تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د برتانیا هر ښوونځي کې یو پولیس
- Author, ماري اوكنور
- دنده, بي بي سي نيوز
- د خپرېدو وخت
د برتانیا پارلمان غړو په ټولو ښوونځیو کې د ځانګړو پولیسو ګومارلو غوښتنه کړې چې د زدکوونکو ترمنځ د لوی تاوتریخوالي مخه ونیسي. دا چاره به له راتلونکې اپریل په ښوونځیو کې د ځوانانو له خوا د جرمونو د مخنیوي په پار عمل کېږي.
دا مهال د برتانیا په ځینو ښوونځیو کې د پولیسو ګومارل دوام لري، له ۳۳ پولیسو لسو یې د برتانیا پارلمان د کورنیو چارو جرګه ګۍ ته ویلي، د ښوونځیو د خوندیتتوب لپاره کافي پولیس نه شته.
خو دغه افسران به څه کوي او زدکوونکي او کارکوونکي به څنګه وساتي؟
نیک سټینر د شپږو ښوونځیو او دوو پوهنځیو د امنیت نیولو د ځانګړو شویو پولیسو مشر دی.
دی له ۱۰ کلونو راهیسې پولیسو کې کار کوي او د ښوونځیو د امنیت ساتل یې له تېرې سپتمبر میاشتې راهیسې پیل کړي.
د ښوونځي د امنیت خوندي کولو د مسؤول په توګه، یاد پولیس باید د زدکوونکو په ستونزو ځانونه خبر کړي، د دوی د انټرنېټ او د خواله رسنیو د خوندیتوب په اړه هم باید ځانونه ډاډمن کړي.
خو په چړو د جرمونو ترسره کول هغه مسله ده چې د زدکوونکو ترمنځ یې بحثونه پارولي دي.
سټینز وايي، په جدي توګه به له زدکوونکو سره اړیکي جوړ کړي، چې هغوی په ډاډه زړه خپلې ستونزې وویلی شي:
"ماشومان به معلومات راکوي، معمولاً دوی به له درسي ساعتونو مخکې یا وروسته دا کار کوي."