اسلام آباد: دا پر عدالت ملنډې دي

د پاکستان چارسمبالي حکومت د هند سترې محکمې هغه حکم رد کړی، چې له مخې یې د ډيلي تر ولکې لاندې کشمير ځانګړي حالت لغوه کولو په اړه د نرېندر مودي حکومت پرېکړه قانوني بللې ده. اسلام آباد، چې د ټول کشمير داوه لري، ويلي دا پر عدالت ملنډې دي.

په خپله نرېندر مودي دا حکم، د يوه ښه راتلونکي لپاره ژمنه بللې، خو د کشمير سياسي ګوندونو ويلي ناهيلي شوي دي.

ډيلي کې د هندوپال بي جي پي ګوند حکومت ويلي، د مسلمانانو اکثريت دې سيمې ته د ځانګړې حالت لغوه کول، نور هند کې د کشمير ورګډولو لپاره اړين وو.

د هند سترې محکمې هغه جزئي کورواکي، چې د بريتانيا ښکېلاکي واکمنۍ پای کې کشمير ته ورکړل شوې وه، لنډمهالې بللې ده.

افتخار خان له اسلام آباده :