تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
پکتیکا او خوست کې بیا زلزله شوې؛ لږ تر لږه ۳۱ کسان ټپيان او لسګونو کورونه نړېدلي
په افغانستان کې د طالبانو سرچینې وايي، د پکتیکا او خوست ولایتونو کې د تېرې ورځې د زلزلو شدیدو ټاکنو ۳۱ کسان ټپيان کړي. د طالبانو حکومت ځايي چارواکي وايي ګیان، برمل او سپېره ولسواليو کې د دې "شدیدې" زلزلې له امله ځینې کورونه ویجاړ شوي.
د پکتيکا ولايت د اطلاعاتو او فرهنګ رييس محمد امين حذيفه وويل دا زلزلې تېره ورځ مازیګر نږدې پنځه او د شپې يوولس بجو وشوې.
هغه وويل چې په ګيان کې ۱۳ او زيړوک کې ۱۸ کسان ټپیان شوي چې ښځې، ماشومان او لويان پکې شامل دي.
تر دې وړاندې د طالبانو په حکومت کې له طبعي پېښو سره د مبارزې وزارت مرستیال مولوي شرف الدین مسلم وايي، په ګينان ولسوالۍ کې لس او د خوست په سپېره ولسوالۍ کې څلور تنه ټپيان شوي دي.
د کابل د پولیسو ویاند خالد ځدراڼ ویلي، د زلزلې دا جټکه هم شدیده وه او ځینې کورونه یې پر ځمکه هوار کړي دي.
د پکتیکا د روغتیا مرستیال محمد یعقوب پتمل بي بي سي ته وویل، زلزله د مازدیګر په پنځو بجو شوې ده او ګیان ولسوالۍ کې زلزله ډېره شدیده وه، چې مرګ ژوبله یې هم اړولې ده.
یوه میاشت وړاندې هم د پکتیکا برمل او ګیان او خوست ولایت کې زلزلې درانه مالي او ځاني زیانونه واړول.