Gabriel Jesus, Xhaka and Partey goals hand Arsenal victory over 10-man Tottenham

Live Coverage

Moseph Ekine

1. 1 October 2022Half time, Arsenal 1-1 Tottenham

   Refree Anthony Taylor don blow for di end of di first half.

   Arsenal go feel disappointed afta dem take di lead through Thomas Partey on di 20th minute.

   Harry Kane score from di spot to equalise for Tottenham afta Gabriel bring down Richarlison inside di box.

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

2. 1 October 2022, Arsenal 1-1 Tottenham

   45+1 mins

   We don enta two minutes added time before half-time.

3. 1 October 2022, Arsenal 1-1 Tottenham

   43 mins

   Gabriel Jesus dribble not one but two Spurs defenders to create shooting chance for imsef.

   Lloris use im body block di forward left footed shot.

4. 1 October 2022, Arsenal 1-1 Tottenham

   42 mins

   Di game don get a bit physical now as both teams commit professional fouls.

5. 1 October 2022, Arsenal 1-1 Tottenham

   38 mins

   Spurs try to quickly counter Arsenal wit Son.

   Arsenal captain Odegaard try to pull di South Korean back but di forward find Richarlison wit him pass.

   Di move see Perisic cross di ball to Kane wey head am straight into di arms of Ramsdale.

6. 1 October 2022Breaking, , Arsenal 1-1 Tottenham

   Harry Kane, off course don equalise for Spurs.

   Di striker fire im shot straight down di middle beyond di reach of Ramsdale wey guess wrongly.

   

   Wia dis foto come from, Getty Images

7. 1 October 2022

   29 mins

   Penalty to Spurs.

   Richarlison dance im way inside Arsenal box. Gabriel commit imsef too much come foul di Spurs man.

8. 1 October 2022, Arsenal 1-0 Tottenham

   28 mins

   Perisic find imsef in yards of space afta im receive di ball from Son.

   Di Croatian shoot left footed but im shot no trouble Ramsdale.

9. 1 October 2022Breaking, Thomas Partey open scoring for Arsenal, Arsenal 1-0 Tottenham

   

   Wia dis foto come from, Getty Images

   20 mins

   What a goal by Thomas Partey!

   Di Ghanaian latch onto Ben White pass and hit di ball first time beyond di reach of Lloris. Beatiful goal.

10. 1 October 2022

    17 mins

    Arsenal 0-0 Tottenham

    Granit Xhaka create space for himself from 20 yards out. Di Swiss try im luck from distance but im shot go wide of Hugo Lloris post.

11. 1 October 2022

    13 mins

    Arsenal 0-0 Tottenham

    Di visitors almost take di lead from Richarlison toe poke of Son Heung-min cross.

    Arsenal goalkeeper Ramsdale react quickly to save di shot wey for give Spurs di lead.

    Arsenal players demand for offside but di referee no blow im whistle.

12. 1 October 2022

    12 mins

    Arsenal 0-0 Tottenham

    Spurs look to break wit Richarlison and Kane as Arsenal retreat.

    First Partey foul di Brazilian before refree Taylor blow im whistle for follow up foul by Gabriel.

13. 1 October 2022

    8 mins

    Arsenal 0-0 Tottenham

    Di Gunners look sharp so far as dem camp for Tottenham half.

    So far dem dey lead for possession - 77% against Spurs 23%.

14. 1 October 2022Arsenal hit post

    Arsenal 0-0 Tottenham

    Bukayo Saka cross di ball wit im right boot towards di back post. Gabriel Martinelli meet di ball and shoot am towards goal.. Hugo Lloris push am onto di post and out for anoda corner.

    Di corner no threaten Spurs.

15. 1 October 2022, 3 mins

    Arsenal 0-0 Tottenham

    First corner to Arsenal afta fine buildup near di post, Richarlison who clear di corner for Spurs.

    Good start by Arsenal.

16. 1 October 2022Kick off, Arsenal v Tottenham

    1mins - Tottenham don start di match as Son take di first kick of di game.

17. 1 October 2022, Arsenal v Tottenham (12:30)

    Both teams don step put onto di wet Emirates pitch as kickoff don near.

    Di fans voice dey loud, you fit feel di excitement as di 192nd fixture of di North London derby dey set to start.

    Di referee in charge of dis match today na Anthony Taylor.

18. 1 October 2022How Spurs don fare against Arsenal, Arsenal v Tottenham (12:30)

    • Tottenham dey unbeaten for 13 Premier League fixtures (W9, D4) and dem dey only one match away from equalling their longest unbeaten run in di division, wey dem set from August to December 2015 and equal for 2017-18.
    • Dis na Spurs eighth top-flight match of di season and di seventh wey dem go play for London. Di only game dem play outside London na di 2-0 win against Nottingham Forest on 28 August.
    • Harry Kane dey one goal short to become di first player to score 100 Premier League away goals.
    • Kane don score 13 goals in 17 appearances against Arsenal in all competitions. No oda player don score more than 10 goals for north London derbies.
    • Son Heung-min don score four goals in im last five league matches versus di Gunners afta im fail to score for any of im first nine top-flight fixtures against dem.

    

    Wia dis foto come from, Getty Images

19. 1 October 2022Arsenal head to head stats against Spurs, Arsenal v Tottenham (12:30)

    

    Wia dis foto come from, Getty Images

    • Arsenal don record six straight Premier League home wins, including three dis season.
    • However, dem don go eight top-flight matches without clean sheet for Emirates Stadium since March 2-0 victory versus Leicester.
    • Only one of dia 17 Premier League goals dis season don come from right-foot shot.
    • Mikel Arteta dey unbeaten for all seven of im North London derbies for Emirates Stadium for league and cup, both as player (W3, D2) and manager (two wins).
    • Gabriel Jesus dey unbeaten for all 50 Premier League matches wey im don score, winning 47 of those fixtures.
    • However, di Brazilian don net only once in nine league appearances versus Spurs.

20. 1 October 2022Premier League fixtures today

    Aside from di North London derby today, six oda Premier League matches go take place too. Five of dem go start by 15:00.

    Arsenal v Tottenham (12:30)

    Bournemouth v Brentford

    Crystal Palace v Chelsea

    Fulham v Newcastle

    Liverpool v Brighton

    Southampton v Everton

    West Ham v Wolves (17:30)

    • Click here to find Premier League predictions for dis weekend