د پښتنو قامي جرګه؛ له "۷۶ زره" ډېر پښتانه په بمي چاودنو، هدفي وژنو او نورو کې وژل شوي
د پښتنو قامي جرګې لپاره د پښتون ژغورنې غورځنګ (پي ټي ایم) له خوا راټولو شويو معلوماتو له مخې، تر دې مهاله له "۶۷ زره ډېر پښتانه په بمي چاودنو او هدفي وژنو کې وژل شوي، ۵،۷ میلیونه خلک بې کوره شوي او ۶۷۰۰ کسان لادرکه دي."
منظور پښتين وويل د اسنادو له مخې تر ټولو ډېر "څه باندې نهه زره" وژل شوي کسان د خيبر له سیمې دي، چېرته چې دغه جرګه روانه ده.
هغه د جرګې په پرانېستونکي وینا کې وویل چې "پښتانه د لسیزو راهیسې د پراخ تبعیض، زورونو، جبري ورکیدو، شکنجه کولو، هدفي وژنو او محرومیت سره مخ دي."
منظور پښتین په داسې حال کې چې د پښتنو وضعیت یې د انځور په ژبه هم ګډونوالو ته ښکاره کاوه وویل " موږ د تعلیم، روغتیا، زیربناوو، سوداګرۍ او اقتصادي پراختیا څخه په لوی لاس محروم ساتل شوي یو."
د پاکستان حکومت په رسمي ډول لا تراوسه د پښتون ژغورنې غورځنګ له خوا د دغو راټولو شويو شمېرو په اړه څه نه دي ويلي.