د عکسونو ګالري: اروپا کې د ګرمۍ څپه

اروپا کې د سږ کال دوبي کې د ګرمۍ داسې سخته څپه راغلې، چې د موسم وړاندوینه کونکي وايي، راتلونکو ورځو کې ښايي د تودوخې ټول پخواني ریکارډونه مات شي.

د افریقا له لوري له تودو بادونو وروسته اسپانیا او پرتګال کې د تودوخې درجه لوړه شوې ده. د اسپانیا هوا پېژندنې ادارې ویلي، ښايي راتلونکې یکشنبې پورې لږ تر لږه د تودوخې اوسنۍ څپه پر ځای پاتې شي.

د پاریس ایفل ټاور څلي ته څېرمه ځايي اوسېدونکي او سیلانیان په تاوده موسم کې د اوبو له شتونه خوند اخلي.

فرانسه کې ځايي اوسېدونکي د اوبو فوارو ته نژدې وخت تېروي.

د فرانسې سویل ختیځ کې له تودې هوا اوبو ته تېښته. ځايي اوسېدونکي میدیترانې سمندر ته ټوپونه وهي.

یو شمېر نور بیا له لمره پناه هټونو کې د سمندر ننداره کوي.

جرمني له وچکالۍ تېرېږي. له همدې کبله د رهین سیند یوه برخه له اوبو تشه وینو.

د جرمني سویل کې د دنیوب سیند وچې غاړې.

جرمني کې مېښې د اوبو له یوه کوچنې ډنډه وچې ځمکې ته د ختو په حال کې.

د پولنډ پلازمېنه وارسا کې ځايي اوسېدونکي او ساتلي حیوانان یې د ښار په لارو کوڅو کې د اوبو له لګېدلو فوارو خوند اخلي.

وارسا کې ښار ساتونکي پر خلکو اوبه وېښي.

د ایټالیا تاریخي اثارو لیدو ته راغلي سیلانیان د لمر تودوخې مخنیوي لپاره ځان ته باد پکي وهي.

ایټالیا چارواکو د هېواد مرکزي او شمالي برخو کې د ځايي اوسېدونکو او سیلانیانو لپاره له ګرمۍ د ځان ژغورنې لپاره خبرداری خپور کړی دی.

ځايي مسوولین د ایټالیا ښارونو کې پر خلکو اوبه وېښي.

د پلور مشینونو له لارې د اوبو تر لاسه کولو کچه هم لوړه شوې ده.

.