ਕੋਰੋਨਾਵਾਇਰਸ: ਪਾਕਿਸਤਾਨ ਵਿੱਚ ISI ਕਰੇਗੀ ਕੋਰੋਨਾ ਦੇ ਮਰੀਜਾਂ ਨੂੰ 'ਟਰੇਸ'; ਅਮਰੀਕਾ 'ਚ ਮਰਨ ਵਾਲਿਆਂ ਦਾ ਅੰਕੜਾ 50 ਹਜ਼ਾਰ ਪਾਰ

ਲਾਈਵ ਕਵਰੇਜ

1. 24 ਅਪ੍ਰੈਲ 2020'ਕੋਈ ਸਬੂਤ ਨਹੀਂ ਕਿ ਹਾਈਡਰੋਕਸੀਕਲੋਰੋਕਵਿਨ ਦਾ ਫਾਇਦਾ ਹੋ ਰਿਹਾ ਹੈ'- ਲੈਂਸੇਟ ਦੇ ਸੰਪਾਦਕ ਦਾ ਦਾਅਵਾ

   ਮੈਡੀਕਲ ਜਰਨਲ ਲੈਂਸੇਟ ਦੇ ਸੰਪਾਦਕ ਡਾ. ਰਿਚਰਡ ਹੋਰਟਨ ਨੇ ਐੱਨਡੀਟੀਵੀ ਨੂੰ ਦੱਸਿਆ ਕਿ ਕੋਰੋਨਾਵਾਇਰਸ ਦਾ ਟੀਕਾ ਬਣਾਉਣ ਦੀਆਂ ਕੋਸ਼ਿਸ਼ਾਂ ਹੋ ਰਹੀਆਂ ਹਨ।

   ਉਨ੍ਹਾਂ ਕਿਹਾ, "ਟੀਕਾ ਲੱਭਣ ਦੀਆਂ ਪੂਰੀ ਦੁਨੀਆਂ ਦੀਆਂ ਵੱਖ-ਵੱਖ ਕੋਸ਼ਿਸ਼ਾਂ ਹੋ ਰਹੀਆਂ ਹਨ। ਹਰੇਕ ਆਪਣੀ ਰਿਸਰਚ ਕਰ ਰਿਹਾ ਹੈ। WHO ਦੀ ਅਗਵਾਈ ਹੇਠ ਕਿਸੇ ਤਰੀਕੇ ਦਾ ਤਾਲਮੇਲ ਹੋਣਾ ਚਾਹੀਦਾ ਹੈ।"

   ਹਾਈਡਰੋਕਸੀਕਲੋਰੋਕਵਿਨ ਦਵਾਈ, ਜਿਸ ਦੀ ਮੰਗ ਦੁਨੀਆਂ ਭਰ ਦੇ ਕਈ ਦੇਸ ਕਰ ਰਹੇ ਹਨ ਉਸ ਬਾਰੇ ਡਾ. ਹੋਰਟਨ ਨੇ ਕਿਹਾ, “ਇੱਕ ਵੀ ਜਗ੍ਹਾ ਇਸ ਦਾ ਕੋਈ ਸਬੂਤ ਨਹੀਂ ਕਿ ਹਾਈਡਰੋਕਸੀਕਲੋਰੋਕਵਿਨ ਦਾ ਕੋਈ ਫਾਇਦਾ ਹੋ ਰਿਹਾ ਹੈ।”

2. 24 ਅਪ੍ਰੈਲ 2020ਕੋਰੋਨਾਵਾਇਰਸ ਕਾਰਨ ਇੱਕ ਪਾਈਲਟ ਦੀ ਜ਼ਿੰਦਗੀ ਕਿੰਨੀ ਬਦਲੀ

   ਕੋਰੋਨਾਵਾਇਰਸ ਕਾਰਨ ਕਈ ਲੋਕਾਂ ਦੇ ਕੰਮ ਰੁੱਕ ਗਏ ਹਨ ਪਰ ਕਈ ਜ਼ਰੂਰੀ ਚੀਜ਼ਾਂ ਹਾਲੇ ਵੀ ਜਾਰੀ ਹਨ।

   ਸਿਹਤ ਵਰਕਰਾਂ ਤੋਂ ਇਲਾਵਾ ਕਈ ਪਾਇਲਟ ਵੀ ਉਡਾਣ ਭਰ ਰਹੇ ਹਨ।

   ਕੋੋਰੋਨਾਵਾਇਰਸ ਨੇ ਪਾਇਲਟਾਂ ਦੀ ਜ਼ਿੰਦਗੀ 'ਤੇ ਵੀ ਅਸਰ ਪਾਇਆ ਹੈ। ਕਮਰਸ਼ੀਅਲ ਪਾਇਲਟ ਗੁਰਸੇਵਕ ਮਾਨ ਨਾਲ ਗੱਲਬਾਤ।

3. 24 ਅਪ੍ਰੈਲ 2020ਕੋਰੋਨਾਵਾਇਰਸ ਬੱਚਿਆਂ ਲਈ ਖ਼ਤਰਨਾਕ ਸਬਿਤ ਕਿਉਂ ਨਹੀਂ ਹੋ ਰਿਹਾ

   ਨਵਜੰਮੇ ਬੱਚਿਆਂ ਸਮੇਤ ਛੋਟੀ ਉਮਰ ਦੇ ਕਈ ਬੱਚੇ ਵੀ ਕੋਰੋਨਾਵਾਇਰਸ ਦਾ ਸ਼ਿਕਾਰ ਹੋਏ ਹਨ ਪਰ ਉਨ੍ਹਾਂ ਦੀ ਗਿਣਤੀ ਬਾਕੀ ਉਮਰ ਦੇ ਲੋਕਾਂ ਨਾਲੋਂ ਘੱਟ ਰਹੀ ਹੈ।

   ਇਸ ਬਿਮਾਰੀ ਨਾਲ ਪੀੜਤ ਅਤੇ ਮ੍ਰਿਤਕਾਂ ਦੀ ਉਮਰ ਜ਼ਿਆਦਾਤਰ 60 ਸਾਲ ਤੋਂ ਵੱਧ ਹੈ। ਖੋਜਕਾਰਾਂ ਅਨੁਸਾਰ, "ਬੱਚਿਆਂ ਵਿੱਚ ਬਿਮਾਰੀ ਦੇ ਕੇਸ ਬਹੁਤ ਘੱਟ ਹਨ।"

   ਪਰ ਅਜਿਹਾ ਕਿਉਂ ਹੈ? ਵਧੇਰੀ ਜਾਣਕਾਰੀ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ।

4. 24 ਅਪ੍ਰੈਲ 2020ਹੁਣੇ ਜੁੜੇ ਦਰਸ਼ਕਾਂ ਲਈ ਦੇਸ, ਦੁਨੀਆਂ ਤੇ ਪੰਜਾਬ ਦੀ ਅਪਡੇਟ

   • ਇੱਕ ਕੋਰੋਨਾਵਾਇਰਸ ਟੀਕੇ ਦਾ ਟਰਾਇਲ ਓਕਸਫੋਰਡ ਵਿੱਚ ਸ਼ੁਰੂ ਹੋ ਗਿਆ ਹੈ। ਦੋ ਵਲੰਟੀਅਰਾਂ ਨੂੰ ਇਹ ਟੀਕਾ ਲਾਇਆ ਗਿਆ ਹੈ।
   • ਟਰੰਪ ਨੇ ਕੋਰੋਨਾਵਾਇਰਸ ਦੇ ਇਲਾਜ ਲਈ ਰੋਗਾਣੂਨਾਸ਼ਕ ਦਾ ਟੀਕਾ ਲਾਉਣ ਦਾ ਸੁਝਾਅ ਦਿੱਤਾ।
   • ਕੋਰੋਨਾਵਾਇਰਸਲਈਰੈਮਡੀਸਿਵਾਇਰ ਨਾਮਕ ਦਵਾਈਦਾ ਪਹਿਲਾ ਟਰਾਇਲ ਹੋਇਆ।ਨਾਕਾਮਯਾਬ।
   • ਰਮਜ਼ਾਨ ਮੌਕੇ ਪੂਰੀ ਦੁਨੀਆਂ ਵਿੱਚ ਪਾਬੰਦੀ ਪਰ ਪਾਕਿਸਤਾਨ ਵਿੱਚ ਨਹੀਂ।
   • ਖਰਾਬ ਐਂਟੀਬਾਡੀ ਟੈਸਟ ਕਿਟਜ਼ ਵਾਪਸ ਭੇਜੀਆਂ ਜਾਣਗੀਆਂ- ਸਿਹਤ ਮੰਤਰੀ
   • ਭਾਰਤ ਵਿੱਚ ਏਵੀਏਸ਼ਨ ਖੇਤਰ 'ਚ 29 ਲੱਖ ਤੋਂ ਵੱਧ ਨੌਕਰੀਆਂ ਨੂੰ ਖ਼ਤਰਾ- IATA
   • ਨੋਬਲ ਜੇਤੂ ਅਰਥਸ਼ਾਸਤਰੀ ਅਭਿਜੀਤ ਦਾ ਦਾਅਵਾ- ਲੌਕਡਾਊਨ ਇਸ ਸਥਿਤੀ ਦਾ ਅੰਤ ਨਹੀਂ। ਭਾਰਤ ਨੂੰ ਗਰੀਬਾਂ ਪ੍ਰਤੀ ਹੋਰ ਸੰਵੇਦਨਾ ਦੀ ਲੋੜ।
   • ਅਰਵਿੰਦ ਕੇਜਰੀਵਾਲ ਦਾ ਕਹਿਣਾ ਹੈ ਕਿ ਕੋਰੋਨਾਵਾਇਰਸ ਦੇ ਚਾਰ ਮਰੀਜ਼ਾਂ 'ਤੇ ਪਲਾਜ਼ਮਾ ਥੈਰੇਪੀ ਦਾ ਕਲੀਨਿਕਲ ਟਰਾਇਲ ਕੀਤਾ ਹੈ, ਨਤੀਜੇ ਸੰਤੁਸ਼ਟੀ ਦੇਣ ਵਾਲੇ ਹਨ।
   • ਇਲਾਜ ਤੇ ਖਾਣ-ਪੀਣ ਦੇ ਸੁਝਾਅ ਵਾਲੀਆਂ ਅਫ਼ਵਾਹਾਂ 'ਤੇ ਯਕੀਨ ਨਾ ਕਰੋ- ਪੀਐੱਮ ਮੋਦੀ
   • ਲੁਧਿਆਣਾ ਵਿੱਚ ਬੀਡੀਪੀਓ ਮਹਿਲਾ ਕੋਰੋਨਾਵਿਰਸ ਪੌਜਿਟਿਵ ਪਾਈ ਗਈ ਹੈ।
   • ਪੂਰੀ ਦੁਨੀਆਂ ਵਿੱਚ ਮ੍ਰਿਤਕਾਂ ਦੀ ਗਿਣਤੀ 1 ਲੱਖ 90 ਹਜ਼ਾਰ ਤੋਂ ਪਾਰ
   • ਅਮਰੀਕਾ ਵਿੱਚ ਤਕਰੀਬਨ 50 ਹਜ਼ਾਰ ਮੌਤਾਂ

5. 24 ਅਪ੍ਰੈਲ 2020ਲ਼ੁਧਿਆਣਾ ਵਿੱਚ ਬੀਡੀਪੀਓ ਔਰਤ ਕੋਰੋਨਾਵਾਇਰਸ ਪੌਜ਼ਿਟਿਵ

   ਲੁਧਿਆਣਾ ਵਿੱਚ ਬੀਡੀਪੀਓ ਮਹਿਲਾ ਕੋਰੋਨਾਵਿਰਸ ਪੌਜ਼ਿਟਿਵ ਪਾਈ ਗਈ ਹੈ। ਉਹ ਦੋਰਾਹਾ ਵਿੱਚ ਬੀਡੀਪੀਓ ਦੇ ਅਹੁਦੇ ’ਤੇ ਸੀ।

   ਜਾਣਕਾਰੀ ਦਿੰਦਿਆ ਪੰਜਾਬ ਦੇ ਵਿਸ਼ੇਸ਼ ਮੁੱਖ ਸਕੱਤਰ ਕੇਬੀਐੱਸ ਸਿੱਧੂ ਨੇ ਕਿਹਾ ਕਿ ਪੀੜਤਾ ਦੇ ਪਿਤਾ ਜ਼ਿਲ੍ਹਾ ਮੰਡੀ ਅਫ਼ਸਰ ਪਹਿਲਾਂ ਹੀ ਕੋਰੋਨਾਵਾਇਰਸ ਪਾਏ ਗਏ ਹਨ।

6. 24 ਅਪ੍ਰੈਲ 2020ਪੰਜਾਬ ਦੇ ਪੈਰਾਪਲੇਜਿਕ ਜਵਾਨ ਮਾਸਕ ਬਣਾ ਕੇ ਮੁਫ਼ਤ ਵੰਡ ਰਹੇ ਹਨ

   ਪੰਜਾਬ ਦੇ ਸੇਵਾ ਮੁਕਤ ਪੈਰਾਪਲੇਜਿਕ ਜਵਾਨ (ਰੀੜ੍ਹ ਦੀ ਹੱਡੀ ਵਿੱਚ ਸੱਟ ਲੱਗਣ ਕਾਰਨ ਸਰੀਰ ਦਾ ਹੇਠਲਾ ਹਿੱਸਾ ਅਪਾਹਤ ਹੋਣਾ) ਅਤੇ ਉਨ੍ਹਾਂ ਦੀਆਂ ਪਤਨੀਆਂ ਮੋਹਾਲੀ ਦੇ ਪੈਰਾਪਲੈਜਿਕ ਰਿਹੈਬਲਿਟੇਸ਼ਨ ਸੈਂਟਰ ਵਿੱਚ ਮਾਸਕ ਬਣਾ ਰਹੇ ਹਨ।

   ਇਹ ਮਾਸਕ ਉਹ ਪੁਲਿਸ ਅਧਿਕਾਰੀਆਂ, ਸਿਹਤ ਵਰਕਰਾਂ ਤੇ ਸੈਨੀਟੇਸ਼ਨ ਵਰਕਰਾਂ ਨੂੰ ਮੁਫ਼ਤ ਵੰਡ ਰਹੇ ਹਨ।

   ਸੇਵਾਮੁਕਤ ਕਰਨਲ ਗੁਰਕੀਰਤ ਸਿੰਘ ਨੇ ਏਐੱਨਆਈ ਨਾਲ ਗੱਲਬਾਤ ਕਰਦਿਆਂ ਕਿਹਾ, "ਅਸੀਂ ਰੋਜ਼ਾਨਾ 500 ਮਾਸਕ ਬਣਾਉਂਦੇ ਹਾਂ ਅਤੇ ਮੁਫ਼ਤ ਵੰਡਦੇ ਹਾਂ।"

7. 24 ਅਪ੍ਰੈਲ 2020ਖਰਾਬ ਐਂਟੀਬਾਡੀ ਟੈਸਟ ਕਿਟਜ਼ ਵਾਪਸ ਭੇਜੀਆਂ ਜਾਣਗੀਆਂ- ਸਿਹਤ ਮੰਤਰੀ

   ਕੇਂਦਰੀ ਸਿਹਤ ਮੰਤਰੀ ਡਾ. ਹਰਸ਼ਵਰਧਨ ਦਾ ਕਹਿਣਾ ਹੈ ਕਿ ਖਰਾਬ ਐਂਟੀਬਾਡੀ ਟੈਸਟ ਕਿਟਜ਼ ਵਾਪਸ ਭੇਜੀਆਂ ਜਾਣਗੀਆਂ।

   ਸੂਬੇ ਦੇ ਸਿਹਤ ਮੰਤਰੀਆਂ ਨਾਲ ਵੀਡੀਓ ਕਾਨਫਰੰਸਿੰਗ ਰਾਹੀਂ ਗੱਲ ਕਰਦਿਆਂ ਡਾ. ਹਰਸ਼ ਵਰਧਨ ਨੇ ਕਿਹਾ, "ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਉਹ ਕਿਹੜੇ ਦੇਸਾਂ ਤੋਂ ਲਿਆਂਦੀਆਂ ਗਈਆਂ ਸਨ, ਇਸ ਵਿੱਚ ਚੀਨ ਵੀ ਸ਼ਾਮਿਲ ਹੈ। ਅਸੀਂ ਇਸ ਲਈ ਹਾਲੇ ਇੱਕ ਵੀ ਪੈਸਾ ਨਹੀਂ ਦਿੱਤਾ ਹੈ।"

   https://twitter.com/ANI/status/1253591335937937409

8. 24 ਅਪ੍ਰੈਲ 2020ਕੋਰੋਨਾਵਾਇਰਸ: ਕੀ AC ਚਲਾਉਣਾ ਖ਼ਤਰਨਾਕ ਹੈ

   ਹਸਪਤਾਲਾਂ ਵਿਚ ਜਿੱਥੇ ਕੋਰੋਨਾ ਦੇ ਮਰੀਜ਼ਾਂ ਨੂੰ ਦਾਖ਼ਲ ਕੀਤਾ ਜਾ ਰਿਹਾ ਹੈ, ਉੱਥੇ ਸੈਂਟ੍ਰਲ ਏਸੀ ਬੰਦ ਕੀਤੇ ਜਾ ਰਹੇ ਹਨ ਅਤੇ ਉਨ੍ਹਾਂ ਦੀ ਜਗ੍ਹਾ ਵਿੰਡੋ ਏਸੀ ਲਗਾਏ ਜਾ ਰਹੇ ਹਨ।

   ਸੋਸ਼ਲ ਮੀਡੀਆ ਅਤੇ ਵਟਸਐਪ 'ਤੇ ਬਹੁਤ ਸਾਰੇ ਮੈਸੇਜ ਇਸ ਦਾਅਵੇ ਨਾਲ ਸਾਂਝੇ ਕੀਤੇ ਜਾ ਰਹੇ ਹਨ ਕਿ ਏਸੀ ਤੋਂ ਕੋਰੋਨਾਵਾਇਰਸ ਦੀ ਲਾਗ ਫੈਲਣ ਦਾ ਖ਼ਤਰਾ ਵੱਧ ਜਾਂਦਾ ਹੈ।

   ਇਨ੍ਹਾਂ ਮੈਸੇਜਾਂ ਨਾਲ ਲੋਕਾਂ ਦੇ ਮਨਾਂ ਵਿੱਚ ਏਸੀ ਬਾਰੇ ਖਦਸ਼ਾ ਪੈਦਾ ਹੋ ਗਈ ਹੈ। ਪਰ ਕੀ ਸੱਚਮੁੱਚ ਅਜਿਹਾ ਹੈ?

   ਪੂਰੀ ਖ਼ਬਰ ਪੜ੍ਹਣ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ।

9. 24 ਅਪ੍ਰੈਲ 2020ਅਮਰੀਕਾ ਦੇ ਗ੍ਰੀਨ ਕਾਰਡ ਬੈਨ ਨਾਲ ਭਾਰਤੀਆਂ ਦੀਆਂ ਮੁਸ਼ਕਿਲਾਂ ਇੰਝ ਵਧੀਆਂ

   ਅਮਰੀਕਾ ਵਿੱਚ ਕੰਮ ਕਰਨ ਵਾਲੇ ਬਹੁਤ ਸਾਰੇ ਵਿਦੇਸ਼ੀ ਸਿਹਤ ਕਰਮਚਾਰੀਆਂ ਨੇ ਸ਼ਿਕਾਇਤ ਕੀਤੀ ਹੈ ਕਿ ਸਖ਼ਤ ਵੀਜ਼ਾ ਨਿਯਮ ਉਨ੍ਹਾਂ ਦੇ ਮਹਾਂਮਾਰੀ ਵਿੱਚ ਯੋਗਦਾਨ ਪਾਉਣ ਦੇ ਢੰਗ ਵਿੱਚ ਇੱਕ ਰੁਕਾਵਟ ਬਣ ਗਏ ਹਨ।

   ਅਮਰੀਕੀ ਸਰਕਾਰ ਦੀ ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਵਿੱਤੀ ਸਾਲ 2017 ਵਿਚ ਜਾਰੀ ਕੀਤੇ ਗਏ ਐਚ -1 ਬੀ ਵੀਜ਼ਾ ਵਿਚੋਂ 75.6% ਲਾਭ ਭਾਰਤੀ ਨਾਗਰਿਕਾਂ ਨੂੰ ਦਿੱਤੇ ਗਏ ਸਨ।

   ਪੂਰੀ ਖ਼ਬਰ ਪੜ੍ਹਣ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ।

10. 24 ਅਪ੍ਰੈਲ 2020ਭਾਰਤ ਵਿੱਚ ਏਵੀਏਸ਼ਨ ਖੇਤਰ 'ਚ 29 ਲੱਖ ਤੋਂ ਵੱਧ ਨੌਕਰੀਆਂ ਨੂੰ ਖ਼ਤਰਾ- IATA

    ਅੰਗਰੇਜ਼ੀ ਅਖਬਾਰ ਦਿ ਹਿੰਦੂ ਮੁਤਾਬਕ ਇੰਟਰਨੈਸ਼ਨਲ ਏਅਪਰੋਟ ਟਰਾਂਸਪੋਰਟ ਐਵੀਏਸ਼ਨ (ਆਈਏਟੀਏ) ਦਾ ਕਹਿਣਾ ਹੈ ਕਿ ਭਾਰਤ ਵਿੱਚ ਕੋਰੋਨਾਵਾਇਰਸ ਕਾਰਨ ਇਸ ਖੇਤਰ ਵਿੱਚ 29 ਲੱਖ ਨੌਕਰੀਆਂ ਪ੍ਰਭਾਵਿਤ ਹੋ ਸਕਦੀਆਂ ਹਨ।

    ਏਆਈਟੀਏ ਨੇ ਕਿਹਾ ਕਿ ਭਾਰਤ ਵਿੱਚ ਹਵਾਬਾਜ਼ੀ (ਏਵੀਏਸ਼ਨ) ਅਤੇ ਇਸ ’ਤੇ ਨਿਰਭਰ ਉਦਯੋਗ ਦੀਆਂ 29, 32,900 ਨੌਕਰੀਆਂ ’ਤੇ ਅਸਰ ਪਏਗਾ।

    ਇਸ ਤੋਂ ਇਲਾਵਾ ਏਆਈਟੀਏ ਸਮੂਹ ਨੇ ਨੋਟ ਕੀਤਾ ਕਿ ਭਾਰਤ ਵਿੱਚ ਜਾਣ ਵਾਲੀਆਂ ਅਤੇ ਆਉਣ ਵਾਲੀਆਂ ਉਡਾਣਾਂ 'ਤੇ 85,000 ਕਰੋੜ ਤੋਂ ਵੱਧ ਦਾ ਮਾਲੀਆ ਪ੍ਰਭਾਵਿਤ ਹੋਵੇਗਾ।

11. 24 ਅਪ੍ਰੈਲ 2020ਨੋਬਲ ਜੇਤੂ ਅਰਥਸ਼ਾਸਤਰੀ ਅਭਿਜੀਤ ਦਾ ਦਾਅਵਾ- ਲੌਕਡਾਊਨ ਇਸ ਸਥਿਤੀ ਦਾ ਅੰਤ ਨਹੀਂ

    ਨੋਬਲ ਪੁਰਸਕਾਰ ਜੇਤੂ ਅਰਥਸ਼ਾਸਤਰੀ ਅਭਿਜੀਤ ਬੈਨਰਜੀ ਨੇ ਬੀਬੀਸੀ ਨੂੰ ਕਿ ਹੈ ਕਿ ਭਾਰਤ ਨੂੰ ਗਰੀਬਾਂ ਪ੍ਰਤੀ ਹੋਰ ਸੰਵੇਦਨਾ ਦੀ ਲੋੜ ਹੈ।

    ਉਨ੍ਹਾਂ ਕਿਹਾ ਕਿ ਭਾਰਤ ਵਿੱਚ ਲੌਕਡਾਊਨ ਕਾਰਨ ਲੱਖਾਂ ਦੀ ਗਿਣਤੀ ਵਿੱਚ ਗਰੀਬ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋ ਰਹੇ ਹਨ।

    ਅਭਿਜੀਤ ਨੇ ਕਿਹਾ ਕਿ ਅਸੀਂ ਹੁਣ ਤੱਕ ਉਸ ਪੱਧਰ 'ਤੇ ਕੁੱਝ ਵੀ ਲੋੜੀਂਦਾ ਨਹੀਂ ਕੀਤਾ ਹੈ।

    ਅਰਥਸ਼ਾਸਤਰੀ ਅਭਿਜੀਤ ਬੈਨਰਜੀ, ਜਿਨ੍ਹਾਂ ਨੇ ਪਤਨੀ ਅਤੇ ਸਹਿ-ਖੋਜਕਰਤਾ ਈਸਥਰ ਡਫਲੋ ਨਾਲ ਸਾਲ 2019 ਵਿੱਚ ਅਰਥਸ਼ਾਸਤਰ ਦੇ ਖੇਤਰ ਵਿੱਚ ਸਾਂਝੇ ਤੌਰ ’ਤੇ ਨੋਬਲ ਪੁਰਸਕਾਰ ਜਿੱਤਿਆ ਸੀ, ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਫੈਲਣ ਨੂੰ ਰੋਕਣ ਲਈ ਸਰਕਾਰ ਦਾ ਕਦਮ ਬਿਲਕੁਲ ਸਹੀ ਸੀ।

    ਉਹ ਅੱਗੇ ਕਹਿੰਦੇ ਹਨ, "ਪਰ ਲੌਕਡਾਊਨ ਇਸ ਕਹਾਣੀ ਜਾਂ ਸਥਿਤੀ ਦਾ ਅੰਤ ਨਹੀਂ ਹੈ। ਇਹ ਬੀਮਾਰੀ ਸਾਡੇ ਨਾਲ ਲੰਬੇ ਸਮੇਂ ਲਈ ਰਹੇਗੀ। ਮੁਸ਼ਕਲਾਂ ਉਦੋਂ ਤੱਕ ਜਾਰੀ ਰਹਿਣਗੀਆਂ ਜਦੋਂ ਤੱਕ ਇਸ ਦਾ ਟੀਕਾ ਨਹੀਂ ਬਣ ਜਾਂਦਾ। ਫਿਲਹਾਲ ਇਹ ਇਹ ਟੀਕਾ ਜਲਦੀ ਬਣਦਾ ਨਜ਼ਰ ਨਹੀਂ ਆ ਰਿਹਾ।"

12. 24 ਅਪ੍ਰੈਲ 2020ਬੋਰਿਸ ਜੌਹਨਸਨ ਕੰਮ 'ਤੇ ਕਦੋਂ ਵਾਪਸ ਪਰਤਣਗੇ

    ਦਿ ਡੇਲੀ ਟੈਲੀਗ੍ਰਾਫ਼ ਵੱਲੋਂ ਰਿਪੋਰਟ ਕੀਤਾ ਜਾ ਰਿਹਾ ਹੈ ਕਿ ਯੂਕੇ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਸੋਮਵਾਰ ਨੂੰ ਕੰਮ 'ਤੇ ਪਰਤਣਗੇ।

    ਬੀਬੀਸੀ ਪੱਤਰਕਾਰ ਲੀਲਾ ਨਾਥੂ ਮੁਤਾਬਕ ਡਾਊਨਿੰਗ ਸਟ੍ਰੀਟ ਨੇ ਸਪਸ਼ਟ ਕੀਤਾ ਹੈ ਕਿ ਉਨ੍ਹਾਂ ਕੋਲ ਬੋਰਿਸ ਦੀ ਵਾਪਸੀ ਦਾ ਕੋਈ ਅਧਿਕਾਰਤ ਟਾਈਮਟੇਬਲ ਨਹੀਂ ਹੈ।

    ਉਨ੍ਹਾਂ ਦੀ ਵਾਪਸੀ ਦੇ ਸੰਕੇਤ ਮਿਲਣੇ ਸ਼ੁਰੂ ਹੋ ਗਏ ਹਨ ਪਰ ਉਹ ਕਦੋਂ ਵਾਪਸ ਆਉਣਗੇ ਇਸ ਦੀ ਕੋਈ ਪੁਸ਼ਟੀ ਨਹੀਂ ਹੋਈ ਹੈ।

    ਬੋਰਿਸ ਜੌਹਨਸਨ ਨੇ ਬ੍ਰਿਟੇਨ ਦੀ ਮਹਾਰਾਣੀ ਨਾਲ ਵੀ ਫੋਨ 'ਤੇ ਗੱਲ ਕੀਤੀ ਹੈ ਅਤੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨਾਲ ਵੀ।

13. 24 ਅਪ੍ਰੈਲ 2020ਚਾਰ ਮਰੀਜ਼ਾਂ 'ਤੇ ਪਲਾਜ਼ਮਾ ਟੈਸਟ ਕੀਤਾ- ਕੇਜਰੀਵਾਲ

    ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦਾ ਕਹਿਣਾ ਹੈ ਕਿ ਕੋਰੋਨਾਵਾਇਰਸ ਦੇ ਚਾਰ ਮਰੀਜ਼ਾਂ 'ਤੇ ਪਲਾਜ਼ਮਾ ਥੈਰੇਪੀ ਦਾ ਕਲੀਨਿਕਲ ਟਰਾਇਲ ਕੀਤਾ ਹੈ, ਨਤੀਜੇ ਸੰਤੁਸ਼ਟੀ ਦੇਣ ਵਾਲੇ ਹਨ।

    ਉਨ੍ਹਾਂ ਕਿਹਾ ਕਿ ਪਲਾਜ਼ਮਾ ਥੈਰੇਪੀ ਦੇ ਸ਼ੁਰੂਆਤੀ ਨਤੀਜਿਆਂ ਤੋਂ ਉਮੀਦ ਜਾਗੀ ਹੈ। ਅਗਲੇ 2-3 ਦਿਨਾਂ ਵਿੱਚ ਹੋਰ ਟਰਾਇਲ ਕੀਤੇ ਜਾਣਗੇ।

    ਕੇਜਰੀਵਾਲ ਨੇ ਕਿਹਾ, “ਮੈਂ ਕੋਰੋਨਾਵਾਇਰਸ ਤੋਂ ਠੀਕ ਹੋਏ ਲੋਕਾਂ ਨੂੰ ਅਪੀਲ ਕਰਦਾ ਹਾਂ ਕਿ ਅੱਗੇ ਆਉਣ ਤੇ ਗੰਭੀਰ ਮਰੀਜਾਂ ਲਈ ਪਲਾਜ਼ਮਾ ਦਾਨ ਕਰਨ।”

14. 24 ਅਪ੍ਰੈਲ 2020ਇਲਾਜ ਤੇ ਖਾਣ-ਪੀਣ ਦੇ ਸੁਝਾਅ ਵਾਲੀਆਂ ਅਫ਼ਵਾਹਾਂ 'ਤੇ ਯਕੀਨ ਨਾ ਕਰੋ- ਮੋਦੀ

    ਕੋਰੋਨਾਵਾਇਰਸ ਸਬੰਧੀ ਪੀਐੱਮ ਮੋਦੀ ਪਿੰਡ ਦੇ ਸਰਪੰਚਾਂ ਨਾਲ ਵੀਡੀਓ ਕਾਨਫਰੰਸਿੰਗ ਰਾਹੀ ਗੱਲਬਾਤ ਕੀਤੀ। ਉਨ੍ਹਾਂ ਕਿਹਾ-

    • ਰੋਜ਼ ਦੀਆਂ ਚੀਜਾਂ ਲਈ ਕਿਸੇ 'ਤੇ ਨਿਰਭਰ ਨਾ ਕਰੋ।
    • ਪਿੰਡਾਂ ਵਿੱਚ ਸੈਨੇਟਾਈਜੇਸ਼ਨ ਦੀ ਮੁਹਿੰਮ ਚਲਾਈ ਜਾਵੇ।
    • ਪਿੰਡਾਂ ਵਿੱਚ ਬਜ਼ੁਰਗ, ਦਿਵਿਆਂਗ ਦੀ ਪਹਿਲੀ ਪਹੁੰਚ ਤੁਸੀਂ ਹੋ। ਇਸ ਲਈ ਪਹਿਲਾ ਹੱਲ ਵੀ ਪਿੰਡ ਦੇ ਸਰਪੰਚ ਤੇ ਪੰਚ ਕੋਲ ਹੋਣਾ ਚਾਹੀਦਾ ਹੈ।
    • ਦੋ ਗਜ ਦੀ ਸਰੀਰਕ ਦੂਰੀ ਦਾ ਮੰਤਰ, ਫੇਸ ਕਵਰ ਜਾਂ ਗਮਛਾ ਲਗਾਤਾਰ ਲਗਾਓ, ਹੱਥ ਵਾਰ-ਵਾਰ ਧੋਵੋ।
    • ਮੀਂਹ ਦਾ ਮੌਸਮ ਹੋਣ ਵਾਲਾ ਹੈ, ਇਸ ਲਈ ਕੋਰੋਨਾਵਾਇਰਸ ਨੇ ਹੋਰ ਫਿਕਰ ਵਧਾ ਦਿੱਤੀ ਹੈ।
    • ਬੀਮਾਰੀਆਂ ਤੇ ਇਲਾਜ ਬਾਰੇ ਗਲਤ ਜਾਣਕਾਰੀ ਕਾਰਨ ਬਹੁਤ ਦਿੱਕਤ ਆਉਂਦੀ ਹੈ।
    • ਲੋਕਾਂ ਨੂੰ ਹਰ ਤਰ੍ਹਾਂ ਦੀ ਗਲਤਫਹਿਮੀ ਤੋਂ ਦੂਰ ਕਰਨਾ ਹੈ।
    • ਇਸ ਲਈ ਛੋਟੀਆਂ-ਛੋਟੀਆਂ ਟੋਲੀਆਂ ਬਣਾ ਕੇ ਲੋਕਾਂ ਨੂੰ ਜਾਗਰੂਕ ਕਰੋ।
    • ਸੋਸ਼ਲ ਮੀਡੀਆ 'ਤੇ ਖਾਣ-ਪਾਣ ਸਬੰਧੀ ਬਹੁਤ ਅਫ਼ਵਾਹਾਂ ਫੈਲਦੀਆਂ ਹਨ। ਹਰ ਚੀਜ਼ ਨੂੰ ਚੰਗੀ ਤਰ੍ਹਾਂ ਧੋ ਕੇ ਤੇ ਪਕਾ ਕੇ ਖਾਓ।
    • ਪਿੰਡਾ ਵਿੱਚ ਕਾੜ੍ਹਾ ਪੀਣ ਦੀ ਚੰਗੀ ਪਰੰਪਰਾ ਹੈ। ਰੈਗੁਲਰ ਯੋਗ ਕਰੋ। ਇਹ ਇਲਾਜ ਨਹੀਂ ਹੈ ਪਰ ਬੀਮਾਰੀ ਨਾਲ ਲੜਨ ਵਿੱਚ ਮਦਦ ਕਰਦਾ ਹੈ।
    • ਸਾਰਿਆਂ ਦੇ ਮੋਬਾਈਲ ਵਿੱਚ ਆਰੋਗਿਆ ਸੇਤੂ ਐਪ ਡਾਊਨਲੋਡ ਕਰਵਾਓ।

15. 24 ਅਪ੍ਰੈਲ 2020ਟਰੰਪ ਨੇ ਕੋਰੋਨਾਵਾਇਰਸ ਦੇ ਇਲਾਜ ਲਈ ਰੋਗਾਣੂਨਾਸ਼ਕ ਦਾ ਟੀਕਾ ਲਾਉਣ ਦਾ ਸੁਝਾਅ ਦਿੱਤਾ

    ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਦੇ ਕੋਰੋਨਾਵਇਰਸ ਦੇ ਇਲਾਜ ਬਾਰੇ ਸੁਝਾਅ ਨੇ ਮੈਡੀਕਲ ਭਾਈਚਾਰੇ ਨੂੰ ਹੈਰਾਨ ਕਰ ਦਿੱਤਾ ਹੈ।

    ਟਰੰਪ ਨੇ ਮੀਡੀਆ ਬ੍ਰੀਫਿੰਗ ਦੌਰਾਨ ਕਿਹਾ ਕਿ ਸ਼ਾਇਦ ਕੋਰੋਨਾਵਾਇਰਸ ਦਾ ਇਲਾਜ ਸਰੀਰ ਵਿੱਚ ਰੋਗਾਣੂਨਾਸ਼ਕ ਦਾ ਟੀਕਾ ਲਗਾ ਕੇ ਕੀਤਾ ਜਾ ਸਕਦਾ ਹੈ।

    ਉਹ ਮਰੀਜ਼ਾਂ ਦੇ ਸਰੀਰ ਵਿੱਚ ਯੂਵੀ ਲਾਈਟ ਮਾਰਨ ਦਾ ਸੁਝਾਅ ਵੀ ਦਿੰਦੇ ਹਨ ਜਿਸ ਨੂੰ ਡਾਕਟਰ ਬ੍ਰੀਫਿੰਗ ਦੌਰਾਨ ਖਾਰਜ ਕਰ ਦਿੰਦੇ ਹਨ।

    ਟਰੰਪ ਨੇ ਕਿਹਾ, "ਮੰਨ ਲਓ ਅਸੀਂ ਸਰੀਰ ਵਿੱਚ ਬਹੁਤ ਤੇਜ਼ ਲਾਈਟ ਜਾਂ ਅਲਟ੍ਰਾ-ਵਾਇਲਟ ਲਾਈਟ ਮਾਰਦੇ ਹਾਂ।"

    "ਫਿਰ ਮੈਨੂੰ ਲੱਗਦਾ ਹੈ ਕਿ ਰੋਗਾਣੂਨਾਸ਼ਕ ਇੱਕ ਮਿੰਟ ਵਿੱਚ ਇਸ ਨੂੰ ਖ਼ਤਮ ਕਰ ਦਿੰਦਾ ਹੈ। ਇੱਕ ਮਿੰਟ, ਕੀ ਅਜਿਹਾ ਕੋਈ ਤਰੀਕਾ ਹੈ ਕਿ ਅਸੀਂ ਅਜਿਹਾ ਕੁਝ ਕਰ ਸਕੀਏ, ਟੀਕਾ ਲਾ ਕੇ ਜਾਂ ਫਿਰ ਪੂਰੀ ਤਰ੍ਹਾਂ ਨਾਲ ਸਫਾਈ ਕਰਕੇ?"

    ਪਰ ਡਾਕਟਰਾਂ ਨੇ ਰਾਸ਼ਟਰਪਤੀ ਦੇ ਇਸ ਸੁਝਾਅ ਨੂੰ ਰੱਦ ਕਰ ਦਿੱਤਾ ਜਿਸ ਦੇ ਭਿਆਨਕ ਨਤੀਜੇ ਹੋ ਸਕਦੇ ਹਨ।

    ਇੱਕ ਡਾਕਟਰ ਨੇ ਕਿਹਾ, “ਇਹ ਗੈਰ-ਜਿੰਮੇਵਾਰ ਅਤੇ ਖਤਰਨਾਕ ਹੈ।”

16. 24 ਅਪ੍ਰੈਲ 2020'ਬੋਰਿਸ ਜੌਹਨਸਨ ਸਾਡੇ ਲਈ ਇੱਕ ਮਰੀਜ਼ ਵਾਂਗ ਸਨ'

    ਯੂਕੇ ਦੇ ਪੀਐੱਮ ਬੋਰਿਸ ਜੌਨਸਨ ਨੇ ਐੱਨਐੱਚਐੱਸ ਵਿੱਚ ਕੰਮ ਕਰਨ ਵਾਲੀ ਨਿਊਜ਼ੀਲੈਂਡ ਦੀ ਰਹਿਣ ਵਾਲੀ ਨਰਸ ਦੀ ਸ਼ਲਾਘਾ ਕੀਤੀ ਸੀ।

    ਨਰਸ ਜੈੱਨੀ ਮੈਕੇਗੀ ਬੋਰਿਸ ਜੋਹਨਸਨ ਦੇ ਇਲਾਜ ਦੌਰਾਨ ਆਈਸੀਯੂ ਵਿੱਚ ਮੌਜੂਦ ਸੀ।

    ਜੈੱਨੀ ਦਾ ਕਹਿਣਾ ਹੈ, "ਉਹ ਸਾਡੇ ਲਈ ਇੱਕ ਹੋਰ ਮਰੀਜ਼ ਸਨ ਜਿਸ ਲਈ ਅਸੀਂ ਆਪਣੀ ਪੂਰੀ ਕੋਸ਼ਿਸ਼ ਕਰ ਰਹੇ ਸੀ।"

    ਟੀਵੀਐੱਨਜੈੱਡ ਨਾਲ ਇੱਕ ਇੰਟਰਵਿਊ ਵਿੱਚ ਜੈੱਨੀ ਮੈਕੇਗੀ ਦਾ ਕਹਿਣਾ ਹੈ ਕਿ ਉਹ ਦੇਖ ਕੇ ਹੈਰਾਨ ਸੀ ਜਦੋਂ ਬੋਰਿਸ ਜੌਹਨਸਨ ਨੇ ਉਸ ਦੀ ਅਤੇ ਪੁਰਤਗਾਲੀ ਨਰਸ ਦੀ ਸ਼ਲਾਘਾ ਕੀਤੀ।

    "ਇਹ ਬਿਲਕੁਲ ਅਚਨਚੇਤ ਸੀ।"

    ਜੈੱਨੀ ਨੇ ਕਿਹਾ ਕਿ ਜੌਹਨਸਨ ਨੂੰ ਕੋਈ ਖਾਸ ਸੇਵਾਵਾਂ ਨਹੀਂ ਦਿੱਤੀਆਂ ਗਈਆਂ ਅਤੇ ਉਨ੍ਹਾਂ ਨੂੰ ਆਈਸੀਯੂ ਵਿੱਚ ਰੱਖਣ ਦੀ ਪੂਰੀ ਲੋੜ ਸੀ।

17. 24 ਅਪ੍ਰੈਲ 2020ਰੈਮਡੇਸਿਵੀਅਰ ਡਰੱਗ ਦਾ ਟਰਾਇਲ ਕਿਵੇਂ ਹੋਇਆ ਸੀ

    ਰੈਮਡੇਸਿਵੀਅਰ ਡਰੱਗ ਨੂੰ ਲੈ ਕੇ ਕਾਫੀ ਉਮੀਦ ਸੀ। ਇਸ ਡਰੱਗ ਨਾਲ ਮਰੀਜ਼ਾਂ ਵਿੱਚ ਕੋਈ ਸੁਧਾਰ ਦੇਖਣ ਨੂੰ ਨਹੀਂ ਮਿਲਿਆ।

    ਯਾਨਿ ਕਿ ਰੈਮਡੇਸਿਵੀਅਰ ਡਰੱਗ ਦੇਣ ਨਾਲ ਮਰੀਜ਼ ਦੇ ਖੂਨ ਵਿੱਚ ਰੋਗਾਣੂ ਘੱਟ ਨਹੀਂ ਹੋਏ।

    ਇਸ ਦੇ ਫੇਲ੍ਹ ਹੋਣ ਦੀ ਰਿਪੋਰਟ ਨੂੰ WHO ਨੇ ਵਿਸਥਾਰ ਨਾਲ ਛਾਪਿਆ ਸੀ।

    ਬਾਅਦ ਵਿੱਚ WHO ਨੇ ਕਿਹਾ ਸੀ ਕਿ ਡਰਾਫ਼ਟ ਰਿਪੋਰਟ ਗਲਤੀ ਨਾਲ ਅਪਲੋਡ ਹੋ ਗਈ ਸੀ ਅਤੇ ਰਿਪੋਰਟ ਹਟਾ ਦਿੱਤੀ।

    ਰਿਪੋਰਟ ਦੇ ਅਨੁਸਾਰ ਇਹ ਟਰਾਇਲ 237 ਮਰੀਜ਼ਾਂ 'ਤੇ ਕੀਤਾ ਗਿਆ ਸੀ। ਇਨ੍ਹਾਂ ਮਰੀਜ਼ਾਂ ਵਿੱਚੋਂ 158 ਨੂੰ ਰੈਮਡੇਸਿਵੀਅਰ ਦਿੱਤੀ ਗਈ ਅਤੇ ਬਾਕੀ 79 ਨੂੰ ਪਲੈਸੀਬੋ।

    ਇੱਕ ਮਹੀਨੇ ਬਾਅਦ ਰੈਮਡੇਸੀਵੀਅਰ ਲੈਣ ਵਾਲੇ 13.9% ਮਰੀਜ਼ਾਂ ਦੀ ਮੌਤ ਹੋ ਗਈ ਅਤੇ ਪਲੈਸੀਬੋ ਲੈਣ ਵਾਲੇ 12.8% ਮਰੀਜ਼ਾਂ ਦੀ ਮੌਤ ਹੋ ਗਈ।

    ਹਾਲਾਂਕਿ ਅਮਰੀਕਾ ਦੀ ਇਸ ਦਵਾਈ ਦੀ ਕੰਪਨੀ ਗਿਲੀਡ ਨੇ WHO ਦੀ ਪੋਸਟ ਨੂੰ ਖਾਰਿਜ ਕਰ ਦਿੱਤਾ ਹੈ।

    ਗਿਲੀਡ ਦੇ ਇੱਕ ਬੁਲਾਰੇ ਨੇ ਕਿਹਾ, “ਸਾਡਾ ਮੰਨਣਾ ਹੈ ਕਿ ਪੋਸਟ ਵਿੱਚ ਅਧਿਐਨ ਦੀਆਂ ਅਣਉਚਿਤ ਵਿਸ਼ੇਸ਼ਤਾਵਾਂ ਸ਼ਾਮਲ ਸਨ।”

18. 24 ਅਪ੍ਰੈਲ 2020ਰਮਜ਼ਾਨ ਮੌਕੇ ਪੂਰੀ ਦੁਨੀਆਂ ਵਿੱਚ ਪਾਬੰਦੀ ਪਰ ਪਾਕਿਸਤਾਨ ਵਿੱਚ ਨਹੀਂ

    ਪਾਕਿਸਤਾਨ ਵਿੱਚ ਰਮਜ਼ਾਨ ਸ਼ਨੀਵਾਰ ਨੂੰ ਸ਼ੁਰੂ ਹੋ ਰਿਹਾ ਹੈ ਪਰ ਇੱਕ ਮਹੀਨੇ ਦੇ ਬੰਦ ਤੋਂ ਬਾਅਦ ਸਰਕਾਰ ਨੇ ਅਖੀਰ ਮਸਜਿਦਾਂ ਵਿੱਚ ਨਮਾਜ਼ ਨੂੰ ਮਨਜੂਰੀ ਦੇ ਦਿੱਤੀ ਹੈ।

    ਇਹ ਚਿੰਤਾ ਵਾਲੀ ਗੱਲ ਹੈ ਕਿਉਂਕਿ ਇਸਲਾਮ ਦੇ ਮੂਲ ਅਸਥਾਨ ਮੰਨੇ ਜਾਣ ਵਾਲੇ ਸਾਊਦੀ ਅਰਬ ਨੇ ਵੀ ਸਮੂਹਿਕ ਨਮਾਜ 'ਤੇ ਲੱਗੀ ਪਾਬੰਦੀ ਨੂੰ ਜਾਰੀ ਰੱਖਣ ਦਾ ਫੈਸਲਾ ਕੀਤਾ ਹੈ।

19. 24 ਅਪ੍ਰੈਲ 2020ਹੁਣੇ ਜੁੜੇ ਦਰਸ਼ਕਾਂ ਲਈ ਦੇਸ, ਦੁਨੀਆਂ ਤੇ ਪੰਜਾਬ ਦੀ ਅਪਡੇਟ

    • ਦੁਨੀਆਂ ਭਰ ਵਿੱਚ ਕੋਰੋਨਾਵਾਇਰਸ ਮਰੀਜ਼ਾਂ ਦੀ ਗਿਣਤੀ 27 ਲੱਖ ਤੋਂ ਪਾਰ, ਹੁਣ ਤੱਕ 1.90 ਲੱਖ ਤੋਂ ਵੱਧ ਲੋਕਾਂ ਦੀ ਮੌਤ
    • ਕੋਰੋਨਾਵਾਇਰਸ ਲਈ ਰੈਮਡਿਸੀਵਾਇਰ ਨਾਮਕ ਦਵਾਈ ਦਾ ਪਹਿਲਾ ਟਰਾਇਲ ਹੋਇਆ ਨਾਕਾਮਯਾਬ
    • ਅਮਰੀਕੀ ਸੰਸਦ ਵਿੱਚ 484 ਅਰਬ ਡਾਲਰ ਦੇ ਨਵੇਂ ਰਾਹਤ ਪੈਕੇਜ ਦਾ ਬਿਲ ਪਾਸ।
    • ਯੂਕੇ ਦੇ ਸਿਹਤ ਮੰਤਰੀ ਮੈਟ ਹਨਕੌਕ ਦਾ ਕਹਿਣਾ ਹੈ ਕਿ ਯੂਕੇ ਵਿੱਚ ਬਣੇ ਕਿਸੇ ਵੀ ਟੀਕੇ ਦੀ ਵਰਤੋਂ ਪਹਿਲਾਂ ਯੂਕੇ ਦੇ ਨਾਗਰਿਕਾਂ ਨੂੰ ਹੀ ਮਿਲਣੀ ਚਾਹੀਦੀ ਹੈ।
    • ਇੱਕ ਕੋਰੋਨਾਵਾਇਰਸ ਟੀਕੇ ਦਾ ਟਰਾਇਲ ਓਕਸਫੋਰਡ ਵਿੱਚ ਸ਼ੁਰੂ ਹੋ ਗਿਆ ਹੈ। 800 ਵਿੱਚੋਂ ਦੋ ਵਲੰਟੀਅਰਾਂ ਨੂੰ ਇਹ ਟੀਕਾ ਲਾਇਆ ਗਿਆ ਹੈ।
    • ਦੂਜੀ ਵਿਸ਼ਵ ਜੰਗ ਤੋਂ ਬਾਅਦ ਸਭ ਤੋਂ ਵੱਡੀ ਚੁਣੌਤੀ- ਐਂਗੇਲਾ ਮਾਰਕੇਲ
    • ਯੂਰਪੀ ਯੂਨੀਅਨ ਦੇ ਆਗੂਆਂ ਨੇ ਅਰਬਾਂ ਰੁਪਏ ਦੀ ਐਮਰਜੈਂਸੀ ਸਹਾਇਤਾ ਦੀ ਯੋਜਨਾ ‘ਤੇ ਸਹਿਮਤੀ ਜਤਾਈ।
    • ਦੁਨੀਆਂ ਭਰ ਵਿੱਚ ਰਮਜ਼ਾਨ ਮੌਕੇ ਕਈ ਮਸਜਿਦਾਂ ਵਿੱਚ ਸੁਨ ਪਸਰੀ।
    • ਪਾਕਿਸਤਾਨ ਵਿੱਚ ਰਮਜ਼ਾਨ ਮੌਕੇ ਮਸਜਿਦਾਂ ਵਿੱਚ ਸਪਰੇਅ ਕੀਤੀ ਜਾ ਰਹੀ ਹੈ।
    • ਭਾਰਤ ’ਚ ਪੀੜਤਾਂ ਦੀ ਗਿਣਤੀ 23 ਹਜ਼ਾਰ ਤੋਂ ਪਾਰ, ਮ੍ਰਿਤਕਾਂ ਦੀ ਗਿਣਤੀ 718
    • ਤ੍ਰਿਪੁਰਾ ਦੇ ਮੁੱਖ ਮੰਤਰੀ ਬਿਪਲਬ ਕੁਮਾਰ ਦਾ ਦਾਅਵਾ ਹੈ ਕਿ ਤ੍ਰਿਪੁਰਾ ਕੋਰੋਨਾਵਾਇਰਸ ਮੁਕਤ ਹੋ ਗਿਆ ਹੈ।
    • ਪੰਜਾਬ ਵਿੱਚ ਪੌਜ਼ਿਟਿਵ ਮਾਮਲਿਆਂ ਦੀ ਗਿਣਤੀ 287 ਅਤੇ 17 ਮੌਤਾਂ ਹੋਈਆਂ।
    • ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦਾ ਦਾਅਵਾ ਹੈ ਕਿ ਨਵਾਂਸ਼ਹਿਰ ਤੋਂ ਬਾਅਦ ਹੁਣ ਮੋਗਾ ਜ਼ਿਲ੍ਹਾ ਕੋਰੋਨਾਵਾਇਰਸ ਮੁਕਤ ਹੋ ਗਿਆ ਹੈ।

20. 24 ਅਪ੍ਰੈਲ 2020ਹਸਪਤਾਲਾਂ ਨੂੰ ਬੀਮਾ ਯੋਜਨਾ ਤਹਿਤ ਗਰਭਵਤੀ ਔਰਤਾਂ ਨੂੰ ਦਾਖਲ ਕਰਨ ਦੇ ਨਿਰਦੇਸ਼

    ਪੰਜਾਬ ਦੇ ਸਿਹਤ ਮੰਤਰੀ ਨੇ ਨਿਰਦੇਸ਼ ਦਿੱਤੇ ਹਨ ਕਿ ਸਰਬਤ ਸਿਹਤ ਬੀਮਾ ਯੋਜਨਾ ਤਹਿਤ ਸਾਰੇ ਨਿੱਜੀ ਹਸਪਤਾਲ ਸਿਜੇਰੀਅਨ, ਵਧੇਰੇ ਖ਼ਤਰੇ ਵਾਲੀ ਜਾਂ ਨੌਰਮਲ ਡਿਲੀਵਰੀ ਲਈ ਗਰਭਵਤੀ ਔਰਤਾਂ ਨੂੰ ਦਾਖਲ ਕਰ ਸਕਦੇ ਹਨ।

    ਪੰਜਾਬ ਸਰਕਾਰ ਦਾ ਦਾਅਵਾ ਹੈ ਕਿ ਲੌਕਡਾਊਨ ਦੇ ਬਾਵਜੂਦ ਮਾਰਚ ਮਹੀਨੇ ਵਿੱਚ 32,000 ਗਰਭਵਤੀ ਔਰਤਾਂ ਨੇ ਐਂਟੀਨੇਟਲ ਚੈੱਕਅਪ ਲਈ ਰਜਿਸਟਰ ਕਰਵਾਇਆ ਹੈ।

    ਇਸ ਤੋਂ ਇਲਾਵਾ ਨਿੱਜੀ ਅਤੇ ਸਰਕਾਰੀ ਹਸਪਤਾਲਾਂ ਵਿੱਚ 25,000 ਡਿਲਵਰੀਆਂ ਹੋ ਚੁੱਕੀਆਂ ਹਨ।