له حجاب پرته د سندرې ویلو له امله ۷۴ دُرې سزا ورکړل شوه

سندرغاړې پرستو احمدي په ۲۰۲۴ کال کې د یوې کنسرت پر مهال له حجاب پرته د اجرا له امله په ۷۴ دُرو محکومه شوې ده. په ایران کې ښځې د سندرې ویلو او هنري اجرا په برخه کې سخت محدودیتونه لري. پرستو د دغو محدودیتونو پر ضد د اعتراض په توګه یو "خیالي" کنسرت جوړ کړ او وروسته یې خپله اجرا آنلاین خپره کړه. د هغې ترڅنګ اته نور کسان، چې موسیقي غږوونکي هم پکې دي، هم په همدې سزا محکوم شوي دي.