د ملګرو ملتونو کډوالو اداره: د افغان مېرمنو "راتلونکې ناروښانه ده"

طالبان وايي، د افغانستان د اورګاډي پټلۍ اړوندې ادارې خپل ۱۳ کارمنان د اورګاډي پټلۍ چارو کې د تخنیکي زدکړو او روزنې لپاره ترکمنستان ته استولي.

دا کسان د تورغونډۍ له لارې ترکمنستان ته د لنډمهاله روزنې لپاره لېږل شوي.‌

د باختر خبري اژانس د خبر له مخې، دوی به ترکمنستان کې درې میاشتې په مسلکي ډول روزل کېږي او افغانستان ته تر سنېدو وروسته به له خپلو تجربو او روزنې د افغانستان د اورګاډي پټلۍ چارو کې ګټه واخلي.

د اورګاډي اداره وايي، دوی له نورو ګاونډیو هم په دې برخه کې د زدکړو د نورو فرصتونو پیدا کولو په لټه کې دي.

طالبان وايي اوسمهال د اورګاډي پټلۍ ټولې چارې پخپله افغانان مخته وړي.