BBC News, Pidgin
Waka go wetin de inside

Ajayi and Lookman goals power Nigeria past Tanzania

Semiu Ajayi header and Lookman strike power Super Eagles past Tanzania for Afcon 2025 match.

Summary

  • Nigeria sama Tanzania 2-1 for dia opening game for Group C
  • Na Semi Ajayi first score for Nigeria bifor Ademola Lookman top am
  • Charles M'Mombwa net di only goal for Tanzania
  • Di victory na Nigeria fifth ova Tanzania for eight matches across all competitions
  • Tanzania neva defeat Nigeria although three of their encounters bin end for draw

Live Coverage

Tunde Ososanya and Adesola Ikulajolu

  1. , 44 mins

    Samatta shoot from inside di area into di arms of Nwabali.

    Di Tanzanians don begin come out to play more and more since dis game start.

    Nigeria 1-0 Tanzania

  2. , 40 mins

    Dat goal go settle di nerves of Nigerians as dem bin don dey knock on di door.

    Over to you Tanzania to respond...or not.

    Nigeria 1-0 Tanzania

  3. GOAL, Nigeria 1-0 Tanzania

    Ajayi celebrate Nigeria opening goal

    Wia dis foto come from, Getty Images

    Semiu Ajayi don open di scoring for Nigeria.

    Di defender rise high to head Iwobi cross into di net.

    Nigeria lead!

  4. , 35 mins

    Osimhen! Cleared off di line.

    Victor Osimhen dribble di goalkeeper but im shot dey cleared off di line. So close for Nigeria.

  5. , 32 mins

    Iwobi defence splitting pass find Osimhen clean through on goal, di striker round di goalkeeper but di angle too tight for am to shoot.

    Im later cross di ball but e no reach im teammates in green.

  6. , 29 mins

    Afta some pushing, Chukwueze finally take di cornerkick.

    E end for di goalkeeper hand but di ref blow e whistle for foul on di Tanzanian goalie.

    Nigeria 0-0 Tanzania

  7. , 27 mins

    Osimhen no happy about di challenge on am just outside di area. Di referee tell am to calm down as im don give di Super Eagles chance to score from di freekick.

    Lookman stand over am, di Atalanta forward shot hit di wall go out for corner.

  8. , 21 mins

    Di rains wey we don see for much of dis tournament don begin to fall for Fes.

    Dat no stop di action from continuing as Nigeria try to up di pressure on Tanzania.

    So far Nigeria get 62% possession to Tanzania 38%.

    Nigeria 0-0 Tanzania

  9. , 15 mins

    Osimhen race clear of di Tanzanian defence from di right, im shoot e shot well over di bar.

    Di linesman flag later go up for offside

  10. ACROBATIC EFFORT, 13 mins

    Msuva wit shagalo effort from just inside di Super Eagles eighteen..

    Nwabali gather di ball well as di shot no too get power behind am.

    Dat na Tanzania first shot of dis match and e dey on target.

    Nigeria 0-0 Tanzania

  11. HITS THE WOODWORK

    Oooooof!

    Adams almost score di game first goal.

    Di striker rise high to head Lookman cornerkick onto di crossbar.

    Good chance for Nigeria!

    Nigeria 0-0 Tanzania

  12. GREAT SAVE!, 9 mins

    Foba again race out of im post and dive low to deny Adams from opening di scoring.

    Di goalkeeper look like im injure imsef while e try to save dat shot wit im face.

    Im dey okay to carry on.

    Nigeria 0-0 Tanzania

  13. , 5 mins

    Chukwueze try to take di Tanzanian goalkeeper by surprise wit shot from outside di area.

    Di shot no too hot Foba wey dey in goal, di goalkeeper catch am well.

    Nigeria 0-0 Tanzania

  14. , 2 mins

    Nigeria steal di ball from Tanzania, Lookman pass to Osimhen.

    Di Galatasaray marksman try to find im strike partner Adams, but Hamad intercept di ball for Tanzania defence.

    Nigeria 0-0 Tanzania.

  15. KICK-OFF, Nigeria 0-0 Tanzania

    Ademola Lookman of Nigeria don begin dis match wit di first kick of di game.

  16. Time for national anthems, Nigeria vs Tanzania

    Both teams don file out for di Complexe Sportif de Fes stadium for Morocco.

    Time for di national anthems starting wit Nigeria wey dey sing dia Nigeria we hail thee.

    Tanzania also belt out dia Mungu ibariki Afrika (God bless Africa) anthem.

  17. Head to head: Nigeria and Tanzania previous Afcon outings, Nigeria vs Tanzania

    Dis game between between Super Eagles of Nigeria and di Taifa Stars of Tanzania na anoda reminder of di kain outing both teams don dey show for previous Afcon.

    For Nigeria, dem neva lose any of dia last six Afcon group stage games - dem win five and draw one.

    Also, seven of Nigeria last eight matches na draw draw fort half-time. For Tanzania, dem don fail to failed to keep a clean sheet across dia last six fixtures.

    Tanzania neva score for six of dia last eight Afcon matches.

    Read more here: Nigeria vs Tanzania preview.

  18. Mbwana Samatta and Msuva to cause Nigeria problems?, Nigeria vs Tanzania

    Talismanic striker, Mbwana Samatta na im go lead di line for Tanzania and e go get support from Msuva and Allarakhia.

    Tanzania XI: 28. Foba, 22. Kapombe, 14. Mwamnyeto, 4. Hamad, 15. Hussein; 20. Miroshi, 27. Msanga, 8. M'Mombwa; 12. Msuva, 26. Allarakhia, 10. Samata

    Skip X post
    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Warning: Di BBC no dey responsible for di content of external sites.

    End of X post

  19. Team news: Osimhen to lead Super Eagles attack, Nigeria vs Tanzania

    Nigeria coach Eric Chelle name star striker Victor Osimhen to lead di attack of di Super Eagles. Lookman, Adams and Chukwueze go support am for lineup wey look very attack-minded.

    Nigeria XI: 23. Nwabali, 2. Osayi-Samuel, 6. Ajayi, 21. Bassey, 3. Zaidu; 17. Iwobi, 4. Ndidi (c), 11. Chukwueze; 7. Lookman, 22. Adams, 9. Osimhen.

    Skip X post
    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Warning: Di BBC no dey responsible for di content of external sites.

    End of X post

  20. Nigeria dey face Tanzania afta 45 years for Afcon, Nigeria vs Tanzania 18:30 (WAT)

      • Author, Adesola Ikulajolu
      • Role, BBC News Pidgin
    Man hold Nigeria flag, woman dey im side

    Wia dis foto come from, Mobolaji Olatunde/BBC

    Wetin we call dis foto, Nigeria dey face Tanzania

    Nigeria Super Eagles and Tanzania clash dey hapun for Complexe Sportif de Fès for Morocco.

    Dis na Nigeria 21st Afcon and di Super Eagles dey hope to win am for di fourth time afta dem finish second for di last edition for Ivory Coast.

    For Tanzania, na dia fourth time to come Afcon and dem bin lose all dia opening matches.

    Nigeria and Tanzania dey meet for di second time afta 45 years wey dem first meet for di Africa Cup of Nations tournament.

    Meanwhile, Nigeria and Tanzania don meet seven times for all competitions and di Super Eagles neva lose any match against Tanzania.

    All eyes on di two teams.