You’re viewing a text-only version of this website that uses less data. View the main version of the website including all images and videos.
ਯੂਰਪ ਵਿੱਚ ਯੂਕੇ ਹੁਣ ਤੱਕ ਸਭ ਤੋਂ ਵੱਧ ਪ੍ਰਭਾਵਿਤ । ਦੁਨੀਆਂ ਭਰ ਵਿੱਚ 2.63 ਲੱਖ ਤੋਂ ਵੱਧ ਮੌਤਾਂ। ਲਾਗ ਦੇ ਮਾਮਲੇ ਸਾਢੇ 37 ਲੱਖ ਤੋਂ ਪਾਰ
ਕੇਂਦਰੀ ਸਿਵਲ ਸਪਲਾਈ ਮੰਤਰੀ ਰਾਮ ਬਿਲਾਸ ਪਾਸਵਾਨ ਨੇ ਪੰਜਾਬ ਸਰਕਾਰ ਉੱਤੇ ਲੌਕਡਾਊਨ ਦੌਰਾਨ ਅਪ੍ਰੈਲ ਦੌਰਾਨ ਭੇਜੇ ਅਨਾਜ ਦਾ ਸਿਰਫ਼ 01% ਹੀ ਵੰਡਣ ਦਾ ਇਲਜ਼ਾਮ ਲਾਇਆ ਹੈ।
ਆਪਣੇ ਟਵੀਟ ਵਿਚ ਉਨ੍ਹਾਂ ਦੱਸਿਆ ਕਿ ਕੁੱਲ 70,725 ਟਨ ਅਨਾਜ ਪੰਜਾਬ ਨੂੰ ਅਲਾਟ ਕੀਤਾ ਗਿਆ ਸੀ। ਜਿਸ ਵਿਚੋਂ ਸਿਰਫ਼ ਇੱਕ ਫ਼ੀਸਦ 688 ਕੁਇੰਟਲ ਹੀ 1 ਲੱਖ 38 ਹਜ਼ਾਰ ਲੋਕਾਂ ਨੂੰ ਦਿੱਤਾ ਗਿਆ।
ਪਾਸਵਾਨ ਨੇ ਕੈਪਟਨ ਨੂੰ ਅਨਾਜ ਵੰਡਣ ਲਈ ਤੇਜ਼ੀ ਲਿਆਉਣ ਲਈ ਕਿਹਾ ਹੈ।
ਸੰਯੁਕਤ ਰਾਸ਼ਟਰਜ਼ ਨੇ ਕਮਜ਼ੋਰ ਮੁਲਕਾਂ ਵਿਚ ਲੱਖਾਂ ਲੋਕਾਂ ਦੀਆਂ ਜ਼ਿੰਦਗੀਆਂ ਬਚਾਉਣ ਲਈ 4.7 ਅਰਬ ਹੋਰ ਫੰਡਿੰਗ ਲਈ ਅਪੀਲ ਕੀਤੀ ਹੈ।
ਮਾਰਚ ਮਹੀਨੇ ਵਿਚ ਯੂਐੱਨ ਨੇ 2 ਅਰਬ ਡਾਲਰ ਲਈ ਅਪੀਲ ਕੀਤੀ ਹੈ, ਜਿਸ ਵਿਚੋਂ ਹੁਣ ਤੱਕ ਅੱਧੀ ਹਾਸਲ ਹੋਈ ਹੈ।
ਮਨੁੱਖਤਾ ਨਾਲ ਸਬੰਧਿਤ ਮਾਮਲਿਆਂ ਦੇ ਯੂਐੱਨ ਸਕੱਤਰ ਜਨਰਲ ਮਾਰਕ ਲੌਵਕੋਕ ਨੇ ਕਿਹਾ, ਕੋਰੋਨਾਵਾਇਰਸ ਸੰਕਟ ਦਾ ਸਭ ਤੋਂ ਭਿਆਨਕ ਅਸਰ ਗਰੀਬ ਮੁਲਕਾਂ ਦੀ ਦੁਨੀਆਂ ਵਿਚ ਦਿਖੇਗਾ।
ਜੇਕਰ ਅਸੀਂ ਹੁਣੇ ਕੋਈ ਕਦਮ ਨਹੀਂ ਚੁੱਕਦੇ ਤਾਂ ਸਾਨੂੰ ਵਿਵਾਦਾਂ, ਭੁੱਖਮਰੀ ਤੇ ਗਰੀਬੀ ਨਾਲ ਨਿਪਟਣ ਲਈ ਤਿਆਰ ਰਹਿਣਾ ਪਵੇਗਾ। ਇਸ ਸਾਨੂੰ ਕਾਰਗਰ ਕਦਮ ਚੁੱਕਣੇ ਪੈਣਗੇ।
ਅਫ਼ਰੀਕਾ, ਏਸ਼ੀਆ ਤੇ ਲਾਤੀਨੀ ਅਮਰੀਕਾ ਵਿਚ ਟੈਸਟਿੰਗ ਲਈ ਸਾਜੋ-ਸਮਾਨ, ਹੱਥ ਧੌਣ ਲਈ ਸਮੱਗਰੀ ਤੇ ਜਾਗਰੂਕਤਾ ਅਭਿਆਨ ਲਈ ਤੁਰੰਤ ਪੈਸੇ ਦੀ ਲੋੜ ਹੈ। ਕਮਜ਼ੋਰ ਮੁਲਕਾਂ ਦੀ ਸੂਚੀ ਵਿਚ 9 ਹੋਰ ਮੁਲਕ ਜੋੜੇ ਗਏ ਹਨ ਅਤੇ ਇਹ ਗਿਣਤੀ ਹੁਣ 50 ਹੋ ਗਈ ਹੈ।
ਸੂਚੀ ਵਿਚ ਨਵੇਂ ਸ਼ਾਮਲ ਕੀਤੇ ਗਏ ਮੁਲਕਾਂ ਵਿਚ ਪਾਕਿਸਤਾਨ ਤੇ ਫਿਲਪਾਇਨ ਵੀ ਹਨ।
ਅਕਾਲ ਤਖ਼ਤ ਦੇ ਜਥੇਦਾਰ ਹਰਪ੍ਰੀਤ ਸਿੰਘ ਦਾ ਕਹਿਣਾ ਹੈ ਕਿ ਜੋ ਲੋਕ ਡੇਰੇ ਵਿੱਚ ਕੁਆਰੰਟੀਨ ਕੀਤੇ ਗਏ ਹਨ ਪਰ ਉੱਥੇ ਨਹੀਂ ਰਹਿਣਾ ਚਾਹੁੰਦੇ, ਉਨ੍ਹਾਂ ਨੂੰ ਗੁਰਦੁਆਰਿਆਂ ਵਿੱਚ ਭੇਜ ਦਿੱਤਾ ਜਾਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ, "ਪੰਜਾਬ ਵਿੱਚ ਕੋਰੋਨਾਵਾਇਰਸ ਦੇ ਕਈ ਪੌਜ਼ਿਟਿਵ ਮਾਮਲੇ ਆਏ ਹਨ। ਇਹ ਪੀੜਤ ਹਨ, ਇਨ੍ਹਾਂ ਨੇ ਕੋਈ ਗੁਨਾਹ ਨਹੀਂ ਕੀਤਾ। ਉਨ੍ਹਾਂ ਨਾਲ ਕਿਸੇ ਤਰ੍ਹਾਂ ਦੀ ਅਭੱਦਰ ਟਿੱਪਣੀ ਨਹੀਂ ਹੋਣੀ ਚਾਹੀਦੀ।"
"ਇਹ ਬਦਕਿਸਮਤੀ ਹੈ ਕਿ ਪਹਿਲਾਂ ਭਾਈ ਬਲਦੇਵ ਸਿੰਘ ਪਠਵਾਲਾ ਦਾ ਕੇਸ ਆਇਆ ਤਾਂ ਹੋਲੇ ਮਹੱਲੇ ਦੀਆਂ ਸਗਤਾਂ ਨੂੰ ਨਿਸ਼ਾਨਾਂ ਬਣਾਉਣ ਦਾ ਯਤਨ ਕੀਤਾ। ਸੋਸ਼ਲ ਮੀਡੀਆ ਉੱਤੇ ਭੰਡੀ ਪ੍ਰਚਾਰ ਕੀਤਾ।
ਫਿਰ ਪਰਵਾਸੀ ਭਾਰਤੀਆਂ ਨੂੰ ਨਿਸ਼ਾਨਾ ਬਣਾਇਆ, ਹੁਣ ਹਜ਼ੂਰ ਸਾਹਿਬ ਸੰਗਤ ਗਈ ਸੀ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਇਆ। ਚਾਹੇ ਕੋਈ ਹੋਵੇ ਉਸ ਨਾਲ ਦੋਸ਼ੀਆਂ ਵਰਗਾ ਵਿਹਾਰ ਨਾ ਹੋਵੇ।"
ਸਟੀਫ਼ਨ ਨੇ ਹੱਥ ਧੋਣ ਲਈ ਨਵਾਂ ਤਰੀਕਾ ਲੱਭਿਆ ਹੈ।
ਲੱਕੜਾਂ ਦੀ ਮਦਦ ਨਾਲ ਉਸ ਨੇ ਅਜਿਹਾ ਜੰਤਰ ਤਿਆਰ ਕੀਤਾ ਹੈ ਕਿ ਤੁਸੀਂ ਇਸ ਨੂੰ ਬਿਨਾਂ ਹੱਥ ਲਗਾਏ ਹੀ ਹੱਥ ਧੋ ਸਕਦੇ ਹੋ।
ਸਟੀਫ਼ਨ ਦੇ ਪਿਤਾ ਆਪਣੇ ਪੁੱਤਰ ਦੀ ‘ਛੋਟੀ ਉਮਰੇ ਵੱਡੀ ਸੋਚ’ ਤੋਂ ਖ਼ੁਸ਼ ਹਨ।
ਬੀਬੀਸੀ ਪੰਜਾਬੀ ਲਈ ਰਵਿੰਦਰ ਸਿੰਘ ਰੌਬਿਨ:
ਅਕਾਲ ਤਖ਼ਤ ਦੇ ਜਥੇਦਾਰ ਹਰਪ੍ਰੀਤ ਸਿੰਘ ਨੇ ਕਿਹਾ ਹੈ ਕਿ ਸ਼ਰਾਬ ਦੀ ਖੁੱਲ੍ਹੀ ਵਰਤੋਂ ਨਹੀਂ ਹੋਣੀ ਚਾਹੀਦੀ।
“ਅਜਿਹੇ ਮਾਹੌਲ ਵਿੱਚ ਜਦੋਂ ਸਭ ਦੁਕਾਨਾਂ, ਸ਼ਾਪਿੰਗ ਮਾਲ, ਬਜਾਰ ਬੰਦ ਹਨ ਤਾਂ ਇਹ ਸ਼ਰਾਬ ਨੂੰ ਪਹਿਲ ਦੇ ਰਹੇ ਹਨ। ਇਸ ਨਾਲ ਘਰੇਲੂ ਹਿੰਸਾ ਵਧਣ ਦਾ ਖਤਰਾ ਹੈ, ਇਹ ਬੜੀ ਮਾੜੀ ਗੱਲ ਹੈ।”
“ਇਸ ਵੇਲੇ ਮੰਦਿਰ, ਮਸਜਿਦ, ਗੁਰਦੁਆਰੇ ਬੰਦ ਕਰ ਰੱਖੇ ਹਨ। ਆਸਥਾ ਨਾਲ ਇਮਿਊਨਿਟੀ ਮਜ਼ਬੂਤ ਹੁੰਦੀ ਹੈ, ਉਹ ਬੰਦ ਕੀਤੇ ਹੋਏ ਹਨ। ਸ਼ਰਾਬ ਜਿਸ ਕਾਰਨ ਘਰੇਲੂ ਹਿੰਸਾ ਵਿੱਚ ਵਾਧੇ ਦੀ ਸੰਭਾਵਨਾ ਹੈ, ਸਰਕਾਰ ਨੂੰ ਉਸ ਬਾਰੇ ਸੋਚਣਾ ਚਾਹੀਦਾ ਹੈ।”
ਆਸ਼ਾ ਵਰਕਰਜ਼ ਨੇ ਆਪਣੀ ਅੱਜ ਹੋਣ ਵਾਲੀ ਹੜਤਾਲ ਨੂੰ ਫਿਲਹਾਲ ਲਈ ਮੁਲਤਵੀ ਕਰ ਦਿੱਤਾ ਹੈ।
ਸਰਕਾਰ ਵੱਲੋਂ ਮੰਗਾਂ ਮੰਨੇ ਜਾਣ ਦਾ ਭਰੋਸਾ ਮਿਲਣ ਤੋਂ ਬਾਅਦ ਉਨ੍ਹਾਂ ਨੇ ਦੋ ਦਿਨਾਂ ਲਈ ਹੜਤਾਲ ਨੂੰ ਟਾਲਿਆ ਹੈ।
ਇਨ੍ਹਾਂ ਦੀਆਂ ਕੀ ਹਨ ਮੰਗਾਂ, ਇਸ ਵੀਡੀਓ ਵਿੱਚ ਦੇਖੋ।
ਯੂਕੇ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਦੇਸ ਵਿੱਚ ਲੌਕਡਾਊਨ ਦੀ ਸਮੀਖਿਆ ਸਬੰਧੀ ਕੈਬਨਿਟ ਨਾਲ ਬੈਠਕ ਕਰਨਗੇ।
ਸੋਮਵਾਰ ਤੋਂ ਕੁਝ ਨਿਯਮਾਂ ਦੇ ਨਾਲ ਪਾਬੰਦੀਆਂ ਵਿੱਚ ਢਿੱਲ ਮਿਲ ਸਕਦੀ ਹੈ।
ਕਾਨੂੰਨ ਮੁਤਾਬਕ ਸਰਕਾਰ ਨੂੰ ਹਰ ਤਿੰਨ ਹਫ਼ਤਿਆਂ ਵਿੱਚ ਪਾਬੰਦੀਆਂ ਦੀ ਸਮੀਖਿਆ ਕਰਨੀ ਚਾਹੀਦੀ ਹੈ।
ਹੁਣ ਵੀਰਵਾਰ ਅਗਲੀ ਡੈੱਡਲਾਈਨ ਹੈ।
ਬੌਰਿਸ ਜੌਹਨਸਨ ਹਫਤੇ ਦੇ ਅਖੀਰ ਵਿੱਚ ਦੇਸ ਨੂੰ ਸੰਬੋਧਨ ਕਰਨਗੇ ਅਤੇ ਲੌਕਡਾਊਨ ਦੇ ਅਗਲੇ ਪੜਾਅ ਦੀਆਂ ਯੋਜਨਾਵਾਂ ਦੀ ਰੂਪ ਰੇਖਾ ਦੱਸਣਗੇ।
ਇਹ ਕਿਆਸ ਲਾਏ ਜਾ ਰਹੇ ਹਨ ਕਿ ਅਰਥਚਾਰਾ ਮੁੜ ਸ਼ੁਰੂ ਕਰਨ ਲਈ "ਘਰ ਰਹਿਣ" ਨਿਰਦੇਸ਼ ਨੂੰ ਖਤਮ ਕੀਤਾ ਜਾ ਸਕਦਾ ਹੈ।
ਕੋਰੋਨਾਵਾਇਰਸ ਤੋਂ ਬਚਣ ਲਈ ਜ਼ਰੂਰੀ ਹੈ ਕਿ ਤੁਸੀਂ ਆਪਣਾ ਮੋਬਾਈਲ ਵੀ ਸਾਫ਼ ਰੱਖੋ।
ਇਸ ਵੀਡੀਓ ਵਿੱਚ ਮੋਬਾਈਲ ਸਾਫ਼ ਕਰਨ ਦਾ ਤਰੀਕਾ ਸਿੱਖੋ।
ਸਿਹਤ ਸਬੰਧੀ ਕਈ ਤਰ੍ਹਾਂ ਦੇ ਸੁਝਾਅ ਸੋਸ਼ਲ ਮੀਡੀਆ ਜਾਂ ਹੋਰਨਾਂ ਥਾਵਾਂ 'ਤੇ ਸਾਂਝੇ ਕੀਤੇ ਜਾ ਰਹੇ ਹਨ।
ਬੀਬੀਸੀ ਰਿਐਲਿਟੀ ਚੈੱਕ ਨੇ ਇਨ੍ਹਾਂ ਤੱਥਾਂ ਦੀ ਪੜਤਾਲ ਕੀਤੀ। ਹੇਠ ਲਿਖੇ ਤੱਥ ਸਹੀ ਹਨ।
ਬ੍ਰਾਜ਼ੀਲ ਵਿੱਚ ਕੋਵਿਡ -19 ਕਾਰਨ ਬੁੱਧਵਾਰ ਨੂੰ ਇੱਕੋ ਦਿਨ ਵਿੱਚ ਸਭ ਤੋਂ ਵੱਧ ਮੌਤਾਂ ਹੋਈਆਂ।
615 ਲੋਕਾਂ ਦੀ ਮੌਤ ਹੋਈ ਜੋ ਕਿ ਪੂਰੇ ਦੱਖਣੀ ਗੋਲਾਰਧ ਵਿੱਚ ਇੱਕ ਦਿਨ ਵਿਚ ਸਭ ਤੋਂ ਵੱਧ ਮੌਤਾਂ ਹਨ।
ਬ੍ਰਾਜ਼ੀਲ ਵਿਚ ਕੋਰੋਨਾਵਾਇਰਸ ਦੀ ਲਾਗ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਹੁਣ ਵੱਧ ਕੇ 8500 ਹੋ ਗਈ ਹੈ।
ਬ੍ਰਾਜ਼ੀਲ ਦੇ ਸਿਹਤ ਮੰਤਰੀ ਨੈਲਸਨ ਟੈਕ ਨੇ ਕਿਹਾ ਹੈ ਕਿ 'ਸਰਕਾਰ ਹੁਣ ਸਭ ਤੋਂ ਵੱਧ ਪ੍ਰਭਾਵਿਤ ਸ਼ਹਿਰਾਂ 'ਚ ਲੌਕਡਾਊਨ ਲਾਗੂ ਕਰਨ ਦੀ ਸਿਫਾਰਸ਼ ਕਰ ਸਕਦੀ ਹੈ।'
ਬ੍ਰਾਜ਼ੀਲ ਦੇ ਰਾਸ਼ਟਰਪਤੀ ਜਾਇਰ ਬੋਲਸੋਨਾਰੋ ਹੁਣ ਤੱਕ ਕੋਰੋਨਾਵਾਇਰਸ ਮਹਾਂਮਾਰੀ ਦੀ ਗੰਭੀਰਤਾ ਨੂੰ ਖਾਰਿਜ ਕਰਦੇ ਰਹੇ ਹਨ।
ਗੁਰਦਾਸਪੁਰ ਤੋਂ ਬੀਬੀਸੀ ਲਈ ਗੁਰਪ੍ਰੀਤ ਚਾਵਲਾ:
ਸ਼ਰਾਬ ਦੇ ਠੇਕੇ ਖੋਲ੍ਹਣ ਦੀ ਇਜਾਜ਼ਤ ਦੇ ਐਲਾਨ ਦੇ ਬਾਵਜੂਦ ਗੁਰਦਾਸਪੁਰ ਵਿੱਚ ਸ਼ਰਾਬ ਦੇ ਠੇਕੇ ਨਹੀਂ ਖੋਲ੍ਹੇ ਗਏ।
ਠੇਕੇਦਾਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀਆਂ ਸੂਬਾ ਸਰਕਾਰ ਤੋਂ ਕਈ ਮੰਗਾਂ ਹਨ ਜਿਸ ਦੇ ਪੂਰਾ ਹੋਣ "ਤੇ ਹੀ ਉਹ ਠੇਕੇ ਖੋਲ੍ਹਣਗੇ।
ਠੇਕੇਦਾਰਾਂ ਦੀਆਂ ਹੇਠ ਲਿਖੀਆਂ ਮੰਗਾਂ ਹਨ-
ਸਿਲਾਈ ਮਸ਼ੀਨ ਉੱਤੇ ਮਾਸਕ ਬਣਾਉਂਦੀ ਇਨ੍ਹਾਂ ਬੇਬੇ-ਜੀ ਦੀ ਉਮਰ 98 ਸਾਲ ਹੈ।
ਉਮਰ ਤਾਂ ਜ਼ਿਆਦਾ ਹੈ ਹੀ ਪਰ ਨਾਲ ਹੀ ਕੋਰੋਨਾਵਾਇਰਸ ਤੋਂ ਬਚਾਅ ਲਈ ਯੋਗਦਾਨ ਪਾਉਣ ਦਾ ਜਜ਼ਬਾ ਵੀ ਕਈਆਂ ਨਾਲੋਂ ਜ਼ਿਆਦਾ ਹੈ।
ਹੋਰਨਾਂ ਸੂਬਿਆਂ ਵਿੱਚ ਫਸੇ ਪਰਵਾਸੀਆਂ ਜਾਂ ਲੋਕਾਂ ਨੂੰ ਵਾਪਸ ਲਿਆਉਣ ਵੇਲੇ ਸਾਫ਼-ਸਫ਼ਾਈ ਦਾ ਧਿਆਨ ਰੱਖਣ ਲਈ ਪੰਜਾਬ ਸਰਕਾਰ ਨੇ ਨਿਰਦੇਸ਼ ਜਾਰੀ ਕੀਤੇ ਹਨ।
ਪੰਜਾਬ ਸਰਕਾਰ ਅਧੀਨ ਸਟੇਟ ਟਰਾਂਸਪੋਰਟ ਅਦਾਰੇ ਅਤੇ ਪ੍ਰਾਈਵੇਟ ਬੱਸਾਂ 'ਤੇ ਇਨ੍ਹਾਂ ਨੂੰ ਲਿਆਉਣ ਵੇਲੇ ਸਾਫ਼-ਸਫਾਈ ਦੀ ਸਲਾਹ ਦਿੱਤੀ ਗਈ ਹੈ।
ਸਮਰਥਾ ਨਾਲੋਂ 50 ਫੀਸਦ ਤੋਂ ਵੱਧ ਸਵਾਰੀਆਂ ਨਹੀਂ ਬੈਠਾ ਸਕਦੇ। ਬਸ 'ਤੇ ਚੜ੍ਹਣ ਬੈਠਣ ਅਤੇ ਉਤਰਨ ਵੇਲੇ ਇੱਕ ਮੀਟਰ ਦੀ ਦੂਰੀ ਲਾਜ਼ਮੀ ਹੈ।
ਆਂਧਰ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ ਵਿੱਚ ਆਰਆਰ ਵੈਂਕਟਪੁਰਾ ਵਿੱਚ ਇੱਕ ਮਲਟੀਨੈਸ਼ਨਲ ਕੰਪਨੀ ਦੇ ਕੈਮੀਕਲ ਪਲਾਂਟ ਵਿੱਚ ਜਹਿਰੀਲੀ ਗੈਸ ਲੀਕ ਹੋ ਗਈ ਹੈ।
ਹਾਦਸੇ ਵਿੱਚ ਘੱਟੋ ਘੱਟ ਅੱਠ ਲੋਕਾਂ ਦੀ ਮੌਤ ਦੀ ਖ਼ਬਰ ਹੈ ਅਤੇ ਸੈਂਕੜੇ ਲੋਕ ਪ੍ਰਭਾਵਿਚ ਦੱਸੇ ਜਾ ਰਹੇ ਹਨ।
ਇਹ ਕੈਮੀਕਲ ਪਲਾਂਟ ਐਲਜੀ ਪੌਲੀਮਰਸ ਇੰਡੀਆ ਪ੍ਰਾਈਵੇਟ ਲਿਮਟਿਡ ਦਾ ਹੈ।
ਸਾਲ 1961 ਵਿੱਚ ਬਣਿਆ ਇਹ ਪਲਾਂਟ ਹਿੰਦੁਸਤਾਨ ਪੌਲੀਮਰਸ ਦਾ ਸੀ ਜਿਸ ਨੂੰ ਦੱਖਣੀ ਕੋਰੀਆ ਦੀ ਕੰਪਨੀ ਐੱਲਜੀ ਨੇ ਸਾਲ 1997 ਵਿੱਚ ਖ਼ਰੀਦ ਲਿਆ ਸੀ।
ਪੂਰੀ ਖ਼ਬਰ ਪੜ੍ਹਣ ਲਈ ਇੱਥੇ ਕਲਿੱਕ ਕਰੋ।
ਕੋਰੋਨਾਵਾਇਰਸ 'ਤੇ ਰਿਸਰਚ ਕਰਨ ਵਾਲੇ ਚੀਨ ਵਿੱਚ ਜਨਮੇ ਪ੍ਰੋਫੈਸਰ ਦੀ ਅਮਰੀਕਾ ਵਿੱਚ ਮੌਤ ਹੋਣ 'ਤੇ ਦੁਨੀਆਂ ਭਰ ਵਿੱਚ ਇਸ ਨੂੰ ‘ਸਾਜਿਸ਼’ ਵਜੋਂ ਦੇਖਿਆ ਜਾ ਰਿਹਾ ਹੈ।
37 ਸਾਲਾ ਬਿੰਗ ਲੀ ਸ਼ਨੀਵਾਰ ਨੂੰ ਆਪਣੇ ਘਰ ਵਿੱਚ ਮ੍ਰਿਤ ਪਾਏ ਗਏ। ਉਹ ਪਿਟਸਬਰਗ ਯੂਨੀਵਰਸਿਟੀ ਦੇ ਸਕੂਲ ਆਫ਼ ਮੈਡੀਸਨ ਵਿਭਾਗ ਵਿੱਚ ਸਹਾਇਕ ਪ੍ਰੋਫੈਸਰ ਸੀ।
ਉਨ੍ਹਾਂ ਦੇ ਨਾਲ ਕੰਮ ਕਰਨ ਵਾਲੇ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਕੋਵਿਡ -19 ਬਾਰੇ 'ਅਹਿਮ ਖੋਜ' ਦੇ ਨੇੜੇ ਪਹੁੰਚ ਗਏ ਸਨ।
ਉਦੋਂ ਤੋਂ ਹੀ ਆਨਲਾਈਨ ਮੀਡੀਆ 'ਤੇ ਬਿੰਗ ਦੇ ਕਤਲ ਬਾਰੇ ਅਟਕਲਾਂ ਤੇਜ਼ ਹੋ ਗਈਆਂ ਹਨ।
ਪਰ ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਕਤਲ ਅਤੇ ਫਿਰ ਖੁਦਕੁਸ਼ੀ ਦਾ ਮਾਮਲਾ ਹੈ।
ਸਥਾਨਕ ਪੁਲਿਸ ਅਨੁਸਾਰ, ਪਿਟਸਬਰਗ ਵਿੱਚ ਬਿੰਗ ਲੀ ਦੇ ਸਿਰ, ਧੜ, ਬਾਂਹਾਂ ਅਤੇ ਲੱਤਾਂ ਵਿੱਚ ਗੋਲੀ ਲੱਗੀ ਸੀ। ਗੋਲੀ ਮਾਰਨ ਵਾਲੇ ਦੀ ਪਛਾਣ ਇਕ 46 ਸਾਲਾ ਸਾਫਟਵੇਅਰ ਇੰਜੀਨੀਅਰ ਹਾਓ ਗੁ ਵਜੋਂ ਹੋਈ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਕਾਰ ਤੋਂ ਪਰਤਦਿਆਂ ਉਸ ਨੇ ਆਪਣੀ ਜਾਨ ਵੀ ਲੈ ਲਈ।
ਬਿੰਗ ਲੀ ਅਤੇ ਹਾਓ ਗੁ ਇੱਕ ਦੂਜੇ ਨੂੰ ਜਾਣਦੇ ਸਨ।
ਜਾਂਚ ਅਧਿਕਾਰੀਆਂ ਮੁਤਾਬਕ ਇਸ ਦਾ ਕੋਈ ਸਬੂਤ ਨਹੀਂ ਹੈ ਕਿ ਬਿੰਗ ਲੀ ਦਾ ਕਤਲ ਮੌਜੂਦਾ ਕੋਰੋਨਾ ਰਿਸਰਚ ਕਾਰਨ ਕੀਤਾ ਗਿਆ ਹੈ।
ਲੌਕਡਾਊਨ ਕਾਰਨ ਲੋਕ ਘਰਾਂ ਵਿੱਚ ਰਹਿਣ ਲਈ ਮਜਬੂਰ ਹਨ। ਜਿਸ ਕਾਰਨ ਉਨ੍ਹਾਂ ਨੂੰ ਤਾਜ਼ੀ ਹਵਾ ਤੇ ਧੁੱਪ ਢੁਕਵੀਂ ਮਾਤਰਾਂ ਵਿੱਚ ਨਹੀਂ ਮਿਲ ਰਹੀ।
ਬ੍ਰਿਟੇਨ ਵਿੱਚ ਡਾਕਟਰ ਲੋਕਾਂ ਨੂੰ ਆ ਰਹੀ ਬਸੰਤ ਅਤੇ ਗਰਮੀਆਂ ਵਿੱਚ ਵਿਟਾਮਿਨ-ਡੀ ਦੀਆਂ ਗੋਲੀਆਂ ਖਾਣ ਦੀ ਸਲਾਹ ਦੇ ਰਹੇ ਹਨ।
ਪੂਰੀ ਖ਼ਬਰ ਪੜ੍ਹਣ ਲਈ ਇੱਥੇ ਕਲਿੱਕ ਕਰੋ।
ਗੁਜਰਾਤ ਦੇ ਅਹਿਮਦਾਬਾਦ ਵਿੱਚ ਕੋਰੋਨਾਵਾਇਰਸ ਦੇ ਸਭ ਤੋਂ ਵੱਧ ਮਾਮਲੇ ਹੋਣ ਕਾਰਨ ਪੂਰਨ ਲੌਕਡਾਊਨ ਕਰ ਦਿੱਤਾ ਗਿਆ ਹੈ।
ਵਧੀਕ ਮੁੱਖ ਸਕੱਤਰ ਰਾਜੀਵ ਕੁਮਾਰ ਗੁਪਤਾ ਨੇ ਮੰਗਲਵਾਰ ਨੂੰ ਕਾਰਜਭਾਰ ਸੰਭਾਲਦਿਆਂ ਹੀ ਹੁਕਮ ਦਿੱਤਾ ਕਿ 7 ਮਈ ਸਵੇਰੇ 6 ਵਜੇ ਤੋਂ ਜ਼ਰੂਰੀ ਸੇਵਾਵਾਂ (ਦੁੱਧ ਅਤੇ ਦਵਾਈਆਂ) ਦੀ ਹੋਮ ਡਿਲੀਵਰੀ ਤੋਂ ਇਲਾਵਾ ਸਾਰੀਆਂ ਦੁਕਾਨਾਂ ਬੰਦ ਰਹਿਣਗੀਆਂ।
ਇੱਕ ਹਫ਼ਤੇ ਤੱਕ ਇਹ ਨਿਯਮ ਲਾਗੂ ਰਹੇਗਾ। ਸਿਹਤ ਮੰਤਰਾਲੇ ਮੁਤਾਬਕ ਗੁਜਰਾਤ ਵਿੱਚ ਹੁਣ ਤੱਕ 6625 ਪੌਜ਼ਿਟਿਵ ਮਾਮਲੇ ਹਨ।
-ਪਾਕਿਸਤਾਨ ਵਿੱਚ ਪਿਛਲੇ 24 ਘੰਟਿਆਂ ਦੌਰਾਨ 40 ਮੌਤਾਂ ਅਤੇ 1,049 ਕੇਸਾਂ ਦੀ ਪੁਸ਼ਟੀ ਹੋਈ ਹੈ।
ਇਸ ਤਰ੍ਹਾਂ ਪਾਕਿਸਤਾਨ ਵਿੱਚ ਕੋਰੋਨਾਵਾਇਰਸ ਦੇ ਕੁੱਲ ਪੌਜ਼ਿਟਿਵ ਮਾਮਲੇ 22,000 ਤੋਂ ਵੱਧ ਹੋ ਗਏ ਹਨ।
ਸਥਾਨਕ ਮੀਡੀਆ ਰਿਪੋਰਟਜ਼ ਮੁਤਾਬਕ ਪਾਕਿਸਤਾਨ ਵਿੱਚ10 ਮਈ ਤੋਂ ਰੇਲ ਸੇਵਾ ਮੁੜ ਸ਼ੁਰੂ ਹੋ ਰਹੀ ਹੈ।
-ਬੰਗਲਾਦੇਸ਼ 'ਚ ਇੱਕ ਦਿਨ ਵਿੱਚ 790 ਮਾਮਲੇ ਸਾਹਮਣੇ ਆਏ। ਇਹ ਹੁਣ ਤੱਕ ਦੇ ਸਭ ਤੋਂ ਵੱਧ ਮਾਮਲੇ ਹਨ।
ਬੰਗਲਾਦੇਸ ਵਿੱਚ ਪੌਜ਼ਿਟਿਵ ਮਾਮਲੇ 11,000 ਤੋਂ ਪਾਰ ਹੋ ਗਏ ਹਨ।
-ਨੇਪਾਲ ਨੇ ਲੌਕਡਾਊਨ ਨੂੰ 10 ਦਿਨ ਵਧਾ ਕੇ 18 ਮਈ ਤੱਕ ਕਰ ਦਿੱਤਾ ਹੈ।
-ਸਥਾਨਕ ਮੀਡੀਆ ਮੁਤਾਬਕ ਸ਼੍ਰੀਲੰਕਾ ਵਿੱਚ ਅਧਿਕਾਰੀਆਂ ਨੇ ਕਿਹਾ ਕਿ ਦੇਸ ਦੇ ਸਰਗਰਮ 548 ਕੇਸਾਂ ਵਿੱਚੋਂ 300 ਤੋਂ ਵੱਧ ਮਾਮਲੇ ਜਲ ਸੈਨਾ ਦੇ ਹਨ।
ਸ੍ਰੀਲੰਕਾ ਵਿੱਚ ਹੁਣ ਤੱਕ 700 ਤੋਂ ਵੱਧ ਲਾਗ ਦੇ ਮਾਮਲੇ ਅਤੇ ਅੱਠ ਮੌਤਾਂ ਦੀ ਹੋ ਚੁੱਕੀਆਂ ਹਨ।