Pharaohs respond
Kelechi Iheanacho goal don wake up di Pharaohs as Ahmed El Fotouh whip in promising cross into di box, but di opposition defence intercepts the ball.
Afta 36mins Nigeria dey lead 1-0
You’re viewing a text-only version of this website that uses less data. View the main version of the website including all images and videos.
Nigeria 1-0 Egypt reactions: Iheanacho goal see Super Eagles defeat Pharaohs
Host of di 2021 Africa Cup of Nations, Afcon, Cameroon beat Burkina Faso to win di opening game of di tournament.
Live Coverage
Helen Oyibo and Moseph Ekine
Breaking, Goal for Nigeria!
Leicester City striker Kelechi Iheanacho give Nigeria di lead.
Aribo head di ball to Iheanacho after Egpt block Simon cross, 'Seniorman' come fire wonderful half-volley into di roof of di net!
30mins - Nigeria 1-0 Egypt.
26' Moses Simon chance!
Nigeria midfielder Moses Simon shoot shot wey hit side neeting afta Joe Aribo lay through pass for am.
So far di match still be Nigeria 0-0 Egypt.
21' Change of ball
Nigeria striker Taiwo Awoniyi make strong challenge wey referee Bakary Gassama no like as im blow for foul.
Meanwhile sometin dey wrong wit di football as di referee don ask make dem change am.
Fans still dey enter Roumde Adija stadium
Even though di match don reach 17mins fans still dey enter di Roumde Adija stadium for Garoua.
14' Okoye come out early to stop Egypt move
Mohamed Salah wey look like say im dey offside give through pass into di box for Trezeguet, but Maduka Okoye show good awareness to stop am.
12' Early substitution for Egypt
Coach Carlos Queiroz decides to make substitution as Akram Tawfik no go fit kontinu
Mohamed Abdelmonem do replace di injured right back.
7' Akram Tawfik need medical attention
Egypt player Akram Tawfik need medical attention as im signal to di bench say im dey in pain.
Di extent of im injury dey yet to be discovered as di medical team attend to am
4' - Chance for Egypt
Mostafa Mohammed test Nigeria goalkeeper, Okoye wit di first shot of di game.
Di Galatasaray striker shot from di right dey weak as Okoye comfortably catch am.
Breaking, Egypt take di first kick
1' - Egypt capatain Mohammed Salah don take di first kick of di game as di refereee blow di whistle to signal di start of di match.
Time for National anthem
Both teams don enta stadium as di match go soon start.
But first, dem go start wit singing dia national anthems beginning wit Nigeria.
Scene from Roumdé Adjia Stadium
All don set for di big match today between Nigeria and Egypt.
Check out di venue, di City and how both teams don prepare for today match.
BBC Pidgin dey live for Roumdé Adjia Stadium
Check out di mood and atmosphere for di Roumdé Adjia Stadium for Garoua wia di Super Eagles and Pharoahs go jam.
Kanu message to di Super Eagles
Nigeria Vs Egypt na in less dan 30 minutes.
See former Super Eagles player Kanu Nwankwo message to di Nigerians.
Salah start for Egypt
Super Eagles coach Austin Eguavoen don name Union Berlin striker Taiwo Awoniyi for di Super Eagles starting line-up in di absence of Victor Osimhen and Odion Ighalo.
Nigeria lineup: Okoye; Aina, Troost-Ekong, Omeruo, Aina; Onyeka, Ndidi, Aribo; Chukwueze, Iheanacho, Awoniyi.
Meanwhile Egypt coach Carlos Queiroz name Trezeguet and captain Mohammed Salah start too.
Egypt lineup: El-Shennawy; Akram, El-Wensh, Hegazi, Fetiouh, Hamdi, Elneny, Trezeguet, Salah, Marmoush, Mostafa.
Nigeria Vs Egypt: Stars to watch
Both teams get stars to look out for in di clash but across di world, attention go dey on Liverpool star Mohammed Salah wey be arguably di biggest star for di competition and top scorer for English premier league with 16 goals.
Like many teams at di moment, covid don affect di Egyptian squad wit three players and some members of di coaching staff dey affected.
Oda Egyptian stars to watch na Arsenal midfielder Elneny and Aston Villa forward Trezeguet.
For di Nigerian side, skipper Ahmed Musa don comot to announce say dis go be im last Afcon and dey hope to win di trophy one more time.
Leicester duo Kelechi Iheanacho and Wilfred Ndidi na two of di players wey many dey expect to rise to di occasion especially against Egypt wey be dia biggest match for di group.
Di oda group members Sudan and Guinea Bissau dey also play today.
Algeria Vs Sierra Leone
Meanwhile, Algeria Vs Sierra Leone end in a goalless 0-0 draw for Douala Stadium for Cameroon afta dem jam for dia first African Cup of Nations, Afcon 2021 encounter.
Algeria na di defending champion and get Man City star Mahrez Riyad bin dey part of di team.
Wetin you need to know
Three time Afcon winners Nigeria Super Eagles go tackle seven time winners pharaohs of Egypt for Estadio Roumde Adjia on Tuesday for match wey many say fit be di biggest game for di ongoing Nations Cup for Cameroun so far.
Dis na Eagles 19th appearance for Afcon tournament and dem dey try to win dia fourth trophy, dia opponents Pharaohs dey make dia 23rd appearance.
Egypt dey hope to get dia eight trophy.
Both teams dey look forward to di FIFA world cup in Qatar as dem already progress to di next round of qualifiers.
Rivalry between dis two teams start for 1960 wen Nigeria defeat Egypt 2-1 for friendly game.
Dis go be di 19th meeting between di teams with Nigeria winning eight times, Egypt five times and di rest end in draw.
In terms of recent form, na Super Eagles get di edge as dem get four wins, a draw and a loss in dia last six matches.
While Pharaohs of Egypt lose dia last two officials games get 3 wins a draw and two losses.
Una Welcome!
Una welcome to our live coverage of di Afcon encounter between di Super Eagles of Nigeria and di Pharaohs of Egypt.
Una goodnight!
Na here we go end our live coverage of Afcon 2021 today.
In case you just dey join us, Saido Mane last minute penalty give Senegal victory against Zimbabwe.
83’ minute goal from Sofiane Boufal also help Morocco secure 1-0 win over Ghana.
Make una join us again tomorrow as we go dey here live with all di updates from 4:00pm wit matches for Group D and Group E.
For Group D Nigeria go play Egypt by 5:00GMT while Sudan go meet Guinea-Bissau for di second match.
Group E go see early match between Algeria and Sierra-Leone.
Until den, una bye-bye.