Christopher Plummer: Sound of Music star wey act Captain Von Trapp for di 1965 award winning movie don die at 91
Wia dis foto come from, Getty Images
Christopher Plummer, di ogbonge Canadian actor wey pipo sabi for im role as Captain Von Trapp for The Sound of Music, don die at di age of 91.
He win Oscar for im role for di 2010 film Beginners and dem also nominate am for The Last Station for 2010 and All the Money in the World for 2018.
For di film All the Money in the World, e replace Kevin Spacey, wey dem comot im complete performance as billionaire J Paul Getty.
Im many oda films include The Man Who Would Be King and Knives Out.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
According to reports, Plummer die peacefully for im home for Connecticut with im wife Elaine Taylor by im side.
Lou Pitt, im long-time friend and manager of 46 years, remember am as "an extraordinary man wey deeply love and respect im profession".
Wia dis foto come from, Getty Images
"E be national treasure wey deeply love im Canadian roots," e continue. "Through im art and humanity, e touch all of our hearts and im legendary life go endure for all generations to come.
"E go forever be with us."
End of Di one wey oda users dey read well well
Wia dis foto come from, Getty Images
Plummer get different career path across film, television and theatre, e act inside productions for Broadway and with di Royal Shakespeare Company.
Yet pipo go forever know and love am for The Sound of Music, wey dem adapted from di Rodgers and Hammerstein musical, for wear e act alongside Dame Julie Andrews.
Wia dis foto come from, Getty Images
Plummer get mixed feelings towards im best-known film, wey e famously rename The Sound of Mucus for inside interviews.
E also likened working with Andrews to "make pesin hit you over di head with big Valentine's Day card, every day", though dem later become great friends.
