You’re viewing a text-only version of this website that uses less data. View the main version of the website including all images and videos.
ਦੁਨੀਆਂ 'ਚ ਕੋਰੋਨਾਵਾਇਰਸ ਸੰਕਟ ਬਣਿਆ ਹੋਇਆ ਹੈ। ਅਮਰੀਕਾ ਵਿੱਚ ਸਭ ਤੋਂ ਵੱਧ ਮੌਤਾਂ ਹੋਈਆਂ ਹਨ, ਇਟਲੀ ਦੂਜੇ ਤੇ ਸਪੇਨ ਤੀਜੇ ਨੰਬਰ 'ਤੇ ਹੈ।
ਭਾਰਤ ਸਰਕਾਰ ਨੇ ਕੋਵਿਡ-19 ਮਹਾਂਮਾਰੀ ਖਿਲਾਫ ਲੜਾਈ ਵਿੱਚ ਤਕਨੀਕ ਦਾ ਇਸਤੇਮਾਲ ਕਰਦਿਆਂ ਇੱਕ ਮੋਬਾਈਲ ਐਪਲੀਕੇਸ਼ਨ ‘ਅਰੋਗਿਆ ਸੇਤੂ’ ਲਾਂਚ ਕੀਤੀ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣੇ ਟਵਿੱਟਰ ਹੈਂਡਲ ਤੋਂ ਕਈ ਵਾਰ ਅਪੀਲ ਕਰ ਚੁੱਕੇ ਹਨ ਕਿ ਜ਼ਿਆਦਾ ਤੋਂ ਜ਼ਿਆਦਾ ਭਾਰਤੀ ਇਸ ਐਪਲੀਕੇਸ਼ਨ ਨੂੰ ਡਾਊਨਲੋਡ ਕਰਨ।
ਭਾਰਤ ਵਿਚ ਕੋਵਿਡ-19 ਖ਼ਿਲਾਫ਼ ਜੰਗ ਵਿਚ 9 ਲੱਖ ਕਮਿਊਨਿਟੀ ਹੈਲਥ ਵਰਕਰ ਫਰੰਟਲਾਇਨ ਉੱਤੇ ਲੜ ਰਹੇ ਹਨ।
ਬੀਬੀਸੀ ਮਰਾਠੀ ਦੀ ਰਿਪੋਰਟ ਮੁਤਾਬਕ ਪਰ ਉਨ੍ਹਾਂ ਨੂੰ ਨਾ ਸਿਰਫ਼ ਬਹੁਤ ਘੱਟ ਪੈਸੇ ਹੀ ਦਿੱਤੇ ਜਾ ਰਹੇ ਬਲਕਿ ਅਟੈਕ ਅੱਗੇ ਸੁੱਟਿਆ ਜਾ ਰਿਹਾ ਹੈ।
ਮਹਾਰਾਸ਼ਟਰ ਦੇ ਪੱਛਮੀ ਖੇਤਰ ਵਿਚ ਆਸ਼ਾ ਵਰਕਰ ਵਜੋਂ ਕੰਮ ਕਰਦੀ ਅਲਕਾ ਨਾਲਾਵਾਡੇ ਕਹਿੰਦੀ ਹੈ, ‘‘ਸਾਡੀ ਜ਼ਿੰਦਗੀ ਦਾ ਮੁੱਲ ਕੇਵਲ 30 ਰੁਪਏ ਹੈ’’।
ਉਹ ਕਹਿੰਦੀ ਹੈ, ‘‘ਸਰਕਾਰ ਸਾਨੂੰ ਕੋਰੋਨਾ ਸਬੰਧੀ ਕੰਮ ਲਈ ਮਹੀਨੇ ਦੇ 1000 ਰੁਪਏ ਦਿੰਦੀ ਹੈ ਅਤੇ ਸਿਰਫ਼ 30 ਰੁਪਏ ਰੋਜ਼ਾਨਾਂ ਦੇ ਕੇ ਸਾਡੀ ਜ਼ਿੰਦਗੀ ਖਤਰੇ ਵਿਚ ਪਾਈ ਜਾ ਰਹੀ ਹੈ’’।
ਨਾਲਾਵਾੜੇ ਮਹਾਰਾਸ਼ਟਰ ਵਿਚ ਕੰਮ ਕਰ ਰਹੀਆਂ 70,000 ਆਸ਼ਾ ਵਰਕਰਾਂ ਵਿਚੋਂ ਇੱਕ ਹੈ।
ਕੋਰੋਨਾਵਾਇਰਸ ਕਾਰਨ ਪੂਰੀ ਦੁਨੀਆਂ ਵਿੱਚ ਐਮਰਜੈਂਸੀ ਵਰਗੇ ਹਾਲਤ ਬਣੇ ਹੋਏ ਹਨ।
ਇਨ੍ਹਾਂ ਹਾਲਾਤਾਂ ਵਿੱਚ ਕੋਰੋਨਾਵਾਇਰਸ ਨੂੰ ਰੋਕਣ ਲਈ ਕਈਂ ਸਰਕਾਰਾਂ ਦੁਆਰਾ ਲੋਕਾਂ ਲਈ ਨਵੇਂ ਨਿਯਮ ਬਣਾਏ ਗਏ ਹਨ।
ਹੁਸ਼ਿਆਰਪੁਰ ਪੁਲਿਸ ਵੱਲੋਂ 15 ਅਪ੍ਰੈਲ ਨੂੰ ਆਪਣੇ ਫੇਸਬੁੱਕ ਪੇਜ ਉੱਤੇ ਇੱਕ ਵੀਡੀਓ ਜਾਰੀ ਕੀਤੀ ਗਈ ਸੀ।
ਉਸ ਵੀਡੀਓ ਵਿੱਚ ਹਾਜੀ ਕਾਸਿਮ ਦੀਨ ਬਲਾਕ ਹਾਜੀਪੁਰ ਨਾਂਅ ਦਾ ਇੱਕ ਵਿਅਕਤੀ ਹੈ।
ਉਹ ਖ਼ੁਦ ਗੁੱਜਰ ਮੁਸਲਿਮ ਭਾਈਚਾਰੇ ਨਾਲ ਸਬੰਧਿਤ ਦੱਸਦਾ ਹੈ ਅਤੇ ਕਹਿੰਦਾ ਹੈ ਕਿ ਉਨ੍ਹਾਂ ਦੇ ਦੁੱਧ ਦੀ ਵਿਕਰੀ ਦਾ ਪ੍ਰਬੰਧ ਪੁਲਿਸ ਵੱਲੋਂ ਕੀਤਾ ਗਿਆ ਹੈ। ਕਰਫਿਊ ਤੋਂ ਬਾਅਦ ਇੱਕ ਵਾਇਰਲ ਵੀਡੀਓ ਕਾਰਨ ਗੁੱਜਰ ਸਮਾਜ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ ਸੀ।
ਯੂਐਸ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਚੀਨ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਜੇ ਉਹ ਜਾਣਬੁੱਝ ਕੇ ਕੋਰੋਨਾ ਮਹਾਂਮਾਰੀ ਲਈ ਜ਼ਿੰਮੇਵਾਰ ਹੈ, ਤਾਂ ਨਤੀਜੇ ਭੁਗਤਣੇ ਪੈਣਗੇ।
ਉੱਧਰ ਆਸਟ੍ਰੇਲੀਆ ਦੇ ਵਿਦੇਸ਼ ਮੰਤਰੀ ਮਾਰੀਜ ਪਾਅਨੇ ਕਿਹਾ ਹੈ ਕਿ ਕੋਰੋਨਾ ਵਾਇਰਸ ਦੇ ਗਲੋਬਲ ਇਨਫੈਕਸ਼ਨ ਦੀ ਸੁਤੰਤਰ ਜਾਂਚ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਜਾਂਚ ਵਿੱਚ ਵਿਸ਼ਵ ਸਿਹਤ ਸੰਗਠਨ ਦੀ ਭੂਮਿਕਾ ਦੀ ਵੀ ਜਾਂਚ ਹੋਣੀ ਚਾਹੀਦੀ ਹੈ।
ਅਸਟ੍ਰੇਲੀਆਈ ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਉਹ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਗੱਲਬਾਤ ਨਾਲ ਸਹਿਮਤ ਹੈ ਕਿ ਇਸ ਸਾਰੇ ਸੰਕਟ ਵਿੱਚ ਕੂਪ੍ਰਬੰਧਨ ਦਿਖਦਾ ਹੈ ਅਤੇ ਪੂਰੇ ਮਾਮਲੇ ਵਿੱਚ ਚੀਨ ਨੇ ਕੋਈ ਪਾਰਦਰਸ਼ਤਾ ਨਹੀਂ ਵਰਤੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਮਹਾਂਮਾਰੀ ਤੋਂ ਬਾਅਦ ਆਸਟ੍ਰੇਲੀਆ ਦੇ ਚੀਨ ਨਾਲ ਸਬੰਧ ਬਦਲ ਜਾਣਗੇ।
ਇਸ ਤੋਂ ਪਹਿਲਾਂ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਚੀਨ ‘ਤੇ ਸਵਾਲ ਚੁੱਕੇ ਸਨ ਅਤੇ ਕਿਹਾ ਸੀ ਕਿ ਚੀਨ ਨੇ ਕੋਰੋਨਾ ਦਾ ਸਹੀ ਪ੍ਰਬੰਧ ਨਹੀਂ ਕੀਤਾ। ਮੈਕਰੌਨ ਨੇ ਚੀਨ ਦੀ ਪਾਰਦਰਸ਼ਤਾ ਬਾਰੇ ਵੀ ਸਵਾਲ ਖੜੇ ਕੀਤੇ।
ਪੀਜੀਆਈ ਮੁਲਾਜ਼ਮ ਜੋ 17 ਅਪ੍ਰੈਲ ਨੂੰ ਪੌਜ਼ਿਟਿਵ ਪਾਇਆ ਗਿਆ ਸੀ ਤੇ 4 ਪਰਿਵਾਰਕ ਮੈਂਬਰ ਵੀ ਪੌਜ਼ਿਟਿਵ ਪਾਏ ਗਏ ਹਨ।
ਮੁਹਾਲੀ ਦੇ ਡੀਸੀ ਮੁਤਾਬਕ ਪੌਜ਼ਿਟਿਵ ਪਾਏ ਗਏ 4 ਵਿਅਕਤੀਆਂ ਵਿਚ ਇੱਕ ਮਹੀਨੇ ਦਾ ਬੱਚਾ ਵੀ ਸ਼ਾਮਲ ਹੈ।
ਇਹ ਪਰਿਵਾਰ ਨਯਾ ਗਰਾਉਂ ਦਾ ਰਹਿਣ ਵਾਲਾ ਹੈ।
ਕੋਵਿਡ-19 ਹਾਲਾਂਕਿ ਸਾਲ 2019 ਦੇ ਅਖ਼ੀਰ ਵਿੱਚ ਹੀ ਸਾਹਮਣੇ ਆਇਆ ਸੀ ਪਰ ਹੁਣ ਤੱਕ ਇਹ ਸਪਸ਼ਟ ਹੋ ਚੁੱਕਿਆ ਹੈ ਕਿ ਕੁਝ ਮਰੀਜ਼ਾਂ ਨੂੰ ਪੂਰੀ ਤਰ੍ਹਾਂ ਠੀਕ ਹੋਣ ਵਿੱਚ ਕਾਫ਼ੀ ਲੰਬਾ ਸਮਾਂ ਲੱਗ ਸਕਦਾ ਹੈ।
ਕੋਰੋਨਾਵਾਇਰਸ ਬਾਰੇ ਵੀ ਕਈ ਹਾਲਾਤ ਹਨ ਜਿਨ੍ਹਾਂ ਉੱਤੇ ਮਰੀਜ਼ ਦਾ ਠੀਕ ਹੋਣਾ ਨਿਰਭਰ ਕਰਦਾ ਹੈ।
ਜਾਣੋ ਕੀ ਹਨ ਉਹ ਹਾਲਾਤ ਇਸ ਰਿਪੋਰਟ ਵਿੱਚ।
ਲੁਧਿਆਣਾ ਤੋਂ ਅਮਰੀਕੀ ਨਾਗਰਿਕਾਂ ਦੇ 300 ਲੋਕਾਂ ਦਾ ਸਮੂਹ ਸਪੈਸ਼ਲ ਫਲਾਈਟ ਅਮਰੀਕਾ ਲਈ ਰਵਾਨਾ ਹੋਇਆ ਹੈ। ਸ਼ਨੀਵਾਰ ਨੂੰ ਰਵਾਨਾ ਹੋਏ ਇਨ੍ਹਾਂ ਲੋਕਾਂ ਦੇ ਜਾਣ ਦਾ ਪ੍ਰਬੰਧ ਅਮਰੀਕੀ ਸਫਾਰਤਖ਼ਾਨੇ ਵੱਲੋਂ ਕੀਤਾ ਗਿਆ ਸੀ।
ਚੀਨ ਦੇ ਨੈਸ਼ਨਲ ਹੈਲਥ ਕਮਿਸ਼ਨ ਨੇ ਕਿਹਾ ਹੈ ਕਿ 18 ਅਪ੍ਰੈਲ ਨੂੰ ਕੋਰਨਾਵਾਇਰਸ ਨਾਲ 16 ਨਵੇਂ ਮਾਮਲੇ ਮਿਲੇ ਹਨ ਅਤੇ ਇਹ ਮਾਰਚ 17 ਤੋਂ ਬਾਅਦ ਸਭ ਤੋਂ ਘੱਟ ਨਵੇਂ ਮਾਮਲੇ ਸਾਹਮਣੇ ਆਏ ਹਨ।
17 ਅਪ੍ਰੈਲ ਨੂੰ 27 ਨਵੇਂ ਮਾਮਲੇ ਸਾਹਮਣੇ ਆਏ ਸਨ, ਚੀਨ ਵਿੱਚ ਕੋਰੋਨਾਵਾਇਰਸ ਦੀ ਲਾਗ ਦੇ ਕੁੱਲ ਮਾਮਲੇ 82,735 ਹੋ ਗਏ ਹਨ ਤੇ ਇਸ ਨਾਲ ਹੁਣ ਤੱਕ ਮਰਨ ਵਾਲਿਆਂ ਦੀ ਕੁੱਲ ਗਿਣਤੀ 4,632 ਹੋ ਗਈ ਹੈ।
ਵ੍ਹਾਈਟ ਹਾਊਸ ਵਿੱਚ ਪ੍ਰੈੱਸ ਬ੍ਰਿਫਿੰਗ ਦੌਰਾਨ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਪੱਤਰਕਾਰਾਂ ਨੂੰ ਕਿਹਾ ਹੈ ਕਿ ਕੋਰੋਨਾਵਾਇਰਸ ਨੂੰ ਚੀਨ ਵਿੱਚ ਸ਼ੁਰੂ ਹੋਣ ਤੋਂ ਪਹਿਲਾਂ ਰੋਕਿਆ ਜਾ ਸਕਦਾ ਸੀ ਪਰ ਅਜਿਹਾ ਨਹੀਂ ਹੋਇਆ ਅਤੇ ਹੁਣ ਪੂਰੀਆਂ ਦੁਨੀਆਂ ਨੂੰ ਭੁਗਤਣਾ ਪੈ ਰਿਹਾ ਹੈ।
ਇੱਕ ਸਵਾਲ ਦੇ ਜਵਾਬ ਵਿੱਚ ਟਰੰਪ ਨੇ ਕਿਹਾ, "ਜੇਕਰ ਉਨ੍ਹਾਂ (ਚੀਨ) ਨੇ ਜਾਣਬੁੱਝ ਕੇ ਕੁਝ ਕੀਤਾ ਹੈ ਤਾਂ ਜ਼ਰੂਰ ਇਸ ਦੇ ਨਤੀਜੇ ਭੁਗਤਣੇ ਪੈਣਗੇ। ਜੇ ਭੁੱਲ ਹੋਈ ਹੈ ਤਾਂ ਭੁੱਲ ਤਾਂ ਭੁੱਲ ਹੀ ਹੁੰਦੀ ਹੈ ਪਰ ਜੇ ਜਾਣਬੁੱਝ ਕੇ ਕੀਤਾ ਹੈ ਤਾਂ ਇਸ ਦੇ ਨਤੀਜੇ ਭੁਗਤਣੇ ਪੈਣਗੇ।"
ਸੋਸ਼ਲ ਮੀਡੀਆ ਅਤੇ ਵਟਸਐਪ 'ਤੇ ਬਹੁਤ ਸਾਰੇ ਮੈਸੇਜ ਇਸ ਦਾਅਵੇ ਨਾਲ ਸਾਂਝੇ ਕੀਤੇ ਜਾ ਰਹੇ ਹਨ ਕਿ ਏਸੀ ਤੋਂ ਕੋਰੋਨਾਵਾਇਰਸ ਦੀ ਲਾਗ ਫੈਲਣ ਦਾ ਜੋਖ਼ਮ ਵੱਧ ਜਾਂਦਾ ਹੈ।
ਇਨ੍ਹਾਂ ਮੈਸੇਜਾਂ ਨਾਲ ਲੋਕਾਂ ਦੇ ਮਨਾਂ ਵਿੱਚ ਏਸੀ ਬਾਰੇ ਅਸ਼ੰਕਾ ਪੈਦਾ ਹੋ ਗਈ ਹੈ। ਪਰ ਕੀ ਸੱਚਮੁੱਚ ਅਜਿਹਾ ਹੈ? ਜਾਣਨ ਲਈ ਪੂਰੀ ਖ਼ਬਰ ਪੜ੍ਹੋ
ਕੋਰੋਨਾਵਾਇਰਸ ਮਹਾਂਮਾਰੀ ਨਾਲ ਲੜਨ ਵਾਲੇ ਫਰੰਟ ਲਾਈਨ ਸਿਹਤ ਕਰਮੀਆਂ ਨੂੰ ਸਲਾਮ ਕਰਨ ਲਈ ਦੁਨੀਆਂ ਦੇ 100 ਪ੍ਰਸਿੱਧ ਗਾਇਕਾਂ ਨੇ ਮਿਲ ਕੇ ਸ਼ਨਿੱਚਰਵਾਰ ਨੂੰ ਇੱਕ ਔਨਲਾਈਨ ਸਮਾਗਮ ਕੀਤਾ।
ਸ਼ਨਿੱਚਰਵਾਰ ਨੂੰ ਇੰਟਰਨੈੱਟ ’ਤੇ ਪ੍ਰਸਾਰਿਤ ਹੋਏ ਇਸ ਪ੍ਰੋਗਰਾਮ "ਵਨ ਵਰਲਡ-ਟੂਗੈਥਰ ਅੱਟ ਹੋਮ” ਵਿੱਚ ਇਨ੍ਹਾਂ ਗਾਇਕਾਂ ਨੇ ਆਪਣੇ-ਆਪਣੇ ਘਰੋਂ ਹੀ ਕੌਨਸਰਟ ਵਿੱਚ ਸ਼ਮੂਲੀਅਤ ਦਰਜ ਕਰਵਾਈ।
ਇਸ ਪ੍ਰੋਗਰਾਮ ਦਾ ਸਿੱਧਾ ਪ੍ਰਸਾਰਣ ਅਮੇਜ਼ਨ ਪ੍ਰਾਈਮ ਵੀਡੀਓ, ਫੇਸਬੁੱਕ, ਟਵਿੱਟਰ ਹੈਂਡਲ, ਇੰਸਟਾਗਰਾਮ, ਟਵਿੱਚ ਅਤੇ ਯੂਟਿਊਬ ਸਣੇ ਐਪਲ, ਮਿਊਜ਼ਿਕ ਤੇ ਐਪਲ ਟੀਵੀ ’ਤੇ ਵੀ ਕੀਤਾ ਗਿਆ।
ਇਹ ਪ੍ਰੋਗਰਾਮ ਕੋਰੋਨਾਵਾਇਰਸ ਨਾਲ ਨਜਿੱਠਣ ਲਈ ਵਿਸ਼ਵ ਸਿਹਤ ਸੰਗਠਨ ਦੀ ਆਰਥਿਕ ਮਦਦ ਦੇ ਉਦੇਸ਼ ਨਾਲ ਕੀਤਾ ਗਿਆ ਸੀ।
ਲੇਡੀ ਨਾਲ ਮਿਲ ਕੇ ਗਲੋਬਲ ਸਿਟੀਜ਼ਨ ਅਤੇ ਵਿਸ਼ਵ ਸਿਹਤ ਸੰਗਠਨ ਨੇ ਇਸ 8 ਘੰਟੇ ਦੇ ਪ੍ਰੋਗਰਾਮ ਦਾ ਪ੍ਰਬੰਧ ਕੀਤਾ ਸੀ।
ਲੇਡੀ ਗਾਗਾ ਨੇ ਕਿਹਾ ਕਿ ਇਹ ਪ੍ਰੋਗਰਾਮ ਕੇਵਲ ਫੰਡ ਇਕੱਠਾ ਕਰਨ ਲਈ ਹੀ ਨਹੀਂ ਕੀਤਾ ਜਾ ਰਿਹਾ ਬਲਕਿ ਇਸ ਦਾ ਉਦੇਸ਼ ਇਹ ਸੰਦੇਸ਼ ਪਹੁੰਚਾਉਣਾ ਵੀ ਹੈ ਕਿ ਇਸ ਸੰਕਟ ਦੀ ਘੜੀ ਵਿੱਚ ਸਾਡੇ ਸਿਹਤ ਕਰਮੀਆਂ ਦੇ ਕੰਮ ਦਾ ਪੂਰੀ ਦੁਨੀਆਂ ਸਤਿਕਾਰ ਕਰਦੀ ਹੈ।
ਇਸ ਵਿੱਚ ਕਲਾਕਾਰ ਜਮੀਲਾ ਜਮੀਲ, ਅਮਰੀਕਾ ਦੇ ਗਾਇਕ ਐਂਡਰਾ ਡੇ, ਭਾਰਤੀ ਗਾਇਕ ਵਿਸ਼ਾਲ ਮਿਸ਼ਰਾ, ਪਿਊਟਰੋ ਰਿਕੋ ਗਾਇਕ ਲੂਈ ਫੌਨਸੀ ਕਈ ਪ੍ਰਸਿੱਧ ਹਸਤੀਆਂ ਨਾਲ ਸ਼ਿਰਕਤ ਕੀਤੀ।
ਵ੍ਹਾਈਟ ਹਾਊਸ ਵਿੱਚ ਕੋਰੋਨਾਵਾਇਰਸ ਦੀ ਮਹਾਂਮਾਰੀ ਬਾਰੇ ਹੋਣ ਵਾਲੀ ਰੋਜ਼ਾਨਾ ਦੀ ਪ੍ਰੈਸ ਕਾਨਫਰੰਸ ਵਿੱਚ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਕਿਹਾ ਹੈ ਕਿ ਕੋਰੋਨਾ ਨਾਲ ਹੋਣ ਵਾਲੀਆਂ ਮੌਤਾਂ ਦੀ ਦਰ, ਅਮਰੀਕਾ ਵਿੱਚ ਯੂਰਪ ਤੋਂ ਵੀ ਘੱਟ ਹੈ।
ਟਰੰਪ ਨੇ ਕਿਹਾ, “ਬ੍ਰਿਟੇਨ, ਸਵਿੱਟਜ਼ਰਲੈਂਡ, ਬੈਲਜੀਅਮ ਅਤੇ ਫਰਾਂਸ ਦੀ ਤੁਲਨਾ ਵਿੱਚ ਅਮਰੀਕਾ ਵਿੱਚ ਕੋਰੋਨਾ ਨਾਲ ਹੋਈ ਮੌਤ ਦੀ ਦਰ ਘੱਟ ਹੈ। ਸਪੇਨ ਦੀ ਮੌਤ ਦਰ ਤਾਂ ਅਮਰੀਕਾ ਤੋਂ ਚਾਰ ਗੁਣਾ ਵੱਧ ਹੈ। ਕੋਰੋਨਾ ਨਾਲ ਮੌਤਾਂ ਦੇ ਮਾਮਲੇ ਵਿੱਚ ਅਮਰੀਕਾ ਨਹੀਂ ਚੀਨ ਨੰਬਰ ਵਨ ਹੈ। ਅਸੀਂ ਤਾਂ ਉਸ ਦੇ ਆਲੇ-ਦੁਆਲੇ ਵੀ ਨਹੀਂ ਹਾਂ। ਤੁਸੀਂ ਜਾਣਦੇ ਹੋ, ਮੈਂ ਵੀ ਜਾਣਦਾ ਹਾਂ ਅਤੇ ਉਨ੍ਹਾਂ ਨੂੰ ਵੀ ਪਤਾ ਹੈ।”
ਕੋਰਨਾਵਾਇਰਸ ਦੇ ਬੀਬੀਸੀ ਪੰਜਾਬੀ ਦੇ ਲਾਈਵ ਪੇਜ ਵਿੱਚ ਤੁਹਾਡਾ ਸਵਾਗਤ ਹੈ। ਅਸੀਂ ਤੁਹਾਨੂੰ ਇਸ ਲਾਈਵ ਪੇਜ ਜ਼ਰੀਏ ਦੇਸ-ਦੁਨੀਆਂ ਦੀ ਹਰ ਅਪਡੇਟ ਦੇਵਾਂਗੇ।
ਬੀਤੇ 24 ਘੰਟਿਆਂ ਦੀ ਅਪਡੇਟ ਲਈ ਤੁਸੀਂ ਇੱਥੇ ਕਲਿੱਕ ਕਰ ਸਕਦੇ ਹੋ।
ਕੋਰੋਨਾਵਾਇਰਸ ਹੁਣ ਤੱਕ ਪੂਰੀ ਦੁਨੀਆਂ ਵਿੱਚ 450 ਕਰੋੜ ਲੋਕ ਪਾਬੰਦੀਆਂ ਵਿੱਚ ਰਹਿ ਰਹੇ ਹਨ ਜਦਕਿ 1.5 ਲੱਖ ਤੋਂ ਵੱਧ ਮੌਤਾਂ ਹੋ ਚੁੱਕੀਆਂ ਹਨ।
ਪੰਜਾਬ ਵਿੱਚ ਕੋੋਰੋਨਾਵਾਇਰਸ ਦੇ ਕੇਸਾਂ ਦਾ ਗਿਣਤੀ 219 ਹੋ ਗਈ ਹੈ ਜਦਕਿ 15 ਮੌਤਾਂ ਹੋ ਚੁੱਕੀਆਂ ਹਨ।
ਭਾਰਤ ਵਿੱਚ ਕੋਰੋਨਵਾਇਰਸ ਦੇ ਮਾਮਲੇ 15 ਹਜ਼ਾਰ ਤੋਂ ਪਾਰ ਹੋ ਗਏ ਹਨ ਜਦਕਿ 480 ਤੋਂ ਵੱਧ ਮੌਤਾਂ ਹੋ ਚੁੱਕੀਆਂ ਹਨ।
ਸਿਹਤਕਰਮੀਆਂ ਦੇ ਸਨਮਾਨ ਵਿੱਚ 100 ਤੋਂ ਵੱਧ ਕਲਾਕਾਰਾਂ ਨੇ ਇਕੱਠੇ ਹੋ ਕੇ ਪਰਫੌਰਮ ਕੀਤਾ।
ਕੈਨੇਡਾ ਤੇ ਅਮਰੀਕਾ ਦੀ ਸਰਹੱਦ ਗ਼ੈਰ-ਜ਼ਰੂਰੀ ਯਾਤਰਾ ਲਈ ਹੋਰ 30 ਦਿਨਾਂ ਲਈ ਬੰਦ ਰਹੇਗੀ।
ਅਮਰੀਕਾ ਦੇ ਕਈ ਹਿੱਸਿਆਂ ਵਿੱਚ ਲੌਕਡਾਊਨ ਖ਼ਤਮ ਕਰਨ ਲਈ ਮੁਜ਼ਾਹਰੇ ਕੀਤੇ ਜਾ ਰਹੇ ਹਨ।
ਓਡੀਸ਼ਾ ਦੀ ਰਾਜਧਾਨੀ ਭੁਵਨੇਸ਼ਵਰ ਵਿੱਚ ਅੱਜ ਤੋਂ ਕੋਰੋਨਾਵਾਇਰਸ ਲਈ ਰੈਪਿਡ ਬੌਡੀ ਟੈਸਟ ਨੂੰ ਸ਼ੁਰੂ ਕਰ ਦਿੱਤਾ ਗਿਆ ਹੈ।
ਕੇਰਲ ਵਿੱਚ 20 ਅਪ੍ਰੈਲ ਤੋਂ ਆਡ-ਈਵਨ ਸਕੀਮ ਤਹਿਤ ਗੱਡੀਆਂ ਚਲਾਈਆਂ ਜਾਣਗੀਆਂ