ਲੋਕ ਸਭਾ ਚੋਣਾਂ 2024: ਪੰਜਾਬ ਵਿੱਚ ਰਾਹੁਲ ਗਾਂਧੀ, 'ਗੂਰੂ ਨਾਨਕ ਦੇਵ ਦੀ ਸੋਚ ਨੇ ਹੀ ਸੰਵਿਧਾਨ ਦੀ ਨੀਂਹ ਰੱਖੀ ਹੈ’

ਭਾਰਤੀ ਸੰਸਦ ਦੇ ਹੇਠਲੇ ਸਦਨ ਲੋਕ ਸਭਾ ਦੀਆਂ ਆਮ ਚੋਣਾਂ ਚੱਲ ਰਹੀਆਂ ਹਨ। ਪੋਲਿੰਗ ਦਾ ਅੱਜ ਛੇਵਾਂ ਗੇੜ ਹੈ ਜਿਸ ਤਹਿਤ ਦਿੱਲੀ ਦੀਆਂ 7 ਅਤੇ ਹਰਿਆਣਾ ਦੀਆਂ 10 ਸੀਟਾਂ ਸਣੇ ਕੁੱਲ 58 ਸੀਟਾਂ ਉੱਤੇ ਪੋਲਿੰਗ ਹੋਈ ਹੈ।

ਸਾਰ

  • ਲੋਕ ਸਭਾ ਚੋਣਾਂ ਦੇ ਛੇਵੇਂ ਗੇੜ ਲਈ ਸ਼ਨੀਵਾਰ ਨੂੰ ਇੱਕ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਸਣੇ 8 ਸੂਬਿਆਂ ਦੀਆਂ 58 ਸੀਟਾਂ ਉੱਤੇ ਵੋਟਿੰਗ ਹੋ ਰਹੀ ਹੈ
  • ਦਿੱਲੀ ਦੀਆਂ ਸਾਰੀਆਂ 7 ਅਤੇ ਹਰਿਆਣਾ ਦੀਆਂ 10 ਸੀਟਾਂ ਉੱਤੇ ਵੋਟਿੰਗ ਹੋ ਰਹੀ ਹੈ।
  • ਇਸ ਤੋਂ ਇਲ਼ਾਵਾ ਬਿਹਾਰ ਦੀਆਂ 8, ਜੰਮੂ ਅਤੇ ਕਸ਼ਮੀਰ ਦੀ ਇੱਕ ਸੀਟ, ਝਾਰਖੰਡ ਦੀਆਂ 4, ਉੱਤਰ ਪ੍ਰਦੇਸ਼ ਦੀਆਂ 14 ਅਤੇ ਪੱਛਮੀ ਬੰਗਾਲ ਦੀਆਂ 8 ਸੀਟਾਂ ਉੱਤੇ ਵੋਟਿੰਗ ਹੋ ਰਹੀ ਹੈ।
  • ਜਿਹੜੇ ਚਰਚਿਤ ਚਿਹਰਿਆਂ ਦੀ ਕਿਸਮਤ ਈਵੀਐੱਮ ਵਿੱਚ ਬੰਦ ਹੋ ਰਹੀ ਹੈ, ਉਨ੍ਹਾਂ ਵਿੱਚ ਸੰਬਿਤ ਪਾਤਰਾ, ਧਰਮਿੰਦਰ ਪ੍ਰਧਾਨ, ਮਹਿਬੂਬਾ ਮੁਫ਼ਤੀ, ਕਨੱਈਆ ਕੁਮਾਰ, ਮੇਨਕਾ ਗਾਂਧੀ ਅਤੇ ਮਨੋਹਰ ਲਾਲ ਖੱਟਰ ਦਾ ਨਾਂ ਸ਼ਾਮਲ ਹੈ।
  • ਪੰਜਾਬ ਵਿੱਚ ਜਿੱਥੇ 01 ਜੂਨ ਨੂੰ ਪੋਲਿੰਗ ਹੋਣੀ ਹੈ ਉੱਥੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਣੇ ਸਾਰੀਆਂ ਪਾਰਟੀਆਂ ਦੇ ਵੱਡੇ ਚਿਹਰੇ ਪ੍ਰਚਾਰ ਲਈ ਡਟੇ ਹੋਏ ਹਨ।

ਲਾਈਵ ਕਵਰੇਜ

ਜਸਪਾਲ ਸਿੰਘ, ਰਾਜਵੀਰ ਕੌਰ, ਗੁਰਜੋਤ ਸਿੰਘ

  1. ਲੋਕ ਸਭਾ ਚੋਣਾਂ 2024 ਦੀ 6ਵੀਂ ਗੇੜ ਦੀਆਂ ਚੋਣਾਂ ਲਈ ਵੋਟਿੰਗ ਦੀ ਕਵਰੇਜ ਦੇ ਇਸ ਲਾਈਵ ਪੇਜ ਨੂੰ ਅਸੀਂ ਇੱਥੇ ਹੀ ਸਮਾਪਤ ਕਰ ਰਹੇ ਹਾਂ। ਬੀਬੀਸੀ ਪੰਜਾਬੀ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ। ਪੇਸ਼ ਹਨ ਅੱਜ ਦੇ ਅਹਿਮ ਘਟਨਾਕ੍ਰਮ:

    ਲੋਕ ਸਭਾ ਚੋਣਾਂ ਦੀ ਛੇਵੇਂ ਗੇੜ ਲਈ 25 ਮਈ ਨੂੰ ਇੱਕ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਸਣੇ 8 ਸੂਬਿਆਂ ਦੀਆਂ 58 ਸੀਟਾਂ ਉੱਤੇ ਵੋਟਿੰਗ ਹੋਈ।

    ਦਿੱਲੀ ਦੀਆਂ ਸਾਰੀਆਂ 7 ਅਤੇ ਹਰਿਆਣਾ ਦੀਆਂ 10 ਸੀਟਾਂ ਉੱਤੇ ਵੋਟਿੰਗ ਹੋਈ ਹੈ।

    ਰਾਹੁਲ ਗਾਂਧੀ ਨੇ ਅੰਮ੍ਰਿਤਸਰ ਵਿੱਚ ਇੱਕ ਰੈਲੀ ਨੂੰ ਸੰਬੋਧਿਤ ਕੀਤਾ ਤੇ ਕਿਸਾਨਾਂ ਬਾਰੇ ਕਈ ਵਾਅਦੇ ਕੀਤੇ।

    ਪੰਜਾਬ ਵਿੱਚ ਜਿੱਥੇ 01 ਜੂਨ ਨੂੰ ਪੋਲਿੰਗ ਹੋਣੀ ਹੈ ਉੱਥੇ ਪ੍ਰਚਾਰ ਮੁਹਿੰਮ ਜ਼ੋਰਾਂ ਉੱਤੇ ਚੱਲ ਰਹੀ ਹੈ।

  2. 'ਗੂਰੂ ਨਾਨਕ ਦੇਵ ਦੀ ਸੋਚ ਨੇ ਹੀ ਸੰਵਿਧਾਨ ਦੀ ਨੀਂਹ ਰੱਖੀ'- ਰਾਹੁਲ ਗਾਂਧੀ

    ਰਾਹੁਲ ਗਾਂਧੀ

    ਤਸਵੀਰ ਸਰੋਤ, Rahul Gandhi/FB

    ਤਸਵੀਰ ਕੈਪਸ਼ਨ, ਰਾਹੁਲ ਗਾਂਧੀ ਨੇ ਅੰਮ੍ਰਿਤਸਰ ਵਿੱਚ ਰੈਲੀ ਨੂੰ ਸੰਬੋਧਿਤ ਕੀਤਾ

    ਅੰਮ੍ਰਿਤਸਰ ਵਿੱਚ ਇੱਕ ਰੈਲੀ ਨੂੰ ਸੰਬੋਧਿਤ ਕਰਦਿਆਂ ਰਾਹੁਲ ਗਾਂਧੀ ਨੇ ਲੋਕਾਂ ਨੂੰ ਪੁੱਛਿਆ ਕਿ ਪੰਜਾਬ ਦਾ ਮੂਡ ਕਿਸ ਤਰ੍ਹਾਂ ਦਾ ਹੈ? ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਪੰਜਾਬੀ ਹੀ ਦੇਸ਼ ਦਾ ਮੂਡ ਬਣਾਉਂਦੇ ਹਨ।

    ਰਾਹੁਲ ਗਾਂਧੀ ਪੰਜਾਬੀ ਦੀ ਸਿਆਸੀ ਸੁਰ ਬਾਰੇ ਗੱਲ ਕਰ ਰਹੇ ਸਨ।

    ਉਨ੍ਹਾਂ ਕਿਹਾ,“ਇਸ ਵਾਰ ਕੋਈ ਆਮ ਚੋਣਾਂ ਨਹੀਂ ਹਨ। ਆਜ਼ਾਦ ਭਾਰਤ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਹੈ ਕਿ ਸੰਵਿਧਾਨ ਬਚਾਉਣ ਦੀ ਲੜਾਈ ਹੈ।”

    ਉਨ੍ਹਾਂ ਕਿਹਾ, “ਦੇਸ਼ ਦਾ ਸੰਵਿਧਾਨ 70-80 ਸਾਲ ਪੁਰਾਣਾ ਹੋ ਸਕਦਾ ਹੈ ਪਰ ਇਸ ਦੀ ਸੋਚ ਉਸ ਤੋਂ ਵੀ ਬਹੁਤ ਪੁਰਾਣੀ ਹੈ।”

    ਰਾਹੁਲ ਗਾਂਧੀ ਨੇ ਸਿੱਖਾਂ ਦੇ ਪਹਿਲੇ ਗੁਰੂ ਨਾਨਕ ਦੇਵ ਬਾਰੇ ਗੱਲ ਕਰਿਦਆਂ ਕਿਹਾ ਕਿ, “ਜੇ ਕਹਾਂ ਤਾਂ ਗੁਰੂ ਨਾਨਕ ਦੀ ਸੋਚ ਨੇ ਹੀ ਇਸ ਸੰਵਿਧਾਨ ਦੀ ਨੀਂਹ ਰੱਖੀ ਹੈ।”

    ਸੰਵਿਧਾਨ ਦੀ ਕਾਪੀ ਹੱਥ ਵਿੱਚ ਫੜ੍ਹ ਕੇ ਰਾਹੁਲ ਗਾਂਧੀ ਨੇ ਕਿਹਾ, “ਦੇਸ਼ ਦੇ ਸਾਰੇ ਮਹਾਂਪੁਰਸ਼ਾਂ ਦੀ ਸੋਚ ਇਸ ਕਿਤਾਬ ਵਿੱਚ ਹੈ। ਕਾਂਗਰਸ ਪਾਰਟੀ ਇਸ ਸੰਵਿਧਾਨ ਦੀ ਸੁਰੱਖਿਆ ਕਰਨਾ ਚਾਹੁੰਦੀ ਹੈ।”

    ਕਿਸਾਨਾਂ ਨਾਲ ਰਾਹੁਲ ਗਾਂਧੀ ਨੇ ਕੁਝ ਵਾਅਦੇ ਕੀਤੇ ਜਿਵੇਂ ਕਿ ਉਨ੍ਹਾਂ ਕਿਹਾ:

    • ਜਿਵੇਂ ਯੂਪੀਏ ਸਰਕਾਰ ਨੇ ਕਿਸਾਨਾਂ ਦਾ ਕਰਜ਼ਾ ਮੁਆਫ਼ ਕੀਤਾ ਸੀ ਇਸੇ ਤਰ੍ਹਾਂ ਕਾਂਗਰਸ ਦੀ ਸਰਕਾਰ ਕਿਸਾਨਾਂ ਦਾ ਕਰਜ਼ਾ ਮੁਆਫ਼ ਕਰੇਗੀ।
    • ਇਹ ਸਿਰਫ਼ ਇੱਕ ਵਾਰ ਨਹੀਂ ਹੋਵੇਗਾ ਅਸੀਂ ਗਰੁੱਪ ਬਣਾਵਾਂਗੇ ਜੋ ਕਿਸਾਨਾਂ ਦੀ ਆਰਥਿਕ ਦੀ ਹਾਲਤ ਦੀ ਸਥਿਤੀ ਬਾਰੇ ਜਾਇਜ਼ਾ ਲਵੇਗੀ।
    • ਅਸੀਂ ਵਾਰ-ਵਾਰ ਕਰਜ਼ਾ ਮੁਆਫ਼ ਕਰਨ ਨੂੰ ਤਿਆਰ ਹਾਂ। “ਅਸੀਂ ਗਾਰੰਟੀ ਨਾਲ ਕਾਨੂੰਨੀ ਐੱਮਐੱਸਪੀ ਦੇਵਾਂਗੇ।
    • ਤੀਜਾ ਕੰਮ ਅਸੀਂ ਬੀਮਾ ਦੇ ਪ੍ਰੋਗਰਾਮ ਨੂੰ ਦਰੁਸਤ ਕਰਾਂਗੇ ਅਤੇ ਕਿਸਾਨ ਦੇ ਅਨੁਕੂਲ ਬਣਾਵਾਂਗੇ ਅਤੇ 30 ਦਿਨਾਂ ਦੇ ਅੰਦਰ ਕਿਸਾਨਾਂ ਦੇ ਖਾਤੇ ਵਿੱਚ ਪੈਸਾ ਚਲੇ ਜਾਵੇਗਾ।“
  3. ਪੰਜ ਗੇੜ ਦੀਆਂ ਚੋਣਾਂ ਵਿੱਚ ਕਿੰਨੇ ਵੋਟਰਾਂ ਨੇ ਕੀਤੀ ਵੋਟ ਦੀ ਵਰਤੋਂ – ਚੋਣ ਕਮਿਸ਼ਨ ਵੱਲੋਂ ਅੰਕੜੇ ਜਾਰੀ

    ਚੋਣ ਕਮਿਸ਼ਨ ਨੇ ਸ਼ਨੀਵਾਰ ਨੂੰ ਪਹਿਲੇ ਪੰਜ ਗੇੜਾਂ ਵਿੱਚ ਪਈਆਂ ਵੋਟਾਂ ਦਾ ਡੇਟਾ ਜਾਰੀ ਕੀਤਾ ਹੈ।

    ਭਾਰਤੀ ਚੋਣ ਕਮਿਸ਼ਨ ਮੁਤਾਬਕ 50,72,97,288 ਵੋਟਰਾਂ ਨੇ ਪੰਜਵੇਂ ਗੇੜ ਦੀਆਂ ਚੋਣਾਂ ਤੱਕ ਆਪਣੇ ਵੋਟ ਪਾਉਣ ਦੇ ਅਧਿਕਾਰ ਦੀ ਵਰਤੋਂ ਕੀਤੀ ਹੈ।

    ਚੋਣ ਕਮਿਸ਼ਨ ਦੇ ਮੁਤਾਬਕ ਪੰਜਵੇਂ ਗੇੜ ਤੱਕ 62.20 ਫ਼ੀਸਦ ਮਤਦਾਨ ਹੋਇਆ ਹੈ।

    ਇਸ ਮੁਤਾਬਕ ਪੰਜਵੇਂ ਗੇੜ ਤੱਕ 76,40,80,377 ਲੋਕਾਂ ਕੋਲ ਵੋਟ ਪਾਉਣ ਦਾ ਅਧਿਕਾਰ ਸੀ ਜਿਨ੍ਹਾਂ ਵਿੱਚੋਂ 50,72,97,288 ਕਰੋੜ ਲੋਕਾਂ ਨੇ ਵੋਟ ਪਾਈ ਹੈ।

    ਪਹਿਲੇ ਅਤੇ ਪੰਜਵੇਂ ਗੇੜ ਤੱਕ ਮੁਲਕ ਦੀਆਂ 543 ਸੀਟਾਂ ਵਿੱਚੋਂ 428 ਉੱਤੇ ਵੋਟਿੰਗ ਪ੍ਰਕਿਰਿਆ ਪੂਰੀ ਹੋ ਚੁੱਕੀ ਹੈ। ਭਾਰਤ ਵਿੱਚ 18ਵੀਂ ਲੋਕ ਸਭਾ ਲਈ ਚੋਣਾਂ 19 ਅਪ੍ਰੈਲ਼ ਨੂੰ ਸ਼ੁਰੂ ਹੋਈਆਂ ਸਨ।

    ਜ਼ਿਕਰਯੋਗ ਹੈ ਕਿ ਚੋਣ ਕਮਿਸ਼ਨ ਨੇ 11 ਦਿਨਾਂ ਦੀ ਦੇਰੀ ਨਾਲ ਦੱਸਿਆ ਸੀ ਕਿ ਪਹਿਲੇ ਗੇੜ ਵਿੱਚ ਕਿੰਨੇ ਫ਼ੀਸਦ ਵੋਟਾਂ ਪਈਆਂ ਸਨ।

    ਅੰਕੜਿਆਂ ਵਿੱਚ ਦੇਰੀ ਕਾਰਨ ਵਿਰੋਧੀ ਧਿਰਾਂ ਨੇ ਸਵਾਲ ਚੁੱਕੇ ਸਨ।

    ਚੋਣ ਕਮਿਸ਼ਨ

    ਤਸਵੀਰ ਸਰੋਤ, Reuters

    ਤਸਵੀਰ ਕੈਪਸ਼ਨ, ਚੋਣ ਕਮਿਸ਼ਨ ਦੇ ਮੁਤਾਬਕ ਪੰਜਵੇਂ ਗੇੜ ਤੱਕ 62.20 ਫ਼ੀਸਦ ਵੋਟਿੰਗ ਹੋਈ ਹੈ
  4. 3 ਵਜੇ ਤੱਕ ਲਗਭਗ ਕਿੰਨੇ ਫ਼ੀਸਦ ਵੋਟਾਂ ਪਈਆਂ, ਪੱਛਮੀ ਬੰਗਾਲ ਸਭ ਤੋਂ ਅੱਗੇ

    ਭਾਰਤੀ ਚੋਣ ਕਮਿਸ਼ਨ ਦੇ ਅਧਿਕਾਰਤ ਵੋਟਰ ਟਰਨਾਊਟ ਐਪ ਉੱਤੇ ਮੌਜੂਦ ਅੰਕੜਿਆਂ ਮੁਤਾਬਕ ਅੰਕੜਿਆਂ ਮੁਤਾਬਕ 3 ਵਜੇ ਤੱਕ ਲਗਭਗ 49.20 ਫ਼ੀਸਦੀ ਵੋਟਾਂ ਪੈ ਚੁੱਕੀਆਂ ਹਨ

    ਬਿਹਾਰ - 45.21%

    ਹਰਿਆਣਾ - 46.26%

    ਜੰਮੂ ਕਸ਼ਮੀਰ - 44.41%

    ਝਾਰਖੰਡ - 54.34%

    ਦਿੱਲੀ - 44.58%

    ਓਡੀਸ਼ਾ - 48.44%

    ਉੱਤਰ ਪ੍ਰਦੇਸ਼ - 43.95%

    ਪੱਛਮੀ ਬੰਗਾਲ - 70.19%

    ਦਿੱਲੀ

    ਤਸਵੀਰ ਸਰੋਤ, Getty Images

    ਤਸਵੀਰ ਕੈਪਸ਼ਨ, ਦਿੱਲੀ ਦੇ ਵੋਟਰਜ਼ ਦੀ ਤਸਵੀਰ
  5. ਪੰਜਾਬ ਦੇ ਕਿਹੜੇ ਡੇਰੇ ਕਿੰਨੀਆਂ ਸੀਟਾਂ ਉੱਤੇ ਪਾ ਸਕਦੇ ਹਨ ਅਸਰ

    ਨਰਿੰਦਰ ਮੋਦੀ

    ਤਸਵੀਰ ਸਰੋਤ, Narender Modi/X

    ਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਗੁਰੂ ਰਵੀਦਾਸ ਦੇ ਜਨਮ ਦਿਹਾੜੇ ਤੋਂ ਇੱਕ ਦਿਨ ਪਹਿਲਾਂ 23 ਫ਼ਰਵਰੀ 2024 ਨੂੰ ਵਾਰਾਣਸੀ ਵਿੱਚ ਬੋਲਦਿਆ ਕਿਹਾ, “ਵਾਰਾਣਸੀਮਿੰਨੀ-ਪੰਜਾਬਬਣ ਗਿਆ ਜਾਪਦਾ ਹੈ।”

    ਇਸ ਤੋਂ ਪਹਿਲਾਂ 5 ਨਵੰਬਰ 2022 ਨੂੰ ਪ੍ਰਧਾਨ ਮੰਤਰੀ ਮੋਦੀ ਡੇਰਾ ‘ਰਾਧਾ ਸੁਆਮੀ ਸਤਸੰਗ ਬਿਆਸ’ ਪਹੁੰਚੇ ਸਨ। ਉਹਨਾਂ ਨੇ ਡੇਰਾ ਮੁਖੀ ਗੁਰਿੰਦਰ ਸਿੰਘ ਢਿੱਲੋਂ ਨਾਲ ਮੁਲਾਕਾਤ ਕੀਤੀ ਅਤੇ ਡੇਰੇ ਵਿੱਚ ਘੁੰਮ ਕੇ ਉੱਥੇ ਚੱਲ ਰਹੇ ਕਾਰਜਾਂ ਬਾਰੇ ਜਾਣਿਆ।

    ਸਾਲ 2024 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਪੰਜਾਬ ਅਤੇ ਹਰਿਆਣਾ ਦੇ ਕਈ ਡੇਰਿਆਂ ਨੂੰ ਵੱਡਾ ਵੋਟ ਬੈਂਕ ਮੰਨਿਆ ਜਾ ਰਿਹਾ ਹੈ।

    ਪੰਜਾਬ ਦੇ ਨਾਲ ਲੱਗਦੇ ਹਰਿਆਣਾ ਵਿੱਚ ਉਮਰ ਕੈਦ ਕੱਟ ਰਹੇ ਡੇਰਾ ਸੱਚਾ ਸੌਦਾ ਮੁਖੀ ਗੁਰਮੀਤ ਸਿੰਘ ਰਾਮ ਰਹੀਮ ਨੂੰ ਜਨਵਰੀ 2024 ਤੱਕ 9 ਵਾਰ ਪੈਰੋਲ ਦਿੱਤੀ ਗਈ ਹੈ।

    ਗੁਰਮੀਤ ਰਾਮ ਰਹੀਮ ਬਲਾਤਕਾਰ ਅਤੇ ਕਤਲ ਦੇ ਮਾਮਲੇ ਵਿੱਚ ਉਮਰ ਕੈਦ ਕੱਟ ਰਿਹਾ ਹੈ। Read Full Story :

  6. ਹੁੱਡਾ ਤੇ ਚੌਧਰੀ ਪਰਿਵਾਰਾਂ ਨੇ ਵੀ ਭੁਗਤਾਈਆਂ ਵੋਟਾਂ

    ਭੁਪਿੰਦਰ ਸਿੰਘ ਹੁੱਡਾ, ਕਾਂਗਰਸ, ਹਰਿਆਣਾ

    ਤਸਵੀਰ ਸਰੋਤ, Sat Singh

    ਰੋਹਤਕ ਵਿੱਚ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ਆਪਣੇ ਪੁੱਤਰ ਅਤੇ ਰੋਹਤਕ ਤੋਂ ਕਾਂਗਰਸ ਦੇ ਉਮੀਦਵਾਰ ਦੀਪੇਂਦਰ ਹੁੱਡਾ ਨਾਲ ਆਪਣੀ ਵੋਟ ਭੁਗਤਾਉਣ ਪਹੁੰਚੇ। ਇਸ ਮੌਕੇ ਭੁਪਿੰਦਰ ਹੁੱਡਾ ਦਾ ਪੂਰਾ ਪਰਿਵਾਰ ਉਨ੍ਹਾਂ ਦੇ ਨਾਲ ਸੀ।

    ਵਿਰੇਂਦਰ ਸਿੰਘ

    ਤਸਵੀਰ ਸਰੋਤ, Sat Singh

    ਚੌਧਰੀ ਵੀਰੇਂਦਰ ਸਿੰਘ ਅਤੇ ਮੌਜੂਦਾ ਸੰਸਦ ਮੈਂਬਰ ਬ੍ਰਿਜੇਂਦਰ ਸਿੰਘ ਨੇ ਜੀਂਦ ਵਿਚਲੇ ਆਪਣੇ ਜੱਦੀ ਪਿੰਡ ਡੂਮਰਖਾ ਕਲਾਂ ਵਿੱਚ ਆਪਣੀ ਵੋਟ ਭੁਗਤਾਈ।

  7. ਲੋਕ ਸਭਾ ਪੋਲਿੰਗ - 01 ਵਜੇ ਤੱਕ ਪੋਲਿੰਗ ਅੰਕੜਾ

    ਲੋਕ ਸਭਾ ਦੇ 6ਵੇਂ ਗੇੜ ਦੀ ਵੋਟਿੰਗ ਦੌਰਾਨ ਦੁਪਹਿਰ 01 ਵਜੇ ਤੱਕ ਪੋਲਿੰਗ ਅੰਕੜਾ

    ਬਿਹਾਰ- 36.48%

    ਹਰਿਆਣਾ- 36.48%

    ਜੰਮੂ ਤੇ ਕਸ਼ਮੀਰ- 35.22%

    ਝਾਰਖੰਡ - 42.54%

    ਦਿੱਲੀ- 34.37%

    ਓਡੀਸ਼ਾ- 35.69%

    ਉੱਤਰ ਪ੍ਰਦੇਸ਼ -37.23%

    ਪੱਛਮੀ ਬੰਗਾਲ- 54.80%

  8. ਅਰਵਿੰਦ ਕੇਜਰੀਵਾਲ ਦਾ ਫਵਾਦ ਚੌਧਰੀ ਨੂੰ ਕਰਾਰਾ ਜਵਾਬ

    ਅਰਵਿੰਦ ਕੇਜਰੀਵਾਲ

    ਤਸਵੀਰ ਸਰੋਤ, ANI

    ਦਿੱਲੀ ਦੇ ਮੁੱਖ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਨੇ ਪਾਕਿਸਤਾਨ ਦੇ ਸਾਬਕਾ ਕੇਂਦਰੀ ਮੰਤਰੀ ਫਵਾਦ ਚੌਧਰੀ ਨੂੰ ਤਾੜਨਾ ਕਰਦਿਆਂ ਉਨ੍ਹਾਂ ਦੀ ਫੋਟੋ ਟਵੀਟ ਕਰਨ ਉੱਤੇ ਤਿੱਖਾ ਪ੍ਰਤੀਕਰਮ ਦਿੱਤਾ ਹੈ.

    ਕੇਜਰੀਵਾਲ ਨੇ ਫਵਾਦ ਦੇ ਟਵੀਟ ਉੱਤੇ ਜਵਾਬ ਦਿੰਦਿਆਂ ਲਿਖਿਆ ਹੈ, ਚੌਧਰੀ ਸਾਹਿਬ, ਮੈਂ ਅਤੇ ਮੇਰੇ ਦੇਸ਼ ਦੇ ਲੋਕ ਆਪਣੇ ਮਸਲਿਆਂ ਨਾਲ ਨਿਪਟਣ ਦੇ ਪੂਰੀ ਤਰ੍ਹਾਂ ਸਮਰੱਥ ਹਨ। ਤੁਹਾਡੇ ਟਵੀਟ ਦੀ ਲੋੜ ਨਹੀਂ। ਇਸ ਵੇਲੇ ਪਾਕਿਸਤਾਨ ਦੇ ਹਾਲਾਤ ਬਹਤ ਖਰਾਬ ਹਨ, ਤੁਸੀਂ ਆਪਣੇ ਦੇਸ਼ ਨੂੰ ਸੰਭਾਲੋ।

    ਇਸ ਤੋਂ ਪਹਿਲਾ ਫਵਾਦ ਚੌਧਰੀ ਨੇ ਅਰਵਿੰਦ ਕੇਜਰੀਵਾਲ ਵਲੋਂ ਵੋਟ ਪਾਉਣ ਤੋਂ ਬਾਅਦ ਆਪਣੇ ਪਰਿਵਾਰ ਨਾਲ ਜੋ ਫੋਟੋ ਟਵੀਟ ਕੀਤੀ ਸੀ, ਉਸ ਨੂੰ ਸ਼ੇਅਰ ਕਰਦਿਆਂ ਫਵਾਦ ਚੌਧਰੀ ਨੇ ਲਿਖਿਆ ਸੀ, ‘‘ਮੈਂ ਆਸ ਕਰਦਾ ਹਾਂ ਕਿ ਸ਼ਾਂਤੀ ਅਤੇ ਭਾਈਵਾਲਤਾ, ਨਫ਼ਰਤ ਅਤੇ ਕੱਟੜਵਾਦਤਾ ਨੂੰ ਹਰਾਵੇਗੀ।’’

  9. ਲੋਕ ਸਭਾ ਚੋਣਾਂ ਦਾ 6ਵਾਂ ਗੇੜ - ਦਿੱਲੀ ਤੋਂ ਲਾਇਵ

    ਦਿੱਲੀ ਵੋਟਰ

    ਦਿੱਲੀ ਵਿੱਚ ਲੋਕ ਵੋਟ ਪਾਉਣ ਤੋਂ ਪਹਿਲਾਂ ਅਤੇ ਬਾਅਦ ਕਿਹੜੇ ਮੁੱਦਿਆਂ ਦੀ ਚਰਚਾ ਕਰਦੇ ਹਨ - Click on Live

  10. ਤਮਿਲ ਬੰਦਾ ਕਿਉਂ ਬਣਿਆ ਸਿੱਖ, ਪੰਜਾਬ ਵਿੱਚ ਲੜ ਰਿਹਾ ਚੋਣ, 'ਸਿੱਖ ਦਾ ਮਤਲਬ ਹੈ ਰਾਜਾ, ਜੋ ਦੇਣ ਵਾਲਾ ਹੈ ਲੈਣ ਵਾਲਾ ਨਹੀਂ'

    ਦਲਿਤ ਸਿੱਖ

    ‘ਪੰਜਾਬ ਇਜ਼ ਮਾਈ ਮਦਰਲੈਂਡ (ਪੰਜਾਬ ਮੇਰੀ ਮਾਤ ਭੁਮੀ ਹੈ)’, ਇਹ ਬੋਲ ਹਨ ਸਿਰ ’ਤੇ ਨੀਲੇ ਰੰਗ ਦੀ ਦਸਤਾਰ ਅਤੇ ਨੀਲੇ ਰੰਗ ਦਾ ਪਰਨਾ ਬੰਨ੍ਹ ਕੇ ਪਿੰਡ-ਪਿੰਡ ਵੋਟਾਂ ਮੰਗਣ ਜਾ ਰਹੇ ਜੀਵਨ ਸਿੰਘ ਤਮਿਲ ਦੇ।

    ਜੀਵਨ ਸਿੰਘ ਤਮਿਲ ਪੰਜਾਬੀ ਨਹੀਂ ਬੋਲਦੇ।

    ਪਰ ਇਸ ਦੇ ਬਾਵਜੂਦ ਵੀ ਉਹ ਪੰਜਾਬ ਦੇ ਹੁਸ਼ਿਆਰਪੁਰ ਲੋਕ ਸਭਾ ਹਲਕੇ ਤੋਂ ਆਪਣਾ ਚੋਣ ਪ੍ਰਚਾਰ ਜ਼ੋਰਾਂ-ਸ਼ੋਰਾਂ ਨਾਲ ਕਰ ਰਹੇ ਹਨ।

    ਦਰਅਸਲ ਜੀਵਨ ਸਿੰਘ ਤਮਿਲ ਤਮਿਲਨਾਡੂ ਦੇ ਜੰਮਪਲ਼ ਹਨ। 51 ਸਾਲਾ ਜੀਵਨ ਸਿੰਘ ਬਹੁਜਨ ਦ੍ਰਵਿੜ ਪਾਰਟੀ ਦੇ ਉਮੀਦਵਾਰ ਵਜੋਂ ਚੋਣ ਲੜ ਰਹੇ ਹਨ।

    ਪੇਸ਼ੇ ਵਜੋਂ ਵਕੀਲ ਜੀਵਨ ਸਿੰਘ ਦੇ ਨਾਲ ਤਮਿਲਨਾਡੂ ਤੋਂ ਉਨ੍ਹਾਂ ਦੇ ਕਈ ਸਾਥੀ ਵੀ ਚੋਣ ਪ੍ਰਚਾਰ ਕਰਨ ਲਈ ਆਏ ਹਨ।

    ਉਨ੍ਹਾਂ ਦੇ ਸਾਥੀ ਸਾਈਕਲਾਂ ਅਤੇ ਰਿਕਸ਼ਿਆਂ ਉੱਤੇ ਬੈਨਰ ਲਾ ਕੇ ਅਤੇ ਬੱਸਾਂ ਵਿੱਚ ਚੜ੍ਹ ਕੇ ਪਰਚੇ ਵੰਡ ਕੇ ਜੀਵਨ ਸਿੰਘ ਦੀ ਚੋਣ ਮੁਹਿੰਮ ਵਿੱਚ ਹਿੱਸਾ ਪਾ ਰਹੇ ਹਨ। ਪੂਰੀ ਖ਼ਬਰ ਪੜ੍ਹਨ ਲ਼ਈ ਕਲਿੱਕ ਕਰੋ

  11. ਰੋਹਤਕ ਵਿੱਚ ਔਰਤਾਂ ਨੇ ਵੋਟ ਪਾਉਣ ਤੋਂ ਪਹਿਲਾਂ ਕਿਵੇਂ ਮਨਾਈ ਖੁਸ਼ੀ

    ਹਰਿਆਣਾ ਦੇ ਰੋਹਤਕ ਵਿੱਚ ਵੋਟ ਪਾਉਣ ਤੋਂ ਪਹਿਲਾਂ ਨੱਚ ਕੇ ਖੁਸ਼ੀ ਮਨਾਉਂਦੀਆਂ ਔਰਤਾਂ।

    ਰੋਹਤਕ

    ਤਸਵੀਰ ਸਰੋਤ, Sat Singh

    ਤਸਵੀਰ ਕੈਪਸ਼ਨ, ਰੋਹਤਕ ਵਿੱਚ ਵੋਟ ਪਾਉਣ ਤੋਂ ਪਹਿਲਾਂ ਨੱਚ ਕੇ ਖੁਸ਼ੀ ਮਨਾਉਂਦੀਆਂ ਔਰਤਾਂ
    ਰੋਹਤਕ

    ਤਸਵੀਰ ਸਰੋਤ, Sat Singh

    ਤਸਵੀਰ ਕੈਪਸ਼ਨ, ਰੋਹਤਕ ਵਿੱਚ ਲਾਈਨਾਂ ਵਿੱਚ ਖੜ੍ਹ ਕੇ ਵੋਟਾਂ ਪਾਉਂਦੇ ਲੋਕ
  12. ਬੇਰੁਜ਼ਗਾਰੀ ਤੇ ਤਾਨਾਸ਼ਾਹੀ ਖ਼ਿਲਾਫ਼ ਵੋਟ ਪਾ ਹਨ ਲੋਕ- ਕੇਜਰੀਵਾਲ

    ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਨੇ ਵੀ ਵੋਟ ਪਾਈ ਹੈ। ਉਹ ਦਿੱਲੀ ਸ਼ਰਾਬ ਘੁਟਾਲੇ ਕੇਸ ਵਿੱਚ 2 ਜੂਨ ਤੱਕ ਅੰਤਰਿਮ ਜਮਾਨਤ ਉੱਤੇ ਬਾਹਰ ਹਨ।

    '"ਮੇਰੀ ਪਤਨੀ ਅਤੇ ਮੇਰੇ ਦੋਵੇਂ ਬੱਚੇ ਅੱਜ ਵੋਟ ਪਾ ਕੇ ਆ ਰਹੇ ਹਾਂ, ਮੈਂ ਲੋਕਾਂ ਨੂੰ ਅਪੀਲ ਕਰਨਾ ਚਾਹੁੰਦਾ ਹਾਂ ਕਿ ਗਰਮੀ ਬਹੁਤ ਹੈ, ਉਹ ਘਰ ਨਾ ਬੈਠਣ ਅਤੇ ਵੋਟ ਜ਼ਰੂਰ ਪਾਉਣ।"

    ਉਨ੍ਹਾਂ ਕਿਹਾ, "ਮੈਂ ਸਮਝਦਾ ਹਾਂ ਕਿ ਵੱਡੀ ਗਿਣਤੀ ਵਿੱਚ ਲੋਕ ਤਾਨਾਸ਼ਾਹੀ, ਮਹਿੰਗਾਈ ਬੇਰੁਜ਼ਗਾਰੀ ਦੇ ਖਿਲਾਫ਼ ਵੋਟ ਪਾ ਰਹੇ ਹਨ।"

    ਅਰਵਿੰਦ ਕੇਜਰੀਵਾਲ

    ਤਸਵੀਰ ਸਰੋਤ, X/ Arvind Kejriwal

    ਤਸਵੀਰ ਕੈਪਸ਼ਨ, ਅਰਵਿੰਦ ਕੇਜਰੀਵਾਲ ਆਪਣੇ ਪਰਿਵਾਰ ਨਾਲ
  13. ਪੋਲਿੰਗ ਦੇ ਅੰਕੜੇ ਨੂੰ ਦੇਰੀ ਨਾਲ ਅਪਡੇਟ ਕੀਤੇ ਜਾਣ ਦੇ ਸਵਾਲਾਂ ਦਾ ਚੋਣ ਕਮਿਸ਼ਨ ਨੇ ਦਿੱਤਾ ਜਵਾਬ

    ਚੋਣ ਕਮਿਸ਼ਨਰ

    ਤਸਵੀਰ ਸਰੋਤ, ANI

    ਭਾਰਤ ਦੇ ਮੁੱਖ ਚੋਣ ਕਮਿਸ਼ਨਰ ਰਾਜੀਵ ਕੁਮਾਰ ਨੇ ਕਿਹਾ ਹੈ ਕਿ ਵੋਟਾਂ ਦੀ ਗਿਣਤੀ ਨੂੰ ਲੈ ਕੇ ਕੁਝ ਲੋਕਾਂ ਵਲੋਂ ਚੁੱਕੇ ਜਾ ਰਹੇ ਸਵਾਲਾਂ ਬਾਰੇ ਉਹ ਇੱਕ ਦਿਨ ਜਰੂਰ ਜਵਾਬ ਦੇਣਗੇ।

    ਰਾਜੀਵ ਕੁਮਾਰ ਦਿੱਲੀ ਵਿੱਚ ਵੋਟ ਪਾਉਣ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕਰ ਰਹੇ ਸਨ।

    ਉਨ੍ਹਾਂ ਕਿਹਾ ਕਿ ਸੁਪਰੀਮ ਕੋਰਟ ਵਿੱਚ ਕੱਲ ਇਸ ਦਾ ਜਵਾਬ ਅਦਾਲਤ ਨੇ ਵੀ ਦਿੱਤਾ ਹੈ ਅਤੇ ਅਸੀਂ ਵੀ ਇੱਕ ਦਿਨ ਜਰੂਰ ਦੇਵਾਂਗੇ ਕਿ ਕਿਵੇਂ ਵੋਟਾਂ ਦੇ ਅੰਕੜੇ ਨੂੰ ਲੈ ਕੇ ਕਿਵੇਂ ਭਰਮ ਪੈਦਾ ਕੀਤਾ ਜਾਂਦਾ ਹੈ। ਇਸ ਦੇ ਪਿੱਛੇ ਕੀ ਰਣਨੀਤੀ ਹੁੰਦੀ ਹੈ ਅਤੇ ਇਹ ਕਿਵੇਂ ਵੋਟਰਾਂ ਨੂੰ ਪ੍ਰਭਾਵਿਤ ਕਰਦਾ ਹੈ।

    ਗੌਰਤਲਬ ਹੈ ਕਿ ਪਿਛਲੇ ਕੁਝ ਦਿਨਾਂ ਤੋਂ ਕਾਂਗਰਸ ਸਣੇ ਹੋਰ ਵਿਰੋਧੀ ਪਾਰਟੀਆਂ ਚੋਣ ਕਮਿਸ਼ਨ ਵਲੋਂ 7-10 ਦਿਨਾਂ ਬਾਅਦ ਪੋਲਿੰਗ ਦੇ ਅੰਕੜੇ ਨੂੰ ਅਪਡੇਟ ਕੀਤੇ ਜਾਣ ਉੱਤੇ ਸਵਾਲ ਖੜ੍ਹੇ ਕਰ ਰਹੀਆਂ ਹਨ।

    ਚੋਣ ਕਮਿਸ਼ਨ ਨੇ ਇਸ ਬਾਰੇ ਕੋਈ ਜਵਾਬ ਨਹੀਂ ਦਿੱਤਾ ਸੀ, ਜਿਸ ਤੋਂ ਬਾਅਦ ਇਸ ਮਾਮਲੇ ਨੂੰ ਅਦਾਲਤ ਵਿੱਚ ਪਹੁੰਚਾਇਆ ਗਿਆ ਸੀ।

    ਰਾਜੀਵ ਕੁਮਾਰ ਨੇ ਇਸ ਗੱਲ ਉੱਤੇ ਖੁਸ਼ੀ ਪ੍ਰਗਟਾਈ ਕਿ ਲੋਕ ਚੋਣ ਕਮਿਸ਼ਨ ਦੇ ਪ੍ਰਬੰਧਾਂ ਤੋਂ ਸੰਤੁਸ਼ਟ ਹਨ ਅਤੇ ਪੋਲਿੰਗ ਨੂੰ ਲੈਕੇ ਭਾਰੀ ਉਤਸ਼ਾਹ ਹੈ।

    ਅੱਜ ਵੋਟਿੰਗ ਦਾ ਛੇਵਾਂ ਗੇੜ ਚੱਲ ਰਿਹਾ ਹੈ। ਜਿਸ ਵਿੱਚ 8 ਸੂਬਿਆਂ ਦੀਆਂ 58 ਸੀਟਾਂ ਲਈ ਪੋਲਿੰਗ ਹੋ ਰਹੀ ਹੈ।

  14. ਰਾਹੁਲ ਗਾਂਧੀ ਨੇ ਵੋਟ ਪਾਉਣ ਮਗਰੋਂ ਆਪਣੀ ਸੋਨੀਆ ਗਾਂਧੀ ਨਾਲ ਤਸਵੀਰ ਸਾਂਝੀ ਕੀਤੀ

    ਕਾਂਗਰਸੀ ਆਗੂ ਰਾਹੁਲ ਗਾਂਧੀ ਨੇ ਦਿੱਲੀ ਵਿੱਚ ਵੋਟ ਪਾਉਣ ਤੋਂ ਬਾਅਦ ਆਪਣੀ ਮਾਂ ਅਤੇ ਕਾਂਗਰਸ ਦੀ ਸਾਬਕਾ ਮੁਖੀ ਸੋਨੀਆ ਗਾਂਧੀ ਦੇ ਨਾਲ ਇੱਕ ਸੈਲਫੀ ਸਾਂਝੀ ਕੀਤੀ ਹੈ।

    ਉਨ੍ਹਾਂ ਨੇ ਲਿਖਿਆ ਹੈ, "ਮਾਂ ਅਤੇ ਮੈਂ ਲੋਕਤੰਤਰ ਦੇ ਇਸ ਮਹਾਪੁਰਬ ਉੱਤੇ ਵੋਟ ਪਾ ਕੇ ਆਪਣਾ ਯੋਗਦਾਨ ਦਿੱਤਾ ਹੈ।"

    ਰਾਹੁਲ ਗਾਂਧੀ ਨੇ ਇਸ ਟਵੀਟ ਵਿੱਚ ਦਾਅਵਾ ਕੀਤਾ, ਪਹਿਲੇ ਪੰਜ ਗੇੜਾਂ ਵਿੱਚ ਵੋਟਿੰਗ ਵਿੱਚ ਵੋਟਰਾਂ ਨੇ ਝੂਠ, ਨਫ਼ਰਤ ਅਤੇ ਦੁਰਪ੍ਰਚਾਰ ਨੂੰ ਨਕਾਰ ਕੇ ਆਪਣੇ ਜੀਵਨ ਵਿੱਚ ਜੁੜੇ ਜ਼ਮੀਨੀ ਮੁੱਦਿਆਂ ਨੂੰ ਪਹਿਲ ਦਿੱਤੀ ਹੈ।"

    ਰਾਹੁਲ ਗਾਂਧੀ-ਸੋਨੀਆ ਗਾਂਧੀ

    ਤਸਵੀਰ ਸਰੋਤ, X/Rahul Gandhi

    ਤਸਵੀਰ ਕੈਪਸ਼ਨ, ਰਾਹੁਲ ਗਾਂਧੀ-ਸੋਨੀਆ ਗਾਂਧੀ
  15. ਲੋਕ ਸਭਾ ਚੋਣਾਂ ਦਾ ਛੇਵਾਂ ਗੇੜ, ਕਈ ਵੱਡੇ ਚਿਹਰਿਆਂ ਨੇ ਪਾਈ ਵੋਟ

    ਲੋਕ ਸਭਾ ਚੋਣਾਂ ਦੇ 6ਵੇਂ ਗੇੜ ਵਿੱਚ ਦੋ ਸੂਬਿਆਂ ਅਤੇ ਦੋ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀਆਂ ਕੁਲ 58 ਸੀਟਾਂ ਉੱਤੇ ਚੋਣਾਂ ਹੋ ਰਹੀਆਂ ਹਨ।

    ਇਸ ਦੌਰਾਨ ਕਈ ਵੱਡੇ ਆਗੂ ਵੋਟ ਪਾ ਚੁੱਕੇ ਹਨ।

    ਭਾਰਤ ਦੀ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ

    ਤਸਵੀਰ ਸਰੋਤ, ANI

    ਤਸਵੀਰ ਕੈਪਸ਼ਨ, ਭਾਰਤ ਦੀ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ
    ਹਰਦੀਪ ਸਿੰਘ ਪੁਰੀ

    ਤਸਵੀਰ ਸਰੋਤ, ANI

    ਤਸਵੀਰ ਕੈਪਸ਼ਨ, ਕੇਂਦਰੀ ਮੰਤਰੀ ਹਰਦੀਪ ਸਿੰਘ ਪੁਰੀ ਵੋਟ ਪਾਉਣ ਤੋਂ ਬਾਅਦ
    ਬਾਂਸੁਰੀ ਸਵਰਾਜ

    ਤਸਵੀਰ ਸਰੋਤ, ANI

    ਤਸਵੀਰ ਕੈਪਸ਼ਨ, ਭਾਜਪਾ ਉਮੀਦਵਾਰ ਬਾਂਸੁਰੀ ਸਵਰਾਜ ਆਪਣੇ ਪਿਤਾ ਨਾਲ
    ਐੱਸ ਜੈਸ਼ੰਕਰ

    ਤਸਵੀਰ ਸਰੋਤ, ANI

    ਤਸਵੀਰ ਕੈਪਸ਼ਨ, ਭਾਰਤ ਦੇ ਵਿਦੇਸ਼ ਮੰਤਰੀ ਐੱਸ ਜੈਸ਼ੰਕਰ
    ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ

    ਤਸਵੀਰ ਸਰੋਤ, ANI

    ਤਸਵੀਰ ਕੈਪਸ਼ਨ, ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਆਪਣੀ ਪਤਨੀ ਨਾਲ ਵੋਟ ਪਾਉਣ ਵੇਲ਼ੇ
    ਸਾਬਕਾ ਮੁੱਖ ਮੰਤਰੀ ਮਨੋਹਰ ਲਾਲ

    ਤਸਵੀਰ ਸਰੋਤ, ANI

    ਤਸਵੀਰ ਕੈਪਸ਼ਨ, ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਵੀ ਭੁਗਤਾਈ ਵੋਟ
  16. ਸਿਰਸਾ 'ਚ ਕਿਸਾਨ ਸ਼ੁਭਕਰਨ ਸਿੰਘ ਦੀ ਤਸਵੀਰ 'ਤੇ ਪੁਲਿਸ ਤੇ ਪਿੰਡ ਵਾਸੀਆਂ ਵਿਚਾਲੇ ਤਣਾਅ

    ਸਿਰਸਾ ਦੇ ਪਿੰਡ ਚਕੇਰੀਆਂ ਵਿੱਚ ਪਿੰਡ ਦੇ ਵਸਨੀਕਾਂ ਨੇੇ ਮਰਹੂਮ ਕਿਸਾਨ ਸ਼ੁਭਕਰਨ ਸਿੰਘ ਦੀ ਤਸਵੀਰ ਵਾਲਾ ਬੈਨਰ ਲਗਾਇਆ ਹੋਇਆ ਹੈ।

    ਕਿਸਾਨ ਆਗੂਆਂ ਮੁਤਾਬਕ ਪੁਲਿਸ ਵੱਲੋਂ ਇਸ ਬੈਨਰ ਨੂੰ ਉਤਰਵਾਉਣ ਦੀ ਕੋਸ਼ਿਸ਼ ਕੀਤੀ ਗਈ। ਜਿਸ ਮਗਰੋਂ ਇੱਥੇ ਤਣਾਅ ਦਾ ਮਾਹੌਲ ਹੈ।

    ਸ਼ੁਭਕਰਨ ਸਿੰਘ ਦੀ ਖਨੌਰੀ ਬਾਰਡਰ ਉੱਤੇ 2024 ਦੇ ਕਿਸਾਨ ਅੰਦੋਲਨ ਦੌਰਾਨ ਕਥਿਤ ਤੌਰ 'ਤੇ ਪੁਲਿਸ ਦੀ ਗੋਲੀ ਨਾਲ ਮੌਤ ਹੋ ਗਈ ਸੀ।

    ਮੌਕੇ ਦੇ ਮੌਜੂਦ ਪੁਲਿਸ ਮੁਲਾਜ਼ਮਾਂ ਦਾ ਕਹਿਣਾ ਹੈ ਕਿ ਇਹ ਬੈਨਰ ਪੋਲਿੰਗ ਬੂਥ ਦੀ 100 ਮੀਟਰ ਦੀ ਹਦੂਦ ਤੋਂ ਬਾਹਰ ਹੋਣਾ ਚਾਹੀਦਾ ਹੈ।

    ਪਿੰਡ ਵਾਸੀਆਂ ਦਾ ਤਰਕ ਹੈ ਕਿ ਇਹ ਬੈਨਰ ਪੋਲਿੰਗ ਬੂਥ ਤੋਂ 100 ਮੀਟਰ ਦੀ ਵਿੱਥ ਉੱਤੇ ਲੱਗਾ ਹੋਇਆ ਹੈ।

    ਸ਼ੁਭਕਰਨ ਸਿੰਘ

    ਤਸਵੀਰ ਸਰੋਤ, Prabhu Dayal

    ਤਸਵੀਰ ਕੈਪਸ਼ਨ, ਸ਼ੁਭਕਰਨ ਸਿੰਘ ਦੀ ਖਨੌਰੀ ਬਾਰਡਰ ਉੱਤੇ 2024 ਦੇ ਕਿਸਾਨ ਅੰਦੋਲਨ ਦੌਰਾਨ ਕਥਿਤ ਤੌਰ 'ਤੇ ਪੁਲਿਸ ਦੀ ਗੋਲੀ ਨਾਲ ਮੌਤ ਹੋ ਗਈ ਸੀ।
  17. 'ਰਾਹੁਲ ਗਾਂਧੀ ਦੀ 'ਆਪ' ਤੇ ਕੇਜਰੀਵਾਲ ਦੀ ਕਾਂਗਰਸ ਨੂੰ ਵੋਟ' ਉੱਤੇ ਕੀ ਬੋਲੀ ਪ੍ਰਿਅੰਕਾ

    ‘ਮੈਨੂੰ ਇਸ ਗੱਲ ਉੱਤੇ ਮਾਣ ਹੈ ਕਿ ਅਸੀਂ ਆਪਣੇ ਮਤਭੇਦ ਭੁਲਾ ਕੇ ਲੋਕਤੰਤਰ ਅਤੇ ਸੰਵਿਧਾਨ ਨੂੰ ਬਚਾਉਣ ਲਈ ਵੋਟਾਂ ਪਾ ਰਹੇ ਹਾਂ’। ਕਾਂਗਰਸ ਆਗੂ ਪਿਅੰਕਾ ਗਾਂਧੀ ਵਾਡਰਾ ਨੇ ਦਿੱਲੀ ਵਿੱਚ ਵੋਟ ਪਾਉਣ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਇਹ ਸ਼ਬਦ ਕਹੇ।

    ਪੱਤਰਕਾਰਾਂ ਨੇ ਪਿਅੰਕਾ ਗਾਂਧੀ ਨੂੰ ਸਵਾਲ ਪੁੱਛਿਆ ਸੀ ਕਿ ਰਾਹੁਲ ਗਾਂਧੀ ਆਮ ਆਦਮੀ ਪਾਰਟੀ ਨੂੰ ਵੋਟ ਪਾ ਰਹੇ ਹਨ ਅਤੇ ਕੇਜਰੀਵਾਲ ਕਾਂਗਰਸ ਨੂੰ, ਇਸ ਵਰਤਾਰੇ ਨੂੰ ਉਹ ਕਿਸ ਤਰ੍ਹਾਂ ਦੇਖਦੇ ਹਨ।

    ਪਿਅੰਕਾ ਗਾਂਧੀ

    ਤਸਵੀਰ ਸਰੋਤ, ANI

    ਤਸਵੀਰ ਕੈਪਸ਼ਨ, ਪਿਅੰਕਾ ਗਾਂਧੀ ਵੋਟ ਪਾਉਣ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ
  18. ਹਰਿਆਣਾ ਵਿੱਚ ਚੋਣਾਂ ਦੇ ਮਾਹੌਲ ਦੀਆਂ ਕੁਝ ਝਲਕਾਂ

    ਪੰਜਾਬ ਦੇ ਗੁਆਂਢੀ ਸੂਬੇ ਹਰਿਆਣਾ ਦੀਆਂ 10 ਲੋਕ ਸਭਾ ਸੀਟਾਂ ਉੱਤੇ ਵੋਟ ਅਮਲ ਚੱਲ ਰਿਹਾ ਹੈ।

    ਨੌਜਵਾਨ ਅਤੇ ਬਜ਼ੁਰਗਾਂ ਸਣੇ ਲੋਕ ਹੁੰਮ-ਹੁਮਾ ਕੇ ਪੋਲਿੰਗ ਬੂਥਾਂ ਉੱਤੇ ਆਪਣੀਆਂ ਵੋਟਾਂ ਭੁਗਤਾਉਣ ਪਹੁੰਚ ਰਹੇ ਹਨ।

    ਵੋਟਰਾਂ ਵਿੱਚ ਜੋਸ਼ ਭਰਨ ਅਤੇ ਪੋਲਿੰਗ ਨੂੰ ਹੁਲਾਰਾ ਦੇਣ ਲਈ ਸੈਲਫੀ ਪੁਆਇੰਟ ਜਿਹੇ ਪ੍ਰਬੰਧ ਕੀਤੇ ਗਏ ਹਨ।

    ਵੇਖੋ ਹਰਿਆਣਾ ਦੇ ਵੱਖ-ਵੱਖ ਪੋਲਿੰਗ ਬੂਥਾਂ ਉੱਤੇ ਕਿਹੋ ਜਿਹਾ ਮਾਹੌਲ ਹੈ।

    ਕੁਰੂਕਸ਼ੇਤਰ

    ਤਸਵੀਰ ਸਰੋਤ, Kamal Saini

    ਤਸਵੀਰ ਕੈਪਸ਼ਨ, ਕੁਰੂਕਸ਼ੇਤਰ ਦੇ ਇੱਕ ਬੂਥ ਉੱਤੇ ਵੋਟ ਪਾਉਣ ਆਈ ਮਹਿਲਾ ਵੋਟਰ
    ਕੁਰੂਕਸ਼ੇਤਰ

    ਤਸਵੀਰ ਸਰੋਤ, Kamal Saini

    ਤਸਵੀਰ ਕੈਪਸ਼ਨ, ਕੁਰੂਕਸ਼ੇਤਰ ਵਿੱਚ ਇੱਕ ਬੂਥ ਉੱਤੇ ਵੋਟ ਪਾਉਣ ਆਈ ਬਜ਼ੁਰਗ
    ਸਿਰਸਾ

    ਤਸਵੀਰ ਸਰੋਤ, Prabhu Dayal

    ਤਸਵੀਰ ਕੈਪਸ਼ਨ, ਸਿਰਸਾ ਵਿਖੇ ਵੋਟ ਪਾਉਣ ਆਇਆ ਬਜ਼ੁਰਗ ਜੋੜਾ
    ਥਾਨੇਸਰ

    ਤਸਵੀਰ ਸਰੋਤ, Kamal Saini

    ਤਸਵੀਰ ਕੈਪਸ਼ਨ, ਕੁਰੂਕਸ਼ੇਤਰ ਦੇ ਥਾਨੇਸਰ ਵਿੱਚ ਵੋਟਰਾਂ ਲਈ ਸੈਲਫੀ ਪੁਆਇੰਟ
    ਥਾਨੇਸਰ

    ਤਸਵੀਰ ਸਰੋਤ, Kamal Saini

    ਤਸਵੀਰ ਕੈਪਸ਼ਨ, ਕੁਰੂਕਸ਼ੇਤਰ ਦੇ ਥਾਨੇਸਰ ਵਿੱਚ ਵੋਟਰਾਂ ਲਈ ਸੈਲਫੀ ਪੁਆਇੰਟ
  19. ਫਾਰਮ 17-ਸੀ ਕੀ ਹੈ, ਜਿਸ ਨੂੰ ਚੋਣ ਕਮਿਸ਼ਨ ਜਨਤਕ ਨਹੀਂ ਕਰਨਾ ਚਾਹੁੰਦਾ

  20. ਖਡੂਰ ਸਾਹਿਬ: ਪੰਜਾਬ ਦੀ 'ਪੰਥਕ ਸੀਟ' 'ਤੇ ਹੰਢੇ ਹੋਏ ਸਿਆਸਤਦਾਨਾਂ ਵਿਚਾਲੇ ਅਮ੍ਰਿਤਪਾਲ 'ਫੈਕਟਰ' ਦਾ ਕੀ ਰਹੇਗਾ ਅਸਰ

    ਪੰਜਾਬ ਦੇ ਮਾਝਾ ਖਿੱਤੇ ਅਧੀਨ ਪੈਂਦਾ ਸ਼ਹਿਰ ਖਡੂਰ ਸਾਹਿਬ ਸਿੱਖ ਭਾਈਚਾਰੇ ਲਈ ਖ਼ਾਸ ਅਹਿਮੀਅਤ ਰੱਖਦਾ ਹੈ।

    ਖਡੂਰ ਸਾਹਿਬ ਦੀ ਧਰਤੀ ਨੂੰ ਸਿੱਖ ਧਰਮ ਦੇ ਦਸ ਵਿੱਚੋਂ ਅੱਠ ਗੁਰੂਆਂ ਦੇ ਚਰਨਾਂ ਦੀ ਛੋਹ ਪ੍ਰਾਪਤ ਹੈ। ਇਸ ਵੇਲੇ ਲੋਕ ਸਭਾ ਚੋਣਾਂ ਨੂੰ ਲੈ ਕੇ ਹਲਕਾ ਖਡੂਰ ਸਾਹਿਬ ਵਿੱਚ ਸਿਆਸੀ ਸਰਗਰਮੀਆਂ ਤੇਜ਼ ਹੋ ਗਈਆਂ ਹਨ।

    ਵੱਖ-ਵੱਖ ਪਾਰਟੀਆਂ ਦੇ ਰੰਗ-ਬਿਰੰਗੇ ਝੰਡੇ ਅਤੇ ਕੰਧਾਂ ਅਤੇ ਚੌਰਾਹਿਆਂ ਵਿੱਚ ਲੱਗੇ ਦਿਖਾਈ ਦਿੰਦੇ ਹਨ। ਹਰ ਗਲੀ ਮੁਹੱਲੇ ਅਤੇ ਸੱਥ ਵਿੱਚ ਸਿਰਫ਼ ਚੋਣਾਂ ਦੀ ਹੀ ਚਰਚਾ ਹੋ ਰਹੀ ਹੈ।

    ਅਸਾਮ ਦੀ ਡਿਬਰੂਗੜ ਜੇਲ੍ਹ ਵਿੱਚ ਬੰਦ 'ਵਾਰਸ ਪੰਜਾਬ ਦੇ' ਜਥੇਬੰਦੀ ਦੇ ਆਗੂ ਅੰਮ੍ਰਿਤਪਾਲ ਸਿੰਘ ਵੱਲੋਂ ਆਜ਼ਾਦ ਤੌਰ 'ਤੇ ਚੋਣ ਲੜਨ ਦੇ ਲਏ ਗਏ ਫੈਸਲੇ ਤੋਂ ਬਾਅਦ ਇਸ ਹਲਕੇ ਦੀ ਸਿਆਸੀ ਫਿਜ਼ਾ ਕਾਫ਼ੀ ਦਿਲਚਸਪ ਬਣਦੀ ਨਜ਼ਰ ਆ ਰਹੀ ਹੈ। ਪੂਰੀ ਰਿਪੋਰਟ ਪੜ੍ਹਨ ਲਈ ਕਲਿੱਕ ਕਰੋ

    ਖਡੂਰ ਸਾਹਿਬ ਹਲਕਾ

    ਤਸਵੀਰ ਸਰੋਤ, Facebook

    ਤਸਵੀਰ ਕੈਪਸ਼ਨ, ਅਮ੍ਰਿਤਪਾਲ ਦੇ ਚੋਣ ਮੈਦਾਨ ਵਿੱਚ ਆਉਣ ਨਾਲ ਮੁਕਾਬਲਾ ਰੋਚਕ ਬਣ ਗਿਆ ਹੈ