Nigeria give citizenship to 286 foreigners

Live Coverage

1. 16 September 2022Tanker drivers suspend dia strike for Rivers State, Di 9 days strike by tanker drivers cause fuel scarcity for di oil rich city

   Article Information

   • • 
     • Author, Karina Igonikon
     • Role, BBC Pidgin, Port Harcourt

   

   Tanker drivers don suspend dia nine days strike for Rivers State, South South Nigeria.

   Dis dey come afta one meeting dem hold with di Rivers State Commissioner of Police, Eboka Friday late Thursday evening for Police Headquarters, Port Harcourt, Rivers state.

   For di communique dem sign, CP Eboka direct di release of all trucks wey dey seized say dem no carry illegally refined petroleum products and also set up a taskforce to arrest all illegal taskforces.

   Di Tanker drivers strike cause fuel scarcity for Rivers State wey result to increase in di price of fuel to about N300 to N350 per litre.

   Many filling stations bin dey closed and black market sales of fuel boom as pipo buy petrol between N300 to N500 per litre for black market, wey come also make transport fares to double.

   Di Tanker Drivers bin strike becos of plenti harassment dem dey suffer for security operatives hand and di internal crises wey dey di Independent Petroleum Marketers Association of Nigeria IPMAN, but with di suspension of di strike, tankers go begin load products from di different depots and tank farms to effect supply.

2. 16 September 2022Happy ending for 'Hanifa' wey miss for Kano for days

3. 16 September 2022'Asuu strike make me japa to Uganda'

4. 16 September 2022Reports say Ghana royalty don get invitation to di Queen funeral

   

   Wia dis foto come from, Getty Images

   Ghana Ashanti King Otumfuo Osei Tutu II don get invitation to attend di state funeral of Queen Elizabeth II for London Westminster Abbey on Monday according to reports.

   One local radio station Tweet di invitation letter:

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

   King Otumfuo Osei Tutu II ascend di throne for 1999 as di16th ruler, or Asantehene.

   Di Asantehene na ogbonge figurehead for Ghana largest ethnic group. However e dey barred by di constitution from taking part in Ghana politics.

   For 2018, e host di den-Prince Charles for im Manhiya palace. Di prince na King Charles III now.

5. 16 September 2022Dem ban Chinese delegation from Queen Elizabeth II lying-in-state

6. 16 September 2022Wike sign Female Inheritance Bill into law

   Article Information

   • • 
     • Author, Karina Igonikon
     • Role, BBC Pidgin, Port Harcourt

   

   Wia dis foto come from, RVGH Press

   Rivers State Govnor Nyesom Wike don sign di Female Inheritance Bill into law.

   Di law go give right to women to inherit property for dia father house along with men for di state.

   As e dey sign di bill into law, Govnor Wike frown at di way most cultures, particularly for Rivers State, no dey encourage growth among di pipo.

   E wonder why dem dey deprive women from sharing in di inheritance of dia families wen most times na dem be di most useful members of di society compared to most male pikin dem.

   Govnor Wike say di law dey very important to di development of di state, becos e go help pipo actualise dia potentials, as women go dey allowed by law to inherit dia entitlements.

   "I no understand why e be taboo; becos you be girl, becos dis na woman, you no dey entitled to inherit wetin belong to your father.

   No be you dey decide weda you go get girl or boy, na God. So, put yourself for dia shoes today wia, by di mercy of God you get three pikins and all na girls and you struggle in life to see wetin you fit keep for your children. Tomorrow, one of dia uncles come say, my friend, girls no dey inherit dia papa property. With all your efforts in life, somebody come to discriminate against dem, why?

   We don find out say women dey more useful to us dan even di men. Di day you dey old and dying you go know say you need more daughters dan men. Dem go leave dia husband house and come to take care of you." E tok.

   Govnor Wike come urge women not to fear any threat from members of dia families concerning inheritance as e ask dem to stand up for dia rights and challenge any discrimination against dem in court, using dis law, in order to access dia entitlements.

   

   Wia dis foto come from, RVGH Press

7. 16 September 2022Nigeria give citizenship to 286 foreigners

   

   Wia dis foto come from, Presidency

   President Muhammadu Buhari don give Nigerian citizenship to 286 nationals for Abuja, Nigeria capital on Thursday.

   Some of di foreigners wey get citizenship na; Lebanese, Britons, Americans, Egyptians, Syrians, Italians and Palestinians.

   Presido tell dem to be good citizens of di kontri to enjoy all di rights and privileges wey dem donget.

   ‘’You don pledge your allegiance to Nigeria. Wen you give your love and loyalty to Nigeria, she return her love and loyalty to you,” president Buhari tok during di event wey hold for State House, Abuja.

   Di President say di Ministry of Interior ensure say na only pipo wey deserve am get recommendation to di Federal Executive Council to be conferred wit Nigerian citizenship.

   

   Wia dis foto come from, Presidency

   

   Wia dis foto come from, Presidency

8. 16 September 2022Una Good morning!

   Welcome to our live coverage of news from around di world today.

   Na here we go bring you all di latest from Nigeria, Ghana, Africa and di world as e dey happun.

   Good morning.

9. 15 September 2022Una bye-bye

   Na for here we match break till Friday wey we go bring una tori from Nigeria, West Africa and around di world.

10. 15 September 2022Angola president swear into office with tight security

    

    Wia dis foto come from, Getty Images

    João Lourenço don officially begin im second term for power, promising to be di president for all Angolans afta im MPLA party win for last month election.

    Strong military presence dey for di inauguration ceremony for Luanda Praça da República square, and AFP report say many pipo prefer to stay for house, leaving di capital streets unusually quiet.

    Di news agency say for im speech, President Lourenço re-tok promise of economic reforms and job creation but "e no mention im long anti-graft campaign".

    Some number of African heads of state attend Thursday swearing-in, as also di president of former colonial power Portugal.

    Di opposition Unita party no send representative.

    Dem maintain say di MPLA no win di election fair and square, upon di constitutional court wey reject all legal challenges to di result.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

11. 15 September 2022Fuel prices pump for Kenya afta subsidies cut

    

    Wia dis foto come from, Getty Images

    Fuel prices for Kenya increase on Thursday afta di new goment cut down subsidies.

    Di increase in price dey happun wen Kenyan pipo dey already face deep economic hardship.

    Price of petrol increase by 20 shillings to 179.30 (about $1.50) per litre while diesel and kerosene prices go up by 20 and 25 shillings respectively, di Energy and Petroleum Regulatory Authority (EPRA) tok.

    Di new price regime wey go remain in force until October 14 bin dey announced shortly after Kenya new President William Ruto take office on Tuesday and vow to scrap food and fuel subsidies.

    “Di interventions wey dey in place neva bear any fruit,” Ruto tok for im inauguration speech.

12. 15 September 2022Some stranded Nigerians for UAE dey blackmail FG - NIDCOM

    

    Wia dis foto come from, NIDCOM

    Di Nigerians in Diaspora Commission (NIDCOM) don warn citizens wey dey stranded for Dubai, United Arab Emirates, say make dem stop to dey blackmail dia home and host kontris.

    For one statement on Thursday wey Abdur-Rahman Balogun sign, di NIDCOM tok-tok pesin say many of di stranded pesin na illegal migrants wey bin go jail for several crimes for dia host kontri.

    “In line wit dia citizens’ diplomacy, di Federal Government approve di evacuation of over 300 Nigerians stranded for UAE. Regrettably, many of di pipo wey dey affected never dey cooperative as dem refuse to follow di laid down procedures.

    “Investigations also reveal say over 100 Nigerians wey don serve various jail sentences (ranging from drugs to credit card frauds, robberies, etc.) suddenly land for di holding centres, and dem dey ask di Nigerian consulate for Dubai to ‘immediately bring dem back’. Dia voices na di loudest,” di statement read in part.

    “Rather dan make dem comply wit di directives of di Nigerian consulate for Dubai, some Nigerians dey busy dey pursue media blackmail of di Federal Government and di UAE government," di statement quote NIDCOM Chairman, Abike Dabiri-Erewa.

    She tok say di media blackmail go make bad case worse. She add say rules on di cases no go change.

13. 15 September 2022Champions League table & top scorers afta Match day 2

14. 15 September 2022Roger Federer go retire later dis month

15. 15 September 2022Unknown gunmen attack border post for Northern Benin Republic

    

    Wia dis foto come from, Getty Images

    Unknown gunmen don attack one remote border post for Northern Benin, wia armed groups dey known to operate.

    Report say two pipo die from di attack.

    According to authorities for Benin, di armed men wey dey on motorbikes rob customs officers.

    Dem say di attack appear to dey linked to banditry.

    E happun for di Alibori region near di kontri border wit Niger wey smugglers dey frequently use.

    Troops wey dey battle di threat of Islamist militants from neighbouring Burkina Faso dey often receive attacked for Northern Benin.

    Some coastal West African kontris don beef up security along dia borders to tackle threats by militants wey dem believe dey move from di Sahel.

16. 15 September 2022Woman chop arrest for S Korea sake of deadi of pikin dem inside suitcases

    

    South Korean police say dem don arrest one woman wey chop accused say she kill her two pikin dem and wey dem find inside suitcases for New Zealand last month.

    In one case wey shock di kontri, strangers wey buy di abandoned suitcases from one storage unit for Auckland na e discover di deadi bodi dem.

    Belief dey say dem store di deadi bodi for few years. Korean police tok say di victims na 7 and 10 years.

    New Zealand don apply for di woman extradition from South Korea.

    Police for Auckland say dem bin work closely wit South Korean authorities in dia search for di woman.

    Di woman bin run to South Korea for 2018 after di di death of di pikin dem, South Korean police tok. She be 42-year-old New Zealand national of Korean descent.

    Dem be issue global Interpol warrant for her arrest. Officers arrest am on Thursday for one midnight raid for one apartment for south-eastern city of Ulsan.

17. 15 September 2022Why I dey dance with women for ‘Gidan Gala’ inside viral video - Tahir Fagge

18. 15 September 2022What you need to know about di trial of Aisha Huang wey dey face accuse of illegal mining for Ghana

19. 15 September 2022Queen Elizabeth II: Church of Nigeria hold Remembrance service

    Article Information

    • • 
      • Author, Tamara Ebiwei
      • Role, BBC News Pidgin

    

    Hundreds of pipo gada for di Church of Nigeria Anglican Communion hold Remembrance service for Queen Elizabeth ll today.

    Di service hold for di Cathedral of Advent, Abuja, Nigeria Capital.

    Na Most ReverendDr Henry Ndukuba, wey also be Archbishop and Metroplitan Primate of di Church of Nigeria organise di service.

    Dean, Church of Nigeria, Most Reverend Ali Buba Lamido wey also be di Archbishop of Kaduna say "di Anglican get im roots for di Church of England and di King or di Queen historically of di Church of England na di Head of di Anglican Communion, di defender of faith.

    "She be di head of our church before she pass on so we wey dey honour and remember her wit dis service and to also comfort our sefs" e tok .

    British High Commissioner to Nigeria, Catriona Laing and Defence Attache Matt Munroe attend di service.

    For di service dem praise di life di Queen, pray for her soul to find eternal rest and also pray for King Charles di III to succeed.

    

    

    

20. 15 September 2022Four Nigerians chop life imprisonment for rape

    

    Wia dis foto come from, Getty Images

    Four men go dey prison for di rest of dia life afta court find dem guilty of rape for Jigawa state, Northwest Nigeria.

    Di northern state high court for Birnin-Kudu convict di men say dem rape four girls on different occasions.

    For statement, di state justice ministry tok say dem attack two students wey be eight years old as dem dey go house from primary school on different times.

    Di victims of di oda cases bin dey ages six and 12 years old.

    Some of di convicts bin deny di charges against dem during di trial.

    But tok-tok pesin for di justice ministry, Zainab Santali, say medical report bin dey part of di evidence wey di prosecutors present to di judge.

    Campaigners don dey hala on top di rise in cases of rape and low punishment for rapists for Nigeria.

    Dem dey push for more severe punishment to deal wit wetin dem call epidemic.