Inec suspend further collation of results for Abia and Enugu states

Inec dey announce results for di govnorship elections for 28 states and State House of Assemblies for 36 states for Nigeria.

Live Coverage

Helen Oyibo and Victor Ezeama

20 March 2023Babajide Sanwo-Olu react to election victory
Wia dis foto come from, Babajide Sanwo-Olu
Wetin we call dis foto, Babajide Sanwo-Olu react to election victory
Di Govnor of Lagos state Babajide Sanwo-Olu don thank di pipo of di state for im re-election.
Di govnor for inside statement afta Inec declare am as di winner of di Lagos state govnorship election say, “dis elections don deeply test us as a pipo. Dis victory no be just mine but e belong to every Lagosian.”
E say im don work hard to live to di responsibility of governing di most important subnational economy for Africa.
On some of di disruptions wey happun for some polling units for di state, Sanwo-Olu tok say e don direct law enforcement agencies and security agencies to ensure say anyone wey dey guilty go face di full wrath of di law.
Wia dis foto come from, Babajide Sanwo-Olu
Wetin we call dis foto, Babajide Sanwo-Olu react to election victory
Wia dis foto come from, Babajide Sanwo-Olu
Wetin we call dis foto, Babajide Sanwo-Olu react to election victory
20 March 2023Dapo Abiodun react to election victory
Govnor of Ogun state Dapo Abiodun don react to im victory for di govnorship polls.
Inside Tweet e post for im Twitter page, e say, im victory na to di glory of God.
"To di glory of God, Ogun State Gubernatorial Elections don come and go, and di good pipo of di Gateway State don speak with a common voice wit dia votes." E tok.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
20 March 2023Kano State Fire Service don confam di burning of musician Kahutu Rarara house
Wia dis foto come from, Other
Wetin we call dis foto, Dem burn di house of di singer Kahutu Rarara for Kano
Some pipo don go set fire for di house of political singer Kahutu Rarara afta Inec declare NNPP winner for Kano state.
Tok-tok pesin for Kano State Fire Service, Saminu Yusuf confam di incident.
Kahutu bin sing for APC govnorship candidate Nasiru Yusuf Gawuna before di election.
Di electoral body bin declare Abba Kabir Yusuf winner of di election wit 1,019,602 votes to beat im closest challenger, di ruling APC candidate Nasiru Gawuna wey poll 890,705 votes.
Meanwhile, some streets don empty afta goment declare curfew minutes before Inec declare NNPP winner for Kano elections.
Wia dis foto come from, Other
Wetin we call dis foto, Empty street for Kano afta goment declare curfew
20 March 2023Yusuf Abba of NNPP win Kano state govnorship election
Di Independent National Electoral Commission (Inec) don declare di New Nigeria People’s Party governorship candidate for Kano state, Yusuf Abba as winner of di election wey hold for 18 March.
Yusuf Abba secure 1,019,602 votes to defeat im closest challenger, Nasiru Gawuna of di All Progressives Congress wey poll 890,705 votes.
Di State Returning Officer for di election, Professor Ibrahim Doko Ahmad announce di result on 20 March for di INEC collation center for Kano state.
Im win na historic one as not only say e beat di ruling APC candidate, dis na di first govnorship win for NNPP.
20 March 2023Breaking, Kano goment declare dusk to dawn curfew
Kano state goment don announce compulsory dawn to dusk curfew for di state.
Dis na to avoid breakdown of law and order sake of di tensions wey dey ground from di collation of results of di govnorship and State Assembly elections.
Di state Commissioner for Information and Internal Affairs, Muhammad Garba announce di curfew inside statement wey e issue on Monday morning.
E say di decision na to prevent hoodlums from causing chaos for di already tensed situation.
Di statement no tok wen di curfew go start and for how long e go remain.
Di commissioner say make di pipo of di state remain indoors as security agents no go spare anyone or group wey wan cause trouble.
Di announcement dey come as Inec announce NNPP candidate Abba Kabir Yusuf winner of di poll.
20 March 2023Wetin don happun so far
Declaration of governorship and House of Assembly election results still dey go on for different states across Nigeria afta di election wey hold on Saturday, 18 March, 2023.
Govnorship elections bin hold for 28 out of di 36 states of di federation, while House of Assembly elections hold for all di states.
So far, di Independent National Electoral Commission, Inec, don declare di govnorship results of 10 states and di results of 18 more states dey expected.
Di states wey dem don announce di govnorship elections include: Lagos, Gombe, Katsina, Yobe, Kwara, Ogun, Oyo, Jigawa, Akwa Ibom and Sokoto states.
From di govnorship results wey di electoral body don announce, Lagos, Yobe, Kwara, Oyo, Ogun, Gombe govnors dey re-elected for second term.
Wetin we call dis foto, Nigerians gada to vote
Plenty congratulations and jubilations don dey enta for some victors for di elections.
Moments afta di electoral body declare Lagos state Govnor Babajide Sanwo-Olu, as winner of di election, e say, "Lagosians don tok, dem tok well and dem tok loud."
Oda winners like di Ogun state Govnor, Dapo Abiodun, Govnor Seyi Makinde of Oyo don also thank di pipo for re-election.
However, di Labour Party Govnorship Candidate for Lagos state, Gbadebo Rhodes-Vivour say im dey convinced say di results wey di electoral body, Inec release no represent di wishes of di majority of peaceful Lagosians.
20 March 2023Una good morning!
Una good morning!
We still dey bring una live updates from across Nigeria afta di govnorship and State House of Assembly elections wey happun on Saturday.
States don begin declare winners while some states still dey announce.
You fit scroll down to see wetin don happun so far.
Welcome and happy Monday!
19 March 2023Dikko Radda of APC win Katsina govnorship election
Article Information
- - Author, Tunde Ososanya
  - Role, Journalist, BBC News Pidgin
Wia dis foto come from, @dikko_radda/Twitter
Di Independent National Electoral Commission (Inec) don declare di All Progressives Congress (APC) governorship candidate for Katsina State, Dikko Radda, as winner of di election wey shele for 18 March.
Radda score 859,892 votes to defeat im closest opponent, Senator Yakubu Danmarke, of di Peoples Democratic Party (PDP) wey poll 486,620.votes.
Di State Returning Officer for di election, Professor Mu’azu Gusau, wey be di Vice Chancellor of di Federal University Gusau, announce di result on 19 March for INEC collation centre for Katsina.
19 March 2023Breaking, Senator Nnamani lose Enugu Senate seat to LP candidate wey replace im brother wey unknown gunmen kill
Article Information
- - Author, Tunde Ososanya
  - Role, Journalist, BBC News Pidgin
Wia dis foto come from, Chimaroke Nnamani/Oyibo Chukwu
Wetin we call dis foto, (LR) Chimaroke Nnamani and Oyibo Chukwu
Senator Chimaroke Nnamani don lose Enugu East Senatorial election to di candidate of Labour Party, Kelvin Chukwu wey poll 69,136 votes.
Nnamani score 48,701 votes.
Di Independent National Electoral Commission bin move di election from 25 February sake of say jaguda pipo kill di first candidate of LP few days to di election.
Dem shoot and burn Oyibo Chukwu inside im campaign vehicle and LP replace am wit im younger brother Kelvin.
Kelvin go represent di pipo of Enugu East for di red chamber for di 10th Senate.
19 March 2023Kwara state govnor win re-election
Wetin we call dis foto, Kwara governorship election result
Di Independent National Electoral Commission (INEC) on don declare Governor Abdulrahman Abdulrazaq of Kwara State as di winner of di 2023 governorship election wey shele for di state on 18 March.
Di govnor wey seek re-election under di All Progressives Congress (APC) win all di 16 local goment areas of di state.
Kwara governorship election result
APC – 273,424
PDP – 155,490
SDP – 18,922
19 March 2023Yobe State govnor win re-election
Article Information
- - Author, Tunde Ososanya
  - Role, Journalist, BBC News Pidgin
Wia dis foto come from, MAI MALA BUNI
Governor of Yobe State Mai Mala Buni don win re-election for afta winning all di 17 local government areas of di state with a total of 317,113 votes.
Di candidate of di Peoples Democratic Party (PDP), Sharif Abdulahi, na im come second for di govnorship election wit total score of 104,259.
See di result below:
1. APC - 317,1132. LP - 4283. NNPP - 14,2465. PDP. - 104,259
19 March 2023Breaking, INEC declare Ebonyi govnorship election results inconclusive
Article Information
- - Author, Tunde Ososanya
  - Role, Journalist, BBC News Pidgin
Di Independent National Electoral Commission (Inec) don declare di 2023 governorship election results for Ebonyi State inconclusive.
Inec Resident Electoral Commissioner, Onyeka Paulin Ugochi make di declaration sake of di inability of di Ishielu Local Goment Area to reconcile dia election results.
While declaring di results inconclusive, Ugochi set up review committee headed by di Administrative Secretary, Charles Ezema to look into di election results from di Ishielu LGA.
“If you check our IRev, dem don finish uploading results 100% since yesterday. Today na submission of result sheet, we don give dem time to reconcile am but dem still dey find am difficult.
“I don call Abuja and sort dia opinion. We dey of di opinion say review committee gatz dey set up and dem go take am from wetin dey IRev and EC8A, go through di result sheet and come up wit di results and anyone wey no tarry, we go cancel am", di Resident Electoral Commissioner tok.
19 March 2023INEC vow to address election mago-mago
Wia dis foto come from, Getty Images
Di Independent National Electoral Commission (INEC) say dem no go hesistate to take drastic measure against irregularities wey dey proven for di govnorship and state House of Assembly elections.
Di commission National Commissioner for Information Festus Okoye yarn dis wen im address tori pipo on 19 March.
“We go review and address allegations of voter inducement, harassment and manipulation of results,” Okoye tok.
Di INEC commissioner, Festus Okoye also say di behaviour of thugs wey invade INEC office for Obingwa Local Goment Area of Abia State during di collation of results for di govnorship and state House of Assembly elections dey unacceptable. E say dem go thoroughly review di results from dat local goment.
Okoye say INEC no go take di patience of citizens for granted and add say dem go continue to take steps to protect di integrity of di votes and consolidate di progress wey INEC don make for di electoral process.
19 March 2023Rivers state postpone announcement of election result
Wetin we call dis foto, State returning officer Prof Rim-Rukeh postpone announcement of result to Monday, 20 March
Di State Retuning Officer, Professor Rim-Rukeh for Rivers state governorship elections don postpone di announcement of result to Monday, 20 March, 2023 by 10:00am.
Di returning officer don announce di results of 17 local goment areas.
E remain six wey e neva announce wey include Asari-Toru, Akuku-Toru, Ahoada-West, Degema, Port Harcourt and Obio-Akpor Local Goment Areas.
Rivers state get 23 local goment areas.
19 March 2023Rivers State election result update: Ogba/Egbema/Ndoni LGA
Registered voters: 168,205
Accredited voters: 32,809
Accord: 1,358
APC: 6,811
LP: 1,267
PDP: 17,729
SDP:3,450
Valid votes: 31,381
Rejected votes: 978
Total votes cast: 32,359
19 March 2023Rivers State election result update: Emohua LGA
Registered voters: 134,975
Accredited voters: 29,253
Accord: 179
APC: 5,916
LP: 505
PDP: 20,600
SDP: 805
Valid votes: 28,591
Rejected votes: 662
Total votes cast: 29,253
19 March 2023Rivers State election result update: Abua/Odual LGA
Registered voters: 97,090
Accreditedvoters: 17,132
Accord: 150
APC: 5738
LP: 391
PDP: 9763
SDP: 463
Valid votes: 16676
Rejected votes: 446
Total votes cast: 17122
Cancellation in Ward 7 due to violence.
19 March 2023Rivers State election result update: Andoni LGA
Wetin we call dis foto, Andoni LGA
Registered voters: 143,304
Accredited voters: 13697
Accord: 266
APC: 3,149
LP: 84
PDP: 8,319
SDP: 1185
Valid votes: 13271
Rejected votes: 426
Total votes cast: 13697
Cancellation in Ward 7&8 and two units affected.
19 March 2023Rivers State election result update: Collation of results resume wit Bonny LGA
Wetin we call dis foto, Collation of results for Rivers State don resume wit Bonny LGA
Registered voters: 83,094
Accredited voters: 13,815
Accord: 101
APC: 3,285
LP: 1,292
PDP: 8,032
SDP: 559
Valid votes: 13,447
Rejected votes: 368
Total votes cast: 13,815
Cancellation for 2 units for Ward 10 sake of over voting and becos di Presiding officer runaway wit di results for di oda unit
19 March 2023'I go defend your votes' Gbadebo Rhodes-Vivour assure supporters
Wia dis foto come from, Princess Oyefusi
Wetin we call dis foto, LP Lagos governorship candidate react to election
Candidate of di Labour Party for di Lagos state governorship election, Gbadebo Rhodes-Vivour don react to di Governorship and House of Assembly election wey hold for 18 Saturday, 2023.
Rhodes-Vivour for inside statement e post on im verified Twitter account say im dey convinced say di results wey di electoral body, INEC dey release no represent di wishes of di majority peaceful Lagosians.
E say dis na because of di confirmed reports of violence, gross disenfranchisement of voters, attacks on polling units and on dia agents plus di magomago wey di ruling party dey do to ensure say dem return to power.
“I dey sad by di confirmed reports of violence and gross disenfranchisement of voters wey only wish to perform dia civic duty.
Attacks on polling units, voters and our party agents dey totally antithetical to wetin we stand for ad wetin Lagos truly represent.
Collusion between di ruling party and electoral officials to return di candidate of di APC na slap on di face of democracy and everyone wey come out to vote on Saturday.” Goga Gbadebo tok.
E add say di results from di field agents and situation roon show say dem win dis election and e assure im supporters say e go defend dia votes.
“Every vote cast for me happun in di face of intimidation and risk of personal harm. Every such vote must count.
Defending every one of those votes na sacred duty. I go defend your votes – dis na my vow to every LP voter.” Gbadebo tok.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post