Di Three Lions of England welcome Ukraine to Wembley wit di aim of recording dia second Euro 2024 qualification victory.
Moseph Ekine
Wia dis foto come from, Getty Images
England 1-0 Ukraine
Di home side finally take di lead through Harry Kane.
Saka stand up beautiful cross into di box for di striker wey jab di ball past di goalkeeper.
England 0-0 Ukraine
England finally test di goalkeeper through James Maddison header.
Di midfielder connect well wit Henderson cross, im header go straight into di arms of Trubin.
Afta di goalkeeper catch am di ref blow im whistle say Henderson commit foul before im head di ball.
England 0-0 Ukraine
Another cross from Henderson see Kane connect wit di ball but im touch no be di right one as di ball go over.
If to say di ball enter net VAR for get sometin to say as e be like say Kane bin dey offside wen di cross come in.
England 0-0 Ukraine
Saka try to dribble im marker Mykolenko, di defender bring am down just by di corner flag.
Dis na good opportunity for England to test di keeper.
Ukraine clear di cross from Henderson.
England 0-0 Ukraine
Ukraine work di ball well wit nice passing to create opening for Malinovsky.
Di left footed midfielder try shot from outside di area but di ball go hit im teammate Mudryk instead.
Both teams dey try to stamp dia authority for dis match.
England 0-0 Ukraine
Ukraine goalkeeper Anatolii Trubin need treatment afta im collide wit Maddison.
Di Shakhtar Donestk shotstopper spill Saka cross onto Maddison path but later block di Leicester City man goal attempt.
England 0-0 Ukraine
Roman Yaremchuk find imself inside open space to run down on goal.
Di striker eventual shot go wide off di post before di linesman raise im flag for offside.
England fans fit breathe now becos dat bin look like good chance for Ukraine.
England 0-0 Ukraine
Harry Kane tink say im don win penalty for England afta Svatok allegedly bring am down inside di area.
Di ref wave play on, di Spurs striker no believe e eyes.
England 0-0 Ukraine
Mykhailo Mudryk against Kyle Walker look like one of di key duels to look out for for dis match.
Di two players don go up against eachother as dem chase down through ball down di left but di Man City man look equal to di task.
England 0-0 Ukraine
Straight from di start Ukraine midfielder Ruslan Malinovsky don go down.
Di Marseille midfielder dey hold im head afta e clash wit Ben Chilwel.
Both players bin dey contest for aerial ball but di midfielder dey okay to kontinu
Afta a minute silence, Bukayo Saka don take di first kick of di match as di game don start in front of a sell out crowd for Wembley.
Wia dis foto come from, Getty Images
Harry Kane steal di headlines last week wen e become England record scorer against Italy.
Im don contribute heavily in qualification to major tournaments, Kane don dey involved in 42 goals in just 28 appearances (33 goals, 9 assists).
Im dey score or assist on average every 50 minutes in these games and don find di net in 18 of im last 19 qualifying appearances. Im don score 27 times in those games.
Kane don also score 21 goals in 30 England appearances for Wembley.
GROUP J
GROUP C
GROUP H
All times GMT.
James Maddison make e first start for England as boss Gareth Southgate make three changes to di side wey defeat Italy on Thursday.
Di Leicester midfielder only previous international appearance bin be wen e come on as substitute against Montenegro three-and-a-half years ago.
England XI:Pickford, Walker, Stones, Maguire, Chilwell, Henderson, Rice, Bellingham, Saka, Maddison, Kane.
Subs:Ramsdale, Forster, Trippier, Guéhi, Dier, Grealish, Phillips, Gallagher, Toney.
Chelsea forward Mykhailo Mudryk start for Ukraine, along with Vitalii Mykolenko of Everton and Arsenal's Oleksandr Zinchenko.
Ukraine XI:Trubin, Matviienko, Stepanenko, Svatok, Karavaev, Mykolenko, Zinchenko, Sudakov, Malinovskyi, Mudryk, Yaremchuk.
Subs:Lunin, 23 Shevchenko, Sobol, Sarapii, Sydorchuk, Konoplianka, Dovbyk, Miroshnichenko, Buyalskiy, Tsygankov, Bondarenko, Pikhalonok.
Wia dis foto come from, Getty Images
England get a smaller squad of 20 tonight as several players don drop out over di last few days.
Manchester City midfielder Phil Foden was ruled out just a few hours ago as im don undergo surgery to remove im appendix dis morning.
Chelsea defender Reece James withdraw ova di weekend due to injury, while Manchester United Luke Shaw dey suspended. Di left back see red against Italy.
Manchester United striker Marcus Rashford, Chelsea midfielder Mason Mount and Newcastle goalkeeper Nick Pope all pull out last week.
Wia dis foto come from, Getty Images
England begin dia Euro qualifying campaign wit 2-1 win over Italy on Thursday, now di challenge na to make am two wins out of two.
Dis evening dem dey host Ukraine for Wembley, dis match na di first time wey di two teams go meet since Euro 2020 wia England win 4-0 for di quarter-final.
