YELLOW CARD, 44 mins
Moro Cassama don enter di referee book as im bring down Krasso.
So players from both teams don receive yellow card.
Ivory Coast 1-0 Guinea-Bissau
Ivory Coast begin Afcon 2023 wit victory over Guinea Bissau
Hosts Ivory Coast begin di 2023 Africa Cup of Nations wit comfortable 2-0 victory over Guinea-Bissau.
Live Coverage
Moseph Ekine
, 40 mins
Ivory Coast players scream for penalty afta Krasso go down inside di box.
Referee wave play on as Krasso go down too easily.
VAR no even check am becos Djalo, di Guinea-Bissau defender no even touch di forward.
, 37 mins
Jean Phillipe Krasso try to dribble im way into di box of di opposition before e shoot into di Guinea-Bissau defender.
Ivory Coast don begin increase di pressure on Guinea-Bissau.
From di corner, Sangante rise high to clear di ball well.
HITS THE WOODWORK, 35 mins
Ivory Coast 1-0 Guinea-Bissau
Fofana wit anoda shot to increase di lead...no.
Di goalkeeper push di midfielder shot onto di crossbar.
E nearly be two nil.
, 33 mins
Ivory Coast players need to stay calm, dis time Kessie foul Cassama.
From dat incident di Guinea-Bissau players try to create somethiing but Semedo shoot just wide.
YELLOW CARD, 30 mins
Evan Ndicka collect di first yellow card of di tournament.
Di Ivorien defender foul Rodrigues in di buildup to dat Balde chance.
, 29 mins
Ivory Coast 1-0 Guinea-Bissau
Guinea-Bissau wit good chance to equalise through Mama Balde.
Di Lyon man shot dey too weak as di goalkeeper catch am easily.
, 24 mins
Ivory Coast 1-0 Guinea-Bissau
Both players dey okay and di game don restart.
, 21 mins
Ivory Coast 1-0 Guinea-Bissau
Clash of heads between Jonathan Bamba and Cassama.
Both players stay down as dem don begin receive treatment.
, 16 mins
Ivory Coast 1-0 Guinea-Bissau
Krasso stretch well to meet one over di top through ball.
Di forward connect wit di pass but im shot dey too high. Di linesman sef raise e flag for offside.
, 14 mins
Ivory Coast 1-0 Guinea-Bissau
Afta di fast start to dis match, tins don cool down small.
Di hosts dey play keep ball as dem dey wait for di right momebt to cut open Guinea-Bissau.
, 7 mins
Ivory Coast 1-0 Guinea-Bissau
Guinea Bissau look to respond immediately but Rodrigues fail to control di ball inside di penalty box.
Mama Balde bin try overhead kick just before di ball go towards Rodrigues but im no connect
GOAL, Ivory Coast 1-0 Guinea-Bissau
4 mins
Ivory Coast take di lead through Seko Fofana inside di opening five minutes.
Di former Racing Club Lens midfielder dance im way intor di box before im unleash better shot past di goalkeeper.
Wow!
Wia dis foto come from, Getty Images
KICK-OFF, Ivory Coast 0-0 Guinea-Bissau
Guinea-Bissau don take di first kick of di 2023 Africa Cup of Nations.
, Ivory Coast vs Guinea-Bissau
Wia dis foto come from, Getty Images
Both teams don begin file out as di Caf anthem ring out for di Alassane Ouattara stadium wey get capacity of just over 60,000.
Next, na di national anthems. Di players of Guinea-Bissau sing wit passion before di Elephants of Ivory Coast begin sing dia own togeda wit dia colourful fans
Wia dis foto come from, Getty Images
Plenty senrere on show for opening ceremony, Ivory Coast vs Guinea-Bissau
From music stars to dance troupes, di opening ceremony of di 34th Africa Cup of Nations don take place.
Artistes like Magic System, Yemi Alade and Mohamed thrill fans with the theme song of di tournament.
Wia dis foto come from, Getty Images
Wetin we call dis foto, Yemi Alade and Magic System sing Afcon theme song 
Wia dis foto come from, Getty Images
Wia dis foto come from, Getty Images
Wia dis foto come from, Getty Images
Opta predict who go win Afcon 2023 for Ivory Coast
Team News, Ivory Coast vs Guinea-Bissau (20:00 GMT)
Ivory Coast XI: Yahia Fofana, Singo, Diomande, Ndicka, Konan, Ibrahim Sangare, Seko Fofana, Kessie, Bamba, Krasso, Boga.
Subs: Badra Ali Sangare (GK), Seri, Kossounou, Konate, Boly, Diakite, Gradel, Aurier, Pepe, Kouame, Doumbia, Diallo.
Guinea-Bissau XI:Djoco, Encada, Sangante, Djalo, Cande, Cassama, Bikel, Semedo, Rodrigues, Balde, Mane.
Subs:Jonas Mendes (GK), Dju, Houboulang Mendes, Fernando Gomes, Eucidalcio Gomes, Gano, Tchami, Carlos Gomes, Mane, Eulanio Gomes, Correia, Ie.
Skip X postAllow X content?Warning: Di BBC no dey responsible for di content of external sites.Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Head to Head, Ivory Coast vs Guinea-Bissau (20:00 GMT)
Wia dis foto come from, Getty Images
Dis na di first time Ivory Coast and Guinea Bissau dey meet for dis stage of a big tournament.
Ivory Coast bin don play for Afcon 24 times and win two times while Guinea-Bissau never score for dia last seven matches for di tournament.
Guinea-Bissau qualify as runners-up inside Group A, ahead of Sierra Leone and São Tomé and Príncipe. Na 13 points dem bin get from six matches.
, Ivory Coast vs Guinea-Bissau (20:00 GMT)
Guinea-Bissau no come Abidjan to count bridge.
Dis go be dia fourth appearance for Africa Cup of Nations since dem first play di tournament for 2017.
Skip X postAllow X content?Warning: Di BBC no dey responsible for di content of external sites.Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post