تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
جاپان کې زلزلې د یو میلیون کورونو برېښنا پرې کړې
د شنبې په ورځ د جاپان فوکوشیما ساحلي سیمو کې د څونامي د لسمې کلیزې تر پوره کېدا څو اونۍ مخکې، چې زرګونه کسان یې ووژل، زلزله شوې ده.
د توکیو وګړو ویلي د زلزلې کچه ۷٫۳ وه، خو د څونامي په اړه هېڅ خبرداری نه دی رورکړل شوی.
رپوټتونه وايي، په زلزله کې ۵۰ کسان ژوبل شوي او د کابو یو میلیون کورونو برېښنا پرې شوې ده.
د شنبې ورځې زلزله کې د ۲۰۱۱ کال د زلزلې اصلي مرکز ته څېرمه شوې ده، چې د څو نامي لامل شوه او تر ۱۸ ډېر کسان پکې ووژل شول.
د جاپان د هوا پېژندنې ادارې ویلي، د شنبې ورځ زلزله ښايي د ۲۰۱۱ کال د زلزلې تکراري ټکان وي.
ځینې وخت د زلزلې ټکانونه تر څو کلونو دوام کوي.
د شنبې ورځې د زلزلې ژوروالی په ارام سمندر کې ۶۰ کیلومتره ښودل شوی.
د جاپان د وزیرانو شورا منشي کاتسوبو کاتو خبریالانو ته وویل، ارزونه روانه ده او په سیمه کې د اتومي بټیو په اړه هم څېړنه کېږي.
په زلزله کې باید څه وکړو او څه ونه کړو؟
که ودانۍ کې یاست:
- له کړکیو، سترو المریو، بخاریو او نورو درنو شیانو لرې شئ، ممکن پر تاسو در وغورځي.
- د ډوډۍ خوړلو یا لیکلو مېز لاندې پټ شئ او که په زلزله کې وخوځېدل، پښې یې ټینګې ونیسئ.
- که استوګنیزه مېنه کې یاست، د زلزلې پر مهال بهر یا لاندې په پوړیو( ځینو) کې منډه نه کړئ، ځکه ممکن د لوېدیو یا غورځېدلو پر مهال ټپي شئ.
- پخلیځ(اشپزخانه) د زلزلې پر مهال یو ډېر خطرناک ځای دی، ترې لرې شئ.
- د یخچال، المرۍاو د دوی په څېرد کور د لوړو او درنو وسایلو له څنګ لرې شئ.
که له ودانۍ بهر یاست:
پرانیستې فضا ته لاړ شئ او له ودانیو، برېښنا تارونو، دودکشونو او هر بل شي لرې شئ، چې ممکن پر تاسو در وغورځي.
که موټرواني کوئ:
- ګاډی په پام سره و درروئ او څومره چې کولی شئ له نورو موټرو ځان ازاد کړئ.
- هیڅکله هم د پل یا ونو ، د برېښنا مټو یا ترافیکي اشارو لاندې مه درېږئ.
- چې ټکانونه ختم شوي نه وي له موټر مه کوزېږئ.
- د بیا تللو پر مهال په سړک کې ماتو خښتو او کاڼو ته پام کوئ.
د زلزلې پېښېدلو پر مهال څه باید ونه کړو؟
- که د ګاز نلکه مو بنده کړې وه، مه یې خلاصوئ او د ګاز ادارې ته یې وسپارئ.
- که ډاډه نه یاست چې د لیګ شوي ګاز بوی ختم شوی نه دی، د اورلګیت او نور اور اچوونکو وسایلو له کارولو ډډه وکړئ.
- باید وپوهېږئ چې مرستندویه ډلې، پولیس، امبولانسونه او اوروژونکي ښايي ژر تاسو ته ونه رسېږي.
له زلزلې وروسته:
کله چې زلزله ختمه شي باید د وروستیو ټکانونو منتظر اوسو او هڅه وکړو چې له ماتو ښیښو او ماتو شیانو ځان لرې کړو.
له زلزلې وروسته خطرونو څخه د لرې کېدلو لپاره هم ډول ډول سپارښتنې شته چې ځینې په لاندې ډول دي:
- که څوک ټپي شوی وینه ترې بهېږي هڅه وکړئ پر ټپ یې نېغ زور وکړئ؛ د دې کار لپاره له پاکې پټۍ یا ټوټې کار واخلئ.
- هغه کسان چې سخت ټپي شوي مه یې خوځوئ مګر په دې شرط چې له ډېر خطر سره مخ وي.
- ټپي په کمپله کې پټ کړئ او ګرم یې وساتئ.
- که ستاسو کور یا ګاونډ اور اخیستی، نو سملاسي یې د مړولو هڅه وکړئ.
- په هره وسیله چې کېږئ وروستي خبرونه واورئ.
- پام کو ئ چې څه شی در باندې ونه غورځي.
- که د ګاز بوی مو تر سپږمو شو، د اورلګیت یا نورو اور اچوونکو وسیلو له روښانولو ډډه وکړئ.
که له ودانۍ بهر یاست:
- په سړک کې له درېدلو ډډه وکړئ او د مرستندویه ګاډو تېرېدلو ته لار پرانیځئ.
- ورانو ودانیو ته مه نږدې کېږئ.
- برېښنا تارونو ته لاس مه ور وړئ.