੱਖਣੀ ਕੋਰੀਆ ਵਿਚ ਕੋਰੋਨਵਾਇਰਸ ਦੇ ਮਾਮਲੇ ਫਿਰ ਆਉਣੇ ਸ਼ੁਰੂ ਹੋ ਗਏ ਹਨ ਹਨ।
ਕੋਰੋਨਾ ਦੀ ਦੂਜੀ ਲਾਗ ਨੇ ਸਰਕਾਰ ਨੂੰ ਰਾਜਧਾਨੀ ਸਿਓਲ ਦੇ ਸਾਰੇ ਕਲੱਬ ਅਤੇ ਬਜ਼ਾਰ ਦੁਬਾਰਾ ਬੰਦ ਕਰਨ ਲਈ ਮਜਬੂਰ ਕਰ ਦਿੱਤਾ ਹੈ।
ਐਤਵਾਰ ਨੂੰ ਮੁਲਕ ਵਿਚ ਕੋਰੋਨਾ ਦੇ 34 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਦੱਖਣੀ ਕੋਰੀਆ ਦੇ ਸਭ ਤੋਂ ਵੱਡੇ ਸ਼ਹਿਰ ਵਿਚ ਇਹ ਇੱਕ ਮਹੀਨੇ ਦਾ ਸਭ ਤੋਂ ਵੱਡਾ ਉਛਾਲ ਹੈ।
ਇਸ ਨਾਲ ਕੁੱਲ ਪੌਜ਼ਿਟਿਵ ਕੇਸ 10,874 ਹੋ ਗਏ ਹਨ। ਦੱਖਣੀ ਕੋਰੀਆਂ ਦੀ ਕੋਵਿਡ-19 ਖ਼ਿਲਾਫ਼ ਰਣਨੀਤੀ ਦੀ ਸੰਸਾਰ ਭਰ ਵਿਚ ਸ਼ਲਾਘਾ ਹੋ ਰਹੀ ਹੈ, ਕਿਉਂਕਿ ਬਿਮਾਰੀ ਨੂੰ ਕੰਟਰੋਲ ਕਰ ਲਿਆ ਗਿਆ ਹੈ।
ਪਿਛਲੇ ਸ਼ਨੀਵਾਰ ਨੂੰ ਕੁਝ ਦਿਨਾਂ ਪਹਿਲਾਂ ਹਟਾਈਆਂ ਪਾਬੰਦੀਆਂ ਨੂੰ ਸਿਓਲ ਦੇ ਮੇਅਰ ਨੇ ਐਤਵਾਰ ਤੋਂ ਮੁੜ ਤੋਂ ਲਾਗੂ ਕਰ ਦਿੱਤਾ ਗਿਆ।
ਇਹ ਨਵਾਂ ਉਛਾਲ ਉਸ 29 ਸਾਲਾ ਮੁੰਡੇ ਨਾਲ ਸਬੰਧਤ ਹੈ ਜੋ ਕਈ ਨਾਇਟ ਕਲੱਬਾਂ ਵਿਚ ਘੁੰਮਦਾ ਰਿਹਾ ਸੀ।
ਮਾਲਦੀਵ ਤੋਂ 687 ਭਾਰਤੀ ਨਾਗਰਿਕਾਂ ਨੂੰ ਲੈ ਕੇ ਪਰਤਿਆ ਭਾਰਤੀ ਨੇਵੀ ਦਾ ਸਮੁੰਦਰੀ ਬੇੜਾ ਆਈਐੱਨਐੱਸ ਜਲਾਸ਼ਵਾ। ਇਹ ਬੇੜਾ ਕੋਚੀ ਬੰਦਰਗਾਹ ਉੱਤੇ ਪਹੁੰਚਿਆ ਹੈ।
ਸਰੋਜ ਸਿੰਘ, ਬੀਬੀਸੀ ਪੱਤਰਕਾਰ
ਫ਼ੇਲੂਦਾ ਕਾਲਨਿਕ ਫਿਲਮੀ ਪਾਤਰ ਹੈ। ਉਹ ਬੰਗਾਲ ਵਿੱਚ ਰਹਿਣ ਵਾਲਾ ਇੱਕ ਪ੍ਰਾਇਵੇਟ ਜਾਸੂਸ ਹੈ, ਜੋ ਖੋਜ ਕਰਕੇ ਹਰ ਸਮੱਸਿਆ ਦਾ ਹਲ ਲੱਭ ਹੀ ਲੈਂਦਾ ਹੈ।
ਕੁਝ ਬਿਓਮਕੇਸ਼ ਬਕਸ਼ੀ ਵਰਗਾ।
ਜਿਵੇਂ ਹੀ ਤੁਸੀਂ ਇਨ੍ਹਾਂ ਬਾਰੇ ਗੂਗਲ ਕਰੋਗੇ ਤਾਂ ਤੁਹਾਨੂੰ ਕਈ ਵੱਡੀਆਂ ਫ਼ਿਲਮੀ ਹਸਤੀਆਂ ਦੇ ਨਾਂ ਮਿਲ ਜਾਣਗੇ ਜੋ ਫੇਲੁਦਾ ਦੀ ਭੂਮਿਕਾ ਨਿਭਾ ਚੁੱਕੇ ਹਨ। ਪਰ ਅੱਜ ਅਸੀਂ ਸਤਿਆਜੀਤ ਰੇ ਦੀ 'ਫੇਲੂਦਾ' ਦੀ ਗੱਲ ਨਹੀਂ ਕਰ ਰਹੇ।
ਅੱਜ ਅਸੀਂ ਤੁਹਾਨੂੰ ਇਹ ਦਸਾਂਗੇ ਕਿ ਕੋਰੋਨਾਵਾਇਰਸ ਦੇ ਚਲਦਿਆਂ 'ਫੇਲੂਦਾ' ਕਿਉਂ ਚਰਚਾ ਵਿੱਚ ਹੈ।
ਇਲੈਟ੍ਰਿਕ ਕਾਰਾਂ ਬਣਾਉਣ ਵਾਲੀ ਕੰਪਨੀ ਟੇਸਲਾ ਦੇ ਅਰਬਪਤੀ ਮਾਲਕ ਇਲੋਨ ਮਸਕ ਨੇ ਕਿਹਾ ਕਿ ਉਹ ਇਲੈਟ੍ਰਿਕ ਕਾਰਾਂ ਬਣਾਉਣ ਦੇ ਹੈੱਡਕੁਆਟਰ ਨੂੰ ਕੈਲੇਫੋਰਨੀਆਂ ਤੋਂ ਬਾਹਰ ਲੈ ਜਾਣਗੇ।
ਇਲੋਨ ਮਸਕ ਨੇ ਇਹ ਫੈਸਲਾ ਅਮਰੀਕੀ ਸਰਕਾਰ ਵਲੋਂ ਫੈਕਟਰੀ ਨੂੰ ਚਲਾਉਣ ਦੀ ਆਗਿਆ ਨਾ ਦੇਣ ਕਾਰਨ ਲਿਆ ਹੈ।
ਕੰਪਨੀ ਦੇ ਸੀਏਓ ਨੇ ਟਵੀਟ ਕਰਕੇ ਕਿਹਾ ਹੈ, "ਟੇਸਲਾ ਆਪਣਾ ਹੈੱਡਕੁਆਟਰ ਤੇ ਭਵਿੱਖ ਦਾ ਪ੍ਰੋਗਰਾਮ ਨੂੰ ਤੁਰੰਤ ਟੈਕਸਜ਼/ਨਾਵੇਡਾ ਲਿਜਾ ਰਹੇ ਹਾਂ"।
ਚੀਨ ਵਿਚ ਕੋਰੋਨਾਵਾਇਰਸ ਦੀ ਲਾਗ ਦੇ 14 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਹ 28 ਅਪ੍ਰੈਲ ਤੋਂ ਬਾਅਦ ਇਕ ਦਿਨ ਵਿਚ ਲਾਗ ਵਾਲੇ ਲੋਕਾਂ ਦੀ ਸਭ ਤੋਂ ਵੱਡੀ ਗਿਣਤੀ ਹੈ। ਇਨ੍ਹਾਂ 14 ਵਿਅਕਤੀਆਂ ਵਿਚੋਂ ਦੋ ਵਿਦੇਸ਼ ਤੋਂ ਆਏ ਹਨ। ਬਾਕੀ 12 ਕੇਸ ਸਥਾਨਕ ਲੋਕਾਂ ਦੇ ਹਨ ਅਤੇ ਇਨ੍ਹਾਂ ਵਿੱਚੋਂ 11 ਉੱਤਰ-ਪੱਛਮੀ ਸੂਬੇ ਜਿਲਿਨ ਦੇ ਹਨ।
20 ਨਵੇਂ ਅਣਪਛਾਤੇ ਲੋਕਾਂ ਨੂੰ ਲਾਗ ਲੱਗਣ ਦੀ ਪੁਸ਼ਟੀ ਕੀਤੀ ਗਈ ਹੈ। ਇਹ 1 ਮਈ ਤੋਂ ਬਾਅਦ ਦੀ ਸਭ ਤੋਂ ਵੱਡੀ ਗਿਣਤੀ ਹੈ। ਇਸ ਦੇ ਨਾਲ ਚੀਨ ਵਿੱਚ ਲਾਗ ਦੀ ਕੁੱਲ ਸੰਖਿਆ 82,901 ਉੱਤੇ ਪਹੁੰਚ ਗਈ ਹੈ ਅਤੇ ਮ੍ਰਿਤਕਾਂ ਦੀ ਕੁੱਲ ਗਿਣਤੀ 4,633 ਹੈ।
ਚੀਨ ਦੇ ਉੱਤਰ ਪੱਛਮੀ ਸੂਬੇ ਚਿਲਿਨ ਦਾ ਸ਼ੁਆਨ ਸ਼ਹਿਰ ਉੱਤਰੀ ਕੋਰੀਆ ਦੀ ਸਰਹੱਦ 'ਤੇ ਹੈ। ਇਸ ਖੇਤਰ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਕੋਰੋਨਾ ਵਾਇਰਸ ਦੀ ਲਾਗ ਵੁਹਾਨ ਵਾਂਗ ਨਵਾਂ ਹੌਟਸਪੌਟ ਬਣ ਸਕਦਾ ਹੈ।
ਸਿਨਹੂਆ ਨਿਊਜ਼ ਏਜੰਸੀ ਦੇ ਅਨੁਸਾਰ ਸ਼ਨੀਵਾਰ ਨੂੰ ਇਸ ਖੇਤਰ ਵਿੱਚ ਲਾਗ ਦੇ 11 ਨਵੇਂ ਮਾਮਲੇ ਸਾਹਮਣੇ ਆਏ ਹਨ।
9 ਮਈ ਨੂੰ ਕੁੱਲ 14 ਕੇਸਾਂ ਵਿੱਚੋਂ 11 ਇੱਥੋਂ ਦੇ ਹਨ।
ਸ਼ਨੀਵਾਰ ਨੂੰ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੇ ਉੱਤਰ ਕੋਰੀਆ ਦੇ ਨੇਤਾ ਕਿਮ ਜੋਂਗ-ਉਨ ਨੂੰ ਕੋਰੋਨਾ ਮਹਾਂਮਾਰੀ ਨਾਲ ਨਜਿੱਠਣ ਵਿੱਚ ਸਹਾਇਤਾ ਦੀ ਪੇਸ਼ਕਸ਼ ਕੀਤੀ ਸੀ।
ਕੋਰੋਨਾ ਦੀ ਚਿੰਤਾ ਦੌਰਾਨ ਬਹੁਤ ਸਾਰੇ ਲੋਕ ਸੁਪਰਮੂਨ ਦੇ ਬ੍ਰਹਿਮੰਡੀ ਨਜ਼ਾਰੇ ਨੂੰ ਦੇਖਣੋ ਵਾਂਝੇ ਰਹਿ ਗਏ ਹੋਣਗੇ।
ਚੰਦਰਮਾ ਜਦੋਂ ਬਹੁਤ ਹੀ ਚਮਕਦਾਰ ਤੇ ਸੁਨਹਿਰੀ ਦਿਖਾਈ ਦਿੰਦਾ ਹੈ ਤਾਂ ਉਸ ਨੂੰ ਸੁਪਰਮੂਨ ਕਿਹਾ ਜਾਂਦਾ ਹੈ।
ਇਹ ਵਰਤਾਰਾ ਉਦੋਂ ਵਾਪਰਦਾ ਹੈ ਜਦੋਂ ਉਪਗ੍ਰਹਿ ਸੂਰਜ ਵਾਲੇ ਪਾਸਿਓਂ ਧਰਤੀ ਦੇ ਸਭ ਤੋਂ ਨੇੜੇ ਪਹੁੰਚਦਾ ਹੈ, ਇਸ ਪੁਆਇੰਟ ਨੂੰ ਪੇਰੀਜੀ ਕਿਹਾ ਜਾਂਦਾ ਹੈ।
ਇਹ ਸਾਲ ਵਿਚ ਤਿੰਨ ਵਾਰ ਵਾਪਰਦਾ ਹੈ, ਇਸ ਨੂੰ ਬਸੰਤ ਵਿਚ ਵਾਪਰਨ ਕਾਰਨ ਫੁੱਲ ਵੀ ਕਿਹਾ ਜਾਂਦਾ ਹੈ।
ਕੋਰੋਨਾਵਾਇਰਸ ਨਾਲ ਫਰਾਂਸ ਵਿੱਚ ਰੋਜ਼ਾਨਾ ਹੋਣ ਵਾਲੀਆਂ ਤਾਂ ਵਿੱਚ ਕਮੀ ਦੇਖਣ ਨੂੰ ਮਿਲੀ ਹੈ, ਕਰੀਬ ਇੱਕ ਮਹੀਨੇ ਤੋਂ ਵੱਧ ਸਮੇਂ ਤੋਂ ਬਾਅਦ ਉੱਥੇ ਪਿਛਲੇ 24 ਘੰਟਿਆਂ ਵਿੱਚ 80 ਮੌਤਾਂ ਹੋਈਆਂ ਹਨ।
ਇਸ ਦੇ ਨਾਲ ਹੀ ਆਈਸੀਯੂ ਵਿੱਚ ਜਾਣ ਵਾਲੇ ਲੋਕਾਂ ਦੀ ਗਿਣਤੀ ਵਿੱਚ ਘਟੀ ਹੈ।
ਸ਼ੁੱਕਰਵਾਰ ਨੂੰ ਮੌਂਤਾ ਅੰਕੜਾ 243 ਰਿਹਾ ਤੇ ਉਸ ਤੋਂ ਇੱਕ ਦਿਨ ਪਹਿਲਾਂ ਵੀਰਵਾਰ ਨੂੰ 178 ਸੀ।
ਫਰਾਂਸ ਨੇ ਸੋਮਵਾਰ ਨੂੰ ਕਈ ਪਾਬੰਦੀਆਂ ਵਿੱਚ ਢਿੱਲ ਦਿੱਤੀ ਸੀ, ਜਿਸ ਦੌਰਾਨ ਕੁਝ ਸਕੂਲਾਂ ਨੂੰ ਖੋਲ੍ਹਿਆ ਗਿਆ ਤੇ ਲੋਕਾਂ ਨੂੰ ਬਿਨਾਂ ਆਗਿਆ ਆਪਣੇ ਘਰੋਂ 100 ਕਿਲੋਮੀਟਰ ਤੱਕ ਯਾਤਰਾ ਕਰਨ ਦੀ ਇਜਾਜ਼ਤ ਦਿੱਤੀ ਗਈ।
ਫਰਾਂਸ ਕੋਰੋਨਾਵਾਇਰਸ ਸਬੰਧੀ ਮੌਤਾਂ ਦੇ ਅੰਕੜੇ ਮੁਤਾਬਕ ਪੰਜਵੇਂ ਨੰਬਰ ’ਤੇ ਸਥਿਤ ਹੈ, ਜਿੱਥੇ ਹੁਣ ਤੱਕ 26 ਹਜ਼ਾਰ ਮੌਤਾਂ ਹੋ ਚੁੱਕੀਆਂ ਹਨ।
ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲੇ ਮੁਤਾਬਕ, ਪਿਛਲੇ 24 ਘੰਟਿਆਂ ਵਿੱਚ ਕੋਰੋਨਾਵਾਇਰਸ ਦੇ 3277 ਨਵੇਂ ਮਾਮਲੇ ਅਤੇ 127 ਮੌਤਾਂ ਹੋਈਆਂ ਹਨ।
ਭਾਰਤ ਵਿੱਚ ਕੁੱਲ ਮਾਮਲੇ 62,939 ਹੋ ਗਏ ਹਨ ਅਤੇ 2109 ਮੌਤਾਂ ਹੋਈਆਂ ਹਨ।
ਇਸ ਤੋਂ ਇਲਾਵਾ 19,358 ਕੇਸ ਠੀਕ ਵੀ ਹੋਏ ਹਨ।
ਕੋਰੋਨਾਵਾਇਰਸ ਦੇ ਫੈਲਣ ਮਗਰੋਂ ਕਈ ਨਵੇਂ ਸ਼ਬਦ ਸਾਡੇ ਸਾਹਮਣੇ ਆਏ ਜੋ ਅਸੀਂ ਪਹਿਲਾਂ ਕਦੇ ਨਹੀਂ ਸੁਣੇ ਜਾਂ ਬਹੁਤ ਘੱਟ ਸੁਣੇ।
ਇਨ੍ਹਾਂ ਵਿੱਚੋਂ ਕਈ ਨਵੇਂ ਸ਼ਬਦ ਸੁਣਨ ਵਿੱਚ ਔਖੇ ਤਾਂ ਲੱਗਦੇ ਹੀ ਹਨ, ਨਾਲ ਹੀ ਇਹ ਬਿਮਾਰੀ ਨਾਲ ਜੁੜਿਆ ਡਰ ਵੀ ਵਧਾ ਦਿੰਦੇ ਹਨ।
ਅਜਿਹੇ ਵਿੱਚ ਜ਼ਰੂਰੀ ਹੈ ਕਿ ਸਾਨੂੰ ਕੋਰੋਨਾਵਾਇਰਸ ਨਾਲ ਜੁੜੇ ਸ਼ਬਦਾਂ ਦੇ ਅਰਥ ਪਤਾ ਹੋਣ ਤੇ ਇਹ ਅਰਥ ਜਾਣਨ ਲਈ ਤੁਸੀੰ ਇੱਥੇ ਕਲਿੱਕ ਕਰੋ।
ਅਮਰੀਕਾ ਵਿੱਚ ਭਾਰਤੀ ਰਾਜਦੂਤ ਤਰਨਜੀਤ ਸਿੰਘ ਸੰਧੂ ਨੇ ਕਿਹਾ ਹੈ ਕਿ ਘੱਟੋ-ਘੱਟ ਅਜਿਹੇ ਤਿੰਨ ਟੀਕੇ ਹਨ ਜਿਨ੍ਹਾਂ ’ਤੇ ਅਮਰੀਕੀ ਤੇ ਭਾਰਤੀ ਕੰਪਨੀਆਂ ਨਾਲ ਕੰਮ ਕਰ ਰਹੀਆਂ ਹਨ।
ਇਸ ਤੋਂ ਇਲਾਵਾ ਭਾਰਤ ਨੂੰ ਆਪੂਰਤੀ ਦੇ ਇੱਕ ਮਹੱਤਵਪੂਰਨ ਸਰੋਤ ਵਜੋਂ ਤੇ ਇਸ ਸੰਕਟ ਦੀ ਘੜੀ ਵਿੱਚ ਇਹ ਅਮਰੀਕਾ ਨੇ ਦੇਖਿਆ ਹੈ। ਦੁਨੀਆਂ ਵਿੱਚ ਭਾਰਤ ਤੋਂ ਜ਼ਿਆਦਾ ਭਰੋਸੇਮੰਦ ਹੋਰ ਕੋਈ ਸਾਥੀ ਨਹੀਂ ਹੈ।
ਅਮਰੀਕਾ ਵਿੱਚ ਭਾਰਤੀ ਰਾਜਦੂਤ ਤਰਨਜੀਤ ਸਿੰਘ ਸੰਧੂ ਮੁਤਾਬਕ ਸੈਨ ਫਰਾਂਸਿਸਕੋ ਤੋਂ ਪਹਿਲੀ ਫਲਾਈਟ ਕੁਝ ਦੇਰ ’ਚ ਨਿਕਲਣ ਵਾਲੀ ਹੈ ਅਤੇ ਇਸ ਤੋਂ ਬਾਅਦ 4 ਵੱਖ-ਵੱਖ ਹੱਬਸ ਤੋਂ 7 ਫਲਾਈਟਾਂ ਭੇਜੀਆਂ ਜਾਣਗੀਆਂ। ਇਹ ਸਾਰੇ ਏਅਰ ਇੰਡੀਆ ਦੇ ਹੱਬ ਹਨ ਤੇ ਇਹ ਫਲਾਈਟਾਂ ਭਾਰਤ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਭੇਜੀਆਂ ਜਾਣਗੀਆਂ।
ਕੋਰੋਨਾਵਾਇਰਸ ਰੋਗਾਣੂਆਂ ਦਾ ਇੱਕ ਵੱਡਾ ਪਰਿਵਾਰ ਹੈ। ਇਹ ਜਾਨਵਰਾਂ ਤੇ ਮਨੁੱਖਾਂ ਨੂੰ ਬਿਮਾਰ ਕਰ ਸਕਦਾ ਹੈ।
ਮਨੁੱਖਾਂ ਵਿੱਚ ਸਾਹ ਦੀਆਂ ਬਿਮਾਰੀਆਂ ਫੈਲਾਉਣ ਵਾਲੇ ਕਈ ਤਰ੍ਹਾਂ ਦੇ ਕੋਰੋਨਾਵਾਇਰਸਾਂ ਬਾਰੇ ਜਾਣਕਾਰੀ ਹੈ। ਇਨ੍ਹਾਂ ਲੱਛਣਾਂ ਵਿੱਚ ਸਧਾਰਣ ਜੁਕਾਮ ਤੋਂ ਲੈ ਕੇ ਹੋਰ ਗੰਭੀਰ ਲੱਛਣ ਹੋ ਸਕਦੇ ਹਨ।
ਪਰ ਕੀ ਇਹ ਹਵਾ ਰਾਹੀਂ ਫੈਲ ਸਕਦਾ ਹੈ, ਇਸ ਬਾਰੇ ਪੜ੍ਹੋ-
ਦਿੱਲੀ ਘੱਟ ਗਿਣਤੀ ਕਮਿਸ਼ਨ ਦੇ ਚੇਅਰਮੈਨ ਜ਼ਫ਼ਰੁੱਲ- ਇਸਲਾਮ ਖਾਨ ਨੇ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਵੱਲੋਂ ਨੋਟਿਸ ਜਾਰੀ ਕੀਤਾ ਹੈ।
ਜਿਸ ਵਿੱਚ ਉਨ੍ਹਾਂ ਨੇ ਆਖਿਆ ਹੈ ਕਿ 12 ਮਈ ਤੱਕ ਜਫ਼ਰੁੱਲ ਇਸਲਾਮ ਉਹ ਮੋਬਾਈਲ ਜਾਂ ਲੈਪਟਾਪ ਜਮਾ ਕਰਵਾਉਣ ਜਿਸ ਨਾਲ ਉਨ੍ਹਾਂ ਨੇ ਇੱਕ ਇਤਰਾਜ਼ਯੋਗ ਚਿੱਠੀ ਸੋਸ਼ਲ ਮੀਡੀਆ ’ਤੇ ਪਾਈ ਸੀ।
ਚੀਨੀ ਮੀਡੀਆ ਮੁਤਾਬਕ ਇੱਕ ਸੀਨੀਆਰ ਅਧਿਕਾਰੀ ਨੇ ਦੱਸਿਆ ਕਿ ਕੋਰੋਨਾਵਾਇਰਸ ਮਹਾਂਮਾਰੀ ਇੱਕ "ਵਿਸ਼ਾਲ ਟੈਸਟ" ਹੈ, ਜਿਸ ਤੋਂ ਜਨਤਕ ਸਿਹਤ ਪ੍ਰਣਾਲੀ ਵਿੱਚ ਖਾਮੀਆਂ ਉਜਾਗਰ ਹੋਈਆਂ ਹਨ।
ਚੀਨ ਦੇ ਨੈਸ਼ਨਲ ਹੈਲਥ ਕਮਿਸ਼ਨ ਦੇ ਡਾਇਰੈਕਟਰ ਲੀ ਬਿਨ ਦਾ ਇਹ ਬਿਆਨ ਉਦੋਂ ਸਾਹਮਣੇ ਆਇਆ ਜਦੋਂ ਦੁਨੀਆਂ ਵਿੱਚ ਕੋਰੋਨਾਵਾਇਰਸ ਨੂੰ ਲੈ ਕੇ ਚੀਨ ਦੇ ਸ਼ੁਰੂਆਤੀ ਪ੍ਰਤੀਕਿਰਿਆ ਦੀ ਆਲੋਚਨਾ ਹੋ ਰਹੀ ਹੈ।
ਉਨ੍ਹਾਂ ਨੇ ਕਿਹਾ ਕਿ ਦੇਸ਼ ਬਿਮਾਰੀਆਂ ਨਾਲ ਨਜਿੱਠਣ ਲਈ ਪ੍ਰਣਾਲੀ ਵਿੱਚ ਸੁਧਾਰ ਕਰੇਗਾ ਅਤੇ ਡਾਟਾ ਇਕੱਠਾ ਕਰੇਗਾ।
ਲੀ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਕੋਰੋਨਾਵਾਇਰਸ ਮਹਾਂਮਾਰੀ ਇੱਕ ਬਹੁਤ ਵੱਡੀ ਚੁਣੌਤੀ ਹੈ ਤੇ ਇਸ ਨੇ ਸਿਹਤ ਪ੍ਰਣਾਲੀ ਵਿੱਚ ਖਾਮੀਆਂ ਨੂੰ ਉਭਾਰਿਆ ਹੈ।