Dem don play ball less
Di two teams don too knack di ball and under 15 minutes di ball don less.
So far di game dey balance .
Di two teams dey press.
You’re viewing a text-only version of this website that uses less data. View the main version of the website including all images and videos.
Ghana vs Nigeria - How e happun live for Kumasi
Ghana dey play dia fellow West Africa neighbours Nigeria for di Baba Yara Stadium for Kumasi.
Live Coverage
Helen Oyibo and Victor Ezeama
Breaking, Game don start!
Kick-off!
Game don start…di stadium full to capacity. DI Baba Yara stadium for Kumasi na 40,000 capacity.
Ghana vs Nigeria team list
Di two teams field dia best 11 for di match
Ghana XI: Ofori, Odoi, Amartey, Djiku, Mensah, Iddrissu, Partey, Ishaku, Kudus, Jordan, Afena.
Nigeria XI: Uzoho; Aina, Balogun, Troost-Ekong, Sanusi; Aribo, Iheanacho, Bonke; Simon, Osimhen, Chukwueze.
Live for viewing centre for Abuja where fans tanda dey wait opening whistle
We go one viewing centre for Abuja, Nigeria to see how fans dey ginger to watch di game.
Di Mane vs Salah show
Asides from di jollof derby, anoda tough game wey go dey happun at di same time na di Salah vs Mane game.
Egypt and Senegal dey meet too at di same time Ghana and Nigeria go dey clash.
Di two kontries bin participate for di last World Cup but none of dem qualify from di group stages for Russia.
Arguably di two best players for Africa – Sadio Mane of Senegal and Egypt Mohammed Salah na stars for dia club, Liverpool.
Na Egypt dey host di first leg for Cairo international stadium. Di match dey kick-off di same time wit Ghana vs Nigeria at 8:30pm
In oda news..., Afcon host lose at home to Algeria
Meanwhile, Cameroon don lose dia first leg match to Algeria.
Dia new coach Rigobert Song lose im first match 1-0 to Algeria courtesy of Islam Slimani 40th minute shot.
Cameroon lose at home for Doula stadium and hope to get revenge wen dem go Algiers on Tuesday.
Ghana vs Nigeria match draw excitement among soccer fans
Excitement dey among Ghana and Nigeria football fans ahead of di match wey dey kick-off soon.
Pundits, wey be sabi pipo for sports don say e dey hard to predict who go win sake of di history between di two kontris.
Di last time dis two kontris meet, na for 2011 but games between di two go way back as 1950.
Ghana and Nigeria don meet 56 times across all competitions. Di Black Stars don win 25 while di Super Eagles don win 12 and di oda19 games end for draw.
Playing Ghana away from home never really favour Nigeria as dem don lose 16 times wenever dia West African rival host dem. Six end for draw.
Na only one time Nigeria win out of di 23 times wey Ghana don host.
Di jollof derby!
Make e for no loss.
See some of di posts and comments pipo dey make as Ghana vs Nigeria dey trend.
Fans don begin gada to watch Ghana vs Nigeria match
Thousands of football fans don begin gather for Baba Yara Sports Stadium for Kumasi ahead of Black Stars vs Super Eagles 2022 World Cup Qualifier clash.
See some fotos here.
D-day don reach
Di D-day don reach for di Fifa World Cup Playoffs, as Ghana and Nigeria go put leg for one trouser again.
Di rivalry of dis two kontris no dey end sake of say if no be football dem dey tok about, sometimes na di kontri wey dia jollof rice dey sweet pass dem go dey drag.
Ghana go play dia fellow West Africa neighbours Nigeria for di Baba Yara Stadium for Kumasi dis evening. Kick-off time na 7:30 pm Ghana time and 8:30pm Nigeria time.
Una welcome
Una welcome to our live coverage of di world cup playoff between di Super Eagles of Nigeria and di Black Stars of Ghana.
Na for here we go give una all di details live of how di match go happun for Kumasi.
Make una stay wit us.