 افغانستان

پښتونخوا

نړۍ

ښځې

فوټبال نړیوال جام ۲۰۲۶

ساینس او ټکنالوژي

هنر او ادب

حقیقت موندنه

کور پاڼه

ژوندۍ ټلويزوني خپرونه

نړۍ دا وخت

ویډیو

وګورئ

ژوندۍ راډیويي خپرونه

رادیويي پروګرامونه

واورئ

Pashto

د اسرائيل پوځ وايي‌ د یکشنبې پر ورځ یې د لبنان پلازمېنه بېروت کې د حزب‌الله پر اړوندو تاسیساتو نور بریدونه کړي‌ دي.‌
تر اوسه په دغو بریدونو کې د اوښتې مرګژوبلې راپور نه دی ورکړل شوی.
د اسرائيل د لومړي‌ وزیر دفتر ویلي، دغه بریدونه حزب‌الله لخوا د اسرائيل پر شمال د بریدونو په ځواب کې شوي.‌
دا بریدونه داسې مهال تبادله کېږي چې د امریکا ولسمشر ډونلډ ټرمپ نن یکشنبه د جون ۱۴مه له ایران سره د سولې هوکړې د لاسلیکېدو د احتمال خبر ورکړی.
خو تهران ټینګار کوي چې‌ که د سولې هوکړه کېږي، نو اسرائيل به هم پر لبنان بریدونه دروي.‌


بېروت کې د حزب‌الله پر تاسیساتو د اسرائيل تازه بریدونه

د تېرې جمعې پر ورځ د کابل-جلال اباد پر لویه لار سیند ته یو غورځېدلی موټر نن یکشنبه را ایستل شوی دی.‌ بي‌‌‌بي‌سي ته معلومه شوې چې په دغه کورلا ډوله موټر کې درېیو سړیو، دوو ښځو او دوو ماشومانو سفر کاوه او دا چې په دې پېښه کې ټول مړه شوي دي.
کورنۍ یې وايي،‌‌ تر دې دمه یوازې د یوه ماشوم مړی له سینده را ایستل شوی او د نورو لټون روان دی. دا پېښه د سورۍ تېږې ساحه کې شوې ده.
د تېرې جمعې پر ورځ د کندوز-امام صاحب ولسوالۍ ترمنځ پر لویه لار هم په یوه ترافیکي پېښه کې ۵ کسان مړه او دوه نور ټپیان شوي وو.
تېره شپه بیا په غزني کې له لارۍ سره د یوه مساپر وړونکي موټر د ټکر پېښه کې دوه کسان مړه او ۲۹ نور ټپیان شوي.
په افغانستان کې هر کال سلګونو کسانو ته په ترافیکي پېښو کې مرګژوبله اوړي.
خراب سړکونه، د چلوونکو بې احتیاطي او د ترافیکي قوانینو نه مراعتېدل د دغو ترافیکي پښو لوی لاملونه بلل کېږي.


د کابل-جلال اباد پر لویه لار خونړۍ ترافیکي پېښه

افغانستان کې د یوه اپلیکېشن کاروونکي ادعا کوي چې له همدې لارې ور سره درغلي شوې او زرګونه ډالر ترې وړل شوي دي. دوی وايي، په دې اپلیکېشن کې یې د پانګونې او د ډیجیټل اسعارو د امتیاز ترلاسه کولو په تمه پیسې جمع کړې وې، خو اوس یې پیسې له لاسه وتلې او لاسرسی ورته نه لري. زیانمن شوي کسان د افغانستان له بېلابېلو سیمو او ان له هېواده بهر دي. دا لا څرګنده نه ده چې د دې کار تر شا کسان په کوم هېواد کې دي، خو د اټکل له مخې سلګونه زره ډالر غلا شوي دي.

د انلاین درغلۍ افغان قرباني: 'د کورنۍ د سرو غوږوالۍ مې وپلورلې'

بي بي سي ته مالومه شوې، هغه ۱۳ کلن ماشوم چې د ۲۰۲۶ کال د جنورۍ په میاشت کې د ایران او ترکیې پر پوله د سختې یخنۍ له امله ټپي شوی او لارویانو ژغورلی و، خپلې دواړې پښې له لاسه ورکړې دي.
عاصم، چې د ننګرهار اوسېدونکی دی، ادعا کوي چې د ترکیې سرحدي ځواکونو ترې بوټان او تودې جامې واخیستې او بیا یې له ګڼو نورو کسانو سره په یوه واورینه او سړه شپه کې بېرته د ایران پر لور وشاړه.
عاصم وایي، په ژوند کې یې ډېرې سختۍ ګاللې او هر څه یې زغملي، خو اوس چې یې دواړه پښې پرې شوې، وایي: "ارمان مې دی چې هر څه بېرته خپل پخواني حالت ته ګرځېدلي وای “.
موږ په دې اړه د ترکیې له چارواکو سره هم د خبرو هڅې کړې، خو د دې ویډیو تر خپرولو پوري مو له هغوی هېڅ ځواب ترلاسه نه کړ.


ترکیې پر پوله د یخ وهلې افغان ماشوم تراژیدي؛ "کاش چې هر څه د پخوا په شان وای"

مېرمنو ته کورنی ملاتړ څومره مهم دی؟

Latest

ویډیو, بېروت کې د حزب‌الله پر تاسیساتو د اسرائيل تازه بریدونه, موده 1,03

ویډیو, د کابل-جلال اباد پر لویه لار خونړۍ ترافیکي پېښه, موده 1,01

ویډیو, د انلاین درغلۍ افغان قرباني: 'د کورنۍ د سرو غوږوالۍ مې وپلورلې', موده 3,33

ویډیو, ترکیې پر پوله د یخ وهلې افغان ماشوم تراژیدي؛ "کاش چې هر څه د پخوا په شان وای", موده 2,01