You’re viewing a text-only version of this website that uses less data. View the main version of the website including all images and videos.
Host of di 2021 Africa Cup of Nations, Afcon, Cameroon beat Burkina Faso to win di opening game of di tournament.
Helen Oyibo and Moseph Ekine
Burkina Faso don score di first goal of di match.
Gustavo Sangare score for Burkina Faso wit left foot shot from Bertrand Traore cross.
Cameroon goalkeeper Andre Onana bin fail to catch Traore cross as di ball land for Sangare wey capitalise on im mistake.
So far di two teams just dey size eachoda as no goal don enta yet
In other news, Senegal go be without goalkeeper Edouard Mendy and defender Kalidou Koulibaly for dia opening game for di Africa Cup of Nations afta both players test positive for coronavirus.
Di Teranga Lions, runners-up for di 2019 edition of di tournament, face Zimbabwe for dia opening Group B game on Monday (13:00 GMT).
Chelsea keeper Mendy, centre-back Koulibaly and striker Famara Diedhiou don all go into isolation.
Di opening match between Cameroon and Burkina Faso don kick off for Olembe Sadium for Yaounde, Cameroon.
Burkina Faso
Formation 4-2-3-1
Substitutes
Referee: Mustapha Ghorbal
Cameroon
Formation 3-1-4-2
Substitutes
Tori be say Burkina Faso team don also land Olembe staduim for dia opening encounter with Cameroon Indomitable Lions.
Kick off time na 5:00pm.
Cameroon Indomitable Lions don land Olembe staduim for dia match against Burkina Faso.
Di Cameroon team through dia captain, Aboubakar Vincent don promise Cameroonians say dey go win de Stallions of Burkina Faso.
Legend Roger Milla give dem blessing.
For more about Afcon 2021 teams and squad check dis tori.
E dey hard to look past holders Algeria, wey dey on a 34-match unbeaten run and wey Manchester City winger Riyad Mahrez dey lead.
Sadio Mane Senegal, Africa top-ranked side for di past three years, be runners-up for 2019 and among di main challengers, while record seven-time champions Egypt get di best player for di world right now in Mohamed Salah according to some – Salah dey shine for Liverpool dis season.
Ghana and Nigeria dey among di continent most successful kontries but dia 2022 World Cup qualification campaigns no too bam, while Cameroon – dey pursue dia sixth Nations Cup title.
Mali fit be surprise package afta dem reach di World Cup play-offs by going unbeaten despite home advantage.
Ivory Coast, Morocco and Tunisia dey among di oda former champions present and, for di oda end, Comoros and The Gambia be first-time qualifiers.
Plenti Premier League and European stars go land Cameroon and di hosts go face Burkina Faso for di opening game.
Di tournament wey dem schedule to start in June 2021 move to January last year to avoid Cameroon rainy season, di tournament bin don dey delayed to 2022 because of di coronavirus pandemic.
Di Nations Cup go get 24 participants. E mean six groups of four, with di top two to qualify for di last 16 alongside di four best-ranked third-placed sides.
Games go hapun at 13:00, 16:00 and 19:00 (all GMT times) during di group stages, di two last kick-off times na wetin dem go use for di knockout stages from Sunday, 23 January.
AFCON 2021 official opening ceremony dey haun for di 60000 seater Olembe Stadium.
Spectators and fans still dey troop in in dia numbers.
President Biya and im wife dey di staduim for di ceremony.
Dem drive round di staduim inside convertible jeep.
Opening match between Cameroon and Burkina Faso go kick off by 5:00pm
Una welcome to our live coverage of di African cup of Nations 2021 wey dey hapun for Cameroon. Di tournament go officially begin with di opening ceremony wey go kick off dis afternoon.
BBC Pidgin dey here to bring una all di tori and gist live as e dey hapun from Cameroon!