په برتانیا کې پولیسو د هغو ادعاوو په اړه خپلې پلټنې پراخې کړې چې وايي د بي بي سي تلوېزیون یوه پخواني وړاندې کوونکي جیمي ساویل پر ماشومانو جنسي تېري کړي دي.
ساویل تېرکال د ۸۴ کالو په عمر ومړ، خو د سکاټلنډ یارډ پولیسو څېړونکي وايي یو لړ داسې څېړنې یې پیل کړي چې په ترڅ کې یې د نورو ژوندیو کسانو په اړه هم پلټنې کېږي.
د ژوندي کوم کس نوم نه دی په ډاګه شوی.
پولیس وايي په بي سارې ډول یې پر شاخوا دوه سوو کسانو له احتمالاً شویو جنسي تېریو پرده پورته کړې ده.
