"یوازې په ګډو اجتماعاتو کې د ښځو غږ ستر دی"، د امربالمعروف له مرستیال وزیر سره پر نوي قانون مرکه

په افغانستان کې د طالبانو امر بالمعروف وزارت بي بي سي ته روښانه کړې چې د ښځو غږ له کوره بهر ستر نه دی- خو وايي‌ هغو غونډو کې چې سړي او ښځې په کې ګډون ولري، د ښځو غږ "ستر" دی.

مرستیال وزیر مولوي محمد فقیر محمدي د امر بالمعروف د نوي قانون په اړه په ځانګړې مرکه کې وویل، که ښځې د ورځنیو چارو لپاره د ضرورت په موخه له کوره بهر وځي، غږ یې "عورت" نه بلل کېږي.

د امر بالمعروف د قانون له "توشیح" کېدو وروسته دا لومړی ځل دی، چې د طالبانو یو لوړی پوړی چارواکی د دغه قانون په اړه وضاحت ورکوي.

زموږ همکار حفيظ الله معروف د یوې مرکې په پیل کې ترې پوښتلي چې ولې د دغه وزارت په ګڼو قوانینو او اصولو کې پر ښځو محدویتونه لګول شوي؟