"د افغانستان لرغونو توکو پېرو پلور قانون ګونګ دی"

د عکس تشریح، په هرات کی د لرغونو توکو او لاسي صنایعو پلورونکي وایي، د افغانستان د لرغونو او تاریخي توکو د ساتنې قانون ګونګ دی او دوی نه پوهېږي کوم څیزونه باید وپلورل شي او کوم نه.

د عکس تشریح، د هرات ښار په سوېل لوېدیځه څنډه کې لوی جامع جومات ته نژدې یو کتار پلورنځي له څو لسیزو راهیسې د انتیکو او لرغونو توکو او لاسي صنایعو په آثارو ډک دی.

د عکس تشریح، په دې پلورنځیو کې له خټو، ډبرو، ښیښو او له فلزاتو جوړ شوي رنګارنګ توکي لکه لوښي، مجسمې، سکې او داسې نور شیان لیدل کېږي. هېڅ یو هم معیاري پېژند پاڼه نه لري.

د عکس تشریح، د افغانستان د قوانینو له مخې، د لرغونو توکو پلور ممنوع دي

د عکس تشریح، د لرغونو توکو د ساتنې اوسنی قانون د طالبانو د واکمنۍ تر ختمېدو وروسته جوړ شو.

د عکس تشریح، په هرات کی د لرغونو توکو د ساتنې په قانون کې د ابهام خبره په داسې حال کې کېږي چې په افغانستان کې د لرغونو توکو قاچاق د دولت لپاره په یوه ننګونه بدل شوی.