کوټه کې د کار موندنې نندارتون

د کوټې يوه پوهنتون کې فارغو شوو زده کوونکو لپاره د کار موندنې يو نندارتون جوړ شوی و، چې يو شمېر زده کونکو په ګډون کړی و.

هر کال بلوچستان کې له پوهنتونونو سلګونه زده کوونکي فارغېږي خو ډېر یې د روزګار نشتوالي له امله بې کاره پاتې کېږي.

د دغه نندارتون تنظيموونکو ويل، دوی هيلمن دي، او که ځوانان يې په وينا هڅه وکړي نو ځانونو ته د کار موندنې لارې برابرولی شي.

يوې ګډونوالې زده کوونکې يې په اړه بي بي سي سره خبرې کړې دي.