ਅਮਰੀਕਾ: ਸਟੋਰ 'ਚ ਮੈਨੇਜਰ ਨੇ ਹੀ ਗੋਲੀਆਂ ਚਲਾਈਆਂ, ਪ੍ਰਤੱਖਦਰਸ਼ੀ ਨੇ ਦੱਸਿਆ ਉਸ ਵੇਲੇ ਕੀ ਹੋਇਆ ਸੀ
ਤਸਵੀਰ ਸਰੋਤ, Getty Images
ਅਮਰੀਕਾ ਦੇ ਵਰਜੀਨੀਆ ਸੂਬੇ ਵਿੱਚ ਵਾਲਮਾਰਟ ਸਟੋਰ ਵਿੱਚ ਹੋਈ ਗੋਲੀਬਾਰੀ ਵਿੱਚ ਸਥਾਨਕ ਪੁਲਿਸ ਮੁਤਾਬਕ ਘੱਟੋ ਘੱਟ 7 ਲੋਕ ਮਰੇ ਗਏ।
ਪੁਲਿਸ ਵਲੋਂ ਦਿੱਤੀ ਜਾਣਕਾਰੀ ਮੁਤਾਬਕ ਗੋਲੀ ਚਲਾਉਣ ਵਾਲਾ ਵਿਅਕਤੀ ਵਾਲਮਾਰਟ ਦਾ ਮੈਨੇਜਰ ਸੀ ਜਿਸ ਨੇ ਬਾਅਦ ਵਿੱਚ ਆਪਣੇ ਆਪ ਨੂੰ ਵੀ ਗੋਲੀ ਮਾਰੀ। ਜਿਸ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ।
ਹੁਣ ਤੱਕ ਦੀ ਸਾਹਮਣੇ ਆਈ ਫੁਟੇਜ ਵਿੱਚ ਇੱਕ ਪ੍ਰਤੱਖਦਰਸ਼ੀ ਦਿਖਾਈ ਦਿੰਦਾ ਹੈ।
ਉਸ ਨੇ ਵਾਲਮਾਰਟ ਦੀ ਵਰਦੀ ਪਾਈ ਹੋਈ ਹੈ ਅਤੇ ਘਟਨਾ ਨੂੰ ਬਿਆਨ ਕਰ ਰਿਹਾ ਹੈ
ਉਸ ਨੇ ਕਿਹਾ, ‘‘ਜਦੋ ਉਹ ਸਟਾਫ਼ ਦੇ ਕਮਰੇ ਵਿੱਚੋਂ ਨਿਕਲਿਆ ਤਾਂ ਮੈਨੇਜਰ ਆਇਆ ਅਤੇ ਉਸ ਨੇ ਗੋਲੀ ਚਲਾਈ। ਅਫ਼ਸੋਸ ਹੈ ਕਿ ਅਸੀਂ ਆਪਣੇ ਕਈ ਸਾਥੀਆਂ ਨੂੰ ਗੁਆ ਦਿੱਤਾ।”
ਉਸ ਨੇ ਇਹ ਵੀ ਕਿਹਾ ਕਿ ਇਸ ਦਾ ਕੋਈ ਅੰਦਾਜਾ ਨਹੀਂ ਕਿ ਕਿੰਨੇ ਲੋਕਾਂ ਨੂੰ ਗੋਲੀਆਂ ਵੱਜੀਆਂ ਹਨ।
ਤਸਵੀਰ ਸਰੋਤ, AFP
ਚੇਜ਼ਾਪੀਕ ਪੁਲਿਸ ਨੇ ਇੱਕ ਬਿਆਨ ਵਿੱਚ ਲਿਖਿਆ, "ਅਸੀਂ ਪੁਸ਼ਟੀ ਕਰਦੇ ਹਾਂ ਕਿ ਇੱਕ ਸ਼ੂਟਰ ਨੇ ਸੇਮਸ ਸਰਕਲ ਇਲਾਕੇ ਵਿੱਚ ਗੋਲੀਬਾਰੀ ਕੀਤੀ। ਉਸ ਤੋਂ ਬਾਅਦ ਸ਼ੂਟਰ ਮਾਰਿਆ ਗਿਆ ਹੈ।"
ਪੁਲਿਸ ਵਲੋਂ ਪੱਤਰਕਾਰਾਂ ਨੂੰ ਦਿੱਤੀ ਜਾਣਕਾਰੀ ਵਿੱਚ ਦੱਸਿਆ ਗਿਆ ਕਿ ਹਮਲਾ ਸਥਾਨਕ ਸਮੇਂ ਅਨੁਸਾਰ 22:12 ਵਜੇ ਹੋਇਆ।
ਪੁਲਿਸ ਬੁਲਾਰੇ ਲੀਓ ਕੋਸਿਨਸਕੀ ਨੇ ਕਿਹਾ ਕਿ ਮੰਨਿਆ ਜਾ ਰਿਹਾ ਹੈ ਕਿ ਗੋਲੀਬਾਰੀ ਸਟੋਰ ਦੇ ਅੰਦਰ ਹੋਈ ਤੇ ਸ਼ੱਕੀ ਨੇ ਇਕੱਲਿਆਂ ਹੀ ਇਹ ਸਭ ਕੀਤਾ।
ਪੁਲਿਸ ਨੇ ਮ੍ਰਿਤਕਾਂ ਦੀ ਗਿਣਤੀ ਬਾਰੇ ਪੁਸ਼ਟੀ ਨਹੀਂ ਕੀਤੀ।
ਵਾਲਮਾਰਟ ਨੇ ਕਿਹਾ, “ਉਹ ਇਸ ਦੁਖ਼ਦਾਈ ਘਟਨਾ 'ਤੇ ਹੈਰਾਨ ਹੈ ਤੇ ਕਾਨੂੰਨ ਵਿਵਸਥਾ ਕਾਇਮ ਕਰਨ ਵਿੱਚ ਲੱਗੇ ਅਧਿਕਾਰੀਆਂ ਨੂੰ ਪੂਰਾ ਸਹਿਯੋਗ ਦੇ ਰਿਹਾ ਹੈ"।
ਘਟਨਾ ਸਥਾਨ ਤੋਂ ਦੂਰ ਰਹਿਣ ਦੀ ਅਪੀਲ
ਤਸਵੀਰ ਸਰੋਤ, TWITTER
ਵਰਜੀਨੀਆ ਦੇ ਸੈਨੇਟਰ ਮਾਰਕ ਵਾਰਨਰ ਨੇ ਆਮ ਲੋਕਾਂ ਨੂੰ ਘਟਨਾ ਸਥਾਨ ਤੋਂ ਦੂਰੀ ਬਣਾਕੇ ਰੱਖਣ ਦੀ ਅਪੀਲ ਕੀਤੀ ਹੈ।
ਉਨ੍ਹਾਂ ਨੇ ਟਵੀਟ ਕਰਕੇ ਘਟਨਾ ’ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਤੇ ਕਿਹਾ , ''ਇਕ ਹੋਰ ਗੋਲੀਬਾਰੀ ਦੀ ਖ਼ਬਰ ਸੁਣ ਕੇ ਮੈਂ ਪਰੇਸ਼ਾਨ ਹਾਂ। ਇਸ ਵਾਰ ਅਜਿਹਾ ਚੇਜ਼ਪੀਕ ਜ਼ਿਲ੍ਹੇ ਦੇ ਵਾਲਮਾਰਟ ਵਿੱਚ ਹੋਇਆ ਹੈ। ਮੈਂ ਇਸ ਮਾਮਲੇ 'ਤੇ ਨਜ਼ਰ ਰੱਖ ਰਿਹਾ ਹਾਂ।”
ਤਸਵੀਰ ਸਰੋਤ, MARKWARNER/TWITTER
ਉਨ੍ਹਾਂ ਲਿਖਿਆ, “ਮੈਂ ਸਥਾਨਕ ਲੋਕਾਂ ਨੂੰ ਕਾਨੂੰਨ ਅਤੇ ਵਿਵਸਥਾ ਸੰਭਾਲਣ ਵਿੱਚ ਲੱਗੀਆਂ ਏਜੰਸੀਆਂ ਦੇ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਕਰਨ ਅਤੇ ਘਟਨਾ ਸਥਾਨ ਤੋਂ ਦੂਰ ਰਹਿਣ ਦੀ ਅਪੀਲ ਕਰਦਾ ਹਾਂ।”
ਸਥਾਨਕ ਆਗੂਆਂ ਵਿੱਚ ਗੁੱਸਾ
ਤਸਵੀਰ ਸਰੋਤ, TWITTER
ਵਰਜੀਨੀਆ ਦੇ ਸਥਾਨਕ ਪ੍ਰਤੀਨਿਧੀ ਲੁਈਸ ਲੁਕਸ ਨੇ ਘਟਨਾ ਤੋਂ ਬਾਅਦ ਟਵਿੱਟਰ 'ਤੇ ਲਿਖਿਆ, “ਅੱਜ ਰਾਤ ਵਰਜੀਨੀਆ ਦੇ ਚੈਜ਼ਪੀਕ ਜ਼ਿਲ੍ਹੇ ਵਿੱਚ ਇੱਕ ਵਾਲਮਾਰਟ ’ਚ ਹੋਈ ਗੋਲੀਬਾਰੀ ਹੋਣ ਨਾਲ ਮੇਰਾ ਦਿਲ ਟੁੱਟ ਗਿਆ ਹੈ।”
ਉਨ੍ਹਾਂ ਕਿਹਾ,“ਮੈਂ ਜਦੋਂ ਤੱਕ ਬੰਦੂਕ ਨਾਲ ਕੀਤੀ ਜਾਣ ਵਾਲੀ ਹਿੰਸਾ, ਜਿਸ ਕਾਰਨ ਇੰਨੇ ਲੋਕਾਂ ਦੀ ਮੌਤ ਹੋਈ, ਦਾ ਕੋਈ ਹੱਲ ਨਹੀਂ ਕੱਢ ਨਹੀਂ ਲੈਂਦੀ ਉਸ ਸਮੇਂ ਤੱਕ ਆਰਾਮ ਨਾਲ ਨਹੀਂ ਬੈਠਾਂਗੀ।"
