कोभिड नेपाल: थप २९ सयमा कोरोना भाइरस सङ्क्रमण, २८ जनाको मृत्यु

नेपालमा थप २,९७९ जनामा कोरोनाभाइरस सङ्क्रमण र २८ जनाको मृत्यु भएको स्वास्थ्य तथा जनसङ्ख्या मन्त्रालयले बुधवार बताएको छ। 

पछिल्लो २४ घण्टामा ११,८९८ जनाको परीक्षण गर्दा त्यति सङ्ख्यामा सङ्क्रमण पुष्टि भएको मन्त्रालयको तथ्याङ्क छ। तीमध्ये ५,०८२ परीक्षण एन्टिजन विधिबाट गरिएको हो।

कुल परीक्षणको २६.५ प्रतिशतमा सङ्क्रमण देखिएको मन्त्रालयका प्रवक्ता कृष्णप्रसाद पौडेलले बताए।

सो अवधिमा १,३३३ जना सङ्क्रमणमुक्त भएपछि निको भएका छन्।

यससँगै नेपालमा सङ्क्रमितको कुल सङ्ख्या झन्डै छ लाख ९१ हजार पुगेको छ भने मृतकको सङ्ख्या ९,२९१ पुगेको छ।

अहिले कुल २‍३,७५६ जनामा सक्रिय सङ्क्रमण रहेको र तीमध्ये २,७८८ जना संस्थागत आइसोलेशनमा रहेका छन्।

बुधवार पुष्टि भएका कुल सङ्क्रमितमध्ये ५४३ जना काठमाण्डू उपत्यकामा रहेका छन्।

अहिले देशभरिका नौ जिल्लामा ५०० भन्दा बढी सक्रिय सङ्क्रमित छन् भने थप २३ जिल्लामा २०० भन्दा बढी सक्रिय सङ्क्रमित रहेका छन्।

सङ्क्रमितको सङ्ख्या घटेको भए पनि पुष्टि हुनेमध्ये अन्यत्रको तुलनामा काठमाण्डू उपत्यकाका धेरै भएको तथ्याङ्कले देखाउँछ।

बुधवार पुष्टि भएकामध्ये काठमाण्डूमा ३९० जना छन् भने ललितपुर र भक्तपुरका क्रमशः ८६ र ६७ जना रहेका छन्।

मन्त्रालयका अनुसार सङ्क्रमितमध्ये अहिले ५७१ जना देशभरिका विभिन्न अस्पतालका आईसीयूमा र १६१ जना भेन्टिलेटरमा छन्।

कोभिड भएर अस्पताल जानुपर्ने भए के गर्ने?

कोभिड-१९ भएका बिरामीले अस्पताल जानुपर्ने भए वा शय्या आवश्यक परे यी नम्बरमा सम्पर्क गर्न स्वास्थ्य मन्त्रालयले सुझाव दिएको छ -

एम्बुलेन्स सेवाको लागि -

यी नम्बरहरू चौबीसै घण्टा खुल्ला रहने बताइएको छ।